الجمعة، 21 مارس 2008

العبــــــــاســــــــيــــــــــــــة للجميـــــــــــع


فى ظل المحسوبية والناس اللى هية نرجو تطوير مستشفى العباسية



أعضاء الحزب الكرام وعضواتة الجميلات سأعرض عليكم موضوع غاية في الأهمية

هذا الموضوع سيُناقش على هامش المشكلات التي طُرحت في جدول أعمال الحزب



وهو............تحويل اسم مستشفى العباسية الى مستشفى


المدينة الفاضلة
نعم احلم بتغيير هذا الاسم ، وأحلم بأن يولي السادة المسئولين الأهتمام بهذا الصرح العظيم الذى اصبح يخدم




ثلاث تربع هذا الشعب العظيم فى ظل الضغوط النفسية والعصبية والمحسوبيه وضياع الهوية واللاشئ




فاصبح المواطن المصرى يملك ربع فقط غير ضارب وممكن يلسع فى اى لحظة




لذلك أدعوا السادة المسئولين للأهتمام بهذا المكان وتنمية الاستثمارات به فهو المستقبل

والله ولي التوفيق


وشكرا

هناك 53 تعليقًا:

شاب نفسة يحقق حلمة يقول...

ياااااااه اول مرة ادخل عندك اكون اول تعليق كده ياسلام
عاجبني اسمك قوي رئيسة حزب الاحلام
نيس نيم بس المهم عارفه تمارسي المهام الرئاسية للحزب ولا عاوزة مساعده
تحياتي ليكي وان شاء الله مش هتكون اخر مرة تعليق

المـــفـــــــقــــــــوعـــــة مــرارتـهــا يقول...

انا عاوزة احجز سرير في العباسية بس عاوزة واسطة كبيرة

فرنسا هانم يقول...

خير اللهم اجعله خير

اطالب من رئيسه الحزب رفع استفتاء فورى
باسم العضوه النائمه فرنسا هانم
وذلك للمطالبه بتغير اسم مستشفى العباسيه للامراض النفسيه والعصبيه
الى
مستشفى مصر العربيه

دينا حامد يقول...

مصر زمان كان اسمها بهية
انهارده بقى اسمها العباسيه
والشعب كله قريب جدا الربع الباقي عنده هيلسع

غير معرف يقول...

السلام عليكم

هو فين الربع الى فااضل الاربع تربع

خلاص طاااااااااااااااارووووووووووو


تحياتى للجميع

ka2en Makboot يقول...

السلام عليكم

انا واصحابي كنا بنقضى الاجازات الصيفية في بهيمان (مستشفى نفسية في حلوان)

اصل العباسية زحمة وخنقة واحنا ما بنحبش الاختناقات المرورية والنفسية
كفاية اللي فينا

تحيــاتى

رئـــــيسـة حزب الأحلام يقول...

السلام عليكم
اكيد عايزين مساعدة هو احنا نقدر نستغنى

رئـــــيسـة حزب الأحلام يقول...

المفقوعة مرارتها
الحمد لله احنا وستطنا عليا اوى ودماغنا اعلى

رئـــــيسـة حزب الأحلام يقول...

فرنسا هانم
دا انت عايزة مصر كلها عباسية
اقتراح جميل ياخت فرنسا وربنا يسهل

رئـــــيسـة حزب الأحلام يقول...

دينا حامد الشعب ممكن يعقل ويخش العباسية

رئـــــيسـة حزب الأحلام يقول...

عــــــدنـــــــــــان المـــصــــرى .
هم طاروا هم كمان انت مافيش خوف عليك انت كدة فى السليم

رئـــــيسـة حزب الأحلام يقول...

كائن مائى
واللة ياريت يودوها فى الصحراء بعيد عن الدوشة

Desert cat يقول...

اضم صوتى لصوتك وادى توقيعى
cat

محاولة لكسر الصمت يقول...

حلوة حكاية مستشفى العباسية دي معاكي فيها.بس مش معاكي في نقطة تانية.حكاية التلت تربع دي.والله كله...

ابو العربى يقول...

يا سلام يا ولاد لو فعلا نهتم بالعباسيه الواحد ميترددش لحظه ويدخل على طووول
بس نعمل فروع كتير عشان تستوعب حجم الناس

تحياتى

عبده الرايق يقول...

وانا من جانبى
ارسل شيك بمبلغ 250 الف جند للمساهمه فى نشاطات الجمعيه
ربع مليون اهيف يا بشر
على ان يتم صرف الشيك بعد الامضاء على الكادر الخاص بالموظفين

رئـــــيسـة حزب الأحلام يقول...

