الثلاثاء، 10 يونيو 2008

البحث عن معنى


انسان بلا معنى


كل يوم يبحث عن معنى


معنى وجودى فى عالم اللامعنى


ابحث فى معجم المعانى عن نفسى ما الاقى معنى


معنى ايه حياتى من غير معنى


نفسي الاقى معنى لانسان


عايش بلا معنى


عايش بس يعانى من المعنى


ولسه بيبحث عن المعنى


معنى ايه حياتك بدون ناس


اكيد مالهاش معنى

امضاء انسان بلا معنى

هناك 90 تعليقًا:

كاميليا بهاء الدين يقول...

هاروح اقرا تانى

يمكن الاقى لنفسى معنى


تحياتى وحبى

كاميليا بهاء الدين يقول...

الانسان محتاج هدف

محتاج حب

محتاج ياخد زى ما دايما بيدى

محتاج آمل فى بكرة

محتاج حد جنبه

هنا .. يكون الانسان له معنى


بوست جميل اوى
اوى اوى

دمت أجمل معنى


تحياتى وحبى

جيهان علي يقول...

السلام عليكم ورحمة الله وبركاته


الإنسان خُلق لمعنى
خلق لحكمة
إن بعد عنها غابت عنه الحكمة
وأختفى المعنى من حياته

خلق الله البشر
لعبادته
وعمارة أرضه
وسخر له كل من على الأرض كي يعينه على التعمير


فإن بعدنا بعد عنا
وغابت المعاني


تحياتي

rtrcbh يقول...

السلام عليكم ورحمه الله وبركاته

رائعه اختنا
وجمل بيت هو

معنى ايه حياتى من غير معنى

ربنا يعزك يارب ويكرمك ياليت شعرك يفهمه كل من يقراءة ويعمل بما يستفاد منه

rtrcbh يقول...

لغتى هويتى.. الى كل عربى يتحدث بحرف الضاد، الى كل مسلم غيور على لغته وهويته الاسلامية ،الى كل من يريد العز والفخر لأمته وهويته الى من يبتغون النصرة ان شاء الله، الى من يسعون الى الصلاح والاصلاح ...ندعوكم جميعا اخوانى وأخواتى الافاضل الى المشاركة معنا فى هذه الحملة والتى شعارها (لغتى هويتى )وندعوا فيها الى أحياء اللغة العربية فى كل كتابتنا بجميع المدونات والمواقع والمنتديات وموقع الفيس بوك هذا الاسبوع بأسلوب سهل بسيط لا ندعوا الى أستخدام غريب الالفاظ أوالالفاظ الفخمه ولكن ندعواللبعد عن الالفاظ البذيئة والعامية المتدنيه ، لنثبت لانفسنا اننا أمة مسلمة عربية ، نثبت لانفسنا اننا نحب لغتنا ونعتز بها اكثر من اى لغة اخرى، هذا هو هدفنا.... يدك بيدنا ننشر الامر بكل المواقع والمنتديات والمدونات والايميلات- لله عز وجل فقط نفعلها ، لحفظ ماء وجوهنا أما أنفسنا نفعلها ، ليذكر فى التاريخ اننا ما زلنا عرب نفعلها ،لتأتى يوم القيامة امام الله وتقول يارب عملت على نشر لغة كتابك وإحياءها لا اندثارها ...هذه الحملة هى حملتك انت ليست ملك لاحد انت المسؤل عنها امام الله فأنظر ماذا ستفعل!!!!!!!!!! لمزيد من التفاصيل بمدونة (ادم ويحيى) www.sunlightatnight.blogspot.com التصميمات الخاصة بالحملة موجوده بالمدونة فلنرى الله من انفسنا خيرا ونتوكل على الله ونبدأ الان بسم الله ــــــــــــــــــــ

rovy يقول...

