الأربعاء، 30 أبريل 2008

مركز شباب إمبابة


السيدات والسادة أعضاء وعضوات حزب الأحلام الديموقراطى خالص مالص .


عايزة أناقشكم فى موضوع غايظنى ومخلينى مش عارفة انام واشوف مهامى فى

الحزب واقدر انام وانا مرتاحة المهم ........


فى واحدة غيظانى وكل ماشوفها خلاص ببقى عايزة .................


تخيل البنى ادمة دى عندها المقدرة ان تحب من 3 الى 5 افراد فى الشهر طبعا


اختكم تقول فى سرها ..ياجبروتك ياشيخة ايه الافترى دة. دة الواحد بقاله ربع قرن على

وجه البسيطة


ومش عارف يحب صرصار وانتى من ثلاثة لخمسة افراد ياجبايرك ياشيخة انتى فاتحة

قلبك مركز شباب امبابة


حسبى الله ونعم الوكيل


واحدة ولا بيهمها مجتمع ولا كلام ناس والناس من حوليها تفضل تغلى وهى اللى فى


دماغها هو اللى فى دماغها وعايزة البنات التانية تبقى زيها ويفتحوا مركز شباب هن

كمان

واللى يغيظك أكثر ان الشباب حوليها اكوام زى الدبان اعذورونى اخواننا الرجال


اقول فى عقل بالى كمان ...هى دى المناظر الللى بتعجب اخواننا الرجال


يلا انتم احرار وفى الاخر نشوف مين الخسران


واللى محيرنى كمان عايزة اعرف من الاخت الحلوه مين اللى عليه العين والنية بتوع

حضرتها

قعدت مرة ابصلها كدة هى البت دى بتحب مين بالضبط ياترى دة ولا الاخ دة ولا

الباشمهندس دة

بيتهيألى القلب الادمى لا يسع الالشخص واحد ودة ان جه كمان اما ان يسع خمسة فدية حاجة تحير وتمخول الدماغ وعلى رأى الاخت شادية القلب يحب مرة مايحبش مرتين

واللى يكيد أكتر ان الاخت دى فاكرة نفسها حبيبة الجماهير الصراحة حاجة تشل

هناك 71 تعليقًا:

فرنسا هانم يقول...

التعليق اللى فوق ده فيروس
امسحيه
انا مش عارفه انتى بتتكلمى عن مين
لكن الطريقه اللى عايشه البنت دى بيها حياتها مش كويسه

محمد عبد الغفار يقول...

هو انت شاغله نفسك بيها ليه !!

صحفية روشة يقول...

التعليق اللى انتى قلتيه صح
زى الدبان
بيوقف على الحلاوة يلحسها وبعدين يمشى
لانها مش مغلفة اما لو مغلفة مكنش الدبان يقف عليها
وبعدين الاشكال دى بتاعة ..... مش بتاعة جواز افهميها زى ما تفهميها
__________________________________
ميفوتكش البوست الجديد (شيوخ على ما تفرج)
______________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

صحفية روشة يقول...

امسحى اول تعليق
دة فيرس
__________________________________
ميفوتكش البوست الجديد (شيوخ على ما تفرج)
______________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

رئـــــيسـة حزب الأحلام يقول...

فرنسا هانم
دى صورة بتنرفزنى وتحياتى لك اول تعليق

رئـــــيسـة حزب الأحلام يقول...

محمد عبد الغفار
لانها صورة مستفزة استفزتنى للكتابة عنها

رئـــــيسـة حزب الأحلام يقول...

صحفية روشة
يلا ربنا يهديها

دكتور بهــدوء يقول...

ريّسه
اني فاكره ان حد م اللي حواليها بيحبها
دي زي ماتقولي كده
بتاعت الشعب

شاب نفسة يحقق حلمة يقول...

