السبت، 31 مايو 2008

تخاريف


الحياة فار وقط


قط بيجرى وفار ينط


أصل الحياة فار وقط


يوم تبقى فيها فار


ويوم تبقى فيها قط


واليومين محكوم عليك بالغلب


قط بيجرى فيها ورا الفار


عشان ياكله ويقوم ينط


أصل الحياة فار وقط


يوم تبقى فيها غالب


ويوم فيها مغلوب يافار


واوعى تكون فيها فار غلبان


بيخاف من خياله ياإنسان


واوعى تكون فيها قط بياكل وبعدين ينط


وسيبك ياعم وخلى بالك ان كنت فار او ان كنت قط

الجمعة، 30 مايو 2008

رسالة شكر للاستاذ صلاح حجازى


http://netonradio.blogspot.com/ دة لينك المدونة التابعة


للبرنامج


http://dear.to/cairo دة موقع برنامج انت تسأل والكمبيوتر يجيب


حد بيسأل اية الداخلة دى هرد عليك على طول مش تباركولى ياحبايبى يااهلى

يااخوانى


عملت امبارح حديث تدوينى مع الاستاذ صلاح حجازى على الياهوووووووووووو


ودار الحوار .......................


انا ...لبرنامج حضرتك أهميه كبيرة بالنسبة للمدونين لانه يمثل تورمومتر للاعمال

المتميزة


رد على بمنتهى التواضع .. انة يستمتع بقراءة المدونات لانها تعبر عن طريقه تفكير

شبابنا


وبها أفكار جديدة وشعرت انه متابع أكثر من رائع للمدونات فهو يشارك افراحهم


واحزانهم على السواء وهذا ما لاحظته فى حلقة هديل المدونة السعودية وحلقة

الاحتفال معنا بصدور كتاب مدونات للجيب


انا .. على أى اساس تقوم حضرتك بإختيار الموضوعات من المدونات ؟


أجاب .. أقوم بإختيار الموضوعات الطريفة الجديدةو التى تتميز بخفة الدم .


سألته .. بقالك كتير مابتعديش عندى ؟؟


رد.. انا متابع جيد جدا لكل المدونات دون أن يشعر احد ولكن هناك الملايين من


المدونات لكن ممكن اللى عايز يراسلنى على الموقع او على المدونة


او على جروب الفيس بوك انا والنت


وهناقش على الفيس بوك المشكلات التى تواجة مستخدمى النت


سألته .. انا كان ليا حلقة عندكم وماسمعتهاش عشان كنت فى العمل ؟؟


اجاب .. هتلاقيها فى الموقع او على المدونة فى بوكس تحت اسم دريم.


وبالفعل رحت على المدونة وسمعت الحلقة وسمعت كمان حلقة قطة الصحراء وحلقة

عبده الرايق


وحاجة جااااااااااااااااااااااااااااااااااااااامدة اوى وكل الحلقات اجمل من بعض





ملحوظة الاستاذ صلا ح حجازى متابع جاااامد اوى للمدونات وبيشاركنا افراحنا


واحزاننا بشكل كبير والحلقات تتكلم عن نفسها


اشكرك استاذ صلاح حجازى
























ا

الخميس، 29 مايو 2008

حوار مع مسئوووووووول


حلمت امبارح خير اللهم اجعله خير حلم من العيار التقيل ال اية قابلت واحد مسئول بس الصورة

ماكنتش واضحة اوى.............


قلت ..ازيك ياباشا


رد بكل الاطة .. انتى مين ؟؟


قلت .. انا واحدة من الشعب الغلبان


قال .. ايه اللى جابك هنا


قلت .. مش حضرتك برضه المسئول الكبير اللى بيجى فى قناة الحوادث .


