الاثنين، 7 أبريل 2008

الحقوا الخناقة ياجدعان


السيدات والسادة اعضاء حزب الاحلام الديموقراطى بعد الشاى والقهوة والحاجة


الساقعة

والسندويتشات طبعا هتقولوا هو احنا شوفنا منك حاجة داأنت قعدتك ناشفة اوى وكلها

مشاكل وحكاوى


مقندلة المهم وانا قاعدة افكر كالعادة اصل انا علطول عمالة افكر مش عارفة افصل


لدرجة انى نفسى مرة أقف عن التفكير وارتاح وريح البشرية من أفكارى الغبية


المهم النهاردة الافكار عمالة تضرب بعضها فى نافوخى وانا عمالة احوش الخناقة ياه


دى خناقة جامدة اوى ياجماعة صلوا على النبى وحدوا الله ودول ابدا شغالين ضرب

ونافوخى مش ناقص دربكة


فكرة ضربت فكرة وانا محتاسة فى النصف يادى الخيبه يلا يابت انتى وهية اتلموا شوية


عايزة اكتب حاجة ولا اقفلكم البلوجر دة راحوا زغرولى زغرة سمعة واحد بيقول هما مين ............

افكارى ياعم يلا هدوء ............

سمعة واحد تانى بيقول هى الريسة اتكهربت ياجدعان


ادعولى ياجماعة أن أفكارى تتصالح مع بعضها ويستهدوا كدة ويوصلوا لبر الأمان يلا

وربنا يهدى

هناك 39 تعليقًا:

الهدهد الطائر يقول...

الأفكار زي الحلة إللي على النار

أستني عليها شوية و هي هتستوى

حياتي قنبلة ذرية يقول...

الافكار عندما تساعدك علي الكتابة فهي افكار رائعة مهما بلغت بساطها انما عندما تتزاحم و تتراكم و تتصارع تلهب الفكر و تصبح اسوأ بكثير من الصداع النصفي

الطائر الحزين يقول...

المهم ان تخرجى بعد تناطح الافكار بفكرة واحدة تقر عينك وتلخص ما دار من العراك


هو الحزب ده ايه شروط الانضمام له

تحياتى

أنا مش موافق يقول...

عزيزتى
هى الافكار عندك بتتصالح مع بعضها

يا بختك

انا نفسى الافكار عندى تبطل خناق وضرب نار ومظاهرات وصريخ واضراب

بدل الافكار عندك خنقاتها قليلة كده

يبقا كويس

واعضاء الحزب والمواطنين لازم يقدروا ذلك

تحياتى

سلام

لحظة تأمل يقول...

ايه ده انتى منهم....

الافكار لما بتتكركب كده بتعمل مظاهرة مش خناقة

بس بتبقى فترة وبعدين يتصالحوا عشان تطلع فكرة منهم خلاصة كل ده

تحياتى

شاب نفسة يحقق حلمة يقول...

المهم بعد كل الافكار دي مضربت بعض انهي فكرة اللي كسبت في الاخر ولا انتي لسه معرفتيش تقرري مين الفكرة الفائزة تحياتي ليكي

خبيب يقول...

ربنا يهدي أفكارك

ويتصالحوا مع بعض

ويوصلوا لبر الأمان

بدل ما هما مدوخينا وراهم !!

رئـــــيسـة حزب الأحلام يقول...

الهدهد الطائر
خايفة للاكلة تتحرق
=========================
حياتى قنبلة ذرية
عشان كدة انا عندى صداع نصفى مزمن
============================
الطائر الحزين
شروط الانضمام للحزب الايجابية وانك تكون قادر على الاحلام
========================
انا مش موافق
اة سعات بيتصالحوا وبيبقوا زى السمن والعسل
======================

رئـــــيسـة حزب الأحلام يقول...

لحظة تأمل
اصل الافكار عندى مشتتة ومتلخبطة
========================
شاب نفسة يحقق حلمة
لسة مطلعتيش بحاجة
============================
خبيب
لو لقتيهم ابقى جيبهم

nonoymm يقول...