السلام عليكم
اسف للغياب عن الوستات اللي فاتت
بس والله الشغل بقي
المهم
ممكن الاول اسالك سؤال
هو الموضوع بجد يعني ولا حلم من احلامك ولو بجد يبقي بقي السؤال انتي شاغلة نفسك بيها ليه كده يعني ومهتمة بيها وعاملالها بوست ايه دي ولا حاجة
تحياتي ليكي

رندا يقول...

واللى يكيد أكتر ان الاخت دى فاكرة نفسها حبيبة الجماهير الصراحة حاجة تشل
............
ههههههه
دى واحدة مكان قلبها قلب
غريبة بجد
ربنا يستر على عبيدة بقى
مدونتك لطيفة قوى بس لازم اقراها من اولها لاخرها
بقولك اية سيبك منها بقى

تحياتى

رندا

Unknown يقول...

يا ستى شباب طايش وبنات حمير خليك انت دايما لؤلؤة متألقه وبعدين دى مش بتحب دى بتلعب والشباب اللى حواليها بيتسلوا مش اكتر

الربان يقول...

تحياتي

الحب عاطفة نبيلة...تدخل القلب فتضيئه.

و في رأيي ان القلب لا يشغله الا حب واحد...

ارجو من حضرتك و من الجميع الدعاء لهذه
الاخت ان يعافيها الله.
ففي رأيي هي ليست سوية، نتيجة لحياة اسرية متفككه...و تنشئة أجتماعية غير
سويه.

اما من يلتف حولها اختي الفاضلة فهم ايضا بحاجة الي الدعاء ان يطهر الله قلوبهم...و ينير عقولهم...فأغلب ظني انهم
من متبعي الشهوات...عفانا الله جميعا.


اللهم اهدنا و أهدهم...و اصلح من حالنا و حالهم...و ان يغفر لنا و لهم.

la3lahakhier يقول...

بس انتى بتقولى عليها بتحب ازاى
دى مريضة بداء الاهتمام ومش انسانة سوية
ومش مفروض الاشكال المريضة دى تهمك
ربنا يهديك خليكى فى الزب احنا محتاجينه
كل التحية

محمد فوزي يقول...

رأيي انك لما تكتبي عنها ده شيء كويس لأن ده ممكن يكون نوع من إنتقاد نموذج من المجتمع متمثل فيها ومن المفيد تناوله بالنقد , وممكن كمان انها تقرا الكلام ده وتحس بيه وربنا يهدي ! وعموما
لا يلقى رواجا هذه الأيام إلا السلع الفاسده.
ده طبعا التعليق المنطقي والعقلاني ,
إنما انا عندي تعليق تاني

ماتبطلوا حقد بقى!!

بحبك يامصر يقول...

رئيسة حزب الاحلام
دى قدرات بقه هيا قلبها كبير يساع من الحبايب الف
ما علينا ربنا يهدى

رئـــــيسـة حزب الأحلام يقول...

دكتور بهــدوء ...
المشكلة ان المجتمع اللى حوليها هيشيط وهى فاكرة نفسها الصح وكل اللى حواليها هم الخطا

رئـــــيسـة حزب الأحلام يقول...

شاب نفسة يحقق حلمة
السلام عليكم وربنا يعينك فى الشغل بس اللى خلانى اكتب عن البنى ادمة دى انها عملة نفسها انها الصح وبتكلم ببجاحة وكان دة اعتقادد جديد يدعو للانحلال فشفت انى لازم اطرحها فى مدونتى كصورة زبالة وواضحة ولانى شايفة ان بعض الشباب الغير واعى بيديها اهمية حتى ولو كانت وهمية

رئـــــيسـة حزب الأحلام يقول...

رندا
اشكرك ياحبيبتى واتمنى دوام الزيارة

رئـــــيسـة حزب الأحلام يقول...

sasatifa
يلا ربنا يهدى

رئـــــيسـة حزب الأحلام يقول...

الربان
كلامك فى منتهى الجمال والروعة ينم عن شخصية واعية جدا

رئـــــيسـة حزب الأحلام يقول...

la3lahakhier
معلش انا شايفة ان دى مشكلة حبيت اناقشها فى الحزب وتحياتى لك

ها يقول...

