الجمعة، 6 يونيو 2008

احلام بنت مصريه


اعتذر لجميع الاعضاء للتأخير فى الرد وذلك لان النت كان فاصل لمدة يومين اعذرونى

-------------------------------------------------------------

بنت مصريه انا بنت مصريه


لفحتنى شمس الغربه


وانا لسه فى بلدى قاعدة


مانا بنت مصريه


بتجرى وراها السنين


وهى مش عارفة تروح لفين


بنت عايشه زى الملايين


عايشه بتعد الغيوم


وساعات بتعد النجوم


بنت مصريه شرقيه مش غربيه


ولا بحريه ولا قبليه


عايشه بروح قديمة


فيها اصالة حزينه


دى بنت مصريه بتنام ودموعها


على خدودها عايزة تشوف السعادة مرة تزورها


وتفتح لها ابوابها


بنت عايشه فى قصر مسجون بالغيوم


وبتسأل امتى تنقشع الغيوم


دى بنت مصريه وأحلامها عاديه

هناك 60 تعليقًا:

Ahmed Al-Sabbagh يقول...

رائع

واحلى بنت مصرية كمان

كلمات جميلة رائعة

تحياتى

احمد

Eldebug يقول...

لفحتنى شمس الغربه

------------------
هوه علشان كده بقى لونا قمحى ولا ايه

انا بيعجبنى اوى على فكرة اسلوبك فى الشعر ... بحس كده انه مختلف ... اه بالحق هوه ليه كل البنات بتحب موضوع انا زى اى بنت مع انها مش بتبقى زى اى بنت ... انتوا متواضعين اوى على فكرة ... بحييييييكم

د/أبويحيى وادم يقول...

السلام عليكم ورحمه الله وبركاته

جزاكم الله خير الجزاء

كم هى جميلة تلك الكلمات وتعبر عن حال الكثير وفكم الله دوما والى الامام

والسلام عليكم

مطرح ما ترسى....دقلها يقول...

السيدة رئيسة حزب الاحلام

ايه رأيك نعمل مشروع مدونة مشتركة

اسمها بيعبر عنها وعن افكارها

HIGH HEAD ACADEMY

وانا بدعوك تبقى معايا فيها وممكن نضيف اعضاء تانيين

بس بشرط يحققوا الشروط بتاعتها

مستنى ردك


وده لينك المدونة

http://h-h-a.blogspot.com/


under construction

----------------------

تعليق البوست بقى


انتى ليه مصورة ان البنت المصرية عايشة فى الحزن كدة

مع انى شايف ان بنات مصر الايام دى

بسم الله ما شاء الله

ولا فى دماغهم الطراوة


راجعى نفسك والى لقاء

nonoymm يقول...

السلام عليكم
وانا باعتذر بسبب نتي برضه
احلى بنوتة مصرية ربنا يعزك
تحياتي

Sally يقول...

عايشه بروح قديمة

فيها اصالة حزينه

كلمات جميلة يا سلوى ..
عجبتنى السطور دى
حسيت انك بتتكلمى عنى

دمتى مرهفة الحس اختى الحبيبة

ادم المصرى يقول...

على فكره اسلوبك جميل جدا فى تنسيق الكلمات وكل حاجه فى بوستاتك ديما بتكون تحفه بارك الله فيكى تقبلى مرورى وتحياتى دائما اخوكى ادم المصرى

واحدة مفروسة يقول...

الصراحه حلوه قوى الكلمات الجميله ديه

خبيب يقول...

لفحتنى شمس الغربه

إحساس قاسٍ حقا..

لكنه موجود بكثرة للأسف !

appy يقول...

بس البنت المصريه لو قعدنا نوصف فيها العمر كله مش هتلاقى زيها بس انتى قربت اكتر حاجات بس احنا يمكن نكون حزنا علشان بلدنا تسلم ايديكى يا قمر بجد

المـــفـــــــقــــــــوعـــــة مــرارتـهــا يقول...

