الأحد، 4 مايو 2008

الجمعيات النسائية النائمة


سيداتى وسادتى اعضاء حزب الاحلام الكرام وهنيالك يافاعل الخير والثواب انا


مابشحتش انا بسحر بس إمبارح وكالعادة قاعدة أفكر فى برنامج فكر اكتر تاكل ترمس


لا مؤاخذة اعذورونى الهبل اللى بينط كل شوية المهم كنت بفكر فى الجمعيات


النسائية دى لازمتها ايه ياخوانا حبة ستات قاعدين يقشروا بصل بحلم بجمعية


نسائية تهتم أكثر بمشاكل المراة


انا كل اللى باسمعوا ان كل شوية تطلع منهم بتقليعة جديدة ..............


يعنى مثلا نلاقى واحدة منكوشة تقولك عاوزين الواد يتسمى باسم امه بقى المشاكل

خلصت ومابقتش الا


المشكلة دى هى اللى مجنناكوا ومطير النوم من عيونكم


وواحدة تانية مضايقها اوى الحجاب ومحسسانى ان الحجاب دة يعنى مشكلة المشكلات

فى مصر


ومن غيرة مصر هتتنغنغ وهتبقى عال العال وعجبى ...............


سيبين ستات مش لاقية تاكل ومسكين فى حاجات كتير وعاملينها مشاكل وعاملين

يحلوها


ماتركزى شوية ياأخت انتى وهي فى مشاكل مستفحلة وعايزة حد يحلها فى غزو

افكار غريبة داخلة


علينا واحنا لسة بنسأل نفسنا اسئلة كتير مش فى المنهج


سؤالين واقفين فى زورى لية مانركز شويه فى المشاكل اللى بجد مشاكل


مش عايزين مشاكل وهمية تشغلوا نفسكم بيها ركزوا انتباهكم شوية على مشاكل

ستات وبنات مصر


عايزين نحس بيكم وبجهودكم الجبارة
يلا سلام

هناك 72 تعليقًا:

دكتور بهــدوء يقول...

نسائيه
دي ستات فاضيه يا ريسه

دكتور بهــدوء يقول...
أزال المؤلف هذا التعليق.
روح شرقيه يقول...

ههههههههههههههههههههههههههههههههه
والله العظيم انتى زى السكر
سبحان الله فى ناس كده مش لاقيه حاجه تعملها الفراغ قاتلها
بس مش معنى كده ان كل الجمعيات اللى من النوع ده وحشه او مالهاش فايده بالعكس فى كتير جمعيات لرعايه الايتام
وجمعيات للاهتمام بالمسنين واطفال الشوارع وكتير منها بيكون له دور فى المجتمع
لكن اللى بتوصفيهم دول ستات فاضيه
ما ورهمش حاجه
غير الرغى زمان كانوا بيقولوا مثل حلو اوى
على الناس اللى بتحكى عنهم
زى اللى بيدوقوا الميه فى الهون
لا الميه ها تنعم ولا الهون بيبطل دوشه
ههههههههههههههههههههههههههه
ربنا يسترها معانا
ويخرجنا منها على خير
تحياتى بوست دمه شربات
تحياتى عن جد استمتعت وانا بمر بين كلماتك

حسبي الله ونعم الوكيل يقول...

الجمعيات النسائية لو تفرغت لحل مشكلات المراة المصرية وسابوهم من الكلام الفاضى ممكن يحلوا مشاكل كتير
زى مشكلة العوانس ومشكلة المطلقات

ابو على يقول...

بما انك مدرسه ف انتى تقدرى تعلمى الاجيال اللى طالعه كل الى بتقولى عليها
وتستعوضى ربنا ف الستات بتوع الايام دى
انا سمعت ان فيه جمعيه جديده اسمها الستات والحسوديه بتناقش اثر العين المدوره عند كل ست وخمسه وخميسه ف عين العدو
يا ريت تطلعى مدرسه تاريخ اصلى بحب التاريخ اوى
تحياتى لأبلتى

شهرزاد يقول...

