الجمعة، 28 مارس 2008

المرأة المنتظرة


اعضاء الحزب الموقر



اليوم سنناقش قضية تهمنى وتهم فتيات مصر اللاتى يتظرن قطار الزواج الذى اصبح من المستحيلات



فى عصر تسود فيه الماديات والفساد بكل انواعه ... أخلاقى ... إجتماعى .... إقتصادى



وترك ورائه فتيات منتظرات متألمات لا أحد يعلم مابداخلهمن من مشاعر الألم والوحدة



انهن منتظرات ليس شئ آخر
قررنا نحن على هامش جدول أعمال الحزب ان ننشئ لهن


جمعية المنتظرات ....تقوم هذة الجمعية بتقديم المساندة لهن والاستفادة من من فراغهن العاطفى



لماذا تظل المرأة تقاسى الأمرين للحصول على الزوج المنتظر
لماذا نحكم على المرأة الغير متزوجة بالدفن ؟
إنى لا أدعوا للفجور ولكنىأدعو لإنشاء جمعية لهن تناقش قضايهن و إدماجهن فى

الأنشطة الخيرية


ويجدون من يتكلمون معه ويشكون له همومهن وإخراج الفتيات من عنق الزجاجة


يعنى إللى ماتجوزتش تروح تشوفلها موتة


ياجماعة عاوزين وقفة مع هذة المرأة وعدم تجاهلها وإنشاء جمعية تختص لحل مشاكل المرأة

المنتظرة

يابنات مصر تجمعن .. تشجعن ... قفن بجانب أنفسكن


إننا نملك بركان من المشاعر والاحاسيس إن أستغلت ستصنع المعجزات لهذا الوطن


ولا تنسوا إننا ثمرة الفساد الاجتماعى والاخلاقى والفضائيات والفيديو كليب


وثمرة ليس لها اى ذنب نحن ثمرة تحتاج الى عناية نحن ثمرة تحتاج الى توجية نفسى وإجتماعى


لمواجهة المجتمع الظالم
نحن ثمرة تحتاج الى معجزة

هناك 63 تعليقًا:

مدونات زوجة عاشقة يقول...

لييييييه الزعل دة بقى ماكنا حلوين ،ماتقلأيش جاى فى السكة المهم يكون يستاهل الشربات دةوإلا والله ...بلاش أكمل،بجد إدعى ربنا كتير أوى ،ربنا أكرم من أى حد،وبعدين مش أنا وعدتك إنى هادعيلك ،خلاص ماتقلأقيش،بس اوعى تكونى بتحبى قراية الطالع بصحيح ،حرام بجد0

رئـــــيسـة حزب الأحلام يقول...

يلا بعد الفاصل مسلسل النكد

Human يقول...

أنا متفق جداً معاك ..هو ده إلى أقد أقولوه

حنة يقول...

حلوة قوي حكاية الحزب دي .. لا وايه شعاراته جامدة جدا ..
انما حكاة العوانس دي عاوزة حل مبدع .. وما نيل المطالب بالتمني .. يا بنتي كوني قوية هم اللي يجروا وراكي .. واسأليني انا .....

فرنسا هانم يقول...

وانا مستعده
انى اكون رئيسه الجمعيه دى
بما انى على مشارف الاربعين ولسه عانس
يعنى اقدميه

غير معرف يقول...

السادس من ابريل انتفاضة الشعب المصري
الناس دي كلها معانا
على مدونة عصياااان
http://3syan.blogspot.com/

شاب نفسة يحقق حلمة يقول...

السلام عليكم
والله بجد افكارك حلوة
وفي نفس الوقت بتقولي الفكرة بطرية جميلة وسهلة
تحياتي ليكي

wael يقول...

البنات معنسه عشان الولاد مش قادره تتنيل تتجوز المشكله اقتصاديه شوفي اي بنت عنست هتلاقي اتقدملها مش اقل من 20 عريس 18 منهم كانو محترمين وكويسين بس اترفضو لاسباب ماديه بحته
الولاد بردو معنسين ماتخافيش كلنا في الهوا سوا

رئـــــيسـة حزب الأحلام يقول...

Human
السلام عليكم نورت المدونة

رئـــــيسـة حزب الأحلام يقول...

حنة
احنا مش عوانس احنا منتظرات

رئـــــيسـة حزب الأحلام يقول...

