الثلاثاء، 6 مايو 2008

مؤيد ومعارض


السيدات والسادة الاعضاء .......... ندخل فى الموضوع بدون لت ولا عجن ولا خبيز

فى الفرن


ذهبت البارحة انا والاسرة بتاعتى روكسى وطبعا زى اى أسرة مصرية قعدنا نلف


على المحلات

المهم عشان ماندخلشى فى تفاصيل كتير طلعت لى من اللفة دى ببنطال وبلوزة .....


وطبعا رحت لابساهم تانى يوم وانا راحة الشغل المهم فى الشغل انقسم فريق العمل

التيم وورك يعنى


الى قسمين قسم مؤيد وقسم معارض .


واحد تاه مننا ياخونا معارض لاية ومؤيد لاية اقصد الطقم الجديد البلوزة ووالبنطال ياعم

القسم المؤيد ........ بيقول على البلوزة لونها حلو اوى وجميلة وطويلة وفى نفس

الوقت على الموضة


اما القسم المعارض ........ فحجته ان اللون وحش اوى


وقالوا حد يجيب لون بنفسجى دة لون متعب للعين .


المهم انا اتشتت بين الفريقين وكل فريق حجته قوية جدا وانا فى النص والفريقين فى

تعارض شديد


واحدة من الفريق الثانى تقول لواحدة من الفريق الاول دة وحش اوى اوعى تلبسية

تانى


تقوم ترد التانية دة جميل انتى بتفهمى حاجة ياشيخة وكل دة وانا واقفة فى النص لا

بصد ولا برد


وكأنهم لا بيتكلموا عنى ولا حاجة المهم الفريقين مختلفين تمام الاختلاف ومافيش اى


تقارب بينهم


حبة حبين اللبس الجديد وحبة مش طايقين يشوفونى بيه وفجأة تحول مقر العمل الى


اهلى وزمالك


يادى الخيبة اية اللبس اللى يعمل الاذعرينة دى كلها ماكنتش بلوزة وبنطال


واللى تقولى اللبس دة مكبرك فى السن عيشى سنك وخليكى اسبور وواحدة تانية


تقولى حاجة جديدة ومحترمة ...........................


قررنا نحن إدارة حزب الاحلام انى أخد برأى الاغلبية وقد فاز الفريق المؤيد وخسر


الفريق المعارض شر هزيمة فقد كنت انا مرتاحه جدا فى اللبس


وعلى راى المثل كل اللى يعجبك والبس اللى يعجب الناس بس المرة دى مانفعشى


المثل معايا

هناك 89 تعليقًا:

انين الحزن يقول...

اكيد طبعا كنتي زي القمر

طالما الرأي المعارض مهزكيش


بس عاجبني انك شخصيه ليها رايها

يابختك

سلاموووووووووز

انا باين كدا اني الاولي

وزة

Desert cat يقول...

الف مبروك على اللبس الجديد
وطالما انتى مستريحة فيه وعاجبك وحاسه انه لايق عليكى
يبقى طز فى الناس

عـــفـــراء يقول...

السلام عليكم
هنيئا لكى على البلوزة والبنطال
ال معارض ومؤيد حسيت انها قضية الراى العام فى مجلس الشعب ههههههههه مش اهلى وزمالك
المهم اللى لابس البلوزة البنفسجى والبنطال سيبكم منهم
وعقبال فستان الزفاف ياقمر

خالص ودى

المـــفـــــــقــــــــوعـــــة مــرارتـهــا يقول...

لبستي جديدا وعشتي سعيدة
أكيد اللي قالوا عليه وحش ومكبرك الناس اللي بيحبوا الهشك بشك
ماهو دول عاوزين الناس كلها تقلدهم
بس تعالي هنا قوليلي الأسعار في روكسي أخبارها أيه ؟

غير معرف يقول...

ولو هتلبسى على راى كل واحد يبقى مش هتلبسى خالص لان كل واحد ليه ذوقه وتختلف الاذواق وفى الاخر مش هتستريحى فالمهم انك تعملى اللى يريحك مادام مش حرام والكل يخليه فى نفسه

رحــــيـل يقول...

ههههههههههههههههههه

تعرفى ان فى اللبس فى الذات صعب جدا انك ترضى كل الناس
سيبك انتى المهم تكونى مقتنعه
ولا يهمك

تحياتى لكى

امل يقول...