رئيسة حزب الاحلام
بجد أثرت موضوع جميل
وأظن أن هذه الجمعيات النسائية ليس لها أي قضية وغير قائمة على أسس قوية لذلك تجدين أن مواضيعها غير جوهرية.. يعني هم ليس لديهم الإمكانيات ليحلوا المشاكل الأساسية التي تعاني منها المرأة.. فتلاقيهم يتطرقوا لمواضيع تافهة ليملوا فراغهم .. و يثبتوا وجودهم

وتحياتي

همس الاحباب يقول...

انتى عارفة تنفعى رئيسة حزب بجد وفشر الحزن الوطنى جنبك يا شيخة
بجد بتثيرى قضايا ومشاكل باسلوب راقى جدا وحلول بسيطة ومنطقية
تسلم ايديكى بجد
تحياتى
خالد

انين الحزن يقول...

براحه عليهم شويه الناس عايزة تاكل عيش

جميل اسلوبك في مناقشه المواضيع



سلامووووووووز

وزة

الكاتب احمد كاجوال يقول...

حقيقي تدوينة رأئعة
ربنا يعينك
صحيح
انا شارح حجات كتييييييييييير ممكن تفيدك وكمان نفسي أشوف بنر بتاعي أو لينك مدونتي عندك لأن دة شرف ليا و الله و عموما ,,, شكرا مقدما

Desert cat يقول...

واله يا ريسه ولا ليكى عليا يمين
الناس دى فاضية ولا لاقيه كلمة تقولها قال الواد على اسم امهوامشى فى فى الشارع يقولوى لى تعالى يابنت ؟؟؟؟؟
يالهوى ده انا بيفكر ينطق اسمها من غير اى القاب بخلى يمه لون شعره بس الناس اللى شعرها لونه ابيض مش برضى اقولهم حاجه اصل يتعودوا يقولها لى كل يوم

رئـــــيسـة حزب الأحلام يقول...

دكتور بهــدوء
عارف لو يهتموا بالمشاكل بجد كان زمان مشاكل كتير اتحلت

رئـــــيسـة حزب الأحلام يقول...

روح شرقيه
اشكرك على هذا الكلام الجميل وانا عارفة انهم بيعملوا حاجات بس فين دورهم اللى احنا كفتيات نحس بية يعنى مافيش توعية بدورهم ومحاولة استقطاب كوادر جديدة وتحياتى لكى

رئـــــيسـة حزب الأحلام يقول...

حسبي الله ونعم الوكيل
عندك حق اختى

رئـــــيسـة حزب الأحلام يقول...

ابو على
انا فعلا دارسة تاريخ بس مش مدرسة تاريخ انا اللى لاقيتة اشتغلتة

رئـــــيسـة حزب الأحلام يقول...

شهرزاد
بس احنا عاوزين ناس تفكر فى مشاكلنا المتلتلة والله ولى التوفيق

رئـــــيسـة حزب الأحلام يقول...

همس الاحباب
ياريت نقدر نعمل حزب بجد بس فين الامكانيات هههههههههههههههه

رئـــــيسـة حزب الأحلام يقول...

انين الحزن
الله يخليكى يارب وبجد سعدت بمرورك

رئـــــيسـة حزب الأحلام يقول...

أحمد كجول
داانت اللى شرفتنا ونورتنا

رئـــــيسـة حزب الأحلام يقول...

Desert cat
دا احنا لو مشينا وراهم كانت الناس هتمشى تضرب بعض يلا الحمد لله
نورتى ياقطة

جنّي يقول...

