الثلاثاء، 29 أبريل 2008

خير اللهم اجعلة خير


السيدات والسادة

خير اللهم اجعله خير زارتنى امبارح الست الطاهرة كونداليزا رايس فى المنام

!!!!

هتقولوا ... وايه اللى جاب الست فى كوابيسك .......... وكمان هتقليبها قعدة تفسير


أحلام ؟؟؟

امبارح وانا نايمة فى أمان الله جاتلى كونداليزا رايس وانا فى الشغل ومش عاجبها

الشغل


وعمالة تقول اية الشغل الزبالة دة وعمالة تعدى على العاملين ومش عاجبها حاجة


وكانت لابسة الطقم الكحلى البلوزة الكحلى والجيبة الكحلى كانت يعنى مكحلاها

وجت عندى


وقالت لى بعد ان كشرت عن انيابها ..... اية الشغل الزبالة دة ياأ نسة ؟؟


قمت من النوم مفزوعة واستغربت اوى من الحلم دة الست دى جاتلى فى الاحلام ازاى


دا أنا مقاطعة نشرات الاخبار عشان ماشوفشى سحنتها الكريمة طب هى جت بناء

على اية ؟؟؟


والله الست دى غريبة اوى هى مستأصدانى ولا اية ومالها بيا وايه اللى فاكرها بيا

السعادى


المهم انا أعترف انى كنت اليوم دة عندى سخونية وبرد وكحة بس مش للدرجة


الكونداليزا تزورنى فى الاحلام حرام عليكى ياشيخة انا مش ناقصة ماتروحى تشوفى حد

غيرى

هناك 83 تعليقًا:

rovy يقول...

بما انى اول تعليق لغايه دلوقتى يبقى لازم اقولك صح النوم .. وارجوكى بلاش تأكلى كثير قبل النوم
الحكايه مش ناقصه المره دى الكوندليزا المره الجايه ما حدش عارف ربنا يستر

خالص تحياتى
rovy

الطائر الحزين يقول...

احلام أيه بس

دى البلد بلدها تيجى وتشرف

just me يقول...

بشره خييييييييييييييييييير

الامريكان هيحتلو مصر

خليهم ييجو ونخلص

ماحنا محتلين كده كده

امل يقول...

ده مش حلم ده كابوس
وبعدين ايه اللي جابها دلوقتي بالذات
هي الانتخابات فاضل عليها قد ايه

رئـــــيسـة حزب الأحلام يقول...

rovy
ربنا يستر ويبعدهم عننا

رئـــــيسـة حزب الأحلام يقول...

الطائر الحزين
عندك حق كل حاجة بتم بشورتهم

رئـــــيسـة حزب الأحلام يقول...

لست أدرى
بس هنبقى زى العراق

رئـــــيسـة حزب الأحلام يقول...

امل
والله منا عارفة

غني يابهيه يقول...

خير اللهم اجعله خير

ولو ان الزياره دي مش خير خالص

تحيات بهيه

المـــفـــــــقــــــــوعـــــة مــرارتـهــا يقول...

إن شاء الله خير هايجيلك عريس ... هو مش هايبقي أمور أوي بس هايبقي بيرطم بالأمريكاني ... وهاتتعدل إن شاء الله

Desert cat يقول...

الف بعد الشر عليكى
خدى بالك من نفسك يا حبيبتى بعد كدا محدش ضامن ممكن يزورك جورج بوش وبعدها يهلوا علينا واحد ورا التانى ويبقى الاحتلال جه بسبب البرد بتاعك
اهتمى بنفسك كويس واشربى حاجات سخنة محدش ضامن
ههههههههه
الف سلامة عليكى يا جميل

Mafrousa يقول...

اييييه يا راااااااااايقه كوندا و ابوها الريس كمان لااااااااا ده اكيد انتى ما كنتيش متغطيه...يا اما لسه متغطيه بالحاف كبس على منافذ الاحلام الهوائيه...قومى استعيذى من الشيطان و صليلك ركعتين....يالهوى ده كابوس

حسبي الله ونعم الوكيل يقول...

خير اللهم اجعلة خير

اميره الصعيد يقول...

