رجاء من السادة الزوار ترك السنج والمطاوى والقصافات خارج الحزب وذلك
لدواعى امنية فى
غاية الاهمية مش عاوزين ضرب . الكلام اللى هيتقال عاوز روقان بال
واجهزة الانذار شغالة اخر تمام نتمنى لكم قضاء اسعد الاوقات
مع تحيات ادارة الحزب ..................................
-----------------------------------------------------------------------
هضرب كرسي فى الكلوب
وأقلب القاعدة ضرب بوكس
ايه ياعم سبنى افن
سبنى اضرب كرسي فى الكلوب
ولا انا ماليش نفس اعيش
ولا انا يعنى هوب هوب
عاوزة اعيش
عاوزة اصحى مالاقيش شاويش
عاوزة الاقى بسمه حلوة على الوشوش
عاوزة اسمع كلمة حلوة تدوبنى دوب
سبنى اضرب كرسى فى الكلوب
سبنى اجرى فى الشوارع
سبنى اهرب من الحنين
خلاص ياناس هطق خلاص
بس لسه عندى حنين
هناك 54 تعليقًا:
لووووووولى
خدينى جنبك إحياة أبوكى
أنا كمان نفسى اعمل من اللى قولتى عليه دا كله بس من غير ما نتشد على بوكس و لا يروحو يجيبونا من المحافظة
و الحنين دا لوحدها مشكلة كبيرة
أحلمى يا لولى أحلمى
و مسيرنا يوم نحققه
تحياتى يا ريسة
انا داخله رافعه الرايه البيضا
لا مطاوى ولا سنج
هههههههههههههه
المهم انك بعد كل ده انك لسه عندك حنين
احنا اهم حاجه يفضل عندنا القدره على الاحلام
حقنا بجد
تحياتى لكى
طب ميجرب يبنى يزرع ولا ينور كلوب
ويبتسم فى وش عيشته ولو غرقان فالطين لشوشته
ويقول لنفسه وعيلته قبل اى حد تانى أستوب
نوقف اللوم والعتاب وكلنا نمسك كتاب
نقرأ نفهم نعمل نوصل وميرحش الوقت هدر فالعب والسباب
وضرب الكراسى فى الكلوب
هييييييييييييييييه
اضربى و لايهمك
هوه انتى لسه حطقى هههههههه
احنا طقينا و اتفرسنا
بس عاوزه اقولك كلام اخوكى عبد الغفار برضه مظبوط....
أنا أضم صوتى لصوت أ/ أحمد عبد الغفار
ومافيش مانع من شوية فرفشة على ضحكة
من القلب على ملعقتين حرية يعنى جرعة
صغية انت عارفة اننا شعب غير ناضج
ممكن الحرية الكتيرة تعمل تسمم
أو تلبك فكرى و معوى
ههههههه
ايه اللى حصل احنا حسدناكى ولا ايه
ليه كده ما بلاش كرسى فى الكلوب دى
احسن الدنيا ضلمة لوحدها وبلاش طققان
لسه قدامك كتير
بس كلمات رائعة ومعبرة
تحياتى وتقديرى
خالد
اعلن انضمامي لحزب الاحلام
والتزامي بكل قواعده وثباتي في شدائده وفرحي في مسراته
وبالنسبة للأسلحة البيضاء ممكن لانها بيضاء تناسب الاحلام قليلا، او ربما على رأي زوجي ذات مرة في رسالة قديمة ايام الخطوبة، سندع الله ان يوزع الحب في قلوب البشر حتى لا يعود هناك مكان لاستعمال السكاكين ولا في المطابخ وعند الجزارين
ما أجمل الاحلام
أتراه لايزال عند رأيه بعد الزواج؟؟
السلام عليكم
ياحبيبتى ياسلوى كل دة طيب والله كويس ان لسة فية حنين بعد السنج والمطاوى
انا من راى انى انضم للرئاسة معاكى يمكن الاقى حبل طويل يوصلنى للحلم ولو مرة
احلمى بس دايما خلى عنيكى مفتحة علشان تكونى شايفة حلمك تغيرى فية زى ماانتى عايزة سعاتها ممكن يتحقق
تحياتى ..