فرنسا هانم
قدها قدود يا اخت فرنسا انا نفسى هى هيئة تساعدنا وتستفيد من افكارنا وطاقاتنا

رئـــــيسـة حزب الأحلام يقول...

شاب نفسة يحقق حلمة
اشكرك على المجاملة اللطيفة دى
عشان درى افكار جاية من القلب

رئـــــيسـة حزب الأحلام يقول...

wael
لا فى اولاد معاها امكانيات تتجوز بس رافضين الجواز الا لما يلاقوا نانسى عجرم
تحياتى

cute يقول...

ابلغ تعليق على هذا الموضوع هو:
NO COMMENT
وادعو للحكومة بتمام الصحة والعافية

عمرو يقول...

مدونة سوسيولوجيا الحياة اليويمة تجدوا ما يسركم من تحليلات واْستشارات , وخدمات تانية كتييييييير ,
http://sociology4life.blogspot.com

لحظة تأمل يقول...

قد تكمن المعجزة فى الثمرة نفسها
لا تكونى ممن يوقفن حياتهم ويعيشوا منتظرين

وبعدين ياريسة احنا معاكى دايما
وتحياتى على الفاصل الاعلانى

مجداوية يقول...

ههههههههههههههههه
والله ضحكتينى جدا اضحك الله سنك
نحن ثمرة محتاج اللى يقطفها واما حتقع من على الشجرة ,,,سبحان الله محدش عاجبه حاله لا المتزوجات مرتاحات ولا المنتظرات مرتاحات لا الخالى مرتاح ولا المليان مرتاح ,,لكن كل ممنوع مرغوب ,,والله ممكن المنتظرات تعيش أحلى أيام حياتها لو بطلت انتظار وسابتها على الله حتبص اذ فجأة تلاقى اللى بيقطفها من غير مقدمات وياكلها هم هم

ساعد نسرين الايمن يقول...

طيب
انا مش عارف اتجوز من غيرها
اعمل ايه بقي ؟

أنا إنسان يقول...

لا والله
احنا ثمره صحيح بس لينا ايد في الذنب ده
ان احنا نقدر نغيير وماغيرناش

Hosam Yahia حسام يحى يقول...

عقبال اما جمعيه المنتظرات

يوصلوا كلهم

يارب

appy يقول...

انا معاكى
بس ازاى كملى بقى وقولى تبقى فين او كل واحد يعملها فى محافظته او بلده
بس قولى الفكرة للاخر ودى حلوة جدا

الربان يقول...

تحياتي

اولا بارك الله فيك علي هذه الدعوة الطيبة...

ثانيا... في رأيي ان اهل الفتيات يمكن ان يكونوا جزء من المشكلة...لان البعض
منهم طلباتهم لا يتحملها شاب حديث التخرج... من شبكة بمبلغ...و شقة في مكان الفلاني...و تكاليف فرح...و اثاث
وخلافه...

لو تراحمنا فيما بيننا لما كان هذا حالنا... لندقق اولا و ثانيا و ثالثا
في الشاب الذي سنضع معه جزء منا سنترك له ابنتنا...فإن كان علي دين و خلق
فكل شيء سيتيسر بأذن الله و عليهم بالقليل الذي سينمو بأذن الله...خذوهم فقراء يغنهم الله...

في ظل عجز الدولة عن توفير وظائف و سكن
و خلافة...علينا الا نثقل كاهل بعضنا البعض بطلبات غير ضرورية او اساسية.


تحياتي و تقديري و انا من المؤيدين لفكرة حضرتك بأنشاء جمعية للفتيات بل
لنقل نادي الفتيات...حتي يجدن الدعم النفسي و المعنوي و المادي و تتاح لهن
ممارسة الرياضة....فتفرغ طاقتهن و تصفو انفسهن.

nonoymm يقول...

السلام عليكم اختي
حضرتك جيتي لي في وقتك فعلا
اموضوع دة مهم جدا وعندي بنات في العيلة بتعاني بجد ونفسي اقدم حاجة انا معاكي قلبا وقالبا
تعليقك عندي وتواصلك شرفني واسعدني
اتمنى الدوام
تحياتي لحضرتك

حاسوباتيه يقول...

انا معااااااااكيييييييييي انتي صح الصح

دعاء مواجهات يقول...