نفسي اصحي من نوميوالاقي بنت مصر اخدت نص حقوق البنت الغربية
مش لازم تبقي في حريتها بس يتشال عن كاهلها قهرتها

بنت أبيها يقول...

ان شاء الله ستنقشع

رئـــــيسـة حزب الأحلام يقول...

Ahmed Al-Sabbagh
الله يخليك دة من ذوقك
الف شكر لهذا الكلام
تحياتى لك

رئـــــيسـة حزب الأحلام يقول...

Eldebug
شوفت جبت السبب الحقيقى للون القمحى
البنت بتحب تتوصف انها زى اى بنت لان فى مشاعر واحاسيس بتبقى مشتركة فى كل البنات بس طبعا هناك اختلاقات اخرى
واشكرك على كلامك الجميل
تحياتى

رئـــــيسـة حزب الأحلام يقول...

د/أبويحيى وادم
اشكرك على كلامك الجميل وتسعدنى دائما
بزيارتك لمدونتى وارائك الجميلة
تحياتى

رئـــــيسـة حزب الأحلام يقول...

مطرح ما ترسى....دقلها
اعرف الاول شروطها اية المدونة
وبتتكلم عن ايه اتمنى الافادة بس بالنسبه لى ياريت تكون فكرة جديدة
اما عن البنت المصريه فمش كل البنات عايشة فى الطراوة وانا معاك ان فى بنات طراوة على الاخر والنموذج دة انا لااقصدة انا اقصد البنات اللى عايشين حزن الوطن ودول انا شايفة منهم كتييييييييييييير اوى
تحياتى لك

رئـــــيسـة حزب الأحلام يقول...

nonoymm
شوفتى النت عمل فينا اية انتى انتى كمان ياعينى
الله يخليكى على كلامك الجميل دة
تحياتى لكى

رئـــــيسـة حزب الأحلام يقول...

Sally
الله يخليكى وجميل انى كلامى يعبر عن واحدة جميلة زيك ياحبيبتى دة يدينى الشرف
لكى الف تحيه

رئـــــيسـة حزب الأحلام يقول...

ادم المصرى
الله يخليك دة كلامك الاجمل
دمت بالف خير اخى
تحياتى لك

رئـــــيسـة حزب الأحلام يقول...

واحدة مفروسة
الله يخليكى ياقمر
واخبارك اية ياجميل
تحياتى لكى

رئـــــيسـة حزب الأحلام يقول...

خبيب
فعلا احساس قاس واعاننا الله على هذا الاحساس عندما يشعر الانسان انه غريب نعم غريب انه قمه القسوة
تحياتى لك

رئـــــيسـة حزب الأحلام يقول...

appy
ازيك يااحلى قمر فى الدنيا
جميل ان الكلمات تعبر عن بعض البنات
تحياتى لكى

رئـــــيسـة حزب الأحلام يقول...

المـــفـــــــقــــــــوعـــــة مــرارتـهــا
يارب ياسوسو يااحلى سوسو فى الدنيا
بوسيلى العيال اوي اوى
تحياتى لكى يااحلى اخت

رئـــــيسـة حزب الأحلام يقول...

بنت أبيها
فى يوم ما ستنقشع انشاء الله
ربنا المعين
تحياتى

همس الاحباب يقول...

بنوته مصرية
اول مرة اعرف انك بنوته مصرية
انا عارف انك رئيسة حزب الاحلام وبس
بنت عايشه زى الملايين

عايشه بتعد الغيوم

وساعات بتعد النجوم
بجد رائع قوى بتعد الغيوم جديدة قوى
ويا ترى النجوم كام
انا تعبت من العد وعايز اعرف الرقم كام هههههههههه
عايشه بروح قديمة

فيها اصالة حزينه

دى بنت مصريه بتنام ودموعها

فرجه قريب وخليكى دائما متفائلة كما عهدتك دائما
تحياتى وتقديرى يا سلوى

هوة فى أيه؟؟soso يقول...

