الثلاثاء، 11 مارس 2008

إفيشات الاحزاب


فيه ناس مش عاجبها الهدف الخامس ... انتم عايزين تفضلوا تحلمو علي طول ولا ايه


؟؟؟ ماهو لازم بعد مانحلم نفكر فى تحقيق أحلامنا وإلا ناخد قرص منوم عشان نفضل


نايمين ونحلم ونحلم ونحلم .......


وفى الآخر نلاقى نفسنا فى السرايا مع باشاوات الاحلام


الحزب بتاعنا هو الحزب الوحيد فى مصر والعالم العربي المعترف انه حزب الأحلام


وهذا بلا فخر ... كل الاحزاب التانية عامله نفسها انهم مصحصحين وهم فى الحقيقة


اسماء على ورق وعايشين فى الاوهام


نفسى الاقى حزب فعال ويساعد الناس ويتفاعل معهم لكن الواحد الصراحة مابيسمعشى


غير أسامى ... حتى أساميهم ماتشدش الواحد يعنى عايزين اسامى تشد الواحد كه ذى


إفيشات الأفلام يلا خلينا فى حالنا

هناك 37 تعليقًا:

أريد عريساً يقول...

ااسف للاخطاء ولكنى مجهدة شويتين

أريد عريساً يقول...

خلينا فى اللى احنا فية

د/اجدع بنوته يقول...

لا بيعملوا

بس كل حزب بيعمل حاجه صح للشعب

مقابل 20 غلط للشعب

ومعاهم 80 صح ليهم

تحياتتى

وولائى لحزب الاحلام

القلم السكندري يقول...

تمثيليات هزلية بتتألف والمشكلة أن أول من يصدقها مؤلفها..

.
.
.
ما أجملها من أحلاااام.. لو أن لها واقع؟؟

قبلة الحياة يقول...

بقولك هي الحبوب المنومة دي كويسه بتجيب نتيجه فعاله جربتيها يعني ...

انا عندي نفضل نايمين صراحة افضل من اننا نصحى على صفعات الواقع

صدقيني حكومتنا الجليله هي اللي بتوزع الحبوب المنومة على شعبها

امال تلهينا ازاي وتسكتنا ازاي
وعندك عينه غلاء الاسعار منوع انما ايه في الجووووون

عن اذنك بئه الحق اخد الجووون قصدي المنوم

انها مخمخ ( مخدتي ) تناديني

حاضر يا مخمخ جايه اهون

سلام بئه

الفارس الملثم يقول...

بصي صاحين نايمين مش اتفرق , هما الناس اللي ماسكين العزبة قصدي البلد بياخدوا راي حد ؟؟؟؟؟؟؟؟؟؟

سلام

المُهاجر يقول...

أقترح عليكِ تقديم طلب لإشهار الحزب
وليكن شعاره
" من طلب العلا نام الليالي .. وشد اللحاف وقال وانا مالي "

الربان يقول...

تحياتي

بصراحة شديدة...اكبر حزبين في مصر الاهلي و الزمالك....

تعرفي حضرتك لو ان الحزب الحاكم ترك الحكم...لاستقال 90 % من أعضائة من عضوية الحزب....

لجنة الاحزاب برئاسة الامين العام للحزب الحاكم....يعني اي حزب جديد لازم يخرج بموافقة من الحزب الحاكم....

لكن بما أن الاحلام مشروعة....فدعونا نحلم بحياة سياسة حقيقية تتنافس فيها
الاحزاب علي اصوات الناخبين دون ان يرهبوهم او يمنعوهم من الادلاء باصواتهم.

تحياتي و تقديري

Zivago يقول...

و لماذا لا ترشحين أحد من حزبك لانتخابات المحليات؟
:)
تحياتي

رئـــــيسـة حزب الأحلام يقول...

د/اجدع بنوته عندك حق بس هنعمل ايه ادينا بنحلم
القلم السكندري
خليهم يمثل يقولوا بس يسبونا نحلم
قبلة الحياة
الحزب انشاء الله هيوزع الحبوب النومة دى مجانا

Whispers just for a Night يقول...