كنت اعرف واحدة كدة كانت لازم يبقوا بالجوز و دايما تطلع نفسها هي البريئة الساذجة اللي بيضحك عليها التعلب المكار و تنهار يومين و ترجع تعرف بالتنين و ماتسبش واحد غير لما تكون قفشت في واحد غيره
ربنا يهديها و يهدي البنات جميعا
اما بقي بالنسبة للدبان فادول بيصحبوها اه لكن يتجوزوها لا و مدام هي مرخصة نفسها للرايح و الجاي يبقي محدش هايشتري حاجة رخيصة

رئـــــيسـة حزب الأحلام يقول...

محمد فوزي...
اشكرك انا عارفة ان بعض البنات بتحب الاهتمام وفعلا باين عليها مريضة لانها بتبقى عايزة الشعب المصرى كله مهتم بيها وبتبذل قصارى جهدها فى تحقيق هذة الرغبة المملة وانا مش متغاظة منها انا خايفة تخلص شباب البلد

رئـــــيسـة حزب الأحلام يقول...

بحبك يامصر
دى قلبها محيط

رئـــــيسـة حزب الأحلام يقول...

هاجر
ايوة هى دى كدة برضة وتحياتى لكى

khobayb يقول...

مين قال لحضرتك إن ده اسمه حب ؟

ده اسمه غريزة !!

هي بتقدملهم متعة معينة : متعة المشي أو الكلام أو النظر أو حتى التواجد مع أنثى بمواصفات معينة

وهما بيدفعوا : شوية كلام حب وشوية اهتمام !

صفقة يعني ..

---

أستأذن حضرتك تقرأي البوست ده

http://khobayb.blogspot.com/2008/02/blog-post_24.html

فيه رد على الناس دول

غير معرف يقول...

لأ، هوا بالظبط زي ما قلتي بالأخير إنو مجرد واحدة بتدور ع الإعجاب، أساساً اللي زي دي بتكون شايلة البطارية من البتاع اللي اسمه قلب و لولا الوظيفة الحيوية المهمة اللي بيأديها هذا العضو الوظيفي كانت شالته هوا كمان، بس حلوة حكاية مركز شباب إمبابة دي، نشاطاتهم مؤثرة فعلاً و تهم المجتمع بشكل خاص

على الهامش:
ممكن سيادتك توافقيلي ع العضوية ف الحزب؟ أنا عضو ناشط و فعال و عندي قدرات كامنة لدرجة إني امبارح نمت 28 ساعة ، تقدري تشيلي منهم حوالي ساعتين عشان الأكل و الصلاة

تمام كدة

رئـــــيسـة حزب الأحلام يقول...

خبيب
انا عارف ان دة مش حب بس حبيت اسمية كدة للتريقة ومش عارفة ادخل الموقع دة

الهدهد الطائر يقول...

الطيور على أشكالها تقع

......تحياتي.......

رئـــــيسـة حزب الأحلام يقول...

محمد فوزي آل ربيع
تمام التمام ده انت عضو فعال ونشيط جدا اهو وبطاقة العضوية جاية فى السكة

رئـــــيسـة حزب الأحلام يقول...

الهدهد الطائر
المقولة دى مناسبة للموضوع

امل يقول...

دي زمانها ما حبتش اصلا
لان الحب اخلاص للمحب
هيه بس تلاقيها بتحب احساس ان فيه رجاله كتير بتهافتو عليها وعشان تحافظ عليهم بتحسسهم انها بتحبهم
وكمان ممكن تكون مرت بظروف صعبة في طفولتها وصلتها لكده
ربنا يهديناويهديها

رئـــــيسـة حزب الأحلام يقول...

امل
يارب امين بس المشكلة فى البنى ادمة دى انها عايزة تفهم الناس انها صح وكل الناس هما اللى غيرنين منها وطريقة تفكيرها يغيظ وتحياتى لكى

Miss. Sosa يقول...

