السيدات والسادة الاعضاء الهى تكونوا بخير وبألف صحة وسعادة
وأهم حاجة النوم عاوزة اطمن عليكم عايزاكم تناموا بضمير أهم شئ دة طبعا من
أهم اهدافنا
النوم بضمير فلم يعد لدينا شئ سوى النوم بضمير .
هناك مطالب من السادة الاعضاء واهم مطلب هو إقامة حفل مثل بقية الاحزاب الاخرى
ومن موقعى قرر حزب الاحلام الذى يتحدى النوم على البلاط
وحزب نام وأتغطى وبلاش تتعشى
عشان الكوابيس قررنا نحن إدارة الحزب إقامة حفل وانشاء الله على يوم 26-6 سنعد لاحتفال كبير
وسيكون مفاجأة الموسم .
أعضاء حزب الاحلام الذين يفنون أعمارهم فى النوم العميق انهم اصحاب مزاج عالى
حزب الاحلام الحزب الذى يعانى من التوهان والناس تعذرنا عشان سيادة الريسة تعانى بعض الوقت من
التوهان وذلك لكثرة الاحلام ومعانتها من لسعان الدماغ
بس هى ناوية تقيم حفلة بس لورجعت فى كلامها دة اكيد لحالة التوهان
وسنقوم بإستدعاء نانسي عجرم لاحياء الحفل ومعها شقيقتها هيفاء بنت الحاج وهبى
سوف يقوم الحزب برحلات للساحل الشمالى مارينا كل واحد يخد له غطسين ويرجع بردان
يقوم ينام وبهذا نخدم الحزب وأعضاء الحزب واى خدمة
وسيتلقى الحزب اى إقتراحات لنعنشة الحفل من السيدات والسادة الاعضاء
وعلى باب الحزب ستقف رئيسه حزب الاحلام ببيع قلام وبرايات وكل اللى يقول هات
مع تحيات الادارة العامة للحزب
هناك 55 تعليقًا:
معلش ياريسه انا كنت داخله انام و لقيتك نزلتى البوست قلت امضى حضور لاحسن التوهان ماشى الله ينور
بس اختك مفروسه...غبيه حبتين تلاته
وعاوزه تعرف الحفله ديه بجد و حتجيبوا نانسى و هايف
وبعدين و انا داخله مالقتش اقلام
ولا يكون عيد ميلادك
ارجوكى لا ترهكى تفكيرى و قولى فيه اييييييييييييه
السلام عليكم
انا جيت احجز مكان في حفلة عيد المكيلاد والرحلات بالذات
وبعد كده يبقي الواحد ينام ويتوه وهو مرتاح الضمير
الظاهر إني اتأخرت عليكم ، أصل كان في حلم طليعي مهم جدا حضرته ، و بعدها إتقلبت طيران على قاعة المناسبات النائمة لحضور شخير الغرفة السيمفوني ، و رغم إني إتقلبت في ميعادي بالضبط إتأخرت عليكم لأن إشارة المنبه فضلت قافلة لحد ما إضطريت إني أصحى في الاتجاه المعاكس من فوق السرير ، و آجي بأقصى سرعة .
الظاهر إني محتاج أنام فعلا ..
والله شكل الحزب بتاعكم ده حزب من الاحزاب اللي بتخاف بجد علي مصلحة اعضائها
نانسي بتاعة (الدنيا حلوه) ، وهيفا بتاعة الواوا
لا لا دنا هنام واحلم لحد يوم الحفله
كل سنه وانتي طيبه وتحققي كل احلامك واحلام حزب الاحلام
ملحوظه : الدنيا وحشه يا ناسي :)))
الأخت العزيزه صاحبة حزب الأحلام
سورى كان فيه خطا فى تحميل حلقة الشباح فى بوكس الأرشيف تبعنا فى البرنامج الأذاعى لم اتبن سببه ولكن فضلت وراه حتى اصلحته ويمكنك الآن زيارة الموقع او المدونه والستماع الى الحلقه بس فيه فى الول صمت لثوانى ثم تبدا الحلقه
تحياتى
الموقع طبعا عو
http://dear.to/cairo
والمدونه
http://netonradio.blogspot.com
والحلقه مسجله وقت اذاعتها من الأذاعه
هو انا مش من الحزب بس ممكن انضم ليه بس اعرف شروط الانضمامواهداف الحزب
او خلاص لو مفيش انضمام اقف علي الباب ابيع اقلام وبرايات ههههه
اهو يمكن اسمع واستفيد
بس يا رب مكونش جيت متأخره وخلصت الحفله واتقفل باب الانتساب للحزب
تقبلى تحياتى
اعملوووو حساااابى بقه اشمعنا انا هاى اذيكو انا جديد فى البوست ده وياريت اكون صاحبكو اتشرف بيكو وتزورونى فى مدونتى ياريت
انا اكيد معزومه طبعا و يا ريت اعرف السبب الحقيقى للحفله و ليه يوم 26/6
بالذات .. وطبعا ده علشان احدد نوع الهديه اللى حأجيبها لسيادتك ..