Desert cat
اشكرك على هذا الانضمام الغالى
دواير
انت شايف الشعب كله جاتلة الحالة
ضد الظلم
انت بتشاور عقلك
عبده الرايق
احنا منتظرين التبرع

لحظة تأمل يقول...

السيدة رئيسة حزب الاحلام

بعد التحية والسلام

احب تسمحى بانضمامى لحزبكم الموقر

واحلى حاجة ان اول انضمام واول تعليق
يبقى موافقة وبشدة على الفكرة ديه
بس من غير ما يطوروها كمان احنا خلاص بقينا فى العباسية الكبيرة

تحياتى وتأييدى

رئـــــيسـة حزب الأحلام يقول...

لحظة تامل
اشكرك على انضمامك واية راايك فى المقولة وما الدنيا الا مستشفى عباسية كبيرة

الزواج.....روضة الحب يقول...

أنا عن نفسى متبتة فربعى الأخير دة بإيدية وسنانى ~،ربنا يخليك لية يا ربعى0

الفارس الملثم يقول...

كان في قصة قديمة بتقول ان الاعداء سمموا الابار في مملكة ما لكن السم هنا كان بيتسبب في جنون للي يشرب من الميه , فالشعب كله اصابه الجنون ماعدا قصر الحاكم لانه كان عنده بير خاص بالقصر بس , وفي يوم اصدر الحاكم بعض القرارات والقوانين العاقلة والمنطقية , لكن الشعب اعتبر القوانين دي جنون وان الملك اتجنن وقرروا انهم يروحوا يخلعوه , وقتها ملقاش الحاكم حل غير انه يشرب هو واسرته من الميه المسمومة ,واصابه الجنون , شعبه اعتبره خلاص رجع لعقله وتركه حاكم عليهم كما كمان " في مملكة الجنون "

اتمني مغزي القصة يكون وصل , يعني عملك شئ مخالف لما يفعله اغلبية الناس حتي لو كان هو الصح سيجعل الجميع يتهمونك بالجنون ..

تقبلي مروري

MAKSOFA يقول...

طيب ومين حايكون رئيس المدينة الفاضلة؟؟

غير معرف يقول...

صحيح المجانين فى نعيم
بس حالنا يا أم يضحك يا أما يضحك بهستريا فعلا فكرة جميلة

t3ban يقول...

لا الله الا الله
انتي عيزاهم يخصخصو دي كمان
دي الحاجة الوحيدة الي فضللنا متحصخصتش هي و المدافن
المشكلة الي داخلين عليها
طوابير العباسية
و يكلمو المسئولين
ومن المسئول عن طابور العباسية
الطابور الذي طوله 140 كيلو
المصري اليوم
6 تاهو في طابور العباسية
مصر تستعين بقوات اجنبية لحفظ السلام في طابور العباسية

حرة المداد يقول...

سلام الله عليك اختى : أعجبني خفة الظل الواضحة في المدونة وخروجك من الافق الضيق للحلم الشخصي الى رحابة افق الاحلام المرجوة للشعب أجمع. قرأت معظم موضوعاتك وهي سلسة خفيفة سهلة القراءة والهضم واظن انى سأزورك كثيرا كلما سنحت الفرصة.تقبلي مروري وشكرا

دعاء مواجهات يقول...

عندك حق فعلا يابنتى هو دة المساقبل ويجب الإهتمام بة على أكمل وجة والا ضااع شبااب هذا البلد أكتر مهو ضاااايع لكى تحياتى

همس الاحباب يقول...

انا معترض
على التغيير
العباسية اتصبح بيت كل المصريين
المطحونين
لذا ارجو تخصيص جناح لى من الان
او حتى ربع جناح
واطالب بزيادة عدد المستشفيات النفسية والعصبية لاستيعاب المواطنين
موافقة ورفعت الجلسة .
احنا تبع حزب الاحلام .
تحياتى ليكى

رئـــــيسـة حزب الأحلام يقول...

زوجة عاشقة ربنا يخليلك الربع الى الموجود تحياتى

رئـــــيسـة حزب الأحلام يقول...

الفارس الملثم
القصة دى معبرة جدا واشكرك على مرورك الكريم

رئـــــيسـة حزب الأحلام يقول...

MAKSOFA
رئيسها هننتخبوا احنا

رئـــــيسـة حزب الأحلام يقول...

عمر المصرى اشكرك على تعليقك

رئـــــيسـة حزب الأحلام يقول...

anwer
ربنا يستر ميخصخصوش دى كمان تبقةليلتهم بيضاء

رئـــــيسـة حزب الأحلام يقول...

حرة المداد
اشكرك على الزيارة الغالية ونورتى المدونة ومش عايزة كارنيه

رئـــــيسـة حزب الأحلام يقول...