انا مشكلتي اني بحب البس اللي بيريحني
حتى لو ماعجبش الناس
عشان كده اصحابي مفقوعين مني على طول

أنفاس الصباح يقول...

كل ده علشان بلوزة وبنطال امال لو لبستى اسدال هبعملوا ايه على اى حال لبست جديدا وعشت سعيده وعقبال التونيك.

فاتيما يقول...

لولا أختلاف الأذواق لبارت السلع
اللى ميعجبش المرة دى يعجب المرة الجاية
المهم عجبك أنتى و محتشم و خلاص
و مبروك يا ستى

break يقول...

انا طبعا مع الفريق المؤيد


:)

Lyssandra يقول...

إيه يابنتي كل ده علشان لونها بنفسجي ؟

يادي المصيبه دا انا شاريه حاجات كتير اوي بنفسجي .. ياتري هايعملوا فيا ايه في الشغل ؟؟

بس عارفه ؟ ولا يهمك .. كلي اللي علي كيفك والبسي برضه اللي علي كيفك طالما انه محتشم وشيك وعاجبك

وبعدين يوم البنفسجي يبقوا يلبسوا نظارات ألوان تانيه علشان يغيروا تأثير البنفسجي

تحياتي ودمتي بخير

lyssandra

rtrcbh يقول...

هههههههههههههه
والله أنا بقى مش عارف اقول ايه
سوى
لا تعليق
د/احمد جمال

فرنسا هانم يقول...

حلوه بنطال دى
طالما الريسه بتاعتنا بتقول بنطال
يبقى من حق الناس تتكلم براحتها على البنطال والبلوزه
اسمعى ياريسه
اسمه بنطلون
واللى مش عاجبه ذوقك يشرب من الترعه
هو لبسك ولا لبس زمايلك ؟؟؟

دعاء مواجهات يقول...

آآآ خر تماموووووز ياريسة
هو دة الصح اللى انت عملتية
انك تكونى انتى زى ما انتى ومحدش يهز انتى حتى لو كان انتى

هههههههههههههههههه
بيسسسس ياقمر

مستنياكى علشان بتتأخرى عليا
سلاااااااام

حاجات جوايا يقول...

ازيك ياريسة
سمعتلك النهارده الصبح " اللى هوه صباح الثلاثاء يعنى 6/5" برنامج انت تسأل والكمبيوتر يجيب
وكانوا بيتكلموا عن مدونتك
متعرفيش ولا ايه ؟؟؟؟؟؟؟
دى اول مرة أسمع البرنامج من أيام امتحانات الكلية لأنى مش باصحى بدرى كده فى العادى ..
و فرحت لما سمعت مدونة عارفاها
ههههههههههههه

بالنسبة للبس طالما لبسك عاجبك وذوق وستايل وحشمة يبقى ملكيش دعوة باللى يعجب الناس
لان اللى بيعجب الناس دلوقتى ما يرضيش ربنا
ومينفعش على حجاب أصلا
حجاب عادى يعنى مش خمار ولا نقاب ولا حاجة
كبيره اسبانيش

وبصراحة انا ناوية والنية خير ان شاء الله انى لو ملقتش حاجة حشمة وشيك السنة دى هقلب عبايات على طول الخط بدل ما انا ماشية على سطر وسايبة سطر كده

وربنا يهدينا جميعا يااااااااارب لكل ما يحبه ويرضاه
ويحفظنا من شر انفسنا وشر الناس وشر الفتن ما ظهر منها وما بطن
اللهم آمين

دمتى بخير أختى
سالى

الربان يقول...

تحياتي

الالوان أذواق...و كما تعلمين حضرتك
ان الالوان مجموعتين...
الاولي منها هي التي تنبثق من الالوان الاساسية..مثل الاسود بدرجاته...كالرصاصي و الرمادي..
و الازرق بدرجاته...

المجموعة الاخري مثل الاسود و معه البيج
او الازرق...

البنفسجي و الاورنج... و الازرق و الاخضر..هذه المجموعة احيانا ما تكون غريبه عن اعين البعض منا فلا يألفها.

اللون البنفسجي جميل بكافة درجاته و خاصة للمرأة...و فيه أنوثه...
و الاغنية علي ما أتذكر بتقول:
ليه يا بنفسج بتبهج و انت زهر حزين


مبروك...و عقبال المرة القادمة ان شاء الله....

تحياتي و تقديري

انا من اهوى ومن اهوى انا يقول...

