الخميس، 29 مايو 2008

حوار مع مسئوووووووول


حلمت امبارح خير اللهم اجعله خير حلم من العيار التقيل ال اية قابلت واحد مسئول بس الصورة

ماكنتش واضحة اوى.............


قلت ..ازيك ياباشا


رد بكل الاطة .. انتى مين ؟؟


قلت .. انا واحدة من الشعب الغلبان


قال .. ايه اللى جابك هنا


قلت .. مش حضرتك برضه المسئول الكبير اللى بيجى فى قناة الحوادث .


رد .. قصرى عاوزة ايه ولا اجيبلك الامن


قلت له .. خمس دقايق بس ياباشا عندى حاجة فى مدح الحكومة


قال .. يلا خلصى


رحت واقفة ومسكت ميكروفون


اضحكوا ياجدعان


افرحوا ياصبيان


تعالوا يارجالة


شوفتوا الحكومة


بتبيع الغاز برخص الزبالة


عشان اليهود ينتجوا


اسلحة يدبحونا وينهبونا


ويرمونا على الحدود زى الزبالة


شوفتوا يارجالة


الكل عمال يتفرج على الغاز عمال يتسرب


والشعب مش لاقى ياكل والناس عايشة فى مجاعة


وكله فداك ياأرض الميعاد


عشان اهلك يهيصوا ويبرطعوا ما تؤمريش بحاجة تانية


ولا انتم استكفيتم مش عاوزين حتى دمانا نسربه لكم


مع اللى بيتسرب دة انتم املنا ومستقبلنا


الراجل المسئول ركبه ميت عفريت


ونادى بصوت عالى مخيف .. الاااااااااااااااامن امسكوا البت دى


والجرى نصف الجدعنه وانا اجرى والامن يجرى واجرى والامن يجرى


واجرى ويجرى ورايا وفى الاخر قمت من النوم على حد بيرزع الباب !!!!

هناك 64 تعليقًا:

أميمة كامل يقول...

الحمد لله على سلامتك

وعلشان خاطرى بلاش الأحلام الخطرة دى

واذا كان ولا بد تحلمى خدى حد مننا

معاكى اهو برضه يعرف مكانك علشان

نزورك

محمد عبد الغفار يقول...

فى حقيقه الأمر حكومتنا مغلوبه على امرها فهى لا تملك ترف رفض البيع للعدو

متقدرش

Dr. Ibrahim يقول...

الجرى للجدعان

ومعتيش تشوفى افلام رعب قبل ما تنامى


د/هيما

الدرعمي يقول...

ربنا يستر عليك ِ


هي الأحلام دي اللي هتوديكي


مارينا


تحياتي



آدم

Lobna Ahmed Nour يقول...

الحمد لله ان كان حلم

نصيحة مني بلاش تدوري على تفسير ليه

منعا للرعب

كاميليا بهاء الدين يقول...

صح تمام

على رأى الصديق محمد عبد الغفار

مش بارادتها ، متقدرش ترفض

خلينا فى احلام الحزب

نروق الحزب
نزوق الحزب
نعمل حفلة فى الحزب
وحركات يعنى
اشمعنى الاحزاب التانية
ماهم اخر روقان اهم

دمتى رئيسة احلامنا

تحياتى وحبى

Mafrousa يقول...

بصى يا بنتى ربنا يهديكى
اولا تبقى تقرى قل يا ايها الكافرون 10 مرات...قوم الشيطان مايجيش فى الحلم ....ثانيا انا عارفه ان الدنيا حر ...ابقى برضه اتغطى
ثالثا و ده الاهم ممنوعه من نشرة 9 و اخبار 24 ساعه و كل القنوات الاخباريه من بعد الساعة 5 مساءا
ههههههههههههه
انما كان حلم بالالوان الله ينور

امل يقول...

يا ساتر يارب
مش قلنا ياريسة انك هتبقى مسالمة
وتسيبي الحكومة تشوف شغلها اهم نطولك
في الاحلام اهو ربنا يسترها معانا

رئيس جمهوريه نفسى يقول...

مهما اتكلمنا ومهما عملنا مش حيغيرو حاجه حسين سالم باع الشركه الى بتصدر الغاز لشركة امريكيه وخلى حد يتكلم ولا يفتح بقه
مش حنتكلم لانى العقد بين شركات مش بين دول والحكومة المصريه عملت كده علشان متعرضش الاتفاق على مجلس الشعب
مش حنتكلم لانى احنا ادمنا السكوت

كلاكيت تانى وتانى يقول...

بلاش تنامى خالص دة رأايي عشان متحلميش احلام الحكومة دى خليكى فالاحلام اللى متوديش فداهية ههههه
تحياتى
كويس ان الحلم مكملش مكناش هنلاقى البوست دة اصلاااا

maya يقول...