أزيك يا قمرى عامله أيه وحشتينى أوى
ليه يا بنتى كده بس
؟؟
ليه تقليب المواجع ده وأنتى عارفه حساسيتى ضد السعاده ديه!!!
ولا مش عارفه
وكمان عماله تقولى نفسها السعاده تزورها مرة
يسمع منك ربنا ياااارب
أهىء أهىء أهىء
عااااااااااااااا

مدحت محمد يقول...

عناية/ رئيسة حزب الاحلام
تحية طيبة .... وبعد
يرجى التفضل بالاحاطة بان احلام سيادتكم كأى بنت مصرية تريد ان ترى لها مكانا

ويكون لها طموحا واهدافا
اتمنى من الله ان يحقق لكى احلامك

وتفضلو بقبول وافر التقدير والاحترام

مقدمه
مدحت محمد

عـــفـــراء يقول...

السلام عليكم
كلمات جميلة ومعبرة
ومش عارفة اقولك اية
بس كفاية انها بنت مصرية
رغم كل ماكتبتى
دمتى بكل ود

عاليا حليم يقول...

اعتقد ان الأغنية دى يجب ان يقراها مؤلف اغنية ما شربتش من نيلها
عشان يبقى يركز فى الاحوال من حواليه قبل ما يعد يكتب اغانى

تحياتى

رئـــــيسـة حزب الأحلام يقول...

همس الاحباب
يلا حاجة جديدة قلتها لكم
وربنا يرزقنا التفاؤل
امين يارب العالمين
تحياتى لك

Hosam Yahia حسام يحى يقول...

ماشاء الله على الكلمات والمعنى

بس احنا عارفين ان حضرتك مصريه

مش انتى رئيسه حزب مصرى برده

لابد من ذلك

:d

رئـــــيسـة حزب الأحلام يقول...

هوة فى أيه؟؟soso
يارب امين
ربنا يفرج علينا
وانتى اللى وحشانى ياقمر
وايه الاخبار ماتغبيش كتير
تحياتى لكى

رئـــــيسـة حزب الأحلام يقول...

مدحت محمد
ايه ياعم الرسميات الجامدة دى
يارب يحقق امنياتنا كلها
تحياتى لك

رئـــــيسـة حزب الأحلام يقول...

عـــفـــراء
اشكرك على كلامك العسل دة ومتابعتك وتواصلك معى
تحياتى لكى

رئـــــيسـة حزب الأحلام يقول...

عاليا حليم
هو واحد كان نايم وبيحلم ان الحياة اخر السطة والدنيا مزهزهه واخر رحرحة يلا ربنا يفتح عينهم على الحقيقة البمبة
تحياتى لكى ياقمر

كلمــــــــــــــــة حـــــــق يقول...

السلام عليكم

دايما مدونتك بتوحشنى جدا بس للاسف مش بدخل كتير وانتى ماشاء الله عليكى جواكى كلام كتيييييييييير اوى

اما احلام البنت المصرية فهى منسية وف زحمة ايامنا مرمية وربنا معانا


وحلو اوى البوست ربنا معاكى

عرفة فاروق السيوطى ( الاديب العاشق) يقول...

وبتسأل امتى تنقشع الغيوم

قريب جدا ان شاء الله

كلامك جميل وفكرتك اجمل


يارب الاحلام تتحقق

تحياتى يارئيسة احسن حزب

امل يقول...

السلام عليكم
ياخبر ابيض انا فاتتني كل البوستات دي
وفاتني الاجتماع المهم بتاع الحزب مع اني
من الاعضاء المخلصين بس شكلي راحت علي
نومه من كتر الاخلاص ..
بالنسبة بقه للبوست ده فربنا يسعد
قلبك يارب ويبعد الدموع عن عيونك
ويخلكي دايما في أحسن حال...

mayada يقول...