السيدة رئيسة الحزب

لماذا الأحلام؟ رزقنا المولى الكريم سبحانه وتعالى من القدرات كبشر ما جعلنا نطوع الحديد ونشطر الذرة وننير العالم ونرسم الخرائط ونحفر باطن الأرض ونكتب أسمائنا في عنان السماء. أنا أقول دائما أن البداية لابد وأن تكون هدف لا حلم. وهذا ما ذكرته في أول مقال لي في مدونتي التي شرفتيها بزيارة أسعدت شخصي المتواضع تجدينها على الرابط أدناه

http://kawlansadida.blogspot.com/2008/03/blog-post.html

الأحلام -سيدتي- عنوان الغفوة والغفلة والهدف دائما مرمى بصر اليقظان. فهل لازلتي تصرين على الأحلام؟!

الأحلام هي المكان الذي نفعل فيه الأفاعيل، ونكسر حدود المنطق والمعقول، ونثب في أكباد الزمان وثبات لا يمكن أن نفعلها على أرض الواقع. وفي نظري أن الحلم مكان جميل للإسترخاء والإستمتاع، كالشاطيء ومداعبة نسيمه العليل للوجة المتعب من الدنيا وكبد الحياة. ولكن الأحلام ليست ميدان للحياة ولا لتحقيق الغايات. كم هي جميلة الاحلام، وكم هو قاسي الأستيقاظ منها.

فلنسترخي إذا حلما ... ولنقتل الدنيا عملا
"وفي ذلك فليتنافس المتنافسون"

كامل احترامي وعميق مودتي

رئـــــيسـة حزب الأحلام يقول...

المُهاجر
انا دخلت على المدونة بتاعتك ومش عارفة اعلق وعايز كارنية ولا

رئـــــيسـة حزب الأحلام يقول...

Whispers just for a Night
السلام عليكم الاحلام هى المنفذ الوحيد الذى لم تغلقة الدنيا فى وجهناولذلك انى رئيسة حزب الاحلام

حاسوباتيه يقول...

كلامك جميل واول مره ازورك ومش هتكون الاخيره بازن الله وحلوه فكره الحزب

فرنسا هانم يقول...

انا جبت معايا بطانيه وكيس مخده

عاشق العندليب يقول...

و عليكم السلام
ها قد زرت جزيرة الأحلام

خبيب يقول...

الحزب بتاعنا هو الحزب الوحيد فى مصر والعالم العربي المعترف انه حزب الأحلام

وهذا بلا فخر ... كل الاحزاب التانية عامله نفسها انهم مصحصحين وهم فى الحقيقة

---

رائعة هذه الجملة

---

إلى الأمام

يا حزب الأحلام

المفقوعة مرارتها يقول...

ياجماعة انا متوقعة للحزب ده انه يبقي معترف بيه في مصر لأنه هو الحزب الواقعي الوحيد واللي بيحقق اهدافه وهي الأحلام

gannah يقول...

معاكى حق والله بس اقولك الاحسن اننا نبقى فى حالنا....تحياتى لكى

رئـــــيسـة حزب الأحلام يقول...

السلام عليكم اشكركم جميعا على تعليقاتكم العسل دية والواحد الصراحة معنوياتة بترتفع وربنا يهنيكم ويسعد بالكم واية الطعامة دى واية الحلاوة دى وادعولى ربنا يهدى حاى ويروق بالى عشان اروق للحزب ونقدر نقدملة افكار بسيط والف شكر

رئـــــيسـة حزب الأحلام يقول...

لية فى ناس مستكترة علينا الاحلام دة احنا فى زمن حتى الاحلام الواحد مش عارف يحلم بضمير طب ياريت نقدر نرجع نحلم تان الا الواحد مش عارف يحلم ياجماعة احنا فى زمن الاحلام فى حد ذاتها بقت هدف وليه مانحلمشى وهم مقفلين علينا كل حاجة طب ياريت نحلم قبل ماتخلص الاحلام

mo7amed mamdo7 يقول...

انا بقى بنام اربع سعات فا مستحيل احلم فيهم لانى طبعا مبفضاش ببقى نايم
وان حلمت ولا بفتكر حاجة الا ان كانت حاجة شغلانى بقى
لكن هانضم للحزب ومن لحظة قبولك ليا كاعضو هاشوف انا هاحلم ولا لاء
تحياتى ليكى

فضفضة يقول...