رد .. قصرى عاوزة ايه ولا اجيبلك الامن


قلت له .. خمس دقايق بس ياباشا عندى حاجة فى مدح الحكومة


قال .. يلا خلصى


رحت واقفة ومسكت ميكروفون


اضحكوا ياجدعان


افرحوا ياصبيان


تعالوا يارجالة


شوفتوا الحكومة


بتبيع الغاز برخص الزبالة


عشان اليهود ينتجوا


اسلحة يدبحونا وينهبونا


ويرمونا على الحدود زى الزبالة


شوفتوا يارجالة


الكل عمال يتفرج على الغاز عمال يتسرب


والشعب مش لاقى ياكل والناس عايشة فى مجاعة


وكله فداك ياأرض الميعاد


عشان اهلك يهيصوا ويبرطعوا ما تؤمريش بحاجة تانية


ولا انتم استكفيتم مش عاوزين حتى دمانا نسربه لكم


مع اللى بيتسرب دة انتم املنا ومستقبلنا


الراجل المسئول ركبه ميت عفريت


ونادى بصوت عالى مخيف .. الاااااااااااااااامن امسكوا البت دى


والجرى نصف الجدعنه وانا اجرى والامن يجرى واجرى والامن يجرى


واجرى ويجرى ورايا وفى الاخر قمت من النوم على حد بيرزع الباب !!!!

الأربعاء، 28 مايو 2008

بلطجة كلمات


رجاء من السادة الزوار ترك السنج والمطاوى والقصافات خارج الحزب وذلك

لدواعى امنية فى


غاية الاهمية مش عاوزين ضرب . الكلام اللى هيتقال عاوز روقان بال


واجهزة الانذار شغالة اخر تمام نتمنى لكم قضاء اسعد الاوقات


مع تحيات ادارة الحزب ..................................

-----------------------------------------------------------------------

هضرب كرسي فى الكلوب


وأقلب القاعدة ضرب بوكس


ايه ياعم سبنى افن


سبنى اضرب كرسي فى الكلوب


ولا انا ماليش نفس اعيش


ولا انا يعنى هوب هوب


عاوزة اعيش


عاوزة اصحى مالاقيش شاويش


عاوزة الاقى بسمه حلوة على الوشوش


عاوزة اسمع كلمة حلوة تدوبنى دوب


سبنى اضرب كرسى فى الكلوب


سبنى اجرى فى الشوارع


سبنى اهرب من الحنين


خلاص ياناس هطق خلاص


بس لسه عندى حنين

الاثنين، 26 مايو 2008

طفولة مشردة


ياصغير يايد الهون مين قاللك تضرب تليفون



سلوى ياسلوى زعلانة ليه ياسلوى



افتحوا لى الباب دة ماما قافلة بالمفتاح



امنا الغولة طأطأ الفولة بتعملى ايه بغسل وشى



امنا الغولة امنا الغولة بتعملى اية بسن سنانى



كيلوا بامية القطة العامية


كهرباء ولا استغماية لا عبينى ولا عبك لكسر صوابعك


انا عارفة فى ناس بتقول البت دى هيست ولا اية لا دا انا بتذكر ايام الطفولة والعابى


المفضلة وتيكة على العالى وتيكة على الواطى


ياااااااااااااااااااااااااااااااااااااه ايام ياناس سعيدة وفى نفس الوقت حزينة ماعرفشى ليه حزينة


بس ساعات بحس انى معشتهاش بضمير وعدت زى مابيقولوا اوام .


مش عارفة ايه اللى فاكرنى بيها هى ايام جميلة بتعدى دلوقتى امامى زى ماتكون شريط سينما


وانا بنوتة شقيه وحزينة وبرده ماعرفش ليه حزينة بس سعيدة بالالعاب الحلوة دى وبالجرى والتنطيط


والشخبطة على الحيط وساعات كنا بناكل الحيط من كتر الشقاوة وجدتى الله يرحمها كانت بتعملنا


شندوتشات سكر عشان تدينا طاقة ونلعب اكتر واكتر .


ياااااااااااااااااااااااااااااااااااااه ايام جميلة ولسه طعم السكر فى لسانى


حتى ايام الطفولة كانت مغلفة بالحزن عجبى عليكى يابت وانا فى الحضانة وبتمرجح والمرجيحة بتعلى

بيا لفوووووووووووووووووووووووق ومعايا اصحابى بيتمرجحوا لفوووووووووووق كنت بحس انى


بطلع السما المس الشمس بايدى وانزل تانى .