السلام عليكم ورحمة الله وبركاته
كلنا نبحث عن الحرية
حرية الكلمة والفعل
نكلم براحتنا من غير خوف
ونعمل حاجات كتير ونفك قيود عادات غلط بتصحيحها
تحياتي
طيب متروحي تضربي كرسي هو حد ماسكك
وسعوا يا حدعان سيبوها تعمل اللي هي عايزاه وانا ولا اعرفك
تحياتي
فاتيما
شوفتى اخرتها دماغى لسعة المرة دى
ويلا ربنا يستر
وازيك ياقمر منورانا
ra7eel
بعد دة كله وعندى حنين ان الايام تبتسم
تحياتى
محمد عبد الغفار
سيدى سيدى على الكلام انا جاتلى حالة من الفوضى اعذرونى عليها بس انا ماعرفشى اضرب اى حاجة ولا حتى صرصا قلت ابلطج عن طريق الكلمات
تحياتى لك وللنقد الجميل
واحدة مفروسة
طبعا كلامه صح بس كان نفسي اعمل بلطجية ماليش نفس ياقمر
تحياتى
أميمة كامل
طبعا انا مع الحرية المسئولة و
وانا كمان بضم صوتى لصوت الاستاذ محمد عبد الغفار
تحياتى
همس الاحباب
لا ماتخافش عمر الشقى بقى بس انا ساعات بطق وبحب اشارككم معايا
منورنا دايما
كريمة الفاسي
نورتى الحزب
تحياتى لكى
عـــفـــراء
تعالى وانضمى معايا للرئاسة دة الريسة تحت امر سيادتك انتى تؤمرى بس
تحياتى
جيهان علي
هى فعلا ثورة على الفيود وطققان دماغ ربنا يعفينا
تحياتى لكى اختى
HERO
هتسبن فين ياعم انا لهضرب ولا حاجة انا كلام بس وقت التنقيذ ماتلاقيش
بقى كدة ياهيروا
منورنا
عاوزة اصحى مالاقيش شاويش
نفسي برضة ملقيش ضابط او عسكرى او اى حد منهم
تحياتى لك على موضوعك الحساس هذا
هانى يس
حسبى وشك
الكرسى هييجى ف دماغك
ههههههههههههههههههه
ايه يا سلوه الجمال ده
بوست جميل اتمنى تنورينى
إنتى قاعدة فين بالظبط..؟؟
كرسى إيه و كلوب مين..
لأ بجد..حلوة خالص.
ربنا معاكى ..
ولو عايزة كراسى تعاليلى خدى من عندى أصلى عايز أتأكد إن الكلوب إتكسر و بقت ضلمة..
تحياتى ليكى
سبنى اجرى فى الشوارع
سبنى اهرب من الحنين
خلاص ياناس هطق خلاص
بس لسه عندى حنين
-------------------
اية دة بقى؟؟؟
دة انتى وصلتى لاعلى درجات البلطجة يا افندم.؟؟
ربنا معاك
HANY YASSIN
الله يخليك وحمدا لله انه عجبك
تحياتى
رئيسة حزب الاحلام
تحياتى
انا بصحى الاقى ابن اخويا الصغير
بيصحينى بدرى ويقولى قوم اصحى فز
شاويش صغير
اتمنى يديم عليكى ربنا نعمة الكلام الجميل
يا اجمل لائيسة حزب لأجمل حزب
تحياتى
بنت مصريه
الله يخليكى وكويس انة عجبك
انا ابلطج شوية فى دماغى بس
تحياتى
واحد من البلد دى
كلام جنان صح اعمل ايه دماغ بتلسع كل يومين وياريت تبعتولنا كام كرسى لزوم الضرب
تحياتى لك
.:.-=- ELGaZaLy-=-.:.