وانا معاك وعايزة انضم للحزب

وابقى مسؤوووولة الكوابيس

هههههههه مهو لازم التغير فى الاحلام عشان الزهق

هروح اجيب بطانيتى واجى

monaliza يقول...

والله انا بؤيدك جدا فى كل اللى انتى قلتيه

Sometimes يقول...

ياااااااااااااااااااااااه على الاحلام
انا حياتى كلها احلام
عارفه
ساعات كتير بقول هو ليه احنا بنحلم
وياسلام بقى على تفسيرنا لاحلامنا
جايز بنعلق نفسنا على حبال الهو الدايبه

بس انا مقدرش اعيش حياتى من غيير احلاااااااااااااااااااااام ابدا

تحياتى ليكى على حزبك
ومن الحق انتى مدرسه ايه؟؟؟؟؟؟
علشان احنا زمل على كده

حسن توفيق يقول...

اريد عريسا

مرحبا بك وشكرا لك على تواصلك

اما بخصوص الانضمام للاتحاد
(اتحاد المدونيين المصريين )
يمكنك زيارة

مدونته وهناك ستجدى الخطوات المطلوبة

فى انتظارك
-----------------
اما بخصوص البوست فانا لى رايى ربما يكون بعيد عن الافيشات
نحن فى حاجة الى تربية سياسية منذ الصغر
لنعرف كيف نعارض ؟
ومتى نعارض؟
واين نعارض؟
وان شاء الله سيكون هذا موضوع البوست القادم ان شاء الله

فزلوكة يقول...

يا أهلا يا ريسة

معاكى إن شاء الله فى الحزب ده
لكن أمانة عليكى لو كان فيه شبهات كده ولا كده
قوليلى
أصل أنا ماليش فى السياسةالداخلية
خلينا فى الخارجية أفضل

الأهم بقى من الأحلام
العمل على تنفيذها
بالتوفيق إن شاء الله ودمت مبدعة

الجمعاوي الاصيل يقول...

هههههههههههههههه

سؤال لامؤاخذه

هو في احزاب في مصر

ولا انا مش عارف

بحبها يقول...

ya

بحبها يقول...

سيدتى سامحكى الله وهل لدينا احزاب نحن فى عصر الحزب الاوحد وما الاحزاب الا براويزلتكملة ديكور الديمقراطية المهلبية التى لانعرفها

رئـــــيسـة حزب الأحلام يقول...

الاخت فزلوكة السياسة الداخلية والخارجية اهم من بعض لان هم الاتنين بياثروا فى حياتنا بشكل واضح

رئـــــيسـة حزب الأحلام يقول...

الاخت المفقوع مرارتها الف شكر على التعليق الجميل وكل عام وانتى بخير وهابى بيرس تو يو هابى بيرس تو يو

رئـــــيسـة حزب الأحلام يقول...

الاخ جمعاوى الاصيل احنا بنحلم ياعم مانا عارفة ان مافيش احزاب وكله بيمثل على كله وشكرا على التعليق

رئـــــيسـة حزب الأحلام يقول...

عاشق العندليب واية رايك اكمل احلام ولا اروح انام

رئـــــيسـة حزب الأحلام يقول...

الاخ خبيب اشكرك على التعليق وانا مبسوطه ان فى حاجة عجبتك

مجداوية يقول...

الحلم سيد الأخلاق هههههههه ينفع ده ؟؟؟
عفوا عزيزتى أنا أفضل اليقظة فقد حلمنا كثيرا ونمنا كثيرا مش كفاية نوم بقى ؟؟؟ ناموا واحلموا اذا كنت مصرة على الأحلام وأنا حاشأر عليكم وأغطيكم كويس عشان تحلموا أحلام وردية ومتتحولش لكوابيس وكويس ارتفاع الأسعار والناس مش لايقة تاكل عشان تناموا خفيف خفيف

رئـــــيسـة حزب الأحلام يقول...

الاحلام بتاعتنا هتتحقق وماتنسيش ان اغلب الاختراعات بدات باحلام ورفعة البلد والعالم العربى ممكن تبدا بحلم