نصيحه من اختك يبقى اتغطى كويس ياختى الجو بيبرد اليومين دول وبيقلب بكوابيس بس مش لدرجه القرشانه دى

حسبي الله ونعم الوكيل يقول...

غني يابهيه
ربنا يستر

رئـــــيسـة حزب الأحلام يقول...

غني يابهيه
واللة انا مش مطمنة

رئـــــيسـة حزب الأحلام يقول...

مفقوعة مرارتي من حماتــــــــــــي
انا مش متفائلة بالحلم دة خالص

رئـــــيسـة حزب الأحلام يقول...

Desert cat
الله يسلمك والف شكر على السؤال

رئـــــيسـة حزب الأحلام يقول...

واحدة مفروسة
الى الان انا تعبانة

رئـــــيسـة حزب الأحلام يقول...

اميره الصعيد
ماعدتش انسى اتغطى تانى

تــــ(حـنة)ــــر يقول...

انما انا عايزة اقولك حاجة هى قالتلك كده ( اية الشغل الزبالة دة ياأ نسة )
أكيد دا بقى بعد ما نزل شريط الترجمة و لا منامك كان مدبلج
هههههه
تحياتى ليكى يا قمر

رئـــــيسـة حزب الأحلام يقول...

تــــــــــ(حـنة)ـــــــر
كان فى مترجمة معاها

الهدهد الطائر يقول...

دي محاولة ملتوية للتدخل في الشؤون الداخلية للحزب.

Eldebug يقول...

صحيح واللهى الناس مقامات حتى فى الحلم

علشان انتى بس رئيسة الحزب وواصلة جابولك وزيرة من عندهم

اما انا بقى علشان حيالله مواطن حلمان غلبان على باب الله بعتولى السفير بتاعهم واللى اتشال كمان

اللهم ادمها نعمة علينا ونفضل على طول غلبانين كده .....

مدحت محمد يقول...

هههههههههه
فكرتينى بفيلم ليلة سقوط بغداد
لما احمد عيد حلم بكوندليزا رايس
هههههههههه
وبعدين لما كوندا تحتل كوابيسك وتغتال احلامك ياستى متقليش لا
عشان زعلها وحش اوى اوى اوىىىىىى
تحياتى وتقديرى

رئـــــيسـة حزب الأحلام يقول...

الهدهد الطائر
تخيل باين كدة عاوزة تتدخل فى الحزب بتاعنا لا والف لا كوندا ليزا

رئـــــيسـة حزب الأحلام يقول...

Eldebug
الست دى مش ناوية تجيبها لبر

رئـــــيسـة حزب الأحلام يقول...

مدحت محمد
يعنى اسيبها تحتل احلامى واسكت لها دة لا يمكن ابدا دى الحاجة اللى فضلالى

khobayb يقول...

لااااااااا

كله إلا حزب الأحلام

هي أمريكا هتستكتر علينا الأحلام كمان ولا ايه ؟

هو ده مش حلمك ؟

اضربي سور .. وكام مدرعة .. وكام دبابة وطيارة

عشان لو أمريكا فكرت تهجم ولا حاجة

FaceMoon يقول...

تبقى اتغطى كويس بس وكل حاجة حتبقى تمام خلى فترة الرياسة بتاعتك تعدى على خير عشان تبقى حبيبة الشعب كدة حيخافوا منك عشان دول زيارتهم فى الحلم وحشة بعيد عنك
تحياتى

رئـــــيسـة حزب الأحلام يقول...

خبيب
احنا نعمل خط دفاع للاحلام شوفلى مسدس ميه لو سمحت

رئـــــيسـة حزب الأحلام يقول...

FaceMoon
دى وحشة على الاخر

جيهان علي يقول...

السلام عليكم ورحمة الله وبركاته

هي حصلت لحد المنام كمان
طب نهرب منها نروح فين بس
إذا كانت ورانا حتى في الأحلام

طب هي جتلك بصفتك رئيسة حزب وكدة
ياترى ممكن تيجي للي هايرشحزكي كمان ؟!

