عصفور عمال ينط عمال يفط
ولا عجبه فار ولا عجبة قط
عصفور جميل بجناحه يطير
ماهو عصفور ويابختك يافنط
عمال يزقزق ويغنى للحياة
دة عصفور ومزاجه عالى
ورايق ياسادة
ولا حامل هم جوازه ولا عياله
ولا حاجة تشغلك عن التسبيح
تعالى ياعصفور علمنا معنى السعادة
يمكن عشان انت حر
ولا عشان لك جناحين
ولا يمكن عشان صوتك جميل
ولا يمكن عشان مش حامل هموم السنين
تعالى هنا ياعصفور عاوزة امسكك اوعى تطير
عايزة اسألك عن سر السعادة
عايزة افط عايزة انط زيك كدة ياجميل
يلا بقى قول لنا اية هى معنى السعادة
هناك 90 تعليقًا:
هو سعيد
عشان حر
دى صوره حمامه
ولا هى دى شكل العصافير عندكم فى الحزب
حلو قوى البوست ده
عايزه تعرفى العصفور سعيد ليه ؟
لانه ببساطه شديده
عنده نقاء ماعندوش لاحقد و لا غل ولا خلافات فكريه و بيسبح ربه على طول
بيعمل الواجب اللى عليه و مش قلقان على رزقه...لأن ربنا هوه اللى بيرزقه
الحرية الحرية الحرية
سبب سعادته لو نطق
هايقولها بكل قوته
الحرية
حل وسط
يمكن وتحياتى لك
محمد عبد الغفار
اعذرنى انا ملاقتشى عندى على الكمبيوتر الا الحمامامة دى بس العصفور اللى اقصدة طاير لسة وعمال يغنى ماعرفتش امسكه فرحت جايبة حماممة
واحدة مفروسة
جزاكى الله خيرا واعطانا الله السعادة مثل هذا العصفور
وتحياتى لك ياقمر
omaima
تفتكرى الحرية بس
اوعى يفلت منك قبل ما نسأله
يعنى ايه سعادة؟؟؟؟؟؟؟؟؟
ياريتنا كللنا عصافير مش شايلة هم ولا حزن
على فكرة مفيش حد عاجبه حاله احنا نفسنا نبقى زي العصافير والعصافير نفسها تبقى زينا
بس احنا احسن طبعا لأن احنا عندنا العقل وان كانت حياتنا مش عجبانا فده بسببنا احنا ولازم نغير حياتنا علشان العصفور هو اللي يبقى نفسه يبقى زينا
تحياتي
حلوة اوى تسلم ايدك :))
جميلة ابياتك وافكارك
بس هو مين قال ان العصفور سعيد
ده المسكين مالوش بيت آمن
شتاء يغرق ميه
صيف الشمس تحرقه
خريف الرياح تبهدله
ملطشة يا عيني
ومين قال انه حاسس بالامان
ده ممكن عيل صغير مفتري يخبطه بطوبة يوقعه
وممكن غاوي صيد يطخه ببندقيه يموته
مسكين يا عصفور دايما خايف ومرعوب
ومين قال انه شبعان مش جعان
ده بيصحي من النوم يجري يدور علي رزقه
ويا عالم يا يلاقي لا مايلاقيش
لكن احنا بنصحى نفطر من التلاجة
وحتى حلم الحرية مهدد ماهو اي حد هيمسكه هيحبسه في قفص ويقعد يتفرج عليه وهو بيصرخ ويبكي ويقنع نفسه انه بيغني وفرحان
كل ده واكتر ونحسد العصفور !!
لا بجد احنا مالناش حق
كل واحد مقتنع ان غيره اسعد حالا منه
السعادة في الرضـــــــــــــا
أمتى هنرضى بقى ؟!
إنـســـانـة
انا مش هسيبة تحياتى
أم أحمد
يارب نبقى عصافير
منورانا
HERO
وجهة نظر جميله بس العصافير فيها ميزة مخلياها سعيدة انها تتوكل على الله وهذا مااعتقده
هوندا
الله يخليكى يارب
ممكن العصافير همومها صغيرة ..