دعاء مواجهات
هو دة الاستثمار الحقيقى اللى هيفيد البلد

رئـــــيسـة حزب الأحلام يقول...

همس الاحباب
العباسية تحت امرك من النهاردة

m.sobhy1990@gmail.com يقول...

أستاذة سلوى
هقولها تانى وتالت "بجد ربنا معانا"
البوست جميل على فكرة

ftafeet يقول...

على فكره البولج حلو اوى اول زياره ليكى بس اتبسط

وانا عن نفسى هاحجز مش سرير بس لا انا هاحجز سويت بحاله علشان اناعيلتى كلها ضربت والحمد لله

رئـــــيسـة حزب الأحلام يقول...

محمد صبحى
اشكرك على هذة الزيارة الجميلة ونورتنا

رئـــــيسـة حزب الأحلام يقول...

ftafeet
اشكرك ياخت فتافيت ومتقطعيش المراسيل

R.O.U.R.O.U. يقول...

hhhhhhhhhhhh
aw mmkn yb2a 2esmaha 2l 3elag lel gamii3

............
shokran 3la ta3li2k watmana 2ashofk tany

بحبها يقول...

م

بحبها يقول...

مش مهم ربع بس ياريت نفكر بالباقى ونحاول نغير على اقد مانقدر

مدام كعبولة يقول...

و ليه عباسية

لأ متنفعش

و الله يا جماعة لو كلنا بنتوكل علي علي ربنا صح الاربع تربع كلهم حيرجعوا

مهو بصوا لازم يكون فيه تعب نفسي و الا مش حتبقي حياة


و انا من هنا ارفع الشعاااااااار

لا لا لا للعباسية

rona يقول...

عندك حق والله فى الكلام اللى قولتيه وياريت تقبلينى عضوه فى الحزب بإنتخابات نزيهه جدا

سفير السلام يقول...

العباسية مجانية مستشفى حكومي يعني ؟
محتاج ليلة وحده بس افرغ شحنة من المرض

احساس لسه حى يقول...

عزيزتى

بصراحه اقترام كويس بس مش هتنفع مستشفى العباسيه بس

اكيد لازم نسمى كل حيته فى بلادنا مدينه فاضله

اصل البيوت والشوارع اتمليت ناس عايشه مضغوطه مقهوره مظلومه

ربنا يعينهم ويقويهم ويفقوا بقه شويه

تحياتى

سلام

رئـــــيسـة حزب الأحلام يقول...

بحبها
ياريت
--------------------------------
حياتى قنبلة ذرية
اشكرك على التعليق ويارب نقدر نحافظ على الجزء الباقى
-----------------------------------
rona
نورتى مدونتى التواضعة
-------------------------------
سفير السلام
طلباتك اوامر
-------------------------------
احساس لسه حى
اشكرك على الزيارة وهناقش الموضوع دة

امين سر يقول...

أنتِ
نعم اعنيكِ انتِ
لماذا لم تأتِ بعد .. ؟
هذا طريق لا يعرفه الساسة
و لا الحكام
و لا الاصدقاء و لا الاعداء
هذا طريق لا يعرفه أحد
ولا يعرف أحد
طريق لم تعرفه أقدام المارّة ،
ولم تدنّسه من قبل عجلات سيارة فارهة تملأ خزان وقودها من عرقي ، وعرق الأغبياء
الذين يقفون في طابور طويل
يريدون خبزاً قبل أن ترتفع أسعار القمح
تعالي .. لماذا انتِ مرتبكة ؟
و لماذا ارتضيتِ ان تتدثرين في حزن مغشوش ؟
دع العالم يسمع صوتك
و إن لم يفعل .. !
فتأكدي انني انتظرك لتشتركين معنا في اسرار اون لاين
على الرابط ادناه
حتى اسمعك
http://asraronline.com/vb/register.php?referrerid=2

القلم السكندري يقول...
أزال المؤلف هذا التعليق.
رئـــــيسـة حزب الأحلام يقول...

القلم السكندرى
طلباتك اوامر وكل حاجة تحت امركم

رئـــــيسـة حزب الأحلام يقول...

القلم السكندرى
طلباتك اوامر وكل حاجة تحت امركم

رئـــــيسـة حزب الأحلام يقول...

امين سر والله انا مش عارفة اجيلكوا ازاى ارجو المساعدة وشكرا على المتابعة

غير معرف يقول...

السلام عليكم ورحمة الله وبركاته
أولا وقبل كل شىءنحمد الله على نعمة "العباسية" فهى ياما بتلم بلاوى وهنعمل إية إذا كان دة مصيرنا بس لية عايزاها للجميع مكفاية المتخلفين ولا إنتوا تحبوا تشاركوا كل الناس فى كل حاجة وعلية العوض ومنه العوض.