الهروب تلتين المراجل احسن شي عملتيه انك صحيتي من النوم
بس زي ما الناس لازم تدفع زكاه للفقرا
الدوله لازم تدفع زكاة أللي ربنا اعطاها ياه من نعم ,موارد طبيعيه
ومافي احسن من شعب الله المختار ليتنعم بيه
شفتو انكم ظالمين الحكومه
وعجبيييييييييييييييييييييييييييي

المـــفـــــــقــــــــوعـــــة مــرارتـهــا يقول...

يابنتي أرحمي نفسك وأشتريلك لحاف يغطيكي بدل ماأنتي عمالة تحلمي أحلام تودي اللومان عدل ...وخليكي بالغطا علي طول نايمة

أنفاس الصباح يقول...

ماشاء الله كل ده اتكتب وانا مش داريه
قرأت كل الى فاتنى
بس حعلق هنا
البيع مش على قد الغاز بس
البلد اتباعت بالحته
واحده واحده ، 25سنه انجزات بقه!
الحمد لله انها جت على قد رزع الباب
بس خدى بنصيحة اختك واتغطى كويس
وحاولى تغيرى الموجة
هاتى سبيستون.

الفارس الملثم يقول...

كويس انك سمحهولك تحلمي بالاحلام الخطيره دي , ورغم كده خللي بالك لتلاقي نفسك متهمه انك بتحلمي احلام تؤدي لقلب نظام الحكم

تحياتي
محمد

HERO يقول...

ههههههه
عنده حق والله
ده كلام تقوليه لواحد مسئول
ده بدل ما تقليله مبروك التصدير
مش نابك من ده كله الا ان نفسك اتقطع من الجري

تحياتي

رئـــــيسـة حزب الأحلام يقول...

أميمة كامل
ربنا يستر علينا الواحد عمال يحلم احلام تجيب لورا
ربنا كبير

رئـــــيسـة حزب الأحلام يقول...

محمد عبد الغفار
اذن ماذا تملك الحكومة؟؟؟؟؟؟؟؟؟؟؟

رئـــــيسـة حزب الأحلام يقول...

Dr-hema
انا مش غاوية افلام رعب ولا حاجة انا شفت النشرة قبل مانام

رئـــــيسـة حزب الأحلام يقول...

ADAM
مارينا هم دلوقتى بيودوا مارينا
يالله ربنا يسهل

رئـــــيسـة حزب الأحلام يقول...

Unique
يالطيف يالطيف

رئـــــيسـة حزب الأحلام يقول...

كاميليا
هعملك حفلات جامدة اوى انشاء الله انتظرونا

رئـــــيسـة حزب الأحلام يقول...

واحدة مفروسة
انا مابشوفش النشرة عشان دماغى ماتلسعش بس انا ممنوعة فى البيت من مشاهدة النشرة
تحياتى

رئـــــيسـة حزب الأحلام يقول...

امل
الحكومة هى اللى مش راضية تسيبنا فى حالنا وربنا يكرم

رئـــــيسـة حزب الأحلام يقول...

رئيس جمهوريه نفسى
يلا ربنا يسهل للحكومة وينور عليها
تحياتى

رئـــــيسـة حزب الأحلام يقول...

كلاكيت تانى وتانى
الحمد لله انه ماكملش بس الواحد عاوز يفضفض شوية ولا يكونوا هيمنعوا الاحلام
تحياتى

رئـــــيسـة حزب الأحلام يقول...

maya
فعلا الحكومة بتفكر لبعيييييييييد
تحياتى

رئـــــيسـة حزب الأحلام يقول...

المـــفـــــــقــــــــوعـــــة مــرارتـهــا
انا كنت مشغلة المروحة يعنى مهما اتغطيت
تحياتى

رئـــــيسـة حزب الأحلام يقول...

ايمان العزب
النوبة الجاية هغير الموجة على الاخر
انشاء الله
تحياتى

رئـــــيسـة حزب الأحلام يقول...

الفارس الملثم
مرة واحدة كدة احلام امن دولة
ربنا كبير

رئـــــيسـة حزب الأحلام يقول...

HERO
فعلا مانابنيش غير قطع الانفاس
تحياتى

رحــــيـل يقول...

هههههههههههههه

صح النووووم
يابنتى ابقى خدى بالك من احلامك
مش هنلاقيكى بعد كده
انتى مش تعرفى ان حتى الاحلام بنتحاسب عليها الايامدى

هههههه
تحياتى لكى

rtrcbh يقول...