وان شاء الله ننام ونحلم كلنا احلام سعيده .. يااارب
تحياتى
rovy
انا عاوز دينا وطارق الشيخ
نياهاهاهاها
انا بأه هكون أكبر مسئولة في الحزب،، نوم؟! نوم؟! ده لعبتي يا أمي
تحياتي
و الله انا شايف الحزب ببرنامجه هذا يكون تمام...حزب منتج بصحيح...اجزوا لي مكان
معاكم لو سمحتم....خصوصا رحلة مارينا.
تحياتي و تقديري
فى مكان للمستجدين ولا لأ
على العموم أى كان الإحتفال
كل إحتفال وحضرتك طيبة
----------------------------------
وطبعاً أتمنى تشرفينى بتعليقك فى مدونتى
بلاش مارينا بقى ما انتى عارفه اللى فيها يا بنتى اعمل فيكى ايه دلوقتى
امممممممممممم
نانسى وهيفا
طبعا غير مسموح باصطحاب الازواج
مش كده ؟؟؟
ولا انتى ناوية على إيه ؟؟؟؟؟؟؟؟
ههههههههههههههههههههه
طمنييييييييييينى
لولى
شوقتينا
هيحصل إيه يوم 26 ؟؟
يا بنتى قولى أحسنلك
و بلاش نانسى و هيفا و أغنيلك أنا ببلاش و محدش من الرجالة هيستجرى يبصبص خالص
ربنا يجعله يوم كله فرح عليكى و على احبابك
واحدة مفروسة
انا اسفه ياحبيتى انى ارهقتك
والا النوم الاالنوم وخليه مفاجأة يوم 26 انشاء الله
تحياتى لكى
son's egypt
نام وارتاح وشد اللحاف ولا يهمك
تحياتى
أحمد كمال
ههههههههههههههههههههههههههههههههههه
لا ربنا يخليلك السيمفونية
وربنا معاك
تحياتى
ليكوريكا
نام واحلم نانسى وهيفا هنجيبهم هنجيبهم عشان خاطر الشعب كلة
تحياتى
sal
استاذى العزيز صلاح اشكرك على الحلقة الاكثر من رائعة واشكرك على الكلام الجميل فى بداية الحلقة
اشكرك
تحياتى لك
nour shahen
الحزب يتشرف بالجميع ولن يقفل الابواب امام اى حد
تنور
ادم المصرى
طبعا نتشرف بحضرتك وانتظر معنا الحفلة
يوم 26
تحياتى
rovy
خلى اليوم مفاجأة وانشاء الله تكون جميلة
وطبعا انتى اول المعزومين ياقمر
تحياتى لكى
محمد عبد الغفار
امرك ياباشا
بس مش عجبينك الاختين الحلوين ماينفعوش
تحياتى لك
maha miho
اهلا بيكى دة اهم شرط فى الحزب النوم النوم
تحياتى لكى
الربان
يعنى احجزلك فى رحلة مارينا والحفلة
وانشاء الله جاتوة وحاجة ساقعة
تحياتى لك
ahmd ebn om ahmd
الحزب مفتوح لكل الناس
وانشاء الله انا جيالك
تنورنا دايما
تحياتى لك
appy
ربنا يستر
مارينا اللى بالى بالك احنا مش قدها ومنورانا دايما
تحياتى لكى
Sally
ناويه على كل خير
اوعى ماتجيش
تحياتى لكى
فاتيما
خليه مفاجأة
وهتغنى خلاص بلاش نجيب نانسى ولا هيفاء
وانتى تغنى لنا ياقمر
صوتك شكله جامد مش كدة
تحياتى لكى
سيادة الرئيسة
أهنئك على أنشاء هذا الحزب الذى لايحتاج موافقة من أحد ولا يمكن منعة
لان ذلك يحتاج الى اصدار قانون بمنع
الاحلام أثناء النوم.
كما لايمك تدميرة من الداخل لآن الحلم
مسئلة شخصية , فلم أجد حتى الان من يستطيع الاشتراك فى حالة النوم مع الاخرين وأن يتعرف على نوع حلمهم
كما أن من حق من يحلم أن يحلم بأنة
الزعيم التاريخى لحزب الاحلام.
وبالتالى فأن حزب الاحلام أهدافة من
الاحلام وهى لاتحتاج لدعم مادى كما لايحتاج لجريدة ولا أعلانات.
كما وأن الاحلام لاحدود لها وهى مفيدة لصحة النفسية وطبقا لحالات معينة نستطيع الحلم أثناء النوم وايضا أثناء اليقظة.
فمثلا أنا أحلم الان بان الجو ربيع
وأن الهواء نظيف وأرى فيما يراى النائم أن الناس تمسكوا بالمبادىء
وأن من يبيع المبادىء أصبح منبوذ من الناس, وتصورى لقد بالغت فى حلمى فرأيت (اللهم أجعلة خير) أنة لايوجد أنسان يكذب ,وانهم أى الناس لايتدخلوا فى أمور غيرهم و أنهم وأنهم...........