- إزيك ياريسة
واله بتمتعينا بكلامك وألامك وأعمالك

موضوع هاام فعلا وساس وموجع إنتظار إنتظار .... .زى بعضة

رئـــــيسـة حزب الأحلام يقول...

cute
السلام عليكم احنا بقى لا هنعتمد على الحكومة ولا غيرها احنا صحاب المشكلة واحنا اللى هنحلها

رئـــــيسـة حزب الأحلام يقول...

لحظة تأمل
احنا مش هننتظر ونحط ايدينا على خدنا احنا هنعمل اعمال خيرية تفيدنا وتفيد المجتمع انا عاوزة الغى مرارة الانتظار بس ونستفيد من فراغنا دة

رئـــــيسـة حزب الأحلام يقول...

مجداوية
ربنا يرزقنا الرضا

رئـــــيسـة حزب الأحلام يقول...

ساعد نسرين الايمن
لا افهم مقصدك

رئـــــيسـة حزب الأحلام يقول...

أنا إنسان
احنا عاوزين الجمعية عشان نعرف اية غلطنا

رئـــــيسـة حزب الأحلام يقول...

Hosam Yahia حسام يحى
الله يسامحك

أم أحمد المصرية يقول...

حبيبتي رئيسة الحزب كده بردوا عايزة تعملي جمعية للبنات المنتظرات اللذاذ اللي زيك طيب و المساكين المتزوجين المحتاسين اللي زينا مش حتعملي لهم فرع في الجمعية تأكدي يا حبيبتي ان ربنا موزع 24 قيراط بالعدل مين قال لك انك لو اتجوزتي حترتاحي !!!! بس بردوا حدعيلك انك تجربي من باب تغيير نوع المضايقات :)بس للأمانه فيه حاجة حلوة في الزواج هي الاطفال ربنا يكرمك و يرزقك الخير حيث كان و يرضيك به و يسامح الحكومة اللي بتقفل الابواب في وش الشباب

رئـــــيسـة حزب الأحلام يقول...

appy
عاوزين جمعية لبنات مصر كلهم

رئـــــيسـة حزب الأحلام يقول...

الربان
فى مجتمعنا عندما يتنازل اهل البنت عن طلباتهم فان السيد العريس يقول دى مضروبه اكيد الشباب تفكيرهم كدة وشكرا لزيارتك الطيبة

رئـــــيسـة حزب الأحلام يقول...

nonoymm
ياجماعة البنات دول عاوزين حد يوجة طاقتهم لافادة المجتمع ولا ينشغلن بحبال الهواء الدايبة بس محتاجين نقف على رجلينا عشان نحس ان احنا عملنا حاجه فى دنيتنا ميبقاش قدامنا حاجة الا الجواز او الموت ومدامت ظروفنا الاقتصادية لا تسمح بالزواج فالى المشروعات

رئـــــيسـة حزب الأحلام يقول...

حاسوباتيه
اشكرك وهذا المشروع سيضم كل بنات مصر

رئـــــيسـة حزب الأحلام يقول...

حاسوباتيه
اشكرك وهذا المشروع سيضم كل بنات مصر

رئـــــيسـة حزب الأحلام يقول...

دعاء مواجهات
اشكرك ياجميل

monaliza يقول...

محدش هياخد اكتر من نصيبه

خبيب يقول...

جميلة الفكرة ..
لكنني لا أوافق على الاسم

الغرض أصلا ألا ينتظرن
أن يتحركن
أن يستفيد المجتمع منهن ، وأن يكن طاقات فعالة مؤثرة فيه

أقترح :

"المبادرات"

رئـــــيسـة حزب الأحلام يقول...

أم أحمد المصرية
خلاص نعمل جمعية للمتزوجات كمان

رئـــــيسـة حزب الأحلام يقول...

monaliza
احنا عاوزين نطور من نفسنا واكيد مش هناخد اكتر من نصيبنا

رئـــــيسـة حزب الأحلام يقول...

خبيب ا
اقتراح جميل وممكن الذين لا يجدون نكاحا
والمبادرات حلو اوى واشكرك على التعليق

رئيس جمهوريه نفسى يقول...

بصراحه كلامك منطقى جدا لانى المجتمع المصرى بيعامل العانس والمطلقه كا اشياء منتهيت الصلاحيه وده غلط

Whispers just for a Night يقول...