بس مش هنسى الابلة عنايات لما ادتنى بالقلم على وشى عشان هربت من الحضانة ورحت البيت لوحدى


اصل كان فردة كعب من الحضانة يعنى مش هتوه ولا ابو رجل مسلوخة هيلحق يجرى ورايا


منطق برده .

ومن ساعتها وانا كرهت الحضانة وسنين الحضانة وبعدين رحت المدرسة والابلة غلبت معايا


بس افتح كراستى واكتب معاها اى حاجة واشتكتنى لمامتى وقالت لها البت دى مش عاوزة تكتب حاجة


انا هوديها فصل البلدة والعيال يقولوا يابليد الفصل انشا الله تموت العصر وانا اسمع الكلام دة اخاف

ليكونوا يقصدونى .

الأحد، 25 مايو 2008

السادة الرجال


السيدات والسادة الاعضاء


لماذا فى مجتمعنا العربى ننظر الى الرجال على انهم كل شئ والمرأة لا شئ او بمعنى اصح ان الرجل


انسان والمرأة فى مرتبة اقل من الانسانية لماذا تحتقر المرأة ونهينها وادياننا لا تدعونا لذلك


بل هناك بعض الفهم الخاطئ للنصوص والتى يستغلها بعض الاشخاص اسوأ استغلال


لماذا يرى الرجل ان من حقة قهر المرأة ويتحكم فيها ؟


والاسوأ من ذلك ان الاسر المصريه تربى ابناءها على ان الولد افضل من اخته فى كل شئ وتجد


التفضيل للولد عن البنت والكارثة الكبرى ان تجد من يدعوا لهذا التفضيل هى نفسها المرأة المتمثلة فى


دور الام فكيف تتجرئين على اخوكى واوامر اخري تحثنى فيها على ان اضرب تعظيم سلام للاخ


المبجل انا عارفة انى هاخد علقة بس ربنا يستر فى البيت


هذا التمييز والمرأة مازالت فى بيت ابيها اما فى بيت زوجها فما خفى كان اعظم


فالرجال وبلا فخر عليهم ضرب زوجاتهم وكأنه اشترى جارية بل ان الجوارى كانوا لايضربون


لماذا العنف المتاصل ضد المرأة ؟والكارثة الكبرى وسأقولها ثانية للنساء اللاتى يربين الرجال هم


انفسهم من يربون فيهم انهم متميزون بل هم الاسياد ونساء الارض جوارى


لست من دعاة المساواة ولكنىادعو الى التوازن نعم التوازن فى العلاقات بين البشر بعضهم وبعض


ملحوظه انا لا ليا فى الجمعيات النسائية انا ارصد واقع مرير واحساس بالقهر


تحياتى للجميع.

الجمعة، 23 مايو 2008

رسالة لمهاجر


يامن سافر بعيدا ورحل


يامن فضلت البعاد عن الوطن


يامن تركت ورائك تراب الوطن


وذهبت الى جحيم الغرق


يامن يبحث عن النسمات


بعيدا عن الوطن


يامن وجدت البعاد


طريقك للهروب خارج جحيم الوطن


لماذا تهرب وتترك لهيب الوطن


لماذا تهرب والكل من حولك هرب


هرب داخل نفسه من جحيم الوطن


تهرب من نفسك ام تهرب لتنسى هموم الوطن

الخميس، 22 مايو 2008

حارة السعادة


كان يوما جميلا بحق وشعرت اننى فى حارة المدونين وكان يوما تغمره الفرحة والسعادة



برؤيه أصدقاء التدوين وتشعر للوهلة الاولى انك تعرفهم جميعا وقد تكلمت معهم وعرفت مايدور



بأنفسهم لا أستطيع ان اصف مدى السعادة التى شعرت بها وقد قمنا بالإحتفال بعيد ميلاد فاتيما



انها انسانة لذيذة جدا تشعر بالحزن داخل عينيها ولكنها كانت مبتسمة وتملك خفة دم جميلة