طول ما الانسان عايش بيفضل يبحث عن معنى لحياته ولوجوده وعمره ما بيحس بالراحه غير لما يقرب من ربنا سبحانه وتعالى ويعرف ان حكمة ربنا فى وجوده علشان يعمر الارض ويعبد الرحمن ويملاء الارض سلام و يفهم انه فى اختبار والوقت بيعدى وانه لازم ينجح فى الاختبار لو عاوز يفوز بالجنه والحياه الابديه السعيده .
ربنا يكرمك ويجعلك سعيده فى الدنيا والاخره ان شاء الله .

تحياتى

rovy

Mafrousa يقول...

بصى بقى انا مع كاميليا فى اللى قالته اصل الصراحه الكلام اللى قالته له معنى
واللى انا كنت حقوله ماكانش له اي معنى
نحياتى

بس الصراحه البوست ده له معنى

هوندا يقول...

أتحسب أنك جرم صغير .... وفيك انطوى العالم الأكبر

MeDoOoOoOo يقول...

أولا الكلمات جميلة قوي يمكن ساعات الحياه بدون بلا معني بس صدقيني في ناس يمكن الحياه من غير بني آدمين بالنسبة لهم رحمه ، دي أول زياره بس أكيد مش هتبقي آخر زياره
تحياتي

Noha El-arabi يقول...

معني و معني و معني
اكيد فيه معني
لانسان بيدور علي معني
جميييييييييييل

على الزيبق يقول...

الدعوة لحظر الحزب الوطنى

لماذا لا نقوم بعمل حملة قومية من أجل حظر وحل ما يسمى بالحزب الوطنى
ولماذا لا نقوم برفع دعوى قضائية امام المحاكم المختصة
نتهم فيها الحزب الوطنى بأنه حزب يهدد الدستور ويعطل الدستور
وبأنه حزب يزور ارادة الشعب ويستغل ما لديه من سلطات ونفوذ من أجل البقاء فى الحكم لأجل غير مسمى


قد يقول قائل من الصعب أو من المستحيل أن يحدث هذا الأمر ومن المستحيل أن ننجح فى حظر الحزب الوطنى
وانا غرضى ليس حظر الحزب كأجراء قانونى .. وإن كان هذا ممكن .. ولكن غرضى هو مهاجمة هذا الحزب الفاسد الفاشى الفاشل المزور
مهاجمته قضائياً وشعبياً وإعلامياً
فلنتخيل سوياً هذا الخبر على صدر صفحات الجرائد وفى مقدمة النشرات الأخبارية
قوى حزبية وشعبية واعضاء معارضين بمجلس الشعب المصرى
يطالبون بحظر الحزب الوطنى الحاكم ومحاكمة اعضائه

جنّي يقول...

بيقولوا الدنيا من غير ناس ما تنداس

بس هو ايه المعنى من غير معنى لما الاقي ناس عايشة من غير معنى وبيدوروا على ناس عايشة بالمعنى ..

أتاري المعنى في بطن الشاعر

كلام لم أعي منه غير المعنى النهائي أن الحياة من غير ناس مالهاش معنى ..
لكن الناس أحيانا تضيع مني معنى الحياة ..

تحيتي

said

المستنصر بالله يقول...

اسلوبك جميل والمعنى فى حياة الانسان دايما بتكون فى اهدافه واحلامه اللى بيحاول يحققها ومبادئة اللى بيرتكز عليها فى حياته واسلوبهاللى مستنبطه من دينه اللى بيحدد ملامح شخصيته ماشاء الله مدونتك جميله بالتوفيق ان شاء الله

مواطن مصرى نايم يقول...

اى شخص عاوز يلاقى معنى لحياته حيلاقى.
اى حد عاوز يلاقى الحياة نفسها يدور على معناها.


سلامى ليكى

فليعد للدين مجده يقول...

أعجبني جدا(نفسي ألاقى معنى لانسان..عايش بلا معنى)

هذا الانسان ليس له معني ولا حتي مبني

تأملات رقيقة
شكرا لك

Herr Esharif يقول...

مدونه رائعه وروعتها تزداد بكتاباتك
عندما يكون لنا هدف فى الحياه عندما نعيش لاجل شخص ما او لتحقيق شىء ما عندها يكون لوجودنا معنى ...
عندما نفتقد للحافز عندها يصبح لحياتنا لا معنى ... سلمت الانامل التى سطرت هذه السطور

غير معرف يقول...