عمر ما اذواق الناس اتفقت على شىء

ولو جيبتى لون تانى غير اللون دا كان برضوا هايحصل نفس الصراع

زى قصة جحا وابنة لما خرجوا وركبوا الحمار

فاتوا على فريق من الناس قالوا شوفوا الراجل وقسوتة هو وابنة فوق الحمال والحمار زمانة تعبان جدا
نزل من على الحمار وساب ابنة راكب وهو مشى الفريق التانى قالوا شوفوا الابن العاق يسيب ابوة ويركب هو فين الادب فين الاخلاق

نزل الابن والاب ركب ومروا على فريق تالت قالوا شوفوا الراجل الجاحد يركب هو ويسيب ابنة الصغير يمشى ويتعب

نزلوا هما الاتنين ومشيوا جمب الحمار ومروا على مجموعة رابعة

قالوا شوفوا الناس الغبية يبقى معاهم حمار ومايركبوهوش ويمشوا

فى الاخر جحا وابنه شالوا الحمار ومشيوا بية ههههههههههه

خلاصة القصة ان طول عمر الناس رأيها مختلف ومابيعجبهاش حاجة واول ناس هاتعيب على لبسى بيكون هو اول واحد ممكن يشترى نفس اللبس واللون
لذلك انا اعمل اللى يريحنىى

تحياتى

محمد فوزى

Unknown يقول...

يا ستى دى أذواق
ثم ان اللون البنفسجى ماله انا درست فى الكلية انه لون الأحلام يا رءيسة الأحلام

أسمحيلى أضمك لقصر عبد الحليم ؟ ( أهل عندليبيات ) عبد الحليم عايز يجهزلك اوضة فى جناح ( ضحك و لعب و جد و حب ) موافقة ؟

غير معرف يقول...

انا مش عارفة فعلا
اللون ده كان لما حد يبلسه كانوا يقولوا عليه فلاح

دلوقتى بقى الموضة ...كله بنفسجى فى بنفسجة من اللايشارب الى اخمص القدمين

البسى زيك زيى غيرك مش فارقة ..كمان شوية هيلطع لون جديد وهنلبسه برضه

انا كنت بحب اللون ده بس لما كتر كده خلاص مش بقى حلو

تعالى زورينى

محمد عبد الغفار يقول...

المثل عندى كان
كل اللى يعجبك والبس اللى يعجبك بردو

حتى تزوجت فصار
كل والبس اللى يعجب مراتك

رئـــــيسـة حزب الأحلام يقول...

انين الحزن
ازيك ياجميل والله يخليكى لى يارب

رئـــــيسـة حزب الأحلام يقول...

Desert cat
انا بقالى يومين راحة جاية بية اهو واللى عاجبه عاجبة

رئـــــيسـة حزب الأحلام يقول...

عـــفـــراء
يارب امين بس الاقى ابن الحلال

رئـــــيسـة حزب الأحلام يقول...

مفقوعة مرارتي من حماتــــــــــــي
الاسعار حلوة اوى ولما تيجى نبقى نروح ياسوسو

رئـــــيسـة حزب الأحلام يقول...

hend...hanady
الحمد لله انا عملت اللى يريحنى

رئـــــيسـة حزب الأحلام يقول...

ra7eel
فعلا صعب جدا ارضاء الناس تماما

رئـــــيسـة حزب الأحلام يقول...

امل
بصرة بس المهم ان يكون لبس محتشم

رئـــــيسـة حزب الأحلام يقول...

ايمان العزب
الله يخليكى يارب

رئـــــيسـة حزب الأحلام يقول...

فاتيما
الله يبارك فيكى

رئـــــيسـة حزب الأحلام يقول...

break
الله يخليك

رئـــــيسـة حزب الأحلام يقول...

lyssandra
انا بقالى يومين رايحة جاية باللبس

رئـــــيسـة حزب الأحلام يقول...

أبا يحيى وأدم
نورتنا

رئـــــيسـة حزب الأحلام يقول...

فرنسا هانم
شوفتى اللغة العربية ملتزمة اوى وبذات فى البنطال وتحياتى لكى ياجميل

رئـــــيسـة حزب الأحلام يقول...

دعاء مواجهات
وانا اقدر اتأخر عنك ياقمر وتحياتى لكى

رئـــــيسـة حزب الأحلام يقول...