أحم

ما هي الاحلام مش بعزقة

أحم تاني مرة
ولا يهمك وراكي برضوا وهانرشحك


تحياتي

رئـــــيسـة حزب الأحلام يقول...

جيهان علي
... والله انا مش عارفة اعمل اية مع الست دى

Asmaa mahaba يقول...

جولباريزا ايه اللى جابها عندك يا شيخه مش تفتكرى حاجه حلوه
عموما هى الكوابيس بتكون كدا
تحياتى ليكى سومه_87

رئـــــيسـة حزب الأحلام يقول...

somaa mahaba
انتى فينك من زمان انتى مشغولة فى اية

Unknown يقول...

حاجة من اربع حاجات :يا اما المرض شغال شغل جامد يأما انت مش راضيه عن شغلك يأما ربنا مش راضى عنك لأن عشان رايس تجيلك أكيد ربنا بيعاقبك يأما حاجة تانيه انا معرفهاش
والسلام ختام

تايه في وسط البلد يقول...

بيقولوا رايس في المنام سترة
هتنكسي!!!

فرنسا هانم يقول...

هى جات لك برضه ؟؟؟؟؟؟؟؟؟؟
اصلها كانت عندى وانا قريت قرأن فانصرفت

القلم السكندري يقول...
أزال المؤلف هذا التعليق.
حنين القلب يقول...

السلام عليكم
يا نهاااااااااااااااار هى وراكى وراكى يا سلوى
ابقى استغطى كويس وخلى بالك من دور البرد ده لانه ممكن يزيد عليكى.
الف سلامه عليكى يا حبيبتى

GWAD يقول...

ابشرك بشرة حلوة مش هى كانت لابسة كحلى فى كحلى
يبقى اكيد جاية المدرسة عندك
عشان تدرسلها
بس لو جاتلك تانى قوليلها تطول الجيبة شوية عشان النجار محتاج رجلين للطبلية فممكن يطمع فيها
تحياتى

مدام كعبولة يقول...

تعرفي

كنت بحب اوي المسلسل الكوميدي اللي لقبوها فيه بالست(كونت لسة ياريس)

فهي اول متجيلك قوليلها كنت لسة ياريس حقوم من النوم متدخلنيش في كوابيس و عرفيها انك بقيتي الريسة و مش محتاجة اكيد ريس

و استعيذي بالله من الشيطان الرجيم و نامي علي جنبك التاني

هي دي اشكال يتحلم بيها

أنثى الخيـــــال يقول...

خير اللهم اجعله خير
بس بظن لو بتحكي جد فتفسيره حلو
يمكن تترقي

Abo-Harees يقول...

السلام عليكم
فى حاجه مهمة أرجو إنك تكونى عملتيها لما قمتى من النوم إنك تكونى تفيت عن شمالك وفى وشها واستعذتى بالله من الشيطان الرجيم .
وبعد كده هى أمريكا وصلت لمخاطبة الناس فى أحلامهم ومحاربتهم فى أفكارهم
ايه التقدم المزهل اللى وصلت ليه ده
وسبحان الله تمشى بنت الكلب أم ركب الوزيرة القديمه وتيجى صباع الفحم ببدلتها السودة أو الكوحلى " ههههههههههه" ومش عارفين المقدر والمكتوب كاتب علينا نشوف ايه تانى
مفيش مرة تيجى واحده زى شاكيرا .... استنى يمكن تزورك قريب هيلارى كلينتون لأنها عاوزه تشوفك اكيد من يوم ما كان راجلها فى الرئاسة وهى مجتش لحد فى المنام .
وكمان رجاء أخير
إنك تتصلى بقناة المحور
بالشيخ سيد بتاع تفسير الأحلام
وتسأليه عن تفسير الحلم ابن الكلب ده وربنا يجعله خير .

الراعى

الربان يقول...

تحياتي

خير اللهم اجعله خير....

سعيدة انت يا بنيتي فرؤية الست في الاحلام خير كثير ورزق وفير...

أخشي ان تغيري اصدقائك وزملائك..و جيرانك...

و أخيرا....اقول خير اللهم اجعله خير.