السلام عليكم ورحمه الله وبركاته
حمدا لله على سلامتك
أحيك الاول على امر جميل ناقشتيه
ياترى لو حد منا قابل مسؤل كبير وسمح له بالكلام لمده خمس دقائق هيعمل ايه؟؟؟
هنعمل ذى الطالب بتاع جامعه القاهره اللى قام وكلم نظيف وقال له كل تمام باستهزاء ؟؟؟ وكسفه امام الكل ؟؟؟
دون ان يخاف ؟؟؟
أم هنعمل زى ابو يحيى كما فعل مع مدير امن احد المحافظات حينما كان فى ندوه وجعله يعتذر ويرفض أن يكمل الحديث ويخرج من القاعه وهو يشتم ويسب ويرسل بعدها ابو ادم لامن الدوله
هههههه
فكرتينى بايام جميله
ربنا يكرمك يارب
صحى النوم

غير معرف يقول...

حلم مريــــع
كفلق الصبح
..
المهم انتي لسه عايشة!!
بطلي الأحلام الفظيعة دي

همس الاحباب يقول...

احلامك اوامر يا ست الريسة
بس احنا خايفين عليكى من البهدلة
المهم ان الامن ما عرفش يمسكك وده المهم

بس كلمات جامدة ويارب المسئول يستوعبها وكل المسئولين العرب
احييكى على احلامك الجريئة ورؤيتك وتصويرك للاحداث الحالية
تحياتى

MIND TO THINK يقول...

الأخت العزيزه سلوى
تحيه طيبه وان شاء الله تكونى فى احسن حال
الآن يمكنك الأستماع الى حلقة البرنامج الأذاعى عن مدونتك بزيارة موقعنا وستجدين على الشمال بوكس الأرشيف اضغطى على حلقة دريمز DREAMS
وعنوان الموقع لمن يريد الستماع الى الحلقه
http://dear.to/cairo
او عمل نفس الشىء فى مدونتنا
http://netonradio.blogspot.com

رئـــــيسـة حزب الأحلام يقول...

ra7eel
ادة هما بيحاسبوا على الاحلام كمان
تحياتى

رئـــــيسـة حزب الأحلام يقول...

/أبويحيى وادم
انا لو شوفت واحد مسئول هقول اية ياعم الله ينور
تحياتى

رئـــــيسـة حزب الأحلام يقول...

إسلام ناجح
يلا هبطلها انشاء الله
وربنا المعين

رئـــــيسـة حزب الأحلام يقول...

همس الاحباب
ربنا يخليك وماتخافش على ربنا كبير
وقادر على كل شئ وانا بقول رائ فى حاجة مش عجبانى مش اكتر
وربنا المعين

رئـــــيسـة حزب الأحلام يقول...

استاذ صلاح حجازى
الف الف الف شكر انا سمعت الحلقة
جامدة اوى تسلم ايدك واحسن معد ومذيع فى الدنيا
وتحياتى لك
وياريت تقولنا على الفكرة الجديدة
اللى هى التكلم عن مشكلات النت لكى نستطيع التكلم فيها
والف تحية لحضرتك

.:.-=- ELGaZaLy-=-.:. يقول...

هههههههههههههههههههههههه

بجد موتينى من الضحك....

احلامى زى ما تحبى...

لسة مفيش ضرايب على الاحلام ولا اعتقال لحالم...لا تحزنى فرجة قريب

غير معرف يقول...

رئيسة حزب الاحلام

دة كابوس مش حلم ابعد الله عنك وعنا

كوابيس الحكومة

والحلم قصدى الكابوس دة حقيقى للاسف

وبعدين اللى بيرزع الباب دة امن

مركزى ولا امن دولة ولا مخابرات

والله اتكلم عن مصادرة الاحلام يوسف وهبى

فى مسرحياتة الممنوعة وبهدل الحكومة واللى بتعملوا

حسبى الله ونعم الوكيل

تحياتى

rovy يقول...

ياريت الموضوع بجد حلم ولا كابوس حتى بس نفوق ونصحى منه ..
المهم انه بالنسبه لكى كان حلم ..
حمد الله على سلامتك يا قمر .

دمت بخير ويارب الخلم الجاى يكون خير اللهم اجعل خير ياااارب .
تحياتى

rovy

Miss. Sosa يقول...

صحي النوم يا ريسة
مش قولتلك ابقى شدي الكوفرتة قبل ماتنامي بدل الكوابيس المقلقة ديه

مرة حوار مع عصفور والنهاردة حوار مع مسئول
بكرة الاقي حوار فى دمنهور ماهي الارض كرويًاتون

وبعدين يا جماعة حكومتنا دماغها عالية وتفكيرها رشيد من كترة اكلهم فى حلاوة رشيدي الميزان لازم نثق في قرارتهم السديدة والمسدودة احيانا
حت لو جابولنا عربيات اسعاف وقالولنا اتبرعوا بالدم لضحايا اليهود لازم نتبرع بدمنا لليهود

اومال ده احنا خكومة رشيدة رشيدة وبلغت من العمر ارذله !!