بس هي صغيرة على قدها..
واحنا البشر همومنا على قدنا..
فقد يكون سعادة العصفور بالحرية
وسعادتنا نحن البشر براحة البال وغنى النفس..
تحياتي لكي ياقمر
بوست جميل
شهرزاد
Miss. Sosa
دة اللى انا مستغربالة رغم العيشه الصعبة دى لكن هو بيغنى وبينط دة اللى اقصده ولكن تفكيره زينا فهو مش هيطلع من بيته فهمانى يعنى من الاخر مابيخفش الا من اللى خلقة وكمان رغم صعوبة حصوله على الغذاء لكن ربنا ميسر له كل حاجة
واسعدتنى زيارتك
شهرزاد
فعلا السعادة نسبية بس انا اللى شاغلنى الصراحة انه بينط ويغنى وجايز يكون حزين فعلا انا قولك حد يجيب عصفور ونسالة بمنتهى الصراحة
وتحياتى
السعادة فى الحرية وكسر كل القيود
قلبه صافى ومليان بالامان
مودتى
اتعلمى منه الحريه من بعيد لبعيد
بلاش تمسكيه ويبقى فى الاسر ذى العبيد فى القصر
تحياتى بس بردو بلاش تمسكيه
السلام عليكم
ايوه كده العصفور ده جميل
عايزين نضمه للحزب عشان يعلمنا السعادة
لو نطق حيقول ليكى السعاده حريه
الله جميلة اوى
و فيها فرحة كده برغم من بحثك و سؤالك عن السعادة فيها
اعتقد سعادته فى حريته
سر السعادة لن يخبرك به وهو بين يديك .. لأنه بكل بساطة قد فقدها حين يقع في الأسر..
ولكنه يستطيع اخبارك وهو حر ..
فسعادته في حريته ..
تحياتي
said
رئيسة حزب ولا تتفقد أعضاء حزبها
شكلنا ها نرشح رئيس آخر للحزب
طاب ماتنطى هو حد حايشك
متزعليش من طيقتى فى الكلام بس اعمل ايه انا بحب الانسان يكون دايما حر يعمل اللى هو عايزة فى الوقت اللى هو عايزة والمكان اللى هو عايزة والطريقة اللى هو عايزها
متزعليش تانى بس اعمل ايه انا المجتمع ظلمنى كتير علشان كدة عاوز اثور عليه وسر السعادة متسأليش عليه حد لانه حاجة بتكتشفيها بنفسك
يعنى لكل واحد توجهاتة وميوله يعنى كل واحد حر فى حياته
وبعيد عن الموضوع
اسلوبك رقيق وحالم اتمنى تستمرى على هذا الاسلوب
وتحياتى
رئيسه حزب الاحلام
وحشتينى أوى أوى أوى بجد
أنا الحمد لله بخير وشكرا يا حبيبتى على سؤالك
بس أنا عايزه أسألك سؤال أيش عرفك بقى أن العصفور ده سعيد
يمكن بيتنطط من الحزن علينا
مش عارفه حاسه أن الدنيا ديه كلها مفيهاش حد سعيد على طول
طل واحد ليه هموم
بس والنى لو عرفتى ايه هيه سر سعاده العصفور
تبقى تقوليلى علشان أستضيفوه وأعمل معاه حوار على المدونه عندى
باحثه عن السعاده
لانى خلاص حتى بقيت مش قادرة أكتب عنها
فاقد الشىء لا يعطيه يا بنتى هههههه
بس أنا كتبت شويه فى قسم النكد
وده بقى أنا وكتير غيرى عندنا خبرة كبيييييييييرة أوى فيه
هوة فى أيه؟؟؟
http://sosy-soso.blogspot.com/
الحرية هى اجمل الاشياء
حرية القلب ثم العقل
من يملكهم يستطيع ان يعيش ملكاً
شعرك فى منتهى الروعة
سلمت يداك
دمتم بكل ود
خالص تحياتى
اتشرف بزيارتكم مدونتى
hanyyassinblog.blogspot.com
مش انا يا بيه
هو سعيد وبيغنى عشان اكيد مبيقفش كل يوم فى طابور العيش بالساعات عشان يجيب خمس ترغفه لعياله ..