السلام عليكم

هو فى سؤال محوري جوهري شنيع فززيع

هي بتحب 3-5 فى الشهر ولا بيحبها 3-5 فى الشهر ؟؟

اصل لو هى اللي باحب 3-5 فى الشهر ممكن تكون المسكينة مريضة وعندها احلام يقظة وبتحب مع نفسها

اما لو كانت بتتحب من 3-5 فى الشهر فتبقي بسبس ومن وسبيها تعذب فيهم .. علشان الاصناف اللي بتتلم عليها دول يستهالوا البهدلة واللعب بمشاعرهم امر واجب .. هي جيم وهي وهم بيلعبوها

اللهم اعفو عنا وعنهم

تحيــاتى

رئـــــيسـة حزب الأحلام يقول...

Miss. Sosa
سؤال جوهرى بس الموضوع ماغبط فى بعضه وماتعرفيش مين بيحب مين ومين بيلعب على مين والله اعلم

MONDAHESH يقول...

ههههههههههههههههههههههههههههههههه


بجد انتي مشكلة


ومدونتك كمان
:)

تحياتي

Ahmed El-Agouz يقول...

بصي مش هقلك كتبتي ليه عنها ولا صح انك كتبتي عنها بس المشكلة مش فيها المشكلة فينا يعني حبه الدبان اقصد الرجالة يعني
هههههه
بصراحة انا شفت هذة النوعية عملة زي المغناطيس مع انها ممكن لا تكون حلوة ولا حاجة بس متعرفيش انا نفسي احترت
في بنات مريضة والله بكده والرجالة اللي حوليها يا اما مرضا برده او دكاترة بقي

بس سيبك هي بنت العمدة هتتجوز كام واحد يعني

سعدت جدا بزيارتك لمدونتي المتواضعة واسعد بوجودي علي مدونتك الجميلة
اتمني ان نتواصل دائما
العجوز

رئـــــيسـة حزب الأحلام يقول...

MONDAHESH
الله يخليك وانا اسفة على المشاكل اللى سببتها

رئـــــيسـة حزب الأحلام يقول...

Ahmed El-Agouz
اشكرك وفعلا تلاقى حوليها ناس زى الدبان ويمكن مافيهاش حاجة حلوة بس بجد لابد من وقفة مع هذة النوعية من جانب الولاد ماه لو لاقت الرجالة مش معبرنها ممكن تحترم نفسها وتتلم وانا حاسة كمان ان اكيد حد شتمها بس اللى يحزنك انك تلاقى ان فى ناس تظهر عليهم ملامح الاحترام ويقعوا تحت اديها
دة اللى بيحزنى

Desert cat يقول...

وياترى هى حلوة على كدا بقى
ولا كله شغل فورش والوانات

Desert cat يقول...

وياترى هى حلوة على كدا بقى
ولا كله شغل فورش والوانات

انين الحزن يقول...

دي اول زيارة وان شاء الله مش الاخيرة خالص

انا بجد مبسوطه جدا من الكلام الجامد اللي قلتيه عندي
انتي مدونتك اجمد اوووووووي

..........

سلامووووووووووز

وزة

رئـــــيسـة حزب الأحلام يقول...

Desert cat
تخيلى دى لا بتحط مكيلج ولاحاجة بس دلع على حبة مياصة وتحياتى لكى

رئـــــيسـة حزب الأحلام يقول...

انين الحزن
تحياتى لكى واتمنى لكى التوفيق

أم أحمد المصرية يقول...

ياست الريسة الحزب محتاجلك سيبك من الاشكال دي و لو نفسك في احابة اكيد ما بتحبش حد منهم ادعي لها ربنا يهديها و احلمي لها كام حلم حلوين

رئـــــيسـة حزب الأحلام يقول...