تعرفي ياسيادة الريسة
لم تكثر المشاكل بين الأزواج والزوجات وتمتلئ المحاكم بالقضايا وتزايد حالات الطلاق وهروب الأزواج والحالات الشاذة مثل قتل وتقطيع وتشفية الرجال المساكين .. لم يحدث كل ذلك إلا بعد ما نطت لنا شوية منكوشات - على حسب تعبيرك - في حياتنا بخطط مدروسة وتمويل خارجي من جهات مشبوهة مثها الماسوني (الروتاري والليونز ) والصهيونية والصهيومسيحية التي تبغض القيم المثالية النظيفة والتي تحقد على الإسلام ..
تحياتي
said

امل يقول...

ربنا يهديهم
شكلهم معندهمش مشاكل فعلا
فبيدوروا علي اي حاجه يتكلموا فيها وخلاص
او بيعملوا فرقعة عشان يتشهروا

كاميليا بهاء الدين يقول...

هههههههه

فكرة تسمية الطفل باسم امه كانت فكره نوال السعداوى
وفعلا ابنتها مني بقى اسمها منى نوال حلمى

بلغى سلامى ل روتارى

تحياتى

إنسان || Human يقول...

بجد الناس دي فاضيه ومش حاسه باللي حواليها
عايشيين في عالم تاني
..
وأنا أعتقد ان الناس دي بتنشر القضايه دي ..عشان تشغل الناس عن الحاجات الآهم

محمد فوزي يقول...

ده ليه ؟ لأننا شعوب مقلده غير مبتكره على الإطلاق , فمشكلة الشعوب دي إيه بقى سعادتك , إنهم بياخدوا اللي ع الوش , الإسم المظهر , إنما لما ييجوا لمرحلة التطبيق , فتلاقيهم بلموا وبرقوا ورفعوا حواجبهم زي معتز الدمرداش وهو بيقول
هو مين مع مييين ؟

فيطلع العجن الفاضي اللي هما بيقولوه ده !

جمعية الرفق بقطط الزمالك , جمعية الحفاظ على أزهار الأوركيد بالدقي

أي كلام!

لأنه من الأصل مكانش فيه إرتباط بين المشروع وبين مجتمعنا

وأقولك ؟
تحياتي لمواضيعك الحلوه !

المـــفـــــــقــــــــوعـــــة مــرارتـهــا يقول...

مادريتيش ماهو الجمعيات دي مش في مصر سيادتك دي في الكوالالامبور

عبد من عباد الله يقول...

يعني معظم كلامك صحيح و دا شئ طبيعي يعني اننا نعمل جمعيات للنساء و نتكلم في الحجاب وننشتم في الراجل و سعات بلاقي ستات غريبة كدا حاطة رجل على رجل وتقولك اصل الراجل دايماً اناني اصله مش عارف ايه ... يعني هى ابوها مش راجل برده ولا ايه ؟؟

لكن بردة ما ننساش ان في جمعيات كويسه زي جمعيه الباقيات الصالحات بتاعت السيده عبلة الكحلاوي دي فعلاً كويسة .

NilE_QueeN يقول...

دول ناس ليهم فكر عايزين ينشروه من اول قاسم امين بتاع حرية المراءه

عايزين المرأه تحرر من حجابها واخلاقها وفطرتها

ابتسمي
نحن شعب تالت فى زمن العولمه

كلام على بلاطة يقول...

شوفى يا بنتى ام شعر منكوش اللى انتى بتنتقديها دى مبدعة والعالم المتقدم تقدم لتقبله شطحات المبدعين وحصل مؤتمر فى امريكا وطالب بحماية المبدعين وشطحاتهم
لان لو تكلمنا من مية سنة عن المحمول والقنوات الفضائية والفيمتو ثانية والانترنت وغيره من الانجازات العلمية لكنا اعتبرنا هذا الكلام ضرب من الجنون مع ان المية سنة فى عمر الزمن حاجة قصيرة جداااافيجب علينا تقبل الراى والراى المخالف واهو كلام ناخد المفيد
ونترك الباقى لاصحابة
ناجح يوسف فهمى

دكتور حر يقول...