فرحان عشان معاليهوش سلطه تقهره ..
مزقطط عشان مالهوش حدود ولا عليه قيود ..
بيغنى براحته ويقول اللى فى قلبه ومحدش بيقولله لأ ..
ليه ميبقاش فرحان ..
عقبالنا كده لما نبقى عصافير احنا كمان ..
بوست جميل وفكرته اشطه ..
و تحياتى ..
أسامة أمين
تفتكرى فعلا العصفور سعيد سعادة مطلقة؟
يمكن فعلا وليه لأ
جميل اوى البوست
....
ههههههه
عجبنى تعليق محمد عبد الغفار
مش ناسى انه فى حزب الاحلام
وان العصفور ممكن يكون شكله مختلف عن العصافير العادية
تحياتى وحبى
لرئيسة حزبى
كاميليا
جميل قوى الحوار ده يا ريسه بس وحياتك لو قالك ايه معنى السعاده تبقى تدلينا عليه .
ولو انى انا عن نفسى عرفته لما عرفت ان السعاده هى ان اجعل الله وليى ووكيلى وان لا اعتمد سوى عليه وحده وان ارضى بما يقسمه لى واشكره عليه
والله هى ديه السعاده بجد .
دمت بخير وسعاده فى رعاية الرحمن .
خالص ودى وتحياتى
rovy
سر السعادة
انا شيف انى سر السعادة فى انسان بيحبك وتحبه بيخاف علك وبتخاف عليه هو دة سر السعادة
تحياتي
ما شاء الله....تأملات جميلة...
تعرفي حضرتك...السعادة في البساطة لكننا بنو البشر عقدنا كل بسيط..
قال الرسول الكريم صلي الله عليه و سلم:
من بات آمنا في سربه معافا في بدنه عنده قوت يومه فقد حاز الدنيا وما فيها" .
نجري في الدنيا جري الوحوش و غير رزقنا لن نحوش..........هذا مثل من امثالنا العامية.
تحياتي و تقديري
هيقولك
السعاده اني اعيش يوم بيوم
اشيل من قلبي وعقلي كل الهموم
اصحى واسبح ربنا
واقولو عليك رزقنا
واطير وارفرف في السما
.. لمحت طيور زيي انما
في قفاص حابسين نفسهم
خانقين بايدهم حلمهم
رافضين يقولو لربهم
افتحها علينا ياربنا
حاولت كتير اقولهم
باصرخ وشايل همهم
لقيت جناحي ضعف قوام
.. من الهموم
من الاوهام
حسيتني ضاع مني الكلام
وسكتو هم في لحظه قوام
خافو يقولولي انهم
بايديهم شنقو نفسهم
رضيو يعيشو حزنهم
جوا سجون وهمهم
بعدت بعيد عنهم
باربي فرج كربهم
وكملت طيري في السما
وقلت افرجها ياربنا
احمدك واشكرك يارب بزياده
عشان هديتني وشرحت قلبي .. للسعاده
مش عارف بقى اذا كانت تمشي ولا مش ماشيه
انا اصلا ماليش في الشعر يا جرعااااان
سلامووووووووز
عزيزتي رئيسه حزب الأحلام
السعاده في البساطه في الأشياء اللي ممكن مايحسش بيها غيرنا لكن بتفرحنا و بتسعدنا
ممكن ابتسامه طفل صغير
تحياتي ليكي
الحرية هى سبب السعـــــــــــادة
:) :) :)
ياسيادة الرئيسة
كلام جميل
بس ممكن كلنا نكون عصافير دة طبعا لو عوزنا نكون كدة
تحياتى
مستنى اقتراحك على البوست الجديد
وادعوكى لوضع لوجو حملة وقف تصدير الغاز الى اسرائيل
ودة اللينك بتاع اللوجو
http://www.zshare.net/image/12105759293805bb/
سلام الله عليك حبيبتي :ماشاء الله جميل جدا بغض النظر ان الصورة فيها حمامة بس حلو قوي ...يارب ارزقنا الحرية كالطيور...انا ملاحظة ان الحزب بيتقدم وينضج ...ما شاء الله
Desert cat
فعلا بس ياترى الحرية بس هى اللى تعمل السعادة ياريت بس بلاد الغرب عندهم الحرية ورغم كده شاعرين بالتعاسة انا اعتقد البساطة البساطة هى السر والله اعلم
تحياتى
ضد الظلم
ماتخافش انا مابعرفش امسك العصافير
وتحياتى
امل
يلا مرة نكد ومرة فرح عشان ماتزهقوش