المعنى الوحيد

والافضل

اننا نقرب من ربنا


تحياتى

محمد عبد الغفار يقول...

تؤ تؤ تؤ

لا يعرف المعنى ويبحث عنه فقط من لا عقيدة له

مـحـمـد مـفـيـد يقول...

الانسان بلا معني
كالميت

عاشــــــ النقاب ـقــــة"نونو" يقول...

جميل تسلم يديكي
بس الانسان لازم يبقى له معنى وعايش لمعنى
في تدوينتي الاخيرة ما ارمي اليه
تحياتي

Empress appy يقول...

فيه اهداف كتير فى حياتنا بس محتاجين نرتبها علشان نقدر نوصل ليها
تسلمى على الكلام الحلو ده قوى

Lobna Ahmed Nour يقول...

المعنى كل المعنى فيما نعتقده بلا معنى

وحديثا قالت يونيك

the meaningless the meaningful

تحياتي

مدحت محمد يقول...

امضاء
انسان بلا معنى

ليه بس

حددى هدفك صدقينى ساعتها هتلاقى نفسك
واستعينى بربنا فى الاول وفى الاخر

عًٍمًرٌٍوٍ آلنْوٍبٌَِى يقول...

انسان بلا هدف
ليس لحياته معنى
انسان بلا حب
ليس لحياته معنى
انسان بلا صديق
ليس لحياته معنى

حياة الانسان عبارة عن اشياء كلها بتكمل بعض
حاولى تدورى جواكى على هدف
فكرى ربنا خلقك فى الدنيا لية
واكيد هتلاقى معانى كتير لحياتنا
لأن برنا عمره ما بيخلق حاجه بدون معنى
بوست جميل ومدونة عموما رائعة
تحياتى لكى
ودمتى بكل ود

semsema يقول...

حياتنا نفسها لغز كبير
الشاطر اللى يقدر يعيش حتى لو مقدرش يعرف اللغز

اول زيارة ليه
وهتتكرر انشاء الله
تحياتى

just me يقول...

معنى وجودى فى عالم اللامعنى
------------------
بجد بجد كتير جدا بحس انى من غير معنى
وان كل شىء فعلا من غير معنى
بس انتى قلتى ان وجودك من غير ناس بلا معنى
بس انا كتييييييييييييير جدا بحس ان وجودى بناس هو اللى من غير معنى

الربان يقول...

تحياتي

برافو عليك...اوجزتي و انجزتي..بارك الله فيك....حياتنا بلا معني ان عشناها فقط لانفسنا...

حياتنا مملؤة بالمعاني الجميلة لانها مملؤة بالناس...بخيرهم و شرهم...لاننا
مأجورون علي الخير و علي تحمل شرور الغير.

كلماتك دعوة لحب الناس...لحب الغير
حتي يكون لحياتنا معني.

تحياتي و تقديري

كوارث يقول...

معادش فيه معنى لاى حاجه
المعنى الوحيد المتاح
هو معنى المعنى ذاته !

شهرزاد يقول...

أظن انها كلمات إنسان يأس من الحياة
ويريد ان يرى معنى لوجوده لكي يبقى
ويستمر ..

ولكن المعاني التي تدفعنا للبقاء
والاستمرار معان كثيرة وأكثر من تلك
التي تدفعنا لليأس والقنوط

الحب والأحلام والقرب من الله وحب الناس
وناس مهمين بحياتنا واحنا مهمين بحياتهم
و الخ من المعاني التي تساعدنا على
الاستمرار والعطاء..
وما يكونش سبب واحد يجعلنا نشعر أن الحياة بلا معنى..

تفاءلي يا عزيزتي
فلحياتك هدف كبير ومعنى

تحياتي يا قمر
بوست جميل..
وامنياتي لك بالسعادة

غير معرف يقول...