تصدقى بالله

احيانا بحس

ان مناظر الجمعيات واللي فيها دول

(ضد الفطرة)

:))

وياريت هم بيهتموا بمشكلات الحقيقيه للنساء
لكن جزء من حال مصر

رئـــــيسـة حزب الأحلام يقول...

جني
يلا ربنا يهدى وتحياتى لك ولرايك

رئـــــيسـة حزب الأحلام يقول...

امل
ربنا يشغل بالهم كمان وكمان

رئـــــيسـة حزب الأحلام يقول...

كاميليا
ربنا يستر

رئـــــيسـة حزب الأحلام يقول...

Human
وهو المطلوب اثباتة

رئـــــيسـة حزب الأحلام يقول...

محمد فوزي
ياريت ينزلوا ويشوفوا اية المشاكل الحقيقية ويحلوها

رئـــــيسـة حزب الأحلام يقول...

مفقوعة مرارتي من حماتــــــــــــي
كوالا لامبور مرة واحدة ياريت يجوا يحلوا مشاكل المصريات

رئـــــيسـة حزب الأحلام يقول...

عبد من عباد الله
اكيد فى جمعيات صح بس فية جمعيات شاغلة نفسها بتوافة الامور

رئـــــيسـة حزب الأحلام يقول...

NilE_QueeN
بس ياريت قبل ماينشروا افكارهم يحلوا المشاكل الاول

رئـــــيسـة حزب الأحلام يقول...

alabalatta
كلامك فية كتير من الصحة بس اية الاختراع الى هينتج من تسميه الابن باسم امة واية الاختراع اللى هينتج من رفض الحجاب هل سيتم اختراع الذرة
واصحاب الافكار الغريبة دى بيهجموا على الافكار الاساسية فى المجتمع وكانهم عاوزين يهدوها عشان فكرهم يعيش ودة اللى يضايق

رئـــــيسـة حزب الأحلام يقول...

دكتور حر
ليتهم ينظروا الى احوال البلاد

إبن مصر يقول...

السلام عليكم
طبعا مش تعرفينى ولكن اتمنى انى اكون ضيف خفيف
طبعا انتى قولتى فى الأول دول شويه ناس فاصيه اخرهم يقشروا بصل وتوم ومش لاقين حاجه تانيه هم بس غاوين اى حاجه ممكن تعمل فرقعه اعلاميه والسلام عموما موضوع هايل وخصوصا انك عارضه الموضوع بسخريه وهو مش ينفع معاه الا السخريه واخر ما اقولك هو عنوانك
استرها يارب
اتمنى تشرفينى بالزياره
ابن مصر

Unknown يقول...

سبحان الله .. تصدقى كنت لسة بفكر مع نفسى النهاردة فى عمل جمعية نسائية لتقشير البصل .. حاكم انا ومعظم اصحابى وقرايبى البنانيت اتخرجنا ومالقناش شغل فأشتغلنا فى تقشير البصل

واهو شئ مفيد للمجتمع بردو .. مش كدة؟

Empress appy يقول...

وواحدة تانية مضايقها اوى الحجاب ومحسسانى ان الحجاب دة يعنى مشكلة المشكلات

فى مصر
عارفه دى تقولك انتم لسه جهله بتفكروا الست تغطى دراعها ولا لا طيب يا خالتى ما تسيبك من الجهله وحلى مشاكل تانيه
بصى دول ناس عاوزين شهرة وفرقعه وانتهينا سيبك انتى ولا بتوع نادى الروتارى حاجه تشل

رئـــــيسـة حزب الأحلام يقول...

Son of Egypt
تحياتى لك واشكرك على التعليق وربنا يهديهم

رئـــــيسـة حزب الأحلام يقول...

