الاثنين، 24 مارس 2008

فـــــاصــــــل إعلانى .... ونعووووود


حزب الأحلام الديموقراطى




ديموقراطية - نوم-سياسة- عراقة -صدارة - كل إللى نفسك فيه عندنا هتلاقيه

حزب الأحلام الديموقراطى



حزب لن تجد له مثيل ,...حزب يحل المشاكل بلا أى خسائر


حزب الأحلام الديموقراطى



به كل المقومات الحزبية التى لا يعلمها أحد إلا الله



حزب الأحلام الديموقراطى

أحلم وأتهنى ونام وأتغطى كويس عشان الكوابيس



حزب الأحلام الديموقراطى

رئيسته نائمه وبتاخد تعسيلة بين النوم



رئيسة حزب الاحلام امرأة فوق العادة إنها دائما وراء المشاكل تحلها وهى نائمة بكل ضمير



حزب الأحلام الديمقراطى



أعضائه ينامون .... يحلمون ويأكلون رز بلبن مع الملايكة ... وعندهم مقدرة جباررة لحل كل المشاكل المستعصية



وشعارنا ناس كتير نايمة على الارض



حزب الاحلام الديموقراطى



يتمتع بالشفافية يعنى احنا حاطين إزاز فاميه شفاف يخلى إللى برة يشوف إللى جوه



والصلاه على الزين ...والصلاه على الزين ...هات لنا منه باكو واتنين



بوووووووووووووووووووم



حزب الأحلام الديموقراطى

معانا هاتقدر تغمض عينيك

هناك 70 تعليقًا:

بطوط حبوب يقول...

كلنا معك سير على بركه الله

رئـــــيسـة حزب الأحلام يقول...

اول تعليق وكلنا فدى الحزب

مدحت محمد يقول...

مش كلنا كلنا يعنى
اكيد فى معارضين للحزب

رئـــــيسـة حزب الأحلام يقول...

انا لا اجبر احد على حاجة ياعم

د/اجدع بنوته يقول...

وان شاء الله بتفتحوا امتى

علشان نيجى نشترك

رئـــــيسـة حزب الأحلام يقول...

اجدع بنوتة
اشكرك على التعليق و كل الاوقات احنا شغالين

ola_barakat يقول...

السيده رئيسه حزب الاحلام
عايزه اعرف ازاي ادخل الحزب بتاعك ده لاني واحده كل حياتي باحلم بس مش لاقيه ولا حلم بيتحقق
وياتري اللي زي كده تنفع ف الحزب بتاعكم ولا لازم اللي يدخل الحزب يكون م النوع اللي بيعرف يحقق احلامه ؟
وبعدين استماره الحزب شكلها ايه ؟ ومكتوب فيها ايه ؟ ولا لسه ما عملتيش استماره ؟
تحياتي لمدونتك وحزبك وادعوكي للانضمام لحزبي الجديد حزب موافقووووون او yes4ever وعنوانه http://yes4ever80.maktoobblog.com/?all=1
وستجدين ان له علاقه وطيده بحزبك الموقر
تحياتي
علا بركات

المـــفـــــــقــــــــوعـــــة مــرارتـهــا يقول...

ههههههههههههههههه
يعمر بيت أفكارك
ايه يابنتي بتجيبي الكلام ده منين

صحفية روشة يقول...

انا خم نوم زى ما بيقولو
ممكن تخلينى نائب رئيس الحزب

kafrawy يقول...

هههههههههههههههه
هسسسسسسسسسسسسسسسس

الحيتان ليها ودان
حزب اية
و لعب اية
روحوا شفلكوا رغيف عيش الاول تاكلوة

Asmaa mahaba يقول...

كان معكم الاء جاويش العاشره مساء
ههههههههه
تحياتى ليكى سومه_87

مدام كعبولة يقول...

سيادة الرئيسة

لا بجد شوفيلك حل في خفة دمك المطلقة دي

بس علي فكرة الفاصل الاعلاني الاخير ده فيه تضلد للحزب

يعني ايه مش حتقدر تغمض عنييك لا اسمها غمض عنيك و دلدل رجليك امال حنحلم ازاي؟؟؟؟

لو مغمضناش عنينا حيجيلنا انهيار عصبي ونروح العباسية بجد

3abdo me7tas يقول...

جميل أوى الحزب ده
وانتى كمان بتقولى حزب كله شفافية واللى بره يشوف اللى جوا وأكيد اللى جوا مش هيشوف حاجه
طيب واشتراك الحزب بكان وعايز كام صورة

محمد عبدالحي بتاع بيطري يقول...

ردا على سؤالك بخصوص اتحاد المدونين البيطريين : تابعينا وانتي تشوفي
هتشوفي
هتشوفي
هتشوفي

المهم دلوقتي أن الدعوة عامة
وأتفضلي في الصالون

بخصوص الحزب :

هل الحزب يوفر نومة كويسة للأعضاء لضمان جودة الأحلام ، ولا نتصرف أحنا
و يا ريت تحددوا نوع النومة (سلـّم ولا دكة )

و بالتوفيق دايما
أخوكي في الحديقة
محمد عبدالحي
الإنسان بكلية الطب البيطري جامعة القاهرة

رئـــــيسـة حزب الأحلام يقول...

ola_barakat
احنا اغلب احلامنا لسه متحققتش انضمى معنا وانتى هتلاقى الللى نفسك فيه

رئـــــيسـة حزب الأحلام يقول...

