السبت، 26 أبريل 2008

هلاوس رئيسة حزب الاحلام


على هامش نشاط الحزب فى إقامة الندوات والمحاضرات قررنا نحن رئاسة حزب


الاحلام الديموقراطى عمل ندوة شعرية فى مقر الحزب اليوم وستقوم رئيسة حزب


الاحلام بإلقاء قصيدة فقد ظهرت عليها أعراض شعرية فقالت تعملها ندوة شعرية هى

مالهاش نفس ولا اية .................


تظهر رئيسة حزب الاحلام على خشبة المسرح ........... تصفيق حاد امسكت

بالميكروفون وقالت



احم احم


صور كل حياتنا بقت صور


تتفرج على الصورة تفتكر أفراح وأحزان


تبص على الصورة تتوجع وقلبك يتألم


على الايام اللى عدت زى الاوهام


تبص على الصورة تفتكر ناس أخذتهم الايام


تبص على الصورة تلاقى نفسك عاوزة تبكى على الايام


ايام راحت بدون استئذان وسبتك وحدك تعد الايام


ولسة شغلاك الايام


يلا بص على الصورة


وفى صورة هتشوف نفسك سعيد ومزقطط


وهى أيام بتعدى زى نسيم بيعدى اوام


وتفضل الأيام تجيب أيام وانت لسة فى الصورة


بس الصورة بتتغير وفى الاخر تنكسر على صخرة الايام


وابقى سلملى على الايام

هناك 78 تعليقًا:

رئـــــيسـة حزب الأحلام يقول...

معلش ياجماعة استحملوا الهلاوس دية

خبيب يقول...

نستحمل يا فندم ..

مش احنا اخترناه اخترناه وبايعناه ؟!!

اه لو كنا نعرف م الأول

:)

---

هي دي طبيعة الدنيا ..

الصور اللي بتتغير باستمرار

وبعضها بيكون حلو جدا ونفسنا يفضل معانا على طول

لكنه هينتهي لأنه مش أكتر من صورة

وبعضها قاسي جدا ..

لكنه برضه هينتهي لأنه مش أكتر من صورة

---

تحياتي

جني يقول...

سيدي الرئيس
مش تيجي ننزل أرض الواقع شوية .. أنا عارف أنه مؤلم جدا لأن الصور دي هي واقعنا وحياتنا لازم نواحهها لازم نغيرها وما نستسلمش لايام مرة وحزينة بمرارة المعصية ونبدلها بحلاوة الطاعة .. ولو انكسرت عليها مرة أقوم وأقاوم وأقاوم وأكسر صخرة الأيام ..
عضو جديد في حزبك الهمام ..
وسلميلي على الأيام
سلام
said

Eldebug يقول...

الناس نوعين ...
نوع بيعيش جوه الصور ...ونوع بتعيش الصور جواه

والفاتحة على اللى عاشت الصور جواه ...

تايه في وسط البلد يقول...

الله يسلمك ويخليكي

الايام كمان والله بتسلم عليكي

تحياتي

الهدهد الطائر يقول...

وقوف

تصفيق حاااد

فعلا الصورة كائن ضاحك لكائن حزين.

....تحياتي....

فرنسا هانم يقول...

بما انى مديره للحمله الانتخابيه
فارجوا من زائرى المدونه بعد الاستماع الى الشعر بتاع الريسه
الحضور الى مكتب مديره الحمله الانتخابيه تانى غرفه على اليمين لتسلم الشنطه الانتخابيه
الشنطه تضم اعمال الريسه
وبرنامجها الانتخابى
وامساكيه رمضان
وشريط فيديو لاهم انجازات الحزب
واهم واحسن ما انتجنا فابدعنا
صوره لسرير مش بيزيق رمز الحمله

rovy يقول...

الحقيقه انى حسيت من شعرك انك فيلسوفه

قدرتى تجسدى فى كلماتك الجميله اللى دمها خفيف اد ايه الايام بتلعب بينا واحنا بنروح والصور هى اللى بتستنى
بس ياريت نأخذ بالنا ومخليهاش تأسرنا
لان اكيد حيجى اليوم لو ربنا عطانا العمر اللى حنقول فيه ياه بقى ديه كانت انا .. ربنا يستر

ويارب صورك دايما تكون كلها افراح وحياتك مليانه سعاده .
ودمتى بخير
تحياتى
rovy

Nenos يقول...
أزال أحد مشرفي المدونة هذا التعليق.
Ahmed Al-Sabbagh يقول...