والمفقوع مرارتها أختى ....... وسوو ...........وكلاكيت ..........وأحمد سكر



وابى .............وبنت مصرية ............ولماضة عسولة أوى ......وأبوخالد وشعرت انه والدنا



وهمس الاحباب ......... وخالو احمد الصباغ .........محمد عبد الغفار وقد تحدثت معه بخصوص الحمامة اللى ماطلعتشى عصفورة .....وأحمد الجيزاوى و سيمبل جيرل وناس كتير لذيذة





المهم ياريت المقابلات دى تتكرر لانها فعلا جميلة وأشكر كل القائمين على هذة

الاحتفالية الجميله والكتاب كان تحفه



واتمنى دوام التوفيق للجميع................

الأربعاء، 21 مايو 2008

تاج مهدى من سالى وسلوى


تاج الاحلام كما يطلقون عليه جائنى من الاخت سلوى والاخت سالى ولم استطيع الفرار منه


وبما انى رئيسه حزب الاحلام يعنى الاحلام على افى من يشيل .............


ويتكون التاج من عدة اسئلة


السؤال الاول اذكر خمس احلام على الاقل تخص ماضيك ؟


السؤال الثانى اذكر خمس احلام تخص مستقبلك ؟

الاجابة


احلم بسفينة فيها أطواق نجاة


احلم بعيون فيها الحب والامان


أحلم بكلام فيه الشفا


احلم بالشر يختفى من الوجود


احلم بنسمه صيف فيها السعد والهنا


احلم ببسمه طفل الملايكة بتضحكوا


احلم بارض كلها خير


احلم بصدق يغطى لسان البشر


احلم بكلمة توحد كل العرب


احلم بوطن فيه الامان


هذا عن احلامى العشر فى الماضى والمستقبل


أذكر شخصين على الاقل متواجدين فى حياتك حاليا تود وجودهم قبل الان؟؟


صديقتى مروة كنت اود تواجدها من زمان كان هيتغير حاجات كتير


افراد كثيرين كنت اتمنى وجودهم


اهدى التاج لمين ؟؟؟؟؟


شوفوا اللى عاوزيأخذه منى يتفضل بس ياريت يقول لى ..................


الاثنين، 19 مايو 2008

حوار مع عصفور


عصفور عمال ينط عمال يفط


ولا عجبه فار ولا عجبة قط


عصفور جميل بجناحه يطير


ماهو عصفور ويابختك يافنط


عمال يزقزق ويغنى للحياة


دة عصفور ومزاجه عالى


ورايق ياسادة


ولا حامل هم جوازه ولا عياله


ولا حاجة تشغلك عن التسبيح


تعالى ياعصفور علمنا معنى السعادة


يمكن عشان انت حر


ولا عشان لك جناحين


ولا يمكن عشان صوتك جميل


ولا يمكن عشان مش حامل هموم السنين


تعالى هنا ياعصفور عاوزة امسكك اوعى تطير


عايزة اسألك عن سر السعادة


عايزة افط عايزة انط زيك كدة ياجميل


يلا بقى قول لنا اية هى معنى السعادة

الجمعة، 16 مايو 2008

حياة الاشباح


عايشة وسط اشباح أصوات تتردد الى مسامعى بين الحين والاخر انهم أشباح يعيشون معى يتكلمون


كأشباح لا أستطيع التكلم معهم ولا هم يستطيعون التكلم معى الكل يعيش فى جزيرة منعزلة عن الاخر


انا أظل اكتب خواطرى بين الاوراق وبين صفحات النت اما هم فيتنقلون بين قنوات التلفاز او يتشاجرون


واتشاجر معهم .


كل فرد يعيش فى جزيرة منعزلة الكل يلبس طاقية إخفاء بحيث لا يراه احد


تسمع كل حين اصوات تعلو وتعلو تكاد تصم الاذان وأشياء تتحرك هنا وهناك لا تعرف من يحركها


أنها اشباح تعيش وسط أشباح .


أصبحت شبح يعيش وسط أشباح ..............