رئيس جمهوريه نفسى
الحرية وفى راي كمان البساطة والتوكل على الله
تحياتى
قوس قزح
منورانا ياجميل
وتحياتى لكى
جني
انا سبته خلاص انا سالتة وسيبتة
واوعى تزعل منى لنل شرحتلك
وتحياتى لك
عرفة فاروق السيوطى ( الاديب العاشق)
اشكرك والف شكر على الكلام الجميل
soso
خلاص هبعته لكى استنية على الشباك
وتحياتى
HANY YASSIN
اشكرك على الكلام الجميل تحياتى لك
عصفور المدينة
لا ماتخافش مش انت ياعصفور
تحياتى
شـمو نشـادر
فعلا عمرى ماشوفت عصفور واقف فى طابور العيش وعمال يلعب يمين وشمال
تحياتى لك وتعليق حضرتك هو اللى عسل
كاميليا
لا عصفورنا مش حمامة
بس اللى حصل ملاقتشى غير الصورة دى اعذورونى ياجماعة تقبلوا اسفى انا كنت عاوزة عصفور وطلع حمامة
تحياتى لك ياقمر
rovy
جزاكى الله خيرا فعلا هى دى السعادة اللى وصلها العصفور قبلنا
ادام الله علبكى سعادتك وتحياتى لكى
احمد الجيزاوى
اكيد طبعا الانسان بيحس بالسعادة عندما يجد من يخاف علية ولكن ليس الخوف الذى يخنقى ويتحول الى امتلاك
تحياتى
الربان
جزاك الله خيرا على هذا التعليق الجميل
وصدق رسول الله صلى الله علية وسلم
تحياتى لك
Soooo
جميله جميله جميلة
اخيرا العصفور رد على بجد رد جميل
تحياتى وتقديرى
كلام زى الفل
اجندا حمرا
فعلا البساطة هى سر السعادة والقناعة
وتحياتى لكى
mo5tar
هى ممكن تكون سر بس السر الاعظم هى التوكل والقناعة
arsenalwy
تحياتى لك ومنورنا دايما يارب
حرة المداد.
بيتقدم وينضج بيكم فعلا التحاور والكلام بيدى للواحد افكار جديدة
واشكركم جميعا على تعاونكم معى
تحياتى لكى
اول تعليف قالك السر
هوه حر مش مقيد
علشان كده هوه سعيد
بوست جميل
بس عرفتي منين انه سعيد صحيح هوه قالك ؟؟
مايمكن يكون متضايق وله حاجة واحنا منعرفش
هههههههههههههه
خلاص خلاص سعيد نسيت انك رئيسة حزب
تحياتي
مش شرط انه بيغني وبيتطنط انه سعيد ومبسوط يمكن بيغني من همه زي ماحنا بنضحك من همنا بدل مانكبت في نفسنا العصفور زينا بالظبط بيجري علي رزقه طول النهار ويلف ويدور علشانه هو وصغاره كمان وسايبه علي الله انه يرزقه ويدله علي مكان الرزق احلي حاجة في العصفور مش بيركب مواصلات عنده الملاكي بتاعه مش بنحسده ههههههههه
بجد بوست فوق الروعه هايل جدا احيكي
لكي تحياتنا
السعادة إني أعمل اللي عايزه
من غير قيود
من غير ما حد يمسكني ويقررني
ويعد يحسدني على حريتي
ويسألني عن سرها
عرفتي أنا سعيد ليه ؟
تحياتي
آدم
السلام عليكم ورحمة الله وبركاته
السعادة في الحرية والعبودية
حريته في حياته وانطلاقه في السماء الواسعة
وعبوديته لله وحده لا شريك له رب رحيم كريم
تحياتي
WhItE HeArT
اولا منورنا
ثانيا تحب اخد العصفور دة واوديه لدكتور نفسانى عشان تنبسطوا
تحياتى لك والف شكر على الكلام الجميل
بنات صاحبة الجلالة
فعلا الواحد مش عارف العصفور دة اخبارة اية بس هو متوكل على الله
واشكرك على كلامك الجميل دة
تحياتى
ADAM
بس ياريت تكون حرية مسئولة
ومنورنا دايما
الجدة فصيحة
راى فى منتهى الجمال احييكى علية
تحياتى
فعلا حقك تحسديه وتحقدي عليه كمان
بس ايه رايك لو تصاحبي عصفور من العصافير دول
وتيجي وتقوليلنا علي سر السعاده
انا عن نافسي مصاحب واحد
بس امنني مقولش لحد ...