ايوة خلينا هنا

فى ارض الاحلام

احلى والذ بكتير

اللحظات اللى بقضيها فى ارض الاحلام

تحياتى

احمد الصباغ

سلفى بس إخوانى يقول...

كفايا احلام وكفايا صور وعيشوا الواقع شويه دا انتوا تخنقوا

محمد عبد الغفار يقول...

كل واحد مسئول عن وضعه فى الصوره

رئـــــيسـة حزب الأحلام يقول...

خبيب
اشكرك ياخبيب وربنا يجعلنا فى احسن صورة

رئـــــيسـة حزب الأحلام يقول...

جني
بتسلم عليكى اوى

رئـــــيسـة حزب الأحلام يقول...

Eldebug
امين يارب العالمين

رئـــــيسـة حزب الأحلام يقول...

تايه في وسط البلد
اشكرك على زيارتك الغالية

رئـــــيسـة حزب الأحلام يقول...

الهدهد الطائر
اشكرك على التصفيق

رئـــــيسـة حزب الأحلام يقول...

الهدهد الطائر
اشكرك على التصفيق

رئـــــيسـة حزب الأحلام يقول...

احلى مديرة حملة انتخابية شوفتها فى حياتى

رئـــــيسـة حزب الأحلام يقول...

فرنسا هانم
احلى واحسن مديرة حملة وتحياتى لك

رئـــــيسـة حزب الأحلام يقول...

rovy
اشكرك على التعليق الجميل دة والحمد لله انه عجابكم

رئـــــيسـة حزب الأحلام يقول...

Ahmed Al-Sabbagh
ارض الاحلام وياريت نقدر نحولها لواقع

رئـــــيسـة حزب الأحلام يقول...

سلفى بس إخوانى
اشكرك ان انت جيت عشان تتخنق بس كنت ريحت نفسك وماجتش وتحياتى لك

أنا مش موافق يقول...

عزيزتى

معلش انا حبيت اوريكى حقيقة قطة

واظن انك اكيد هتتصدمى من الكلام اللى هتشوفيه

بس الحقيقه دايمن بتصدم

خشى المدونه وهتعرفى

سلام

رئـــــيسـة حزب الأحلام يقول...

محمد عبد الغفار
كلنا مسئولين عن وضعنا بس القدر هو الاقوى

نسر الشرق يقول...

السلام عليكم ورحمة الله بركه
هذة المدونةجميلة جدا
ودى اول زيارة لية
ارجو لكى التوفيق
نسر الشرق

لست أدرى يقول...

مش عارفه بقيت بحس الايام دى ان كل الناس بتحن للماضى

بنحن للماضى لان الحاضر بقى قاسى جداااا

انا برده كتبت بوست اسمه انى احن

ربما كنا نمل الماضى عندما كان حاضر ولكننا الان نحن اليه ويملؤنا الحنين حتى يصل لاعيننا ويملؤها بالدموع

واحد من البلد دى يقول...

الحياة فعلا عبارة عن مجموعة صور ولكن هناك صور نحتفظ بها واخرى لا يبقى منها إلا الورق الذى طبعت عليه...ولكن أتدرين ما هى أصعب الصور....تلك التى تلتقطها عينانا وتثبتها فى ذاكرتنا أبد
ا ما حيينا...وهذه الصور قد تتمثل فى(خيانة صديق-قسوةأب-رحيل أخ-إحتلال وطن)فما أقساها من صور.....منك لله قلبتى عليا المواجع...سلام يا قمر

د/اجدع بنوته يقول...

ايام راحت بدون استئذان وسبتك وحدك تعد الايام

والله كده هعيييييييييط

هتولى منديللللل

ليه كده يارئيسة حزبنا

احنا عايزين نفرح ونزأطط

مش تعيطينا كمان وكمان

والله اسحب عضويتى فورم وادور ع حزب مفرفش كده احسن

رئـــــيسـة حزب الأحلام يقول...

نسر الشرق
اشكرك على الزيارة الغالية

رئـــــيسـة حزب الأحلام يقول...

لست أدرى
نحن للماضى لاننا لانجد حاضر وتحياتى لك

رئـــــيسـة حزب الأحلام يقول...

واحد من البلد دى
الف شكر ومعلش ان كنت قومت الاحزان عليك انا اسفة دة مجرد خاطرة جاتلى واوانا بتفرج على الصور

رئـــــيسـة حزب الأحلام يقول...

د/اجدع بنوته
ولله ليكى وحشة بقالك كتير مابتزورناش يلا حية شعر كدة

Desert cat يقول...

