الجمعة، 7 مارس 2008

طوابير في كل حتة


ايه رايكم فى موضوع الحزب ده .؟؟؟ نعمل حزب ونحل فيه مشاكلنا ...
بجد مش تهريج ...
نفسى حد يسمعنا مش مديها طناش ذى خالتكم اللى انتم عارفينها
نفسى الاقى الفانوس السحرى ويطلع منه الجنى
ويقول شبيك لبيك عبدك وبين ايديك .......
.... نفسى حد مظبوط فى البلد يقولى نفسك فى ايه اقوم أرد عليه ..........كمانانا .... بس ده حلم .... ولا بلاش نحلم .... ده ساعات الواحد بيحس انهم منعوا الاحلام كمان ..
... ربنا يستر.



اصل كل حاجة فى البلد عمالة تخلص وكل حاجة بقت بالطوابير .... العيش والعمل والزواج وكل حاجة اقف فى الطابور لحد ماييجي عليك الدور ... امتى ربنا يتوب علينا
ياااااااااااالا ربنا يسترها



وتلاقى الف من يزاحمك فى الطابور ويزقك .... حتى الشغل بقى عامل زى طابور العيش حتى لوكانت

الشغلانة اى كلام تلاقى الف من يزاحمك ويقرفك فى عشتك .... هذه هى الدنيا ام هذه هى مصر ؟؟؟؟

هناك 9 تعليقات:

تــــايه ومش تـــايه يقول...

هوا المهم يكون فيه حزب واسم للحزب .ولا المهم اننا نتغير ونغير بيتهيالى ده اهم.
من ناحية الحلم من حقك تحلمى بس اوعى تكونى بترسمى على رئاسة الحزب علشان انا حاجز الاول

mabioon يقول...

مدونتك جميله اوي
لازم تحلمى طبعا ولازم تكتبي وتقولى كل اللى نفسك فيه لازم تخرجي اى حاجه مدايقاكي يمكن دي اقل حاجه نقدر نعملها دلوقتى
قلوبنا كلها معاكي :)

انين الحزن يقول...

المدونه جميله اوي

انا كمان نفسي في كمننا


هذه هى الدنيا ام هذه هى مصر ؟؟؟؟

لاء مصـــــــــــر هيا الا مبهدلانا كدا

تحياتي .... يعني سلاموووووز
وزة

أريد عريساً يقول...

تــــايه ومش تـــايه
اولا ميرسى على التعليق بس الاحلام بقت كوابيس فى ظل المحسوبية والناس اللى هية وشكرا

أريد عريساً يقول...

انين الحزن
السلام عليكمواهلا بيك بس مش مصر هى اللى مبهدلانا لا دة الفاسدين هما اللى مبهدلنها ومخلينها مقبرة لاهلها

أريد عريساً يقول...

mabioon
السلام عليكم وفكرك هحلم امتى والاحلام بقت مبتتحققش فالواحد بيحبط

رئـــــيسـة حزب الأحلام يقول...

امتى ربنا يرحمنا من الطوابير اللى مش راضية تخلص دى امتى بقى نلاقى الحياه وردية وجميلة امتى الناس تبقى وشوشفها باشه والاكتئاب اللى معشش فى قلوبنا يجلص وينفض امتى الواحد يلاقى نفسه وكيانه بدل مالواحد تايه وغرقان فى الدنيا الاحزان ومش عارف يطلع منها ازاى

رئـــــيسـة حزب الأحلام يقول...

نفسى ملاقيش فى الشغل وشوش عكرة وناس ماعندهاش ضمير الواحد خلاص بقى مش عارف اخره ده اية وفى الاخر اكتشف انى عندى اكتئاب ولازم امشى على العلاج ومش عارفة امشى ولا ممشيش ولا اقعد جنب الحيط واغنى ظلموه وقتلوا

رئـــــيسـة حزب الأحلام يقول...

كل حاجه مابتجيش الا لما يتذل نفسك واخرة دة كله اية هنفضل عايشين لحد امتى تعبانين نفسى ارتاح واحلم والاقى احلامى عمالة تتحقق اكيد دة حلم ايوة دة دة حلم