Sally
انا قبل كدة عملوا حلقة وماسمعتهاش وادى الحلقة التانية ماسمعتهاش
واشكرك ياجميل على انك قولتى لى

رئـــــيسـة حزب الأحلام يقول...

الربان
الله يبارك فيك والله يخليك على المداخلة الجميلة دى

رئـــــيسـة حزب الأحلام يقول...

انا من اهوى ومن اهوى انا
فعلا قصتى تشبه عم جحا والله يخليك

رئـــــيسـة حزب الأحلام يقول...

عاليا حليم
اكيد موافقة ياقمر والله يخليكى ليا يارب

رئـــــيسـة حزب الأحلام يقول...

لسه بعقلى
هو لون غريب ومابيلقشى على اى حد بس قدرى انى جبته

رئـــــيسـة حزب الأحلام يقول...

محمد عبد الغفار
مثل جميل اوى وجديد وتحياتى لك

mohamed يقول...

طبعا البنفسجي حلو و موضه

khobayb يقول...

لا لا ..

ده كان المثل القديم ..

المثل الجديد بيقول :

كل اللي يعجبك

والبس اللي يعجبك (ويرضي ربنا طبعا)

وسيبك من الناس

الناس مفيش حاجة بتعجبها !

دكتور بهــدوء يقول...

كل اي حاجه والبس اي حاجه
بس عيش وسيبني اعيش
وخلي كل الناس تعيش
مافيش مانع تاكل قراقيش

شهرزاد يقول...

رئيسة حزب الاحلام
ما تهمكيش رأي الناس
خلي ثقتك بنفسك عالية دائما
والبسي زي ما بيعجبك
والألوان اللي بتعجبك
الناس ما لهاش غير القيل والقال

روحي يا قمر عندي وخدي التاج
وعايزه اسمع اعترافاتك

تحياتي

شهرزاد

HERO يقول...

انا جيت على السيرة ولا ايه ؟
اصلي لسة شاري لبس امبارح برضه بس الحمد لله عجب كل اللي شفوه

ونصيحة البسي اللي انتي مقتنعة بيه وفي نفس ذات الوقت تكوني مستريحة فيه وسيبك من الناس
الناس هي اللي جيبانا ورا

la3lahakhier يقول...

ايه ده انتى قبضتى العلاوة ولا ايه

rovy يقول...

مبروك على اللبس الجديد يا جميل
وسيبك من الفريق المعارض واضح ان ذوقهم وحش لانى بأحب اللون البنفسجى وبعدين انتى حره تلبسى اللى انت مقتنعه بيه .. وتعيشى وتشترى وتلبسى
دمت بخير و سعاده
تحياتى
rovy

مطرح ما ترسى....دقلها يقول...

تجربة ممتعة

عاوز امر بيها

المشكلة بقى محدش بيعبرنى اصلا

ولا حلو ولا وحش ولا بطيخ

لابس حلو زى مش لابس حلو

الضاهر ان الستات بس اللى بياخدوا بالهم

عاشــــــ النقاب ـقــــة"نونو" يقول...

انا من القسم المعؤيدض
هههههههههههههههه
تدوبي عدد خيطانهم بس ولا بلاش اصل يعني
كان لازم بنطلون
؟؟؟
مش هزعلك بس انا مش معقدة وبلبس كل حاجة والله واللي تتصوريه بس في البيت اوعي تزعلي اوعي ها اوعي هههههههه
احبك في الله

Empress appy يقول...

ههههههههه ما هو علشان كده انا بلبس الالوان اللى تليق عليا وبس ومش بحب راى حد وكبرى اللى اخترع المثل عبيط مش فاهم لان الناس هتحيرك اكيد

ياأبت...إني رأيت يقول...

اولا مدونتك جميلة
ثانيا : هذا شئ طبيعي وصحي ان يختلف الناس , الناس ياسيادتي ولله المثل الأعلي اختلفوا عليه , منهم مؤمن ومنهم كافر
ومن الصعب ان يجتمع الناس علي رأي واحد ولكن المهم هو ثقتك بنفسك
تحياتي

غير معرف يقول...

والله يا حبيبتي لو اللون البنفسجي بيعمل كده في الناس هاجيب كل الهدوم بنفسجي والبسهم في البيت يمكن يعمل زغللة ويطفش حماتي ومش مهم جوزي لأنه كده كده طفشان من البيت ومبروك عليكي البنفسجي

اهو ده عيبه يقول...