تحياتي و تقديري

رئـــــيسـة حزب الأحلام يقول...

sasatifa
اكيد هى الحاجة الرابعة

رئـــــيسـة حزب الأحلام يقول...

تايه في وسط البلد
مش عايزة اتكسى من وشها

رئـــــيسـة حزب الأحلام يقول...

فرنسا هانم
دى بتلف بقى ربنا يستر

رئـــــيسـة حزب الأحلام يقول...

القلم السكندري
يارب امين

رئـــــيسـة حزب الأحلام يقول...

حنين القلب
هو فعلا زاد على لما شوفتها انا كنت امبارح نايمة قتيلة

رئـــــيسـة حزب الأحلام يقول...

GWAD
لا مش هتيجى تانى انشاء الله

رئـــــيسـة حزب الأحلام يقول...

حياتي قنبلة ذرية
يلا جت سليمة المرة دى

رئـــــيسـة حزب الأحلام يقول...

أنثى الخيـــــال
الحلم دة فعلا جد وناس زمايلى قالولى كدة برضة

رئـــــيسـة حزب الأحلام يقول...

Abo-Harees
خلاص هتصل بيه واشوف الموضوع

رئـــــيسـة حزب الأحلام يقول...

الربان
الست دى انا مش متفائلة بيها

عـــفـــراء يقول...

لا بجد عندك حق استرها يارب
ماهوة دة نتيجة الهلاوس ابقى اتغطى كويس ياسلوى ماحدش عارف الجاى اية بعد كدة
وبعدين لا تقلقى بشرة خير بما انك بتعملى اللى عليكى وشغلك فى السليم
ههههههههه
خالص تمنياتى

رئـــــيسـة حزب الأحلام يقول...

عـــفـــراء
يلا انا حرمت انام من غير غطا

عاشــــــ النقاب ـقــــة"نونو" يقول...

حمد الله على سلامتك
نصرة ان شاء الله كوندليزا في الحلم نصرة يا اختشي

رئـــــيسـة حزب الأحلام يقول...

nonoymm
بجد يلا ربنا يسهل

دكتور بهــدوء يقول...

ريّسه

معلش

معلش
ماقدرش اقول التفسير جسمي بيأشعر
بس اللي اقدر اقوله استرها يارب

يا رب سلم

انا مرعوووب

رئـــــيسـة حزب الأحلام يقول...

دكتور بهــدوء
انت مرعوب طب انا اعمل اية

بحبك يامصر يقول...

فعلا ده كابوس
انتى لازم تقرأى قرأن قبل النوم
انتى كده يتخاف عليكى
كله الا الست دى
انتى فكرك هما ليه مختارين دى فى الخارجيه
دى ليها حكمه عشان تخوف النتاس اللى بتتعامل معاهم
اللهم احفظنا يارب من الاحلام المرعبه دى

namer يقول...

اية الغريب هى محتاجة حلم ماهى كابسة علينة من غير اذن زى متكون العزبة عزبتها

رئـــــيسـة حزب الأحلام يقول...

بحبك يامصر
اللهم امين

رئـــــيسـة حزب الأحلام يقول...

namer
هما متحكمين فى كل حاجة مش لازم يجوا

Hosam Yahia حسام يحيى يقول...

ايه ده يا ريسه

بتقعدى مع ممثلى حكومات اجنبيه

عايزه تغيرى مصر بضغوط خارجيه

بوووست هايل

فكرته جميله

يسلم الكيبورد بتاع حضرتك اللى كتب الكلام دا

تحياتى

رئـــــيسـة حزب الأحلام يقول...

Hosam Yahia حسام يحى
اشكرك على الكلام العسل دة وتحياتى لك

غير معرف يقول...

السلام عليكم

هو انتى شايفة ان دة حلم فى الواقع دة مش كابوس دة اكتر وعلى فكرة مفروض اول ماالامورة نورت حلمك قصدى كحلتة كنتى تصحى احسن وربنا يحيمكى يابنتى من كوندا واعوانها

رئـــــيسـة حزب الأحلام يقول...

كلمــــــــــــــــة حـــــــق
المشكلة ان اعوانها كتير وتحياتى لك

واحد من البلد دى يقول...