حتى فى العمل أعيش وسط أشباح لا اعرف إلا اشباح أظل فى مكان عملى الا ان تنتهى فترة العمل


اذهب الى المنزل فى صمت دون ان ارى أحد من الاشباح حتى الجيران أشباح لا تسمع منهم سوى


اصوات مخيفة .


لماذا يعيش الانسان وسط الاشباح؟؟؟؟؟؟؟؟؟؟


لماذا نصنع مجتمع الاشباح ؟؟؟؟؟؟؟؟؟؟

الثلاثاء، 13 مايو 2008

حفل تخرج


قررت الحكومة اقامة حفل تخرج للشعب المصرى بعد أن كافح وكل تخرج فى مجاله


وقد قام حزب الاحلام الديموقراطى بالاشراف على الأحتفال المهيب وقد قام الحزب

بتشغيل اغنية

بانوا بانو على اصلكم بانوا للمرحومة سعاد حسنى وكلمات صلاح جاهين وقام الحزب


بشراء شهادات تقدير من ام جنية ونصف لتوزيعها على المتخرجين وفى هذا الجو

البهيج والتصقيق الحاد من جانب الجمهور


وقد قامت المذيعة بالنداء على المتخرج الاول المنتظرات


فصعدن على خشبة المسرح بنات مصريات وقد نكشن شعرهن وحطين ايدهن على

خدودهن فى انتظار العريس القرفان على الحصان القرفان


وقد تعالى التصفيق وقامت الجماهير بحدفهم بالزهور وقام الحزب بتسليمهم شهادات

تقدير على حسن التخرج

وجائت المذيعة ثانية ونادت الشباب العاطل وتعالى هتاف الجماهير بما يشبة الصراخ

والعويل


وجاء شباب القهوة اللى مش لاقين شغل سوى انه يضرب شيشة وواحد بانجو وقت

الفراغ

وقد قامت إدارة الحزب بالواجب


وجائت المذيعة ونادت على الاخوة الموظفين وصعد الموظفين الى المسرح وقد


اتخرمت جيوبهم من غلاء الاسعار


ونادت المذيعة على الافاعى فصعدت افاعى عمالة تتلوى يمين وشمال وعلى عينك


ياتاجر فتيات الفيديو كليب والبنات المايصة وتعالى اتفرج واشترى ياهمام


ونادت المذيعة على ارواح الشباب المهاجر فصعدت ارواحهم الى المسرح


ونادت المذيعة اخيرا وليس اخرا على ضحايا طابور العيش وضحايا العيش ابو طوب

وزلط واكياس بلاستيك عوضا عن الدقيق


وانتهى حفل التخرج بسلام مع فقرة من رقص الافاعى يمين وشمال


وكان الحفل تحت رعاية حزب الاحلام الديموقراطى

الأحد، 11 مايو 2008

خواطر غربة وطن


غربتى غربتى


لماذا تهجمين على


وأنا فى بلدى أعيش


اتهجمين على اهل البلاد


غربتى غربتى


اتركينى وشأنى


فأنا فى وطنى أعيش بين الأهل والأحباب


غربتى غربتى


الم يكفيك قلبى المجروح


منك ايتها الغربة والاغتراب


أشعر بك وأنا فى بلدى أعيش


ألن تتركينى فى حالى أنعم بصحبة الاهل والاحباب


أأنت مسلطه علينا


لعنه الله عليكى ايتها الغربة


التى أشعر بها وسط الأهل والأحباب

الجمعة، 9 مايو 2008


السيدات والسادة جالى تاج من الاخت ROVY وهذا التاج يتضمن سبعة عشر سؤال والله المعين ندخل فى التاج قبل مالنور يقطع


  1. لو اعطيتك ثلاث وردات من هم الاشخاص اللى تهديهم الورود؟

اما الحاجة وردة وابا الحاج وردة واخواتى ياخدوا الوردة الباقية ويقسموها على بعض كل واحد شمة