نفسي الاقى معنى لانسان

عايش بلا معنى


اكيد فى ناس كتير عايشة لمعنى لكن ربما

متكونيش صادفتى حد منهم لكن هم على

ايه حال موجودون

جميل ما كتبتى

تحياتى

Dr. Ibrahim يقول...

نكون بلا معنى عندما نبحث عن المعنى

وهناك المعنى موجود ولا يراد البحث عنه

ولكنه يبحث عن الناس التى ليس لها معنى


د/هيما

PrInCeSS BeRy يقول...

كلامك حقيقى بجد يا ريسة فعلا والله احنا محتاجين نلاقى لنفسنا معنى خصوصا ان كل حاجة مبقالهاش معنى بداية من النفس اللى بنتنفسة الى اخر نفس بجد احسنتى


اشكرك

شهرزاد يقول...

صدقيني مافيش شئ في الحياة بدون سبب او معنى
المعنى نجهله نحن
لكن حكمة الله واسعة
كلنا جزء من نظام كبير وحتى لو لم نشارك فيه بنفس القدر الذي يشارك بها الآخرون
عجبتني آخر جملة

معنى ايه حياتك بدون ناس
اكيد مالهاش معنى

فكرتني بالمثل الدنيا من غير الناس ماتنداس
سلمت يداكِ

إبن مصر يقول...

المعنى الوحيد انه يدور على ناس علشان يكون له معنى
ومش اى ناس لأ
ناس يكون لها معنى
ويحبهم ويحبوه وهو ده(( اهم معنى ))

kaito kid يقول...

بجد الكلام صعب انه يتوصف بجد كلام رائع وجميل وادعوكى لزيارة مدونتى هى مش فيها حاجات كتير بس فيها قصه من تاليفى ارجو انى اشوف تعليقات الناس عليها علشان استمر ولا لا وشكرا تانى على المعانى الجميله

كيكى عوووووو يقول...

لا بجد انتى دايما مبدعة

غير معرف يقول...

إذا عرفنا لماذا خلقنا الله حقا عرفنا الهدف من حياتنا وأصبحت لدينا الأحلام والآمال الكبيرة التى تستحق العناد والكفاح لأجلها . قد ننجح عندما نضع لأنفسنا أهدافا عامة وتحتها أهدافا أخرى أبسط ننتقل من هدف لآخر حتى نصل للهدف الأسمى وبالطبع لا ننسى أن الإنسان خلق فى كبد ، ولكن ما استحق أن يولد من عاش لنفسه بالفعل ، فأرى أننا فقدنا أهدافنا وأحلامنا لأنها مجرد أحلام ذاتية ولكن إذا حاولنا أن نحلم للغير وأن نعتبر أنفسنا أدوات مجندة للبذل والتضحية سوف نتذوق عندئذ حلاوة الأيام وربما .. ربما يتحقق الحلم الكبير ..

momken يقول...

ياستى المعانى كتير
بس احنا بس نرتبهم

يعنى معنى كل حاجه فى وقتها
احنا نفتقد النظام والترتيب جدا

اتمنى جميعا يلاقيها معانيه فى اوقتها

تحياتى

بحبك يامصر يقول...

اهم شئ فى حياة الشخص عشان تبقى حياته لها معنى وجود الصداقه فى حياته والصداقه الحقيقيه اللى من غير مصالح
تحياتى

همس الاحباب يقول...

نفسي الاقى معنى لانسان

عايش بلا معنى
وانا كمان عايز اعرف

معنى ايه حياتك بدون ناس

اكيد مالهاش معنى
ده شىء اكيد الجنة من غير ناس ما تنداس
تحياتى وتقديرى

Desert cat يقول...

طول ما الانسان قدامه هدف وعنده حلم بيسعى دائما لتحقيقه اكيد حياته لازم يكون ليها معنى
مودتى

mohamed يقول...