بالفعل ياسيدتي

ليس الإنتظار في حد ذاته هو ما يقتل
ولكنه الفراغ...
الفراغ قاتل ياسيدتي
وكم يورث مرارة الوحدة
فلنبحث عن ما يشغل الوقت ياسيدتي في ما يفيد
للشباب والفتيات
فكلاهما ينتظر
حتى لا ينفلت بساط العمر ...
عن الفراغ

إحترامي وتقديري

حنة يقول...

حبيبتي آسفة على استخدام تعبير عوانس
عندك حق
بس كمان انا في رأيي مافيش حاجة حلوة تنتظروها واسألوا اللي اتجوزوا
دو انتوا البنات الاحرار
والله بجد

فليعد للدين مجده يقول...

قضيىة الفتيات النتظرات تحتاج لما هو اكثر من هذه المبادرة
تحتاج في الواقع لمبادرة من كل اطراف المشكلة
الآباء
الأمهات
علماء الدين والدعاة
المؤسسات الاسلامية مثل الازهر-الاخوان-انصار السنة
مؤسسات المجتمع المدني مثل الجمعيات الخيرية والنقابات
الإعلاميون
البنات
الأولاد
البنوك الاسلامية

ويجمعهم جميعا قيادة واحدة ذات عزم وفتوة وغيرة وحمية ورؤية وابداع

ان الحلول الفردية لن تجدي شيئا
لابد من حل جذري
ان هذه القضية بلا مبالغة قضية امن قومي

رئـــــيسـة حزب الأحلام يقول...

رئيس جمهوريه نفسى
السلام عليكم اسعدتنى زيارتك وبايدينا ممكن نغير النظرة
===========================
Whispers just for a Night
نعم الفراغ هو اقسى شئ ويجعلنا ندور حول انفسنا
=================================
حنة
هونى على نفسك ماعدتشى تفرق
=============================
فليعد للدين مجده
اشكرك على هذا الكلام وجزاك الله خيرا

أحمـــــد علـــــــى يقول...

هناك الكثير من الجمعيات الأهلية والخيرية الجادة والمحترمة واسعة النشاط .. أعتقد أننا لسنا فى حاجة لجمعية جديدة ولكن إلى روح وعزيمة جديدة وتجديد النية لله عز وجل .. ومراجعة أهدافنا فى الحياة .. لأنه رغم أهمية الزواج للجنسين .. وسعينا وانتظارنا لهذا الحدث السعيد( مش دايما يعنى) يبقى مجرد حدث فى الحياة وليس الحياة كلها.. يبقى الهدف الأسمى والأبعد من الحياة الدنيا بأسرها .. وهو سعادة الآخرة .. فما فاتنا من الدنيا برغبتنا أو بغيرها .. علينا أن نستعيض عنه بعمل يسعدنا فى الآخرة وما عند الله خير وأبقى والعاقبة للمتقين

رئـــــيسـة حزب الأحلام يقول...

احمد على
اشكرك على زيارتك الغالية وكلامك فعلا صحيح بس انا عاوزة اعمل نوع من المشاركة والبنات متحسش انهم لوحدهم ويوجهوا طاقتهم لخدمة البلد وشكرا لزيارتك

الوحدة بتقتلنى يقول...

بصى انا عاوز اقلك مشكلة تأخر سن الجواز مشكلة يشيلها كل الناس اللى انتى قايلة عليهم الحكومة والشباب واهل البنت لو الناس تتساهل شوية مش لازم يكون عنده شقة تمليك وعربية ومرتب 5000ج عشان يرضو بيه وطبعا الشباب لما بيلاقو كدة بيقلك مالها حياة العزوبية وبيصبر لما بيبقى مرتبه 5000ج ودة طبعا مبيحصلش اساسا والحكومة عمرها ما هتدى الموظف 5000ج على فكرة رقم 5000ج دة مثال اكيد محدش هيوصل للرقم دة بس كناية عن ان الاهل بتتطلع للغنى فكلو السبب فى كلو وبالنسبة للحزب هى فكرة جامدة جدا ومن رأيى ان البنات دى تنزل للشغل وتحاول تعمل مشروعات صغيرة ويكونو هما اللى ماسكينها بس دة طبعا لازم يبدأ من موضوع انهم يتجمعو الاول فى الحزب دة بس اهم حاجة البنات متتكسفش تشترك فيه ويقولوا عيب وكدة
وشكراااااااااااااااا

ربنا يوفقك

شيتووووووووووس

Soooo يقول...