عشان تعرفوا اننا قدها وقدود
بس دى بلطجة فى الدماغ بس مالهاش دعوة بالواقع
تحياتى
عرفة فاروق السيوطى
شوفت البتنجان اللى الواحد وصله
ربنا يهدى
تحياتى
السلام عليكم
رئيسة حزب الاحلام
تحياتى
اتمنى تصحى متلاقيش شاويش وكمان تفرحى
وتعيشى وتغنى
كلامك جميل والجميل مليهش الا الجميل
وبعد الشر عليكى من الطققان
الحرية اهم ما نملك لا يجب ان نفرط فيها
تحياتى
تحياتى
على فكرة الكرسى جه فى راسى....ههههههههه مدونتك حلوة اوى
احب احييكى على الاسلوب...استمرى بالتوفيق
تحياتى...كريم
متخافيش هتصحى مش هتلاقى شاويش هتصحى تلاقى ستين شاويش
بس انتى متقلقيش
بعد مد قانون الطوارىء هنعيش
وسلميلى على مفيش :D
الحمد لله ان لسه فيه حنين
ايه الحكايه .... فين الاحلام الجميله
بس والله انا عزراكى معلش ..
حاول تانى ترجعينا للاحلام الجميله ..
بس ده ما يمنعش انك تطلعى كل اللى جواكى ولا يهمك ....
علشان نقدر تانى نرجع ونحلم معاكى .
دمت بخير واحلام سعيده
تحياتى
rovy
عرفة فاروق السيوطى ( الاديب العاشق) الواحد ساعات بيطق
ربنا يعين
تحياتى
شفقة و احسان
اسفة بس الكراسى عمالة تتشال لواحدها
تحياتى
karim
الله يخليك ويسعدك والله ولى التوفيق
مدحت محمد
قانون الطوارئ هنلاقى ميت شاويش
ربنا يستر
rovy
اعذرينى الكلمات طلعت كدة منى
بس انشاء الله هرجع للاحلام باذن الله
تحياتى
بعيدا عن الموضوع
ياريت تشاركوني في موضوع علي مدونتي
وتنشره معانا
تحياتي
ههههههههه
مش عارفه ليه حاسه ان ده السلام الوطنى بتاع حزبنا
تفتكرى ينفع؟؟
تحياتى وحبى
وطييييييييييي
انبطح أرضا
كرسي طاير أرض جو
يا جااااااااااااامدة ههههههههههههه
ايه يا ست الريسة مالك لقيت الاحلام مش نافعة قلت تقليبها ضلمة :)))))
انا موافقة انك ترمي كرسي في الكلوب لو كان السبب انك حتوصلي الكهرباء
لااااااااا يا ريسة
بلاش تضربي كرسي في الكلوب
خلينا حزب مسالم أحسن ما يتعمل لنا حظر
smraa alnil
انا رحتلك وربنا يبعينك
كاميليا
تسلم افكارك ياكامليا انا بجد هعملها السلام الوطنى للحزب
تحياتى لكى ولافكارك
maha miho
خلى بالك من الكراسى اللى عمالة تتحدف ربنا يستر
تحياتى
أم أحمد المصرية
انا قلت اضلمها عشان اقدر انام فى هدوء
تحياتى لكى ياقمر
امل
انا مش قصدى حاجة مضرة انا عاوزة اضلم عشان انام بس
ماتخافيش ياامولة
مطاوي وسنج؟
انا شكلي دخلت خناقة غلط !
ما شاء الله شعرك ممتاز ومعناه جميل
بس حاولي تكتبي كتير ولو معظم القصايد ما كملتش ..
ساعتها هتكون القيدة محدش يقدر يقول فيها بم
رغم قصرها
معبرة جدًا
انا ساهيت الأمن ودخلت المطوة بتاعتي .. اصلي مااعرفش أمشي من غيرها
حد يضايقني كدة ولا كدة الأمر مايسلمش
هل انا انسان ام شئ لا يدركه الزمان
احساس باعجز يحيطنى احساس بالوحدة والحرمان اري الايام كانها احلام
ارى نفسى عجوز فى طى النسيان
قد اكون فاسيه فى بعض الاحيان ولكنى املك قلب يعذبنى بلا احساس
ارى نفسى انسان لست الا انسان
يريد البوح بالالام ولكنه يخشى ان يتهم بانه انسان
لو بطلنا نحلم نموت
واحنا معاكى فى احلامك
بوست جميل تحياتى
إرسال تعليق