أبشرى يا أختاه
فقد قال أحد العلماء على أن رؤية السيدة الفاضلة المبجلة الموقرة (كوندليزا رايس)فى المنام..معناه أنكى على وشك ترقية جديدة ومرتب خيالى وحياة أرغد ومعيشة أوسع ورزق وفير وشاليه فى شرم الشيخ و آخر فى بورتو مارينا و إن كانت رؤيتك لها قبيل الفجر..كان هناك حسابا فى البنك ربما باليورو..ولكن قال هذا العالم فى نهاية تحليله..أنكى لكى تحصلى على هذا التفسير بكل دقة.............
...........................
...........................
يجب أن تنامى..؟؟؟؟فى الكونجرس الأمريكى

رئـــــيسـة حزب الأحلام يقول...

واحد من البلد دى
واركبلة اية دة اتوبيس 62 ولا اية تحياتى تعليق عسل

حسبي الله ونعم الوكيل يقول...

دة كابوس مخيف اوى

قوس قزح يقول...

نصيحة بلاش تحكى كوابيسك الجامدة دى لحسن اى تفسير ممكن يلبس فيها و يبقى حقيقة
يالهوى ده فى واحد قال امريكا تحتل مصر
ربنا يستر
الست دى بكرها لله فى لله

رئـــــيسـة حزب الأحلام يقول...

حسبى الله ونعم الوكيل
اشكرك على زيارتك الغالية

رئـــــيسـة حزب الأحلام يقول...

Rainbow...
ربنا على المفترى والظالم وابن الحرام

سنووايت يقول...

ايه الحلم الكحلي في كحلي دا
وازاي تجرؤ وتقول شغل زبالة
احنا لازم نرفع الموضوع لامم المتحدة

رئـــــيسـة حزب الأحلام يقول...

سنووايت
تخيلى الحلم دة تحقق النهاردة والمديرة زعقتلى

Tamer Nabil Moussa يقول...

اية الجلم اللى يتعب دة

اكثر من الواحد ما هو تعبان

كونيزاهههههههههه


دى عشان تخوف الاطفال النونة هههه

واديكى فى ردك على سنووايت ان المديرة زعقت ليكى

شوفتى بقى اللى يحلم باالعواا


والف سلامة عليكى
تحياتى

Unknown يقول...

:)

كوندى....دا كابوس بقى مش حلم

:)

جزيتى خيرا....مدونه جميله

رئـــــيسـة حزب الأحلام يقول...

Tamer Nabil
شفت الحلم اتحقق ازاى

رئـــــيسـة حزب الأحلام يقول...

حطم القيود
الله يخليك

هوة فى أيه؟؟soso يقول...

ههههههههههههههههههههههه
خير اللهم أـجعله خيييييييير
أيه يا سوسو الحلم المنيل ده أنتى كنتى متعشيه أيه يا أوختى
بتنجااااااان؟؟
ولا بلاش لحسن البتنجان يزعل مننا
المهم يعنى لما تبقى تزورك تانى أبقى تففى عليها 3 مرات وقولى أعزذ بالله من الشيطان الرجيم
وربنا يا سوسو ييسر أمرك يااااااااااارب
وبجد مش عارفه أقولك ايه غير شكرا على زيارتك الجميله ليا فى مدونتى المتواضعه
ربنا يا أوختى يجبر بخاطرك
التعليق اليتيم اللى جالى منك أنتى ربنا يكرمك يااااارب

وعايزة أقولك رغم أنى رغيت كتيييير بس لازم أقولك أن أسلوبك رائع بجد مش مجامله وأحلى حاجه فيكى أنك جايبه من الاخر
وعندك موهبه توصيل الفكرة بأقل كلمات
يعنى البوست صغير بس بيكون وافى جدا وبيوصل الفكرة بشكل جيد
بحيث أن القارىء ميملش
وده أمتر شىء ضايقنى فى المدونات التانيه اللى زرتها لحد دلوقتى
يا لهوىىىى دا أنا كتبت كتيييير أةى
معلش أعزرينى
بس كان لازم أقولك الكلمتييين دول
سلااااااااااام