حسبي الله ونعم الوكيل

funckydoctor يقول...

ابقى استغطى كويس :D
تحياتى

رئـــــيسـة حزب الأحلام يقول...

.:.-=- ELGaZaLy-=-.:.
ربنا يفرج عنا يارب امين
اشكرك على كلامك الجميل
تحياتى

سلوى يقول...

الحمد لله إنك صحيتي قبل ما يقفشوكي يا جميل

حد يحلم كده برضه ؟؟؟

يالا جت سليمه

والمهم إنك قلتي اللي في نفسك

واللي كابس على نفسنا كلنا

تحياااااااتي

رئـــــيسـة حزب الأحلام يقول...

عرفة فاروق السيوطى ( الاديب العاشق)
لا ماكنش حد من دول دة كانت ماما بتصينا من النوم عشان اغسل المواعين
تحياتى

رئـــــيسـة حزب الأحلام يقول...

rovy
انا عارفة انكم عاوزين احلام سعيدة خلاص سماح المرة دى والنوبه الجاية هحلم لكم حلم جميل

رئـــــيسـة حزب الأحلام يقول...

Miss. Sosa
شوفتى الهنا اللى الواحد فيه الاحلام مش سيبانى فى حالى ولا يهمكم
تحياتى لكى ياقمر

رئـــــيسـة حزب الأحلام يقول...

funckydoctor
اشكرك على النصيحة الغالية
وعايزين النصايح دى عالطول
تحياتى

رئـــــيسـة حزب الأحلام يقول...

Salwa
فعلا هما كلمتين كانوا محشورين وطلعوا
تحياتى لكى ياقمر

غير معرف يقول...

ده حلم ولا علم ولا يمكن كابوس

المشكله اننا معندناش مشكله
يقولوا بيعو نبيع
بكرة يقولوا اطلعو وسيبوها!!


سلامى ليكى ولحزبك
وانا من موقعى هذا اعلن انضمامى لحزب الاحلام بس والنبى من غير كوابيس
:)))

باب النجار يقول...

ابئى اتغطى كويس قبل ماتنامى
تحياتى ليكى جدا على خيالك الجميل

باب النجار يقول...

الواحد خايف لا الحلم يبئى حقيقة وتصحى فى يوم تلاقيك مشرفة عند الامن
لا معززة ولا مكرمة
تحياتى ليكى وبالتوزفيق ان شاء الله

Empress appy يقول...

انتى جايه امتى على مارينا قوليلى هاااااااااا

حبيبـــــــة القمـــــر يقول...

يانهار فحلوقي مدهون برمادي غااااامق

ايه الكوابيس دي
الا دا حقيقي؟؟؟؟
انا مش عايزة اصدق
او الاصح هعمل نفسي مش مصدقه

Unknown يقول...

اكيد هتكملى الحلم بعد اما تفتحى الباب والنتيجة الطبيعية انك تروحى مارينا
تحياتى

رئـــــيسـة حزب الأحلام يقول...

shayma
معلش الكوابيس ساعات بتهجم وانا اسعد انك تنضمى للحزب دة الحزب ينور
تحياتى لكى

رئـــــيسـة حزب الأحلام يقول...

باب النجار
الله يخليك وربنا يستر بس انا قلت كلمتين من نفسى
تحياتى

رئـــــيسـة حزب الأحلام يقول...

appy
يلا نروح نغير جو تحبى اجبلك حاجة من هناك من مارينا

رئـــــيسـة حزب الأحلام يقول...

حبيبـــــــة القمـــــر
دة مجرد حلم ويلا ربنا كبير
تحياتى

رئـــــيسـة حزب الأحلام يقول...

ayman badr
فكرك هاروح مارينا اغير جو
ولا هروح اسكندرية
وربنا كبير
تحياتى لك ولمارينا

هوة فى أيه؟؟soso يقول...

كله يهون عشان اسرائيل
مش نديهولها بثمن بخس
لا نديهولها ببلاش كمان
أوماااااال أيه
ده عشان خاطر عيون الدوله العظمى اللى متبنيه اسرائيل نعمل اكتر من كده كمان
نروح نسيألهم ونطفحهم كمان

بجد بوست حلو اوى اوى
ووحشتينى جدا جدا
انا رجعت من طوفه الامتحانات
الحمد لله
ووحشتونى موووووووووووووووووووووووووت