ام احمد المصرية
الواحد ساعات بيحس بيقف امام صورة سلبية مابيقدرش يسكت لازم يكلم ويبين قد اية الصورة دى وحشة وبيتمنى انها ماتتكررش عشان كدة انا اتكلمت عنها وبنقدها يمكن ربنا يهديها ويهدى اللى ماشى على خطاها و
وتحياتى لكى

بنت الصالحين يقول...

ههههههههههههههههههههههههههه
ايه البت دي

ربنا يهديها يارب

سبحان الله بجد ده غلط غلط غلط ربنا يهديها

mohand يقول...

ارجو المرور علي اخر موضوعاتي في مدونة الباحث عن الحقيقة باسم استفتاء عن الافتاء يهمني رايك
تحياتي

رئـــــيسـة حزب الأحلام يقول...

عاشقه الفردوس
ربنا يهدى يارب

هوة فى أيه؟؟soso يقول...

يا شيخه ربنا يهدها 5 مرة واحده؟؟؟
خمسه؟؟؟!!!
أااااااااااااااااااااه
أومال أيه الخيبه اللى أحنا فيها ديه
خمسه يعنى مش 3 ؟؟؟!!!
5 وأحنا مش لاقيين حتى ضل حيطه
يلاااااااا بخاطرهاااا
بس عايزة الحق بقى
ديه محبتش ولا مرة
لان اللى بيحب واحد مش بيقدر يشوف غيره
مهما كان فى عيوب وفى حد أحسن منه بس خلاص العين مش بتشوف غيره
أيه يا بنت يا سوسو الكلام الرومانسى ده
يلا شويه من نفسى يا سلوى يا أوختى

رئـــــيسـة حزب الأحلام يقول...

soso ...
عندك حق يا ختى وربنا يعينها ويعينا

شـمو نشـادر يقول...

انا عارف على فكره الضغائن دى .. بلااش بقى ننبر على بعض ونبص للى فى ايدين بعضينا .. مسيرها تفرج يا ريسه

سهر الليالى يقول...

لا طبعا القلب ميحبش إلا حد واحد بس
وساعات اتنين يعنى ممكن
ههههههههههه

لا طبعا بهزر بس اللى بيحب بجد لازم يكون اللى بيحبو مالى عينو من كلو

ربنا يهديها يهدينا
تحياتى

The_Explorer يقول...

سيادة الرئيسة،

قد ينظر الرجل الفقير الأمين اٍلى رجل غنى لص فيوسوس له الشيطان ليتساءل عن قيمة الأمانة. الأغنياء اللصوص يعرفون هذا أيضا فيحلو لهم التفاخر أمام الناس ليعوضوا ما يعرفونه فى أنفسهم من نقص. للتعامل مع هذه النوعية من البشر فاٍن خير علاج هو التجاهل التام.

أنا لا أعرف هذه الفتاة فلن أعيب فيها شخصيا فأكتسب اٍثما لكنى سوف أتكلم بصورة عامة. من واقع خبرتى، فاٍن أى فتاة متساهلة فى تعاملها مع الرجال فسوف تجد من يحاول أن يتعرف عليها واٍن كانت غير جميلة. اٍن كان ذئبا ولم ينل ما يريده بسرعة كافية، يمل ويرحل. واٍن كان مستقيما فقد يتوهم، وهذا يحدث كثيرا، أنها اٍنما أتت بهذه السهولة لأنها تحبه أو لأنه الفتى المعجزة. ثم يراها تعامل غيره أيضا بنفس التباسط فيرحل، اٍن كانت عنده كرامة. الذى أعلمه بكل الثقة أنه حتى فى بلاد الحرية المطلقة فاٍن للمرأة المحترمة قدرها.