معنى وجودك ؟ اليس هذاما تبحثين عنة
هناكطريقين متوازيين 1- الوجود المادى
2- الوجود المعنوى.
الوجود المادى يمثلة الانجاز فى العمل والدراسة أو حتى التجارة.
الوجود المعنوى يمثلة تكوين شخصية صاحبة مبدأ ورسالة
كلا الوجودين أن تمثلا فى الانجاز حققتى النجاح المنقطع النظير
وأن كنت أؤمن أن الوجود المعنوى أهم
لأنة فقط متعلق بأرادتك المنفردة, اما المادى فقد تساعدك ظروفك أو لاتساعدك

سيادة رئيسة حزب الاحلام
دعينا نحلم بالنجاح
تحياتى

أية الشقية الشعنونة يقول...

فقدان الهوية بقت اكبر مشكلة بتواجهنا ومعظم الشباب اللى قدنا
ربنا يسترها على رأيك
تحياتى

حـــــدوتـــــة يقول...

السلام عليكم
قال تعالى فى كتابه الكريم

وما خلقت الانس والجن إلا ليعبدون

هو ده الهدف من وجودنا على الارض
يعنى احنا عايشين عشان نعبد الله
وبنشتغل عباده لله ولاعلاء رايه الاسلام
فكرى كويس وتأملى فى ما حولك

سلالالالالالالالالالالالالالالالالالام

تــــ(حـنة)ــــر يقول...

صح
مش المثل بيقول الجنة من غير ناس ما تنداس
بس المشكلة بقى ان الناس بتنسى مواصفات اللى بيدخلوا الجنة
تحياتى
ارجواالتواصل على هذه المدونة ايضا
لو كانت ح تعجبك
http://4islamic.blogspot.com/
سلام

walaa يقول...

اكيد الانسان من غير الناس بيكون من غير معنى بس لما بيلاقى الانسان ده هو اللى بيضفلوا المعنى
علشان كده لازم يلاقى الانسان المعنى اللى هو عاوزه مش اللى غيرع عاوزه
تحياتى ولاء

ادم المصرى يقول...

السلام عليكم
افتكر كامليا وجيهان على قالو الى كنت هقولو بظبط مع احترامى لى البقيه طبعا البوست رائع جدا جدا دى اول زياره ومش الاخيره ان شاء الله اتمنا زيارتك مدونتى

حاسوباتيه يقول...

اه ده شبه طبق طبقنا ضرب طبق طبقكم هههههه قوليها 10 مرات
انا بهزر ماتزعليش يا ريسه بقى انا خلصت امتحانات ورايقه اصلي
بصي البوست جميل وفيه معاني كتير عارفه انا حساه قوي لاني فعلا نفسي الاقي معنى ليا نفسي اعرف انا مين وعايزه ايه واهدافي ايه ياه حاجات كتير محتاجه معاني في حياتنا يارب نلاقيها

Unknown يقول...

الانسان زى احتياجه للمعنى محتاج برضة يلاقى ذاته عشان يقدر بعد كده يلاقى للحياة معنى

شفـقــة و إحســــان يقول...

انتى كمان عدم زيارتك ليا ملهاش معنى
اوعى تكونى بخيلة ؟
لا بجد انتى رئيسة فعلا كلماتك دايما بسيطة وسهلة وسلسلة بس بتوصل المعنى

انا يقول...

هوا الكلام دا ليه معني؟

شهد الكلمات يقول...

حلوة الكلمات جدا بجد و احساسها عالي
اهنيكي علي اختيارك للمعني و الكلمات

تحياتي يا قمر

funckydoctor يقول...

فعلا مايبقاش ليها معنى
بوست جامد اخر حاجة
بس أكيد القاموس المحيط فيه المعنى

فراشة البساتين يقول...

ارى ان كل المشكله هنا
هو فقدان المعنى
فالمعنى ضائع من المعنى
وهى مشكلة عويصة حقا
قد اكون فى وظيفة مرموقة
واعيش حياة رغدة
واؤدى كل ما هو مفروض عليا من عبادات
وايضا ابحث عن معنى
فالمعنى ليس مرتبط بالاهداف او الغايات
وانما هو شىء حائر داخل الذات
قد نجده احيانا
واحيانا نبحث عنه حتى الممات
.......................
كل واحد وحظه
وهذا هو المعنى
تقبلى مرورى
ولك ارق تحياتى

kochia يقول...