2- معاك ثلاث سطور اكتب اللى عاوزه ؟


اين اختفى الحب ؟


هل سافر ليبحث عن عمل فى الخارج ؟ام انه مات غارقا فى اوهامه


ليتنى اجد حبا صادقا وليس خادعا


3-ماهو هدفك فى الحياة ؟


الوصول الى السعادة بمعناها الاشمل والاعم ودة اللى لسه مش قادرة اوصل له


4-انشاء الله بكرة احسن من النهاردة هل تصدق هذة المقولة ؟


مش بعيد يخيب ظننا ويكون بكرة احسن من النهاردة مافيش حاجة بعيدة عن ربنا


5- ماهى اجمل مقوله سمعتها ؟


اجمل مقولة سمعتها على قد لحافك مد رجليك


6-من هو الغنى اللى بتحيه وايه اغنيتك المفضلة ؟


فيروز طبعا بترطب قلب الواحد وبحب اغنية وين شادى


7-غزة تمثل ايه فى حياتك .؟


مش قادرة احدد فى ظل تكدس مشكلات بلدنا مش عارفة اشوف غزة من كثرة المحن اللى احنا فيها وبيتهالى هو دة اللى عاوزينة اللى بالى بالكم


8-تعطى كام فى الميه لانتمائك لبلدك ؟


99% وماحدش يسأل ال1% راح فين انا نفسى مش عارفة


9-لو تزوجت وانجبت قول اسماء الاولاد والبنات اللى هتجيبهم ؟


الاولاد ........ عتريس وعطية


البنات ..........بهانة وفوقية


على اساس انهم هيسرحوا فى اشارات المرور ويجيبوا لقمة عيشهم


10- عمرك ماغشيت وانت صغير ؟


لا غششت بس وكمان جابت اكتر منى دة فى اعدادى اما فى الجامعة فغششت برده وجاب اكتر منى كمان وعجبى .


11-لو اتعرضت عليك رشوة وانت فى زنقه ؟


انشاء الله لاة وربنا يقوينا على الحرام .


ااااااااااااااااااااااااااااااااه تعبت من التاج يلا نكمل


12- قول ثلاث صفات فى ثلاث كلمات ؟


ضعيفة قوية نفسى احب الحياة


13- اول مرتب ليك حتجيب لعلتك اية ؟


حجيب اتنين كيلو موز على اتنين كيلو تفاح على اتنين كيلو برتقال دة على اساس لو اشتغلت فى الخارجية


14-اهم صفة فى شريك حياتك ؟


التواضع والكرم


15- المجال اللى غير دراستك بتحبه حتى لو كنت بترسم على الحيط ؟


الكتابة وغسل الاوانى عشان لو فكرت اهاجر بس


16-بتحب السفر طب اية المكان اللى عاوز تروحه من غير ماتفكر؟


الاسكندرية عشان اجمع الصدف بس بقالى كذا مرة اروح اسكندرية مالاقيش ولا صدفاية على البحر


17- تمرر التاج دة لمين ؟


بلاش اذية انا مابحبش اذية لحد


الثلاثاء، 6 مايو 2008

مؤيد ومعارض


السيدات والسادة الاعضاء .......... ندخل فى الموضوع بدون لت ولا عجن ولا خبيز

فى الفرن


ذهبت البارحة انا والاسرة بتاعتى روكسى وطبعا زى اى أسرة مصرية قعدنا نلف


على المحلات

المهم عشان ماندخلشى فى تفاصيل كتير طلعت لى من اللفة دى ببنطال وبلوزة .....


وطبعا رحت لابساهم تانى يوم وانا راحة الشغل المهم فى الشغل انقسم فريق العمل

التيم وورك يعنى


الى قسمين قسم مؤيد وقسم معارض .


واحد تاه مننا ياخونا معارض لاية ومؤيد لاية اقصد الطقم الجديد البلوزة ووالبنطال ياعم

القسم المؤيد ........ بيقول على البلوزة لونها حلو اوى وجميلة وطويلة وفى نفس

الوقت على الموضة


اما القسم المعارض ........ فحجته ان اللون وحش اوى


وقالوا حد يجيب لون بنفسجى دة لون متعب للعين .