إنـســـانـة
لما تعملى جمعية تقشير البصل دى ابقى نادينى وتحياتى لك اسلوبك جميل فى مدونتك

رئـــــيسـة حزب الأحلام يقول...

appy ...
سبحان الله هم عشان يتشهروا يعملوا كدة دول ناس فقر وتحياتى لكى ابى
التاج جميل اوى

klmat يقول...

انتى عسوله جدا وكلامك صح
انا كنت مستغربه جدا من الست ومامتها
اللى مقتنعين اوى ان البنت تتسمى باسم امها
وعاملين موضوع كبير عليه ده بالنسبه للمنكوشين
فى ستات تانيه متسبسبيين اوى يعنى قعدت نص يوم عند الكوافير تعمل شعرها ومانيكير وبادكير وشكلها منقوعه فى الكريم وبتتكلم
فى الحجاب معاكى حق تسلم ايدك
على فكره انا علقت اكتر من مره بس مش
عارفه ليه لم يظهر ربنا ينصفنى امره دى
عميق تحياتى

رئـــــيسـة حزب الأحلام يقول...

klmat
يمكن فى عطل ولا حاجة واشكرك على كلامك الجميل وتحياتى لكى

rovy يقول...

السلام عليكم ورحمة الله وبركاته
تعملى ايه فيه ناس فاضيه وغاويه شهره وبتحاول تدور على المواضيع اللى بتفرقع وبس .. لكن ده ما يمنعش ان فيه جمعيات بتحاول تقوم بدورها و تساعد فى حلول ولو كانت بسيطه ..
بوست موفق وموضوع مهم وياريت بما انك رئيسة الحزب نعمل جمعيه اسمها جمعية احلام المرأه نناقش فيه قضيه المرأه اللى حتى مش عارفه حتى تحلم .
وفقك الله وتسلم ايديك
تقبلى تقديرى وتحياتى
rovy

Mafrousa يقول...

ايه يا رايقه ...لماذا هذا الهجوم على الجمعيات النسائيه
اصلا همه مش عاملين الجمعيه علشان يحلو...حبيبتى همه عاملين الجمعيات للكلام و المقابلات و الابتسامات و الاحاديث التلفزيونيه اذ ربما واحد مخرج يكتشف الاخت من دول و يرشحها فى دور و ساعتها و لا حتعرفكم ....ياماما دول شويه ستات فاضيين بدل ما يقعدوا فى البيت...و زى ما انتى قلتى يقشروا بصل عملوا جمعية تشهرهم و تخليهم سيدات مجتمع.............و سلميلى على المجتمع و سيداته

رئـــــيسـة حزب الأحلام يقول...

rovy
نعمل ومانعملشى لية هو احنا صغيرين ولا اية وتحياتى لك

رئـــــيسـة حزب الأحلام يقول...

واحدة مفروسة
ادة انتم هتطلعوا على اسم الرايقة ولا اية ربنا يجعلنا من اهل الروقان
وتحياتى لكى

رئـــــيسـة حزب الأحلام يقول...

ارجو من سيادتكم زيارة مدونة حسبى الله فهناك ترقد اشعارى وخواطرى فاقراوها عشان خاطرى

عـــفـــراء يقول...

السلام عليكم
هتقولى اية بقى ناقصات عقل ودين الفراغ بقى بيقتل.
فاخلقى مشكلة من لا مشكلة
لا هوة اثبات وجود تحت شعار ومسمى الجمعيات النسائية
ربنا يقويكى ياست رئيسة
خالص ودى

رئـــــيسـة حزب الأحلام يقول...

عفراء
نورتينا بزيارتك الغالية وانا رايحة عندك دلوقتى

باجوجو يقول...