السلام عليكم حبيبتي
استهدي كدة بالله وسمي
وكوباية شاي تمام وامسكي القلم وقولي يارب
ربنا يفرج همك ويلا اطلعي يا افكار
تحياتي

fatma يقول...

ينفع تكون اول زيارة ليا هنا افكارك تتخانق مع بعضها ؟

لا ملهاش حق بصراحة
اتمنى اشوفلك حاجة حلوة زى البوستات الجميلة اللى قبل كده

رئـــــيسـة حزب الأحلام يقول...

nonoymm
السلام عليكم
اشكرك على التعليق
وربنا يهدى الاحوال
===========================
fatma
اشكرك على الزيارة الغالية

ba7re يقول...

اللهم صلى و سلم و بارك على محمد صلى الله عليه و سلم
لا إله إلا الله
انتى تقعدى افكارك قعدة عرب مع بعض
و تصالحيهم
و تمسحيلى انضم لحزبك
بحلم المدينة الفاضلة
هل تقبلينى عضويتى سيدى الرئيس

بس بجد مش شرط ان افكارك تتصالح مع بعض
المهمان افكار تحترم بعض و تتعايش مع بعض
و فى نفس الوقت الافكار لازم تخرج من الدماغ
يا تتكتب يا تتنفذ و بكده تمنى المعارك الدامية لان ليها تأثير ضار على العقل
و بيعمل حاجة مش كويسة خالص و عباسية و حاجات كده
ربنا يحفظك و يحفظنا :)

مدونتك جميلة اوى با فكارها
و باسمها اكتر
و يارب تحققى كل احلامك
و سلام

Rain man يقول...

افكر _ و هي عادي سيئة _ احيانا _ و هذا يعني انه ليس دائما _ في التوقف نهائيا عن اي تفكير
لكن هذا الامر لا يتخطى مرحلة التفكير الى ما هو انفع

بالنسبة للأفكار و الخناقة بتاعتك

" عايزين دم .. عايزن الناس تتلم "

:D

رئـــــيسـة حزب الأحلام يقول...

ba7re
السلام عليكم تعليقك جميل اوى اسعدنى تعليقك
=============================

رئـــــيسـة حزب الأحلام يقول...

rain man
انت من انصار شعللها شعللها ولعها ولعها

PrInCeSS BeRy يقول...

ربنا يهديهمك يارب وتبهرينا ويتصالحوا

بحبها يقول...

دائما احس بجديد فى كل زيارة الى الامام دائماواتمنى زيارة مدونتى مره اخرىمع تحيات مدونه بحبها وبموت فيها

رئـــــيسـة حزب الأحلام يقول...

PrInCeSS BeRy
السلام عليكم اشكرك على الزيارة واتمنى لكى التوفيق

رئـــــيسـة حزب الأحلام يقول...

بحبها
اهلا وسهلا ييك فى مدونتى المتواضعه واشكرك على التعليق

نوراى يقول...

سلوى

اية اخبارك يارب تكونى كويسة

دى اول مرة ازور البلوج بتاعك بس بجد اسمة حلو اوى

وربنا يكرمك ويصالح افكارك مع بعضها ويرحمك من دوشة الماغ اللى انا نفسى بعانى منها

وربنا يستر

تحياتى

نوراى

mostafarayan يقول...

ربنا يقرب البعيد
وتحياتي ليكي ياست الريسة

فزلوكة يقول...

متقلقيش يا ريسة

كلنا بنمر بالحالات دى
شدة وهتزول إن شاء الله

مفقوعة مرارتي من حماتــــــــــــي يقول...

ربنا يهديلك الحال مع أفكارك ياسلوي
طبيعي اللي بيحصل ده
ماتخافيش

رئـــــيسـة حزب الأحلام يقول...

نوارى
اشكرك على زيارتك الغاليه
===========================
mostafarayan
اية رايك فى البتنجان اللى الواحد فية
===============================
فزلوكة
ادعيلى ياخت فزلوكة
=========================
المفقوع مرارتها
امتى تجيبى العيال وتيجوا

MAKSOFA يقول...