حزب رائع يا سيادة الرئيسة
دعينى أحلم لكى بالخير والستر
ده فعلا صباح التوهان بالجلسرين
ده على اساس ان الناس ناقصة توهان يعني
وربنا يجعله خير ان شاء الله
تحياتي
السلام عليكم
احنا بخير طول ماانتى بخير ياريسة
وبما انى انضميت مؤخرا لحزب الاحلام
فااطمنى انا بنام بضمير اوى
يعنى 12 ساعة متواصلين
اما من ناحية الحفلة فاطبيعى بما انها نانسى مش هنام من دلوفتى
دمتى بكل خير وسعادة
هييييييييييييه عيد ميلاد يعنى تورتة وجاتون وبيبس وكمان هناخد غطسين ونرجع بردانين فى مارمرينا والساحل ده انا هبوسك يا سلوى
mohamed
اشكرك على هذا المقال الرائع عن الحزب
واحنا فعلا من مبائ الحلم انة بلاحدود
فهو حزب بلا اسقف
تحياتى لك واشكرك ولى سؤال لم اتمكن من دخول مدونتك
HERO
يلا ربنا يستر ونقدر نكمل ومانتهشى فى السكة
تحياتى
عـــفـــراء
انكى عضوة فعالة جدا
وسنقوم باعطائك جائزة النوم المتميز
ونامى فى امانة الله
تحياتى لكى
عـــفـــراء
انكى عضوة فعالة جدا
وسنقوم باعطائك جائزة النوم المتميز
ونامى فى امانة الله
تحياتى لكى
Desert cat
شوفتى مش هنحرمكم من حاجة خالص
واى اقتراحات عاوزينها اطلبوها
بس كل دة فى عيد الميلاد
تحياتى لكى
بس ايه ده
طنط هيفاء جايه هيا وطنط نانسى
فين تشجيع الصناعه الوطنيه
جيبوا طنط شيرين ماشربتش من نيلها
او اى طنط مصريه تانيه
او حتى جيبوا انقل تامر
ولو لازم لبنانى
يبقا طنط فيروز
والله انا كان بودى اكون معاكم الحفلة
دى بس يوم 26
مهم بالنسبة لى هكون نايم فيه
بس لو هتقعدوا فى مارينا هجيلكم ما
هكون جنبكم فى اسكندرية
بس بلاش هيفاء ونانسى مش ناقصة ممكن
روبى ما هى من زوار مارينا وهتوفر
عليكوا المواصلات
تحياتى
وكل نومه وحلو طيب
السلام عليكم
اول زيارة ليا
تقريبا هشترك في الحزب ده مع احتفاظي بحق الصحيان في اي وقت
سوف اقرا الشروط والمبادئ والافكار وكدة يعني
وبعدين اتوكل علي الله وانام
هي دي الأحزاب اللي ليها مستقبل
بس لو في رحلة للغردقة يبقي تمام قوي
تحياتي
انا اسمى مكتوب ؟
سيادة الرئيسة
مدونتى تتشرف بزيارة جنابك
بس هاتى معاكى شيكولاتة
ومش هاكل منها كتير
يدوب 999جرام شيكولاتة
وهسيب لجنابك 1جرام
تحياتى
ده عيد ميلادك صح؟؟
كل سنة وانتى طيبة
كل عام وانت الى الله اقرب
كل عام وانت لله اتقى واطهر
تمنياتى بتحقيق كل الاحلام .. هذا العام
عيد ميلاد سعيد
تحياتى وحبى
Hosam Yahia حسام يحى
سوف ندرس هذا الموضوع انشاء الله فى مقر الحزب
تحياتى لك
عرفة فاروق السيوطى ( الاديب العاشق)
هتبقى نائم مانقرشى نتكلم انت بتخدم اهداف الحزب ومانقدرشى نتكلم وهنفكر فى اقتراحاتك
تحياتى
kochia
اقرا على مهلك ولا يهمك
احنا منتظرينك
تحياتى
MONDAHESH
هى جت على الغردقة ولا يهمك غردقة غردقة احنا قدها وقدود
تحياتى
كيكى
مكتوب ياكيكى
واللى مكتوب على الجبين لازم تشوفه العين
تحياتى
mohamed
انا جيالك اهو ومنورنا دايما
كاميليا
ليه كدة ياكماليا دى كانت مفاجأة
بس وانت طيب ياقمر
وبسعد بوجودك دايما تحياتى
كاميليا
ليه كدة ياكماليا دى كانت مفاجأة
بس وانت طيب ياقمر
.......
أعمل ايه بحبك وقلبى قال لى كده
انه يوم ميلادك
واحساسى طلع صح اهو
قلبى بيحبك
كاميليا
والله ياكاميليا انا بحبك ونفسى بجد اشوفك
سبحان الله الحب فى الله اعظم حب
ادام الله علينا نعمة الحب فى الله
إرسال تعليق