انا حاسة من كام موضوع كدة انك صحيتي من النوم
انا رايي تروحي تنامي تاني الكلام بيكون اجمل

تحياتي

عـــفـــراء يقول...

السلام عليكم
كيفيك ياريسة يارب دايما تكونى بخير
كلماتك جميلة وليها الف معنى ومعنى
تعرفى 10يوينو اللى كتبتى فية دة يوم ميلادى اللى لحد دلوقتى مش شايفة لية اي معنى
الوجود هو المعنى الحقيقى للحياة
بس للاسف احنا معدومين الوجود
تحياتى وتقديرى لكى

دعاء مواجهات يقول...

مالك ياسحوور

فية اية؟؟

كفاية اوى انك بتكتبى

وتعبرى عنك وعن كتيير غيرك

دا لوحدة عمل لية معنى

بلاااش اكتئاب وحيااتك

سلاام

البوست نزل

دعاء مواجهات يقول...

سورى ياسلوى

لخبطتينى انتى واختك

اعمل اية يعنى

.:.-=- ELGaZaLy-=-.:. يقول...

عايش بس يعانى من المعنى
ولسه بيبحث عن المعنى
معنى ايه حياتك بدون ناس
اكيد مالهاش معنى
-------------------
جميلة اوى بجد يا اخيتى عارفة ...

كتير منا ملهوش معانى وكتير مننا بيعيش وبيموت من غير معنى...
عجبتنى اوى

maiosha يقول...

أنا مش عارفة الرد اللى هرده ده ياترى هيكون ليه معنى ولا مش هيكون ليه معنى
بس اللى أنا متأكده إن ليه معنى
إن البوست ده دخل جوايا ألف معنى ومعنى

وأتمنى إن ردى ده يبقى فيه اى معنى

موناليزا يقول...

خليه يفتح القاموس واكيد هيلاقى معنى بدل التساؤل الكتير لازم يعمل حاجة ايجابية
دمتى بخير حبيبتى الجميلة

(احمد سكر ) يقول...

مال كلامك المره دى كدا

شكله مايكمنشى

مممممممممممممم

الانسان محتاج هدف

محتاج حب

محتاج ياخد زى ما دايما بيدى

محتاج آمل فى بكرة

محتاج حد جنبه

هنا .. يكون الانسان له معنى

دا كلام كامليا

هه

ااقريه تانى

تحياتى
احمد سكر

رئـــــيسـة حزب الأحلام يقول...

أعتذر لعدم الرد علي التعليقات لظروف قاهرة
خارج
نطاق يدي
ظروف في الدي إس إل الخاص بنا
ولما النت يتصلح هاأرد علي التعليقات وهااعمل بوستات جديدة وأزوركم في مدوناتكم إن شاء الله
أدعولي

الباحث عن الحقيقة يقول...

معنى معنى معنى
طب تعرفي تقولى خيط حرير على حيط خليل خمس مرات وراء بعض من غير ما تتلخبطي

.........

القصيدة دي لا يمكن تنكتب إلا في حالة مع النفس تستحق الاحترام
مش لانها واضحة
لانها غير واضحة
ولازم نحترم العقل البشري لما يقف ويعجز عن اكتشاف المعنى في اي معنى
وانه يحس انه بيدو لسه على معنى لشئ كان فاكر انه له معنى عنده
لكن يطلع ان فيه معنى غير المعنى
والمعنى ده محتاج معنى علشان نعرف معناه

فاهمه حاجه
طيب
السلام عليكم

صحفية روشة يقول...

لو قعدنا نفكر فى الموضوع ده كتير هنتعب
عيشيها وحبيها وبس
__________________________________
ميفوتكش البوست الجديد (عدنا من الامتحانات)
__________________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

Unknown يقول...