موضوع جميل
اتمنالك التوفيق
هو العصفور مش هيجى بالكلام ولو قعدنا ننادى عليه شهر
سيبك انتى انا هجيبه
اروح اجيب البندقيه الرش
انا مدون جديد دى اول زيارة ليا
مدونتك جميلة اوى ودمها خفيف
انا زيزو اللى دوخت ابى على النضارة
عز
سلاااااااااااام
العصفور رد عليكى وقال ايه
خاطرة جميلة اوى
بس الاكيد ان السعادة هيا بالحرية وهدوء البال والرضا ودى اهم حاجة
تحياتى ليكى وبجد بوست جميل
تقبلى مرورى
هههههههههه
ضحكنى تعليق محمد عبد الغفار
بس تعرفى انا ساعات بيحصل معايا كدة برضه
مش بلاقى صور مناسبة للبوست
بس على العموم كلامك بجد عسل اوى
يفط وينط ويفرح لحد ماربنا كرمه بانفلونزا الطيور
بسببنا طبعا
احنا مسبناش حد سعيد صدقينى
احنا بنى البشر نستحق الاعدام
ليكوريكا
طب انت فيها اسال العصفور صاحبك وقلنا والف شكر لتعليقك الجميل
تحياتى
عبده الرايق
هات البندقية بس حرام احنا كدة هنزعل اهلة عليه
تحياتى ومنورنا يارايق
زيزو الشقى
منورنا يازيزو وعاوزين نشوف موضوعاتك الاسم جميل وشقى
تحياتى
آخر العنقود
انا مبسوطه ان البوست دة عجابكم مع انى كنت محتارة انزلة والحمد لله انه عجابكم
تحياتى لكى
مدحت محمد
تخيل الصورة دى انا اختارتها ومالقتشى اللى هى بس سماح المرة دى
والحمد لله ان الكلام عجبكم وبلاها الصورة خالص
تحياتى
سعادة العصفور في كل الحاجات اللي انتي قولتيها دي
حياته بسيطة قوي قوي قوي
اه.. يارتني كنت عصفور بس طاير في الهواء مش محبوش جوة القفص
تحياتي ليكي
العصفور ده من الحزب ولا ايه
عايزين نضمه
عشان ممنوع السعاده خارج الحزب
:D
mostafarayan
تحياتى لك وليتنا نشعر بالسعادة مثلما يشعرها العصفور
تحياتى
حسام يحى
سوف نضمه للحزب انشاء الله
تحياتى
حوار جميل لذيذ
د/هيما
حوار جميل برئ
مشاعر رقيقة
مشاعر فلسفية لكن مش مكلكعه
بساطة وراحة
ومعاني جميلة
سلميلي ع العصفور
قوليلي شكله أيه العصفور دا و أنا أسأله... يمكن يطلع قريبي!
.....تحياتي.........
r-hema
الله يخليك
وتحياتى لك
الباحث عن الحقيقة
تعليقك جميل جدا
الله يخليك
تحياتى
الهدهد الطائر
خلاص اساله انت
تحياتى لك
إرسال تعليق