ياااه كل الخلاف ده علشان الطقم
يا ستى ما دام عاجبك ومرتاحه فيه يبقى خلاص

ومبروك عليكى الطقم

عبدالرحمن الشافعي يقول...

السلام عليكم
كيف الحال ...باين ده أول تعليق ليا هنا
أنا عارف إن أنا واد رخم ومتقل عليكم
بس غصبن عني ..كل مرة أنسى والله ...

من حيث بقى البلوزة والبنطلون ...
بصي ...أحسنلك ....ماتلبسيهومشي خالص ....
علشان الفريق المعارض ما تزعليهوش ...
وكمان لو لبستيه تاني هيتقطع ...علشان باين على الفريق المئيد غنه حسده ...هههههههه

مدونتك عجبتني قوي على فكرة ...
وبإذن الله هبقى آجي أتفسح فيها ..
وآخد راحتي ...
أنا ماشي قبل ما حد يكبس عليا
ههههه
تحياتي لكي
وتمنياتي لكي بدوام التفوق والإبداع في المجال التدويني
ودمتي دائما بخير ...

الواد الصغنون الرخم
عبدالرحمن الشافعي

رئـــــيسـة حزب الأحلام يقول...

cenotaph
الله يخليك

رئـــــيسـة حزب الأحلام يقول...

خبيب
ادة هو المثل غيروه تحياتى لك ياخبيب ومنورنا على طول يارب

رئـــــيسـة حزب الأحلام يقول...

دكتور بهــدوء
تخيل نفس فى قراقيش من مدة وتحياتى

رئـــــيسـة حزب الأحلام يقول...

شهرزاد
شوفتى التاج دة عملتة وفضحت نفسى على الاخر وتحياتى لك

رئـــــيسـة حزب الأحلام يقول...

HERO
الف مبروك على اللبس الجديد ويبختك عجب الناس كلهم تحياتى لك

رئـــــيسـة حزب الأحلام يقول...

la3lahakhier
علاوة اية هو فى علاوة لمعدومى الدخل ياباشا انا بشتغل شغلانة والحمد لله ممكن فى اى لحظة يدونى استمارة 6

رئـــــيسـة حزب الأحلام يقول...

rovy
ازيك ياروفى انا اهو بفكر فى التاج اللى انتى قلت لى علية وهعمله النوبة الجاية انت تؤمر بس

رئـــــيسـة حزب الأحلام يقول...

مطرح ما ترسى....دقلها
هههههههههههه ليه كدة بس ولا يهمك ومدام اللبس مريحك يبقى انت فى السليم

رئـــــيسـة حزب الأحلام يقول...

nonoymm
ربنا يهدى الجميع واسعدنى مرورك ولا يهمك انا بزعلشى

رئـــــيسـة حزب الأحلام يقول...

appy
احلى حاجة عملتيها ابى تخيلى فى واحدة كل ماتشوفنى لحد دلوقتى تقولى اية اللبس الوحش دة رحت ماعبرتهاش
وتحياتى لكى ياقمر

رئـــــيسـة حزب الأحلام يقول...

ياأبت...إني رأيت
والله عندك حق وتحياتى لك

رئـــــيسـة حزب الأحلام يقول...

ميرو
فكرة برده خلى ايامها بنفسجى نصيحة حلوة للزوجات عشات تتطفش الحموات

رئـــــيسـة حزب الأحلام يقول...

اهو ده عيبه
منورنا يارب على طول

رئـــــيسـة حزب الأحلام يقول...

عبدالرحمن ياسين
والله انت واد زى العسل وانا عذراك انت مابتجيش عشان الامتحانات وبعد الامتحانات مش هعذرك خالص وروح ذاكر عاوزين نشرب عصير قصب وبالتوفيق

أميــــــر القلــــوب يقول...

احنا بنختلف على اى حاجة مهما كانت صغيرة مش اللبس والاكل بس كمان بنختلف على حاجات اتفه من كده وياريتنا نختلف على حاجة مهمة تنفعنا او تضيف لينا جديد.
المهم مش اللبس طلع شيك وجميل خلاص يبقى الف مبروك وعقبال ماتشترى الشووووز يارب، بس اكيد بعد العلاوة الجديدة .

رئـــــيسـة حزب الأحلام يقول...

2أميــــــر القلــــوب
انا ياجماعة من معدومى الدخل وماليش فى العلاوة والحمد لله

Eldebug يقول...