أتشرف بزيارتك لمدونتي ولو أنني أطلب هذا الطلب على استحياء لأن هذه المرة الأولى التي أزور المدونة الخاصة بك ولكن أعدك أن تكون من المدونات المفضلة لدي والتي أضعها على صفحة مدونتي في خارطة المدونات التي أزورها
تحيتي وأنتظر الزيارة
مدونتي هناhttp://kanyatklam.blogspot.com/

HANY YASSIN يقول...

السلام عليكم
كلماتك معبرة جداً عن الضياع والعبثية التى فى حياتنا التى نحياها كما تقولين بلا معنى
نص رائع يحمل فكرة اروع
خالص تحياتى لك
فى اتنظار المزيد
هانى يس

بنت الصالحين يقول...

لازم يبقي لحياتك معن
احنا لم نخلق عبثا


اسال له العظيم ان ينر بصيرتك

واحد من البلد دى يقول...

السلام عليكم

حاجات تشوفيها بعنيكى
وتييجى تمسها إيديكى
تلاقى سراب
و ناس أغراب
بإسمك يندهوا ليكى
مكان دايما بيجمعنا
وقلب نقول و يسمعنا
وحضن يضمنا
نرتاح
فيه أجمل من كده معنى؟؟


دمتى بخير

ابو صهيب ( الجمعاوي الاصيل)سابقاً يقول...

السلام عليكم

انسان بلا معنى

انسان بلا حياه

اسامة يس يقول...

ذكرتني هذا البحث عن المعنى في كينونة كل واحد منا بشطر كنت كتبه داخل خاطره اقول فيه...


هل ثمة معنى في المعنى
ام ان هناك معاني
لم تعرف بعد...

نعم نحتاج الى تحديد المعاني داخلنا ،،، وعلى خريطة الواقع... والمعنى الاعم هو سريان الروح والانسانيه بين بني البشر...

جميل بحثكم عن المعنى...

دمتم بكل ود...
خالص تحياتي

اوعى تفكر يقول...

كلامك جميل واحساسك اجمل
لما تلاقى معنى تبقى تيجى تثولنا

سلوى يقول...

إنسان بلا قلب
بلا عقل
بلا هدف
بلا دور
ليس له معنى

والأكثر من ذلك لو كان بلا روح

وقتها ضاع أي معنى

فزلوكة يقول...

إيييييييييييييييه المعنى ؟؟؟

بجد والله ومن غير مجاملات
تحفة
عجبتنى
حياتنا بلا ناسها
ليس لها معنى أبدا

شكرااااااااااااااايا جميل على الإبداعات دى

شـمو نشـادر يقول...

جميله اوى ..

والنبى انتى بتقلبى المواجع ليه بس يا ريسه ..

ااااه يانى ..

تحياتى ..

أسامة أمين

Esraa Hamed يقول...

أكيد فعلا حياة بلا ناس بلا معني

جميلة اويييييييي كلماتك

دمتي بتألق

Esraa Hamed يقول...

نسيت اقولك انه اهم من وجود ناس و خلاص لازم يكونوا كمان شبهننا اوي
عشان لو مش كده بردو مش هنحس بالمعني

تسلمي يا قمرة

WhItE HeArT يقول...

احم

شكلي مفتهمتش

الغاز دي ؟؟

ايه بتقولي ايه الحل البوست الجاي

طيب انا هستنى الحل لإني ملقتش المعنى


تحياتي

Dr. Eyad Harfoush يقول...

عزيزتي الرئيسة
كل إنسان يبحث عن هذا المعنى بشكل أو بآخر، البعض يبحث عنه في المال، البعض يبحث في المنصب و النفوذ، الأفضل و الأذكى منهما من يبحث في الحب، البعض يبحث من خلال القيام بوظيفة ظل الله في أرضه، و هؤلاء هم شرار خلق الله، المعنى دائما نجده بين الناس كما قلت، لأن هذا هو هدفنا جميعا، ان نتعاون لتكون الحياة بهذا الكوكب أجمل و أفضل و أكثر تقدما
تحياتي و تقديري

كاميليا بهاء الدين يقول...