يا ستى شيلى الصورة دى من قدامك خالص علشان متفتكريش اى ايام
تحياتى يا ريسه

جيهان علي يقول...

السلام عليكم ورحمة الله وبركاته

هي حصلت مش كفايا لحد دلوقتي مستلمتيش حقي بتاع الترشيح وكمان تعملي ندوات شعرية كدة من غير ما يتبعت دعوات لناس اللي رشحتك عشان تحضر وتساند

أحم .. أحم

الايام او الذكريات بتحمل دائمًا مجموعة صور منها الضبابية غير الواضحة المعالم
ومنها ألوان زاهية وجميلة ومبهجة
ومنها العادية جدًا .
ولازم عشان نحس بالحزن نلاقي الفرح وعشان نحس بالفرح لازم نختبر الحزن
والأيام العادية مش هانعرف انها عادية إلا لو جربنا ايام صعبة

وأهي ماشية وبتعدي


تحياتي

رئـــــيسـة حزب الأحلام يقول...

Desert cat
انا شلتها فعلا وتحياتى لكى

رئـــــيسـة حزب الأحلام يقول...

جيهان علي
يلا خليها تعدى بس تصعب على الايام دى تعدى بدون مانعمل حاجة

أسامة أمين يقول...

زمان قالو .. الصوره الفوتوغرافيه هى لحظه يتجمد عندها الزمن .. بحب الجمله دى اوى وبحب اوى اتفرج على صورى القديمه واسترجع ذكرياتى .. بس انا خلاص مبقتش بتصور .. لما الاوضاع تتحسن شويه نبقى نتصور بقى .. برافو يا ريسه

حاسوباتيه يقول...

ياه عارفه فكرتيني بصور كتير جت على بالي وانا بقرا شعرك يا ريسه بجد جميله قوي واكتر حته عجبتني هي

تبص على الصورة تفتكر ناس أخذتهم الايام




تبص على الصورة تلاقى نفسك عاوزة تبكى على الايام


حلوه قوي الحته دي فعلا مابيبقاش معانا من الي فات غير صور وذكريات
وياريت تعملي ندوات شعريه كده كتير وبالتوفيق

جني يقول...

ياسيادة الريسة
أنا جنّى مش جنّية !! ليه بقى ياء المؤنث ؟؟؟؟
said

عمرو (مواطن مصرى) يقول...

سلميلى ع الأيام معاكى...

القيثارة المكسورة يقول...

رئيسه حزب الاحلام
فكرتنى بشجن عم احمد منيب لما بيقول يا وعدى على الايام بتعدى بنا أوم وبتدى وما بتديش نخلص وهى تعيش غروره غروره ومابيدش اضحك مع الايام اضحك ولو اوهام
تحياتى

Esraa Hamed يقول...

شعرك جميل اوييييييي بجد يا سيادة الريسة
بجد عجبني جدااا
خاصة البيت ده
بس الصورة بتتغير وفى الاخر تنكسر على صخرة الايام

عندك حق في جداااااااااا


تحياتي ليكي

حسبي الله ونعم الوكيل يقول...

شعرك حلو وتلقائي ... بس أتفائلي

دودو في كي جي تو يقول...

اذيك خلتو

القط البرى يقول...

السلام عليكم ورحمة الله وبركاته
انا القط البرى واريد ان اتعرف بكى
ممكن انا لى الشرف عندما تتعرفين بى
ولى الشرف ايضا عندما تزورى مدونتى

مدونتكى يا ايتها الرئيسة جميلة جدا وظريفة وطريفة وشكرا
والسلام عليكم ورحمة الله وبركاته
ملحوظة انا فى الصف الخامس الابتدائى
امضاء
القط البرى

رئـــــيسـة حزب الأحلام يقول...

أسامة أمين
وانا كمان بقتش اتصور وتحياتى لك

رئـــــيسـة حزب الأحلام يقول...

حاسوباتيه
الله يخليكى عل الكلام الجميل دة

رئـــــيسـة حزب الأحلام يقول...

جني
اعذرنى العتب على النظر

رئـــــيسـة حزب الأحلام يقول...

عمرو (مواطن مصرى)
الله يسلمك

رئـــــيسـة حزب الأحلام يقول...

القيثارة المكسورة
اهى ايام وتعدى

رئـــــيسـة حزب الأحلام يقول...

Esraa Hamed
اشكرك على متايعة الشعر

رئـــــيسـة حزب الأحلام يقول...

حسبي الله ونعم الوكيل
نورتينا ومبروك المدونة الجديدة

رئـــــيسـة حزب الأحلام يقول...