مفقوع مرارتي من حماتــــــــــــي
السلام عليكم ياسوسو واية التعديلات التمام دى والف شكر لك

رئـــــيسـة حزب الأحلام يقول...

صحفية روشة
خلا ص احنا نعمل استفتاء على نائب الحزب

رئـــــيسـة حزب الأحلام يقول...

kafrawy
ماحنا فى الحزب بنبحث عن العيش احنا ناس شايفين شغلنا

رئـــــيسـة حزب الأحلام يقول...

somaa
نورتينا ياسومة واية رايك فى الاعلان

رئـــــيسـة حزب الأحلام يقول...

حياتي قنبلة ذرية
اى وانت نايم ومغمض عينك مش هتقدر تغمض وانت فى الحلم وماتخافش اهم حاجة فى الحزب انك تغمض عينيك

رئـــــيسـة حزب الأحلام يقول...

3abdo me7tas
الاشترك مجانا وكلة فى التمام وصورتين عشان نحطهم فى الكارنية

رئـــــيسـة حزب الأحلام يقول...

محمد عبدالحي السيد يوسف
السلام عليكم اشكرك على الزيارة الجميلة وشاى ولا قهوة

Unknown يقول...

لو طلعت كارنيه الحزب لو مشيت فى الشارع وكلنى ظابط على قفايا هيعمل الحزب ايه؟

أعجبتنى المدونة وهشترك فى الحزب
مستنى زيارتك والتعليق

مجداوية يقول...

قررت أمانة الحزب الديمقراطى المصرى المساهمة فى انشاء وانتشار حزب الأحلام الديموقراطى ليشمل فى الخطة الخمسية القادمة كافة طوائف الشعب بصرف عدد 1 بطانية المحلة ومعها سرير بدون ظهر ولا مولّه لأن المولّه على العريس قصدى على النايم وتتمنى لكم نوما طوييييييييلا واحلام سعيدة وتهيب بكافة أعضاء الحزب بأنها لازم تغمض عنيها عشان الحكومة تشوف شغلها

Soooo يقول...

لا اعلان جامد
منكن اشترك معاكم؟؟
اعتقد انكم هتوفرو لكل مواطن بيشترك معاكم بطانيه وكوبرتا



ملحوظه
لفظ كوبرتا ده متعوب عليه قوي





سلاموووووووووووز

سلوى يقول...

على البركه
أشترك إزاي في الحزب

وهتدفعوا كام

فرنسا هانم يقول...

انا عضوه اشرف يا ريسه
واستحق اخد نيشان
انا بقالى يومين متواصلين نايمه

ftafeet يقول...

ياااااااااااه نوم فين ده

الله انا هاشترك معاكى انا اى حاجه فيها نوم باتشعلق فيها بايدى وسنانى

وانا من مؤيدينك

بطول بالعرض هانجيب منخيرنا الارض

رئـــــيسـة حزب الأحلام يقول...

ayman badr
طلع انت الكارنيه بس وانت بدل القفا تاخد 2 قفا دة حزب سرة باتع

رئـــــيسـة حزب الأحلام يقول...

مجداوية
اشكرك على التعليق وياريت يصرفولنا واحد ببطانية ومرتبة

رئـــــيسـة حزب الأحلام يقول...

Soooo
اشكرك على التعليق وانت اية ما عندكومشى كوفرتات ولا اية

رئـــــيسـة حزب الأحلام يقول...

Salwa
السلام عليكم شرفتى المدونة والعضوية مجانا

رئـــــيسـة حزب الأحلام يقول...

فرنسا هانم
تحياتى لك والخناقة اللى عندك و صلت لاية ونورتينا

رئـــــيسـة حزب الأحلام يقول...

ftafeet
احنا الحزب الوحيد الذى يتمتع بالنوم فى اى حتة وكان الحصانة البرطمانية

همس الاحباب يقول...

على حزب وداد قلبى
الله جميل قوى بجملت الاحزاب النايمة
كل حزب وانتى طيبة
الكل نيام
موافقون
رفعت الجلسة

رئـــــيسـة حزب الأحلام يقول...

همس الاحباب
نورتى مدونتى المتواضعه ونوركم غاطه على الكهرباء

Gihad N. Sohsah يقول...

ينفع ابقى عضوة في الحزب؟؟؟

انما كان ليا سؤال

هو لو دخلنا مجلس الشعب هننام؟

رئيس جمهوريه نفسى يقول...

انا معك قلبا وقالبا بس بشرط احتفظ بمنصبى كرئيس جمهوريه لما نمسك حكم البلد

غير معرف يقول...

ده الحزب من اوله لاخره نوم
ورئيسته بتاخد بين النوم تعسيله

يبقى ازاى مش هتقدر تغمض عنيك ؟

هى بقى
هتفضل مغمض عنيك

وتصبحوا على خير

خوخ ... تش .... خوخ ... تش

موناليزا يقول...