موضوع جميل
بس لو الجمعيات النسائية مبطلتش شوية
هنحتاج جمعيات رجالية
وأنا بنتهز الفرصة وبعلن من موقعى هذا
إن الرجل نصف المجتمع
وعيب اللى باجوجو عملته فينا
ناقصها إيه الست عشان تتمرد كده
أنا رأيي لو عايزة تحل مشاكلها
يريت تبطل تقرن نفسها بالراجل
لإن كل جنس له إختصاصاته
وعموما كلامك مظبوط
لو بطلوا التفاهات اللى مضيعين وقتهم فيها
كان زمانهم حلوا مشكلة العنوسة فى مصر
وشكرا

قوس قزح يقول...

انا مشتركة فى جمعية من دول بس الحق يقال مش كل الستات اللى فيها هايفين كده
فى طبعا ستات تفكرها بيفكرنى بمارى انطوانيت لما قالت ياكلوا جاتوه لو العيش غالى
بس فى نفس الوقت فى ستات بتفكر بطريقة عملية و بتساعد فعلا ناس كتير
و الحمدلله فى بنات ايتام قدرنا نعلمهم حرف معينة تساعدهم فى زيادة دخلهم

هو بس للاسف اللى ظاهر على الوش الجمعيات بتاعت مارى انطونيت لان الجمعيات الجادة ميهمهاش الشهرة ولا اخبارها فى المجلات

تحياتى

حاسوباتيه يقول...

عندك حق والله ياريت فعلا يكون في جمعيات للمراه بس تساعد المراه فعلا بجدمش كلام وبس وكلام في حاجات فاضيه مش ليها معنى

انا معاكي كالعاده ياريسه

ياسمين حميد يقول...

معلش يا أبلة
ممكن سؤال خارج الدرس:
اسمك سلوى أم سلوي بالياء؟

طبعاً كلامك عن الجمعيات النسائية صح، المشكلة أن معظمهن ممن يعشن خارج المجتمع تماماً، لا يعرفن أصلاً أن هناك فقر وجهل وأمية
فبالتالي لا يجدن مشاكل يتحدثن عنها سوى أن يكون الطفل حاملاً لإسم أمه
اللي هي مالبستش الحجاب أصلاً علشان تقلعه
أصل الكوافير بتاعها قال لها انه وحش لشعرها اللي بتعمله سيشوار عنده كل يوم

وتحياتي
على فكرة، أحلامي أنا خارج نطاق أي حزب من الأحزاب هههه

The_Explorer يقول...

منذ أيام حملة نابليون عندما أفاقت مصر على حقيقة تخلفها عن الغرب علميا وعسكريا ظهرت عدة اتجاهات للاٍصلاح. فمن الناس من رأى ضرورة استيراد حلول لمشاكلنا من الخارج ثم لم يكتف بذلك فاستورد لنا أيضا مشاكل من الخارج. تجدينهم مثلا يتحدثون عن "الدولة المدنية" وضرورة فصل الدين عن الحكم كأننا نعيش فى أوروبا العصور الوسطى أو كأن الاٍسلام به مؤسسة كهنوتية فى جبروت كنيسة روما أيام جاليليو. أو تجدينهم يناقشون "قهر المرأة فى المجتمع الذكورى" ناسين أن مجتمعنا كله مقهور، رجالا ونساءا. أحيانا أشعر أنهم يودون لو أبادوا الشعب المصرى كله ليستوردوا أيضا شعبا من الخارج. لقد درسوا شعوبا غيرنا ومشاكل غير مشاكلنا ولغات غير لغتنا ثم يريدون أن يسقطوا هذا كله على مجتمعنا فلا يسمعهم أحد غير الشبيهين بهم فى التفكير.

التركيز الاٍعلامى على هؤلاء يكون كبيرا لطبيعة آرائهم المستفزة. بالتأكيد هناك أيضا جمعيات نسائية لها عمل حقيقى ونافع لكن الاٍعلام لا يتناولهم اٍلا قليلا.

Miss. Sosa يقول...