دودو في كي جي تو
اذيك ياروح خالتو

رئـــــيسـة حزب الأحلام يقول...

القط البرى
الف شكر على الزيارة واوعى تقطع المراسيل

rain man يقول...

لا اعرف لماذا قفزت الى ذهني قصة صورة دوريان ..
ذلك الشاب العجوز
الذي لا يهرم الا في صورته فقط
لا بأس يا رئيسة الحلم
دائما تقفز الى ذهني افكار لا تمت للمواضيع المثارة بصلة
على اية حال
سعيد ان نشاطات الحزب بدأت تتنوع
هذا يخلق نوع من الـ .. كما تعرفين

Miss. Sosa يقول...

السلام عليكم

تصفيق حاد للريسة

أمانه عليكي يا ريسة بلاش تكتبي شعر وانتى فى الحلم :)

بس كلام جميل ومعبر

دمتى حالمة في دنيا الاحلام

------------

بخصوص الطريق بتاعي طولى بالك عليه شوية النصايح جايه في السكة
بس كان لازم اقول اصل الحكاية
واللي بحكيه له مغزى برضو
احتمال العيب من التربية اصلا

أشكرك اهتمامك ومتابعتك

دمتى بكل ود

ســـلام

la3lahakhier يقول...

الله ينور يا ريسة
نفسى اشوفك فرحانة

مفقوعة مرارتي من حماتــــــــــــي يقول...

حلو الشعر ده ياريسة

FaceMoon يقول...

يارب الصور كلها تتطلع حلوة
بس تبقى خدينى معاكى ياريسة عشان اتغر بالصورة قدام اصحابى
تحياتى ليكى يااحلى ريسة فى الدنيا

رئـــــيسـة حزب الأحلام يقول...

rain man
اشكرك على زيارتك الغالية

رئـــــيسـة حزب الأحلام يقول...

Miss. Sosa
نورتينا واتمنى لكى التوفيق وحل المشكلة

رئـــــيسـة حزب الأحلام يقول...

la3lahakhier
يارب امين وانا كمان نفسى اشوف نفسى فرحانة ادعيلى افرح

رئـــــيسـة حزب الأحلام يقول...

مفقوعة مرارتي من حماتــــــــــــي
الله يخليكى واية رايك فى فسحة النهاردة

رئـــــيسـة حزب الأحلام يقول...

FaceMoon
اية الكلام الجميل دة احنا مش ادة

shaimaa samir يقول...

جميييييييييييييييييييل
واااااااااقع

الـــصـــــارم يقول...

,Hوالنبى تاخدونى عضوا عندكم
هههههههه-
-------------
تفضلوا بزيارة مدونتى
http://awatfakr.blogspot.com
تحية للهلاويس وللجميع

دكتور بهــدوء يقول...

والايام بتسلم عليكي
وبتقولك ماعونتيش بتيجي ليه


الله الله الله

كلامك روعه
هيا البلوج ع بعضها تحسي انك ف عالم حالم وجميل

يا سيات الريس كلامك زي العسل

رئـــــيسـة حزب الأحلام يقول...

shaimaa samir
اشكرك على كلامك الجميل

رئـــــيسـة حزب الأحلام يقول...

الـــصـــــارم
انت منورنا وانت بزيارتك بقيت عضو

رئـــــيسـة حزب الأحلام يقول...

دكتور بهــدوء...
انا جيالك حالا وتحياتى لك

wael يقول...

هبقى اسلم على الايام جامد اوي
مش هلاوس خالص بجد حلوه

nonoymm يقول...

كله بالديمقراطية
مش احنا اخترناه
لازم نبقى معاكي
مش بتزوريني ليه؟؟؟
تحياتي

واحدة مفروسة يقول...

معلشى بقى وقفه هنا ...ازاى انا ماشفتش البويت ده قبل النهارده...وكمان فيه عصيده شعريه
لا لا انا لازم اغير النظاره
بالمناسبه الايام بتسلم عليكى كتير و مبسوووووووووطه من الشعرم بتاعك

رئـــــيسـة حزب الأحلام يقول...

nonoymm
انا رحتلك اكتر من مرة ولقيت التعليق معلق عندك

رئـــــيسـة حزب الأحلام يقول...

واحدة مفروسة
الله يخليكى ليا يارب

ســـهــــر يقول...

حرام عليكى كل دى وتقولى هلاوس

وجعتينى اوى وكلامك حلو بجد وبسيط

مش هطول عليكى بس انتى بنوتة جدعه اوى دمك سكر

رئـــــيسـة حزب الأحلام يقول...

الله يخليكى