حزب حزب حزبى قصدى حسبى الله ونعم الوكيل

شاب نفسة يحقق حلمة يقول...

السلام عليكم
ممكن املي استمارة الترشيح
ولا مش ممكن
ياريت يبقي فيه فعلا حزب للاحلام
هتلاقي كل مصر فيه
لان المصريين مبيعرفوش يعملوا فبيحلموا يعملوا اللي هما عليزينة
تحياتي ليكي

غني يابهيه يقول...

ممكن اقدم على استماره عضويه فى الحزب ده
.............؟؟؟؟


بهيه هاتستنى الرد

غني يابهيه يقول...

ممكن اقدم على استماره عضويه فى الحزب ده
.............؟؟؟؟


بهيه هاتستنى الرد

ammar يقول...

هههههههههههه
اه ياشعب نام حتى شخر
فلما قام شخرت له الشعوب
ههههههههههههه
فاصل جميل والله
واحلى حاجه
هاتلنا منه باكو واتنين دى
ههههههههههههه

Empress appy يقول...

لا اااااااااااااا هو انا اصحى فى الناس وانتى تنيميهم طيب انا هعمل عليكى حرب بقى ونشوف هههههههههههههههههههههه

نورتينى

رئـــــيسـة حزب الأحلام يقول...

صانعة الاحلام
الحزب سيوفر لاعضائه سراير فى مجلس الشعب

رئـــــيسـة حزب الأحلام يقول...

رئيس جمهورية نفسى
حقك محفوظ ياريس

رئـــــيسـة حزب الأحلام يقول...

shreen
لقد قمنا بتغيير الكلمة اللى مضايقاقوا

رئـــــيسـة حزب الأحلام يقول...

monaliza
بتتحزبن على مين بس

رئـــــيسـة حزب الأحلام يقول...

شاب نفسة يحقق حلمة
الحزب ممكن يبقى حقيقة فى يوم من الايام

Desert cat يقول...

طيب انا ممكن اطلع الكارنية منين
وبشترى الاستمارة بكام ؟

رئـــــيسـة حزب الأحلام يقول...

غني يابهيه
اسعدتنى زيارتك الغالية

رئـــــيسـة حزب الأحلام يقول...

appy انا مش بنيم حد انا عاوزة الاقى حلوة حتى ولو كانت فى الاحلام اللى ممكن تتحول لحقيقة

سنووايت يقول...

كان فين الحزب دا من زماااااااااان
علي فكرة انا مافيش حد بيحب النوم قدي في الدنيا
والاحلام مش هقولك عليها وانا صاحيةوانا نايمة :)
رغم اني كنت قررت اتخلص من سياسة شداللحاف ونام تلقي الدنيا تمام
بس علي استعداد انضم للحزب
علي بركة الله

drpharma يقول...

عملت مدونه الخرض منها الدعوخ ارجو مساعدتى على نشرها

الزواج.....روضة الحب يقول...

ولية نعود؟؟خلينا فى الفاصل على طول

رئـــــيسـة حزب الأحلام يقول...

سنووايت
اشكرك سنووايت على الزيارة الجميلة وسيدى ياسيدى على النوم

رئـــــيسـة حزب الأحلام يقول...

يوميات زوجة عاشقة
انتى باين عليكى بتحبى الاعلانات

ahmed mefrh يقول...

هههههههههههه
جميل و الله الحزب ده
و اكيد فيه اعضاء كتير فى مجلس الشعب حينضموا اليه


تحياتى ابو مفراح

رُوحْ يقول...

طيب ممكن مكان أو وظيفة لي في الحزب

(وجه يبتسم بشدة)

حاسوباتيه يقول...

والله احلى واجمل واجدع جزب انا معاكي طول مافيها نووووووووم

shabfa2re يقول...

جوووووووووووووو اون

رئـــــيسـة حزب الأحلام يقول...

ابو مفراح
ينورونا بس يجيبوا المخدة والبطانية

رئـــــيسـة حزب الأحلام يقول...

أسرار أنثى
مكانك موجود

رئـــــيسـة حزب الأحلام يقول...

حاسوباتيه
النوم عندنا لازم يكون بضمير كمان

رئـــــيسـة حزب الأحلام يقول...

حاسوباتيه
النوم عندنا لازم يكون بضمير كمان

رئـــــيسـة حزب الأحلام يقول...

shabfa2re
اية رايك فى الاعلان

أحمـــــد علـــــــى يقول...

معاك يا ريسة .. بس خلى بالك من التوكيلات المزورة .. ولو إنى أشك إن حد هيزعل من الحزب ده .. طالما يدعو للنوم فالحكومة هترحب بيه على الآخر.. بالعكس دى هتدعى لكل أعضاء الحزب يناموا.... وميقوموش تانى D:

the movie fitna يقول...

DON'T MISS THE GREAT MOVIE
Rate
IT ON YOUTUBE

صحفية روشة يقول...

البوست دخل مدونة لوحة شرف ليوضع فى لوحة الشرف
زورينى لتعرفى اكثر