ارق بنت ياريسه
البن المصريه دي ماركه مسجله
بحبك يا بنت البلد
بحبك يابنت الأيه
قوليلى يا بنت الحقيقه
أنتى معموله من أيه
أصيله طول عمرك
وراضيه با لقليل
والوفا دا طبعك
أصيل مش تمثيل
يالى عندك نظر
بص لبنات النيل
شموس وفا
وزهور فواحه بتميل
غزلان بتتمخطر والحنان
منهم بيسيل
بحبك يابنت البلد
ياشامخه زى النخيل
يا لى حبى ليكى
ما يحتاج أبدا لد ليل

دعاء مواجهات يقول...

جميل كلااامك اوى ياريسة

انتى اصلا عسولة جدا دى مش مجاملةلااااااا

دى حقيقة واقعة وانا اتاكدت منها بنفسى

الكلام قوى ومؤثر

تحياتى

walaa يقول...

يارب الاحلام تتحقق وتمشى الغوم
وربنا ما جب دموع ابدا
وتنفرج الغمه باذن الله
تحياتى ولاء

mostafa rayan يقول...

ان شاء الله كل الأحلام تتحقق

bos bos يقول...

بنت عايشه فى قصر مسجون بالغيوم




وبتسأل امتى تنقشع الغيوم




حسيت بيهم قووووووووووى

تحياتى

كيكى يقول...

يارب احلامها فى يوم تتحق

ادم المصرى يقول...

سورى يا سلوى ولكن نزلت جزأ تانى من اميره بكل النساء اتمنا تعليقك عليها

funckydoctor يقول...

ليه تكون أحلامها عادية
كلامك حلو قوى

رئـــــيسـة حزب الأحلام يقول...

Hosam Yahia حسام يحى
انتم كنتم تعرفوا انى مصريه
خلاص ياعم للتاكيد
ازيك يامان

رئـــــيسـة حزب الأحلام يقول...

كلمــــــــــــــــة حـــــــق
الله يخليكى يارب كلامك اسعدنى
وربنا يحقق احلامنا يارب
تحياتى لكى

رئـــــيسـة حزب الأحلام يقول...

عرفة فاروق السيوطى ( الاديب العاشق)
الله يخليك وربنا يحقق احلام بنات مصر وشباب مصر
يارب امين
تحياتى

رئـــــيسـة حزب الأحلام يقول...

امل
اهم حاجة انك خدمتى اهداف الحزب
بس حاولى تقطعى وقت النوم وتقومى تشوفى اخبار الحزب
تحياتى لكى ياامولة

رئـــــيسـة حزب الأحلام يقول...

mayada
الله ايه الكلام الجميل دة
ايوة كدة كلام يرفع من معنويات الواحد المتبعترة
تحياتى لكى ياميادة

رئـــــيسـة حزب الأحلام يقول...

دعاء مواجهات
دانتى اللى حته سكرة بجد
والله انا المدونة عرفتنى على ناس زى العسل ودة كفاية بالنسبه لى
تحياتى لكى يادودو

رئـــــيسـة حزب الأحلام يقول...

walaa
يارب امين
وربنا يوقفنا على رجلينا
تحياتى لكى

gannah يقول...

والله شاطرة عرفتى ازاى تعرفى نفسك....تسلمى كلماتك بسيطة ورائعة

رئـــــيسـة حزب الأحلام يقول...

mostafa rayan
انشاء الله ربنا يحقق احلامنا
تحياتى

رئـــــيسـة حزب الأحلام يقول...

bos bos
باين علينا نفس الحال
ربنا يزيح الغمه يارب امين
تحياتى لكى

رئـــــيسـة حزب الأحلام يقول...

كيكى
يارب امين
تحياتى لكى

رئـــــيسـة حزب الأحلام يقول...

ادم المصرى
انا رحت ياادم وربنا يوفقك
تحياتى لك

رئـــــيسـة حزب الأحلام يقول...

funckydoctor
الله يخليك
ويسعدك تحياتى

رئـــــيسـة حزب الأحلام يقول...

gannah
الله يخليكى ويسعدك
اسعدتنى كلماتك
تحياتى لكى