والله فكره حلوه
وملعوبه
وبالرغم من اني مش بنت يعني .. لكن والله العظيم عندي استعداد اني اعمل اي حاجه تفيدكم
انشالله حتى لو كان بانر يتوزع على المدونات والناس تعلن عن الفكره دي

ربنا يوفقكم يارب




سلامووووووووووووز

the movie fitna يقول...

don"t miss the great movie
Please support this film on youtube

f four a يقول...

انا موافقاكي

بس تكون الجمعيه ولا الحزب ده عشان يسهل حل مشكلتهم الوحيده مش عشان يترصوا جنب الحيطه كل واحده تندب حظها والتانيه تغنيلها

صوت من مصر يقول...

ممكن ادخل الحزب ولا لازم اعمل طلب عليه امضه 2 موظفين راتبهم لا يقل عن 5 جنيه و40 قرش

مفقوعة مرارتي من حماتــــــــــــي يقول...

بكرة تندم ياجميل وتقولي فوفو قالت

omaima يقول...

فى التعريف الخاص بك لاحظت انك كاتبة انك تحبى غسيل المواعين أحييك على هذه
الفدائية( معلش واحدة متعقدة من المواعين وغسيلها)
المهم ندخل فى الموضوع الحق يقول فى كتابه الكريم (لقد خلقنا الإنسان فى كبد)البلد آية 4
فلنتفق أولا أن الدنيا ليست دارا للراحة أو السعادة أو الهناء
وأكثر من يشقى فيها هو من ينشد الراحة فيها وكذلك قسم الله الأرزاق وهى بميقات عنده جل وعلا ومن تظن أن الراحة فى الزواج فهى واهمة .الزواج له توابعه وهمومه وآهاته
وما زلنا حتى الآن عدد الشباب اكبر من عدد البنات يعنى البشر من النوعين موجودين يتبقى فقط حسن الإدارة للموارد

خايف من الحقيقة يقول...

يحمدوا ربنا انهم معنسين
ياعني المتجوزين شافوا ايه عدل
اسعار ولا مواصلات ولا صحة ولا...
وبعدين جمعيه ايه وحزب ايه
لا لا لا دي افكار لا تصلح ابا
شكلوا لجنه مركزيه وبعدين طوروها لمجلس قومي وبعد كده ننظر في مسالة الاحزاب دي
مفهوم

Nostor Azzuro يقول...

لا داعى للأنتظار

حولى مع نفسك تانى

احمد الجيزاوى يقول...

ربنا يستر على الحزب وميحصلش فيه تجميد او اغلاق
سمعت اخير انى مباحث امن الدوله عملت
قسم اسمه مباحث امن االكوبيس
خلى بالك
تحياتى
امضاء
واحد نفسه يتضم الى الحزب بس خايف من مباحث امن الكوبيس
احمد الجيزاوى

رئـــــيسـة حزب الأحلام يقول...

الوحدة تقتلنى
اشكرك على التعليق الرائع
=ي========================
sooo
اشكرك بس ليه كدة
=======================
f four a
لا احنا اكيد مش هنترص جنب الحيط
-----------------------------
صوت من مصر
الاشتراك مجانا
================================
مفقوعة مرارتي من حماتــــــــــــي
ندم بتدم واية الاخبار
=======================
omaima
اشكرك على التعليق بس المواعين مغلا بانى تاخدى حبة
-------------------
خايف من الحقيقة
مفهوم يافندم
-----------------------
Nostor Azzuro
اشكرك على التعليق

غير معرف يقول...

ليس الانتظار فى حد ذاتة مرار ولمن المرار يخرج من انفسنا عندما لانرضا عن حياتنا ومستقبلنا وايانمنا

محمد عبدالحي السيد يوسف يقول...

والله الكلام ده جامد

بس في الغالب أعضاء الحزب اللي هيخشوا الجمعية

هينفضوا للعمل الخيري
و للبلد

و هيقضوها نوووووم زي أي بنت مصرية نموذجية

كتالوجهم فيه الكلام ده
صدقيني