المهم انا اتشتت بين الفريقين وكل فريق حجته قوية جدا وانا فى النص والفريقين فى

تعارض شديد


واحدة من الفريق الثانى تقول لواحدة من الفريق الاول دة وحش اوى اوعى تلبسية

تانى


تقوم ترد التانية دة جميل انتى بتفهمى حاجة ياشيخة وكل دة وانا واقفة فى النص لا

بصد ولا برد


وكأنهم لا بيتكلموا عنى ولا حاجة المهم الفريقين مختلفين تمام الاختلاف ومافيش اى


تقارب بينهم


حبة حبين اللبس الجديد وحبة مش طايقين يشوفونى بيه وفجأة تحول مقر العمل الى


اهلى وزمالك


يادى الخيبة اية اللبس اللى يعمل الاذعرينة دى كلها ماكنتش بلوزة وبنطال


واللى تقولى اللبس دة مكبرك فى السن عيشى سنك وخليكى اسبور وواحدة تانية


تقولى حاجة جديدة ومحترمة ...........................


قررنا نحن إدارة حزب الاحلام انى أخد برأى الاغلبية وقد فاز الفريق المؤيد وخسر


الفريق المعارض شر هزيمة فقد كنت انا مرتاحه جدا فى اللبس


وعلى راى المثل كل اللى يعجبك والبس اللى يعجب الناس بس المرة دى مانفعشى


المثل معايا

الأحد، 4 مايو 2008

الجمعيات النسائية النائمة


سيداتى وسادتى اعضاء حزب الاحلام الكرام وهنيالك يافاعل الخير والثواب انا


مابشحتش انا بسحر بس إمبارح وكالعادة قاعدة أفكر فى برنامج فكر اكتر تاكل ترمس


لا مؤاخذة اعذورونى الهبل اللى بينط كل شوية المهم كنت بفكر فى الجمعيات


النسائية دى لازمتها ايه ياخوانا حبة ستات قاعدين يقشروا بصل بحلم بجمعية


نسائية تهتم أكثر بمشاكل المراة


انا كل اللى باسمعوا ان كل شوية تطلع منهم بتقليعة جديدة ..............


يعنى مثلا نلاقى واحدة منكوشة تقولك عاوزين الواد يتسمى باسم امه بقى المشاكل

خلصت ومابقتش الا


المشكلة دى هى اللى مجنناكوا ومطير النوم من عيونكم


وواحدة تانية مضايقها اوى الحجاب ومحسسانى ان الحجاب دة يعنى مشكلة المشكلات

فى مصر


ومن غيرة مصر هتتنغنغ وهتبقى عال العال وعجبى ...............


سيبين ستات مش لاقية تاكل ومسكين فى حاجات كتير وعاملينها مشاكل وعاملين

يحلوها


ماتركزى شوية ياأخت انتى وهي فى مشاكل مستفحلة وعايزة حد يحلها فى غزو

افكار غريبة داخلة


علينا واحنا لسة بنسأل نفسنا اسئلة كتير مش فى المنهج


سؤالين واقفين فى زورى لية مانركز شويه فى المشاكل اللى بجد مشاكل


مش عايزين مشاكل وهمية تشغلوا نفسكم بيها ركزوا انتباهكم شوية على مشاكل

ستات وبنات مصر


عايزين نحس بيكم وبجهودكم الجبارة
يلا سلام

الجمعة، 2 مايو 2008

عشان خاطرى اسمع خواطرى


تهرب الكلمات منى


اجرى وراءها لامسكها بعنف


وهى تجرى لتختبئ بعيدا عنى


لماذا تختبئين منى أيتها الكلمات


اتخافين منى ام من الاهات


تريدين أن تتراقصين بعيدا عنى وعن الاهات


ايتها الكلمات تعالى هنا واركضى بين الصفحات


اعلم انكى لاتحبين حزنى والاهات


لكى حق بل كل الحق ولكن قدرك أن تعيشين وسط


الاهات والصرخات


كلماتى إليكى أشتاق


لا تبعدين عنى وتتركينى للصمت والاهات


ماذا تريدين ايتها الكلمات


لكى تتحملى الاهات والصرخات


وتهرب الكلمات