بصى يا رئيسة انا اقولك الناس اللى معجبهاش اللبس دى معجبهاش ليه

اللون البنفسجى بيعرف باسم لون الحكمة ... والحكمة هنا لا تكمن ..بالفصحى دى .. لا تكمن فى اللون ذات نفسه ...بل تكمن فى تقبل من يراه لسماعها ... وايضا تكمن بصورة اخرى فى اعطاء الثقة لغير الحكماء فى اصدار احكامهم ... والتى تكون عادة مخالفة لاراء الاخرين بشكل يسمح لها بالظهور على ساحة الاحداث يما يليق مع سبب خروجها....

انا لو مكانك وسمعت الكلمتين دول هاروح ارجع البلوزة

رحاله يقول...

بسم الله
هو اول تعليق ليا هنا بس بصراحه مش متخيله انك كتبتى بوست علشان بنطلون وبلوزة
تقبلى تعليقى
جيلان

LOST يقول...

أكتر حاجه عجبتني في الموضمع انك بتقولي ( البلوزه والبنطال ) بالفصحى تحسسينك انك لابسه فستان بيمدح في شعراء الجاهليه...اكيد طبعا..مش الريسه هي اللي لابساه

رئـــــيسـة حزب الأحلام يقول...

Eldebug
يعنى انت مع الفريق المعارض
تحياتى لك

رئـــــيسـة حزب الأحلام يقول...

رحاله
وانا الصراحة بحب الصراحة ولا يهمك

رئـــــيسـة حزب الأحلام يقول...

f four a
ازيك ياقمر شوفتى الهنا بنطال مرو واحدة

قوس قزح يقول...

المرة الجاية ابقى قوللهم تعالوا معايا انا نازلة روكسى علشان يتفقوا على طقم سوا
و الله حاجة غريبة ما كل واحد يخليه فى حاله بدام لبس مش خارج ولا لبس عجيب
و اللى اللون بيتعب عينه قولى له متبصش

اهو ده نوع من انواع اخد الحرية اللى اتكلمت عنه

تحياتى

Gihad N. Sohsah يقول...

يا بنتي اللبس دة اخر حاجة تفكري فيها...الرك على اللي لابس

هوندا يقول...

بصى المثل ده غلط اصلا المهم انك تلبسى الى مرتاحه فين وكمان اللون البنفسجى هو الموضه
وكمان كل واحد ليه زوقه واختلاف الازواق لا يفسد فى اللبس قضيه هههههههههههههه
وممكن يكون غايرنين منك هههههههههههه

Unknown يقول...

بلوزه وبنطلون؟؟؟؟؟؟؟؟؟؟؟؟؟؟؟؟؟

ومتضايقة اني كنت كاتب على موضوع فلسفي عميق زي الزربطه وليه بنلبسها

عجايب يا خواتي
:))

ع العموم مبروك الطقم
وعقبال الكسوة الكبيره
P:

Unknown يقول...

ياريتك كنتي سبتيهم ليوم تاني

رئـــــيسـة حزب الأحلام يقول...

Rainbow
اقتراح جميل بردة

رئـــــيسـة حزب الأحلام يقول...

صانعة الأحلام
عندك حق

رئـــــيسـة حزب الأحلام يقول...

هوندا
منورانا على طول يارب

رئـــــيسـة حزب الأحلام يقول...

أنونيمس
انت زعلان منى ولا اية داانا كنت بهرج معاك ااوعى تزعل

رئـــــيسـة حزب الأحلام يقول...

DEW
مين دول ياباشا

جيهان علي يقول...

السلام عليكم ورحمة الله وبركاته

الموضوع أذواق وكل واحد وله ذوق في لبسه
وحكاية كل وألبس دي انا مش معاها خالص لأن زي ما أنا بأكل اللى يعجبني وبحبه لازم كمان لبسي يكون عاجبني ومريحني أنا


ومبارك عليكش الطقم الجديد


تحياتي

Esraa Hamed يقول...

لا انا مش بحب المثل ده
المفروض كل اللي يعجبك و البس اللي يعجبك بردو
هويعني حد ليه عندنا حاجة
طالما اللبس محترم يبقي محدش ليه عندنا حاجة

ع العموم مبروك يا قمر علي اللبس الجديد

:)))

رئـــــيسـة حزب الأحلام يقول...

جيهان علي
الله يبارك فيكى يارب