شكلك كده قلبت على يونس شلبي

son's egypt يقول...

السلام عليكم
الافكار دايما في صراع مع بعضها البعض
بس يارب الفكرة اللي تكون صح هي اللي تكسب الخناقة

بذرة امل يقول...

بصى ياستاذة سلوى
اكتر حاجة تفض الخناقة دى
انك تجيبى ورقة وقلم وتكتبى كل حاجة كل حاجة
وبصى حاولى مش تمشى لوحدك كتير او تقعدى لوحدك كتير
الا لو هتعملى حاجة مفيدة
عشان انتى باين عليكى شخصية معبرة
دى حاجة فى علم النفس
يعنى لازم تكتبى افكارك والفكرة اللى عايزة تتنفذ نفذيها بسرعة عشان مش تنسيها

f four a يقول...

سلام عليكم

ازيك

انتي عايزه قعدة استرخاء في وقت مغربيه وموسيقى هاديه

رايقه انا مش كده هههههه

reem يقول...

اول زيارة ليا ولقيت افكارك بتتخانق مع بعضها خير بس دى حاجة طبيعية فينا كلنا بس فى فرق بين واحد بيفكر كتيير وبين اللى بيفكر حى وهوا نايم
ربنا يعينك

أنا إنسان يقول...

ممكن ياريس أدخل معاكم في الحزب ده
أنا صحيح اول مرة ادخل لمقره المهيب
بس عجبتني فكرته جدا
.............
أما عن الافكار
فايه الفكره الرائعه دي
فكره رائعه حكايه مش لاقيه فكره دي
بجد جميله
!!!!!!!!!!!!!!!!
؟؟؟؟؟؟؟؟؟؟؟؟؟؟

سيبها على الله يقول...

شوفى ياستى
حاولى تروحى تغسلى المواعين اللى مالية المطبخ وصدقينى افكارك سوف تكون عال العال ...
عموما هى هواية حلوة وخاصة عندما تكون الافكار مشتتة وغير مجمعة...
احييك على اسلوبك الممتع

رئـــــيسـة حزب الأحلام يقول...

MAKSOFA
اهلا بيكى بس انا لسة ماقلبتش يونس شلبى
-----------------------------------
son's egypt
اكيد طبعا الصح يكسب
=============================
بذرة امل
اشكرك على هذة النصيحة الغالية
=========================

رئـــــيسـة حزب الأحلام يقول...

MAKSOFA
اهلا بيكى بس انا لسة ماقلبتش يونس شلبى
-----------------------------------
son's egypt
اكيد طبعا الصح يكسب
=============================
بذرة امل
اشكرك على هذة النصيحة الغالية
=========================

رئـــــيسـة حزب الأحلام يقول...

F FRFU
موسيقى هادية وقاعدة رومابنسية الاقيهم فين دول
=======================
reem
ويارب ماتكون اخر زيارة نورتينى

رئـــــيسـة حزب الأحلام يقول...

انا انسان
اشكرك على زيارتك الغالية واية الكلام الجميل دة
========================
سيبها على الله
لسة عسلاها دلوقتومش ناقص غير حلتين

خمسة فضفضة يقول...

السلام عليكم ورحمة الله وبركاته


يارب يهديهم يا رب وبتصالحوا وعقبال بتوعي انا كمان


سلام

صحفية روشة يقول...

ربنا يهدى ويهدى افكارك اللى عامله زى الفارين اللى عمالين يجروا ورا بعض
سلام

رئـــــيسـة حزب الأحلام يقول...

انى ذاهبه للعمل اشعر باغتمام كالعادة المعتادة هكذا انا اروح الشغل قرفانة مش عارفة لية يمكن لانى اظل وحيدة الى انا ااتى الى المنزل واشعر بالوحدة الرهيبة المريبة التى تكاد ان تقتلنى وتفتك بى بااااااااااااى