والله يا ست الريسة فاقد الشيء لا يعطيه

شوية الستات بتوع الجمعيات دول من الطبقة المرفهة فطبعا مش حسين بمشاكل الست فى الطبقة الكادحة والمتوسطة

وهم عاملين الجمعيات ديه تعبيرا عن مشاكلهم هم واللي تنحصر في الفراغ والحجاب اللي خانقهم و نسب الطفل لامه علشان يفضل مهان طول عمره زي مايكون عامل اعلان يقول للناس انا جيت بطريقة غير شرعية اللهم احفظنا يارب

تقبلي مروري وتحياتي

رئـــــيسـة حزب الأحلام يقول...

باجوجو

فعلا كان زمانهم حلوا المشكلة دى وتحياتى لك

رئـــــيسـة حزب الأحلام يقول...

Rainbow...
اما عارفة ان فى جمعيات شغل من نار بس مافيش الاعلام اللى يساعدهم والاعلام بس اللى بيفرقعوا كالعادة اصحاب الاراء الغريبة

رئـــــيسـة حزب الأحلام يقول...

حاسوباتيه
ياريت بجد يكون فى جمعية تخدم بجد

رئـــــيسـة حزب الأحلام يقول...

ياسمين حميد
انا سلوى وانا الصراحة مش انا اللى كاتبة اسمى على البلوج وانا لسة واخدة بالى دلوقتى حالا من الموضوع دة بس انا هحاول اغيرة وشكرا على الملاحظة دى

رئـــــيسـة حزب الأحلام يقول...

The_Explorer
كالعادة رايك منور وتحياتى لك والف شكر

رئـــــيسـة حزب الأحلام يقول...

Miss. Sosa ...
نورتينا مسس سوسا بس بجد ربنا يهديهم ويصلح حالهم وحالنا

الربان يقول...

تحياتي

يا سلام...وجهة نظرك متقاربة مع وجهة نظري في هذا الشأن...بالنسبة للجمعيات
النسائية و الخيرية ...و ما يسمي بالمجتمع المدني...

تركوا حماية المرأة و تأمينها من غول الاسعار...و الافتقار الي قوتهن اليومي
و يتكلموا في اشياء بعيدة عن الحياة اليومية للمرأة...

السبب معروف طبعا...و هو شيك الدولارات الذي يأتي من السفارة الامريكية...لجمعيات حقوق المرأة و الانسان..و الحيوان....و كلهم للاسف
بدون فائدة او عائد...

تحياتي و تقديري

رئـــــيسـة حزب الأحلام يقول...

الربان
سبحان الله عشان شيك يجيلهم يبيعوا الناس كدة وعجبى على كل حاجة بقت للبيع

هوندا يقول...

لان دى ثقافه شعب والستات لو مشغلتش دماغها بحاجة ليها قيمه دماغها بيملاها صراصير
بالمناسبة بقا فى قانون دلوقتى ان الطفل يتنسب لأمه عادى
ياشماتته ابله ظاظا فينا

رئـــــيسـة حزب الأحلام يقول...

هوندا
بجد الموضوع دة ولا تهريج
وتحياتى لكى

Unknown يقول...

اولا انتى اسلوبك دمو خفيف و ميزهئش
ثانيا الموضوع حلو

جيهان علي يقول...

السلام عليكم ورحمة الله وبركاته

المشكلة أن حتى لو في جمعية نسائية بجد وبتحل مشاكل أرامل ومطلقات والسيدات الأميات مجهودها بيضيع وسط النساء الغريبات اللى لهم اراء غريبة ومنها معارض للشريعة الإسلامية اصلا
سواء كانت اسم الطفل على اسم امه رغم ان القرآن صريح ان الأولاد ينادوا لأباءهم
وكمان بتوع الحجاب نظرة غريبة جدا وكأن المرأة لو غطت شعرها هاتلغي معاه عقلها

بجد بيكلموا في توافه وحاجات مفروغ منها لشهرة وعمل منظر وبس

ربنا يهدي


تحياتي