وحشتينى

مش شوفتك من كتير فى ولا مدونة

استغربت

جيت اشوفك فى صفحة التعليقات

الاول اتخضيت عشان مش شوفت ردودك وده مش عادتك

قلقت ..

بس الحمد لله لمحت رد واحد ليكى بيقول ان ال دى اس ال عطلان

ارتحت .. اطمنت انك بخير

يارب دايما بخير

في انتظار احلامك الجميلة


كل الحب
من قلبى

Miss. Sosa يقول...

السلام عليكم

فينك يا ريسة مختفية ليه
بقالي فترة ما شوفتش تأملاتك الابداعية
ولا احلامك اللاوذعية

ربنا يصلح الدي اس ال وترجعلنا بالسلامة فى اقرب وقت

تقبلي تحياتي

أبو خالد يقول...

معنى ايه حياتك بدون ناس

اكيد مالهاش معنى
*******
أجمل ما فى هذة الخاطرة
أن حياتنا بدون ناس
ليس لها معنى
نعم حياتنا بدون ناس
موت و عدم
دمتى مبدعة تحمل معنى

أم أحمد المصرية يقول...

صديقتي رئيسة الحزب
كيف حالك و حال حزبك الجميل
اما هذه الكلمات المعبرة عن حال الانسان بلا معني فهي حقا تظهر ضياع من لا هدف له فم وجد الهدف وجد المعني
تحياتي لك

sebofy7alo يقول...

أول تعليق
طيب على كدة أنا أعمل أية بقى وأنا عايش لوحدي خالص يعني مفيش ناس معايا واللة دة أحلى معنى للروقان , ولا فية مشاحنات ولا خناقات ولا وجع دماغ.
مش كدة برضة دة معنى تاني؟

تحياتي
www.sebofy7alo.blogspot.com

حنين.. يقول...

الحياه بدون معنى مش حياه والحياه بدون ناس بردوا مش حياه مهمها كانت الناس معندهاش احساس..... وخلى باللك اننا ساعات كتير بنحس اننا ملناش معنى..... بس بيلف ويدور ويرجع لينا المعنى تانى...... ووجودنا فى الحياه دا اكبر معنى فى كل المعانى لاننا اتخلقنا عشان نعمر الارض ونحقق معانى.... وتحياتى ليكى على كلامك. واسلوبك خلانى..... ادور فى كل المعانى...... عشان اكتببلك .تحياتى

ليكوريكا يقول...

معقوله رئيسة حزب الأحلام بتدور عن معني ؟

احلمي ...

وارسمي في حلمك اي معني لحياتنا اللي من غير معني

تحياتي ليكي

موضوع جميل بجد ...

بسمه عبدالباسط يقول...

معنى ايه حياتك بدون ناس
اكيد مالهاش معنى

فعلا الحياه من غير ناس مالهاش معنى

تحياتى

دعاء مواجهات يقول...

حبيبة قلبى انتى فييين؟؟


وحشنااانى........

ياارب يكون خيير.....

اكيد هو النت انا عارفاااة....

ربنا يهديهولك ياقمر...

LOST يقول...

قولتيها : عالم بلا معنى فكيف ستجدين به المعنى


تسألين عن الحياة بلا ناس...بلا معنى في وجوه البشر...
وانا اقول لكي انها كالجمود...كالتسمر في مكانك مع احتياج جسدك للطيران...كا احتباس انفاسك خشية ان تخالط الدخان...كهدوء ينعدم فيه صوت السكون.

غير معرف يقول...

السلام عليكم
اسمحي لي
سوف اعلق عليكي اكثر مما تكتبينه
اشعر انك وحيدة في عالم متكدس من حولك
فكثيراً من البشر يعيشون غرباء وسط الاحباء . فهل انت منهم ام عن العالم ال بلا معني فلماذا تصنعيه لنفسك
انك قادرة علي صنع الكثير فأذا اردتي ان يكون لعلمك معني فأنتِ معني لعالمك الخاص
اتمني لك من كل قلبي السعادة وكل ما انت تتمنيه لنفسك
تحياتي
نور