أما عن الرجال، فالله يقول: "زين للناس حب الشهوات من النساء ..." لقد بدأ الله بالنساء فهى أكبر الشهوات وأصعبها على التحكم - هذا من وجهة نظرى. قد يسهل على المرء مقاومة الذهاب اٍلى شهوة لكن الصعب هو مقاومة الشهوة التى تطرق بابه. لذلك فاٍن رسول الله قد ذكر من السبعة الذين يظلهم الله بظله يوم لا ظل اٍلا ظله "رجل دعته امرأة ذات مال وجمال فقال اٍنى أخاف الله رب العالمين". ولذلك أيضا يكثر الذئاب من الرجال حول الفريسة السهلة، اٍنها الغريزة. على المرأة هنا أن تسأل نفسها اٍن كانت تريد حولها ذئابا أم بشرا. وما أبرىء نفسى.

وقانا الله شر شياطين الاٍنس والجن.

أعتذر عن الاٍطالة وأرجو ألا يكون كلامى قد تخطى حد الحياء فقد أردت أن اكون صريحا.

فليعد للدين مجده يقول...

هذه مريضة نفسيا فعلا

ربنا يشفيها ويهديها

(من يعمل مثقال ذرة خيرا يره ومن يعمل مثقال ذرة شرا يره)

كاميليا بهاء الدين يقول...

ههههههه

دى مش بتحب حد فيهم
اصلا مش تعرف تحب

واكيد هم كمان مش بيحبوها
الحب اللي احنا نعرفه
لان اكيد كل واحد حاسس بالزيف
اللى فى مشاعرها

ربنا يهديها يارب

تحياتى

رئـــــيسـة حزب الأحلام يقول...

اسامة امين
انا مش بنبر ولا حاجة بس حاجة تتطهق يعنى

رئـــــيسـة حزب الأحلام يقول...

سهر الليالى
نورتينا ياقمر وتحياتى لكى

رئـــــيسـة حزب الأحلام يقول...

The_Explorer
تعليق حضرتك اكثر من وافى وافادنى جدا وقد جمع الموضوع من كل النواحى
تحياتى لك والف شكر افادكم الله

رئـــــيسـة حزب الأحلام يقول...

فليعد للدين مجده
ربنا يهديها ويهدينا

رئـــــيسـة حزب الأحلام يقول...

كاميليا
يارب امين

Unknown يقول...

سلوي هانم
معاكي حق في كل حرف كتبتيه
نقد الشخصيات اللي زي دي اكيد هيفيد
وبجد اسلوبك في التعبير يشد اي حد

انا برقش
دي اول زياره للمدونه اللذيذه دي
وان شاء الله متكونش الاخيره

اتمني تشرفيني

bar2ash

رئـــــيسـة حزب الأحلام يقول...

bar2ash
اشكرك على هذا الكلام الجميل

جيهان علي يقول...

السلام عليكم ورحمة الله وبركاته

عن ملاحظة بجد
البنت اللى من النوعية دي ممكن تكون للتسلية لكن زواج وحب حقيقي وحياة واسرة لا .. وقتها الشباب دول نفسهم اللى حواليها بيبحثوا عن زوجة من اللى سيرتها بين الناس كويسة ومعروف أخلاقها ايه واهلها مين .. وده اللى بنشوفه ادامنا في الحياة غالبا .

وربنا يهدي كل البنات يارب


تحياتي

رئـــــيسـة حزب الأحلام يقول...

جيهان علي
يلا ربنا المعين

الزواج.....روضة الحب يقول...

مافيش حاجة إسمها بتحب حتى اتنين فى وقت واحد0

rovy يقول...

اتأخرت عليكى المره دى معلش
مع انى يا دوب اتأخرت يومين بس بجد ما شاء الله ايه الهمه دى كلها ..
اما بالنسبه لموضوع البوست مع الاسف ان المظهر بقى هو اهم حاجه عند معظم الرجال بس ده طبيعى المهم ان بالنسبه للبنت ديه واضح انها مش محترمه وفيه فرق بين البنت الجميله ومحترمه وبين انسانه غير محترمه سيبك منها واللى حواليها اكيد زيها ..
تحياتى
rovy

رئـــــيسـة حزب الأحلام يقول...

مدونات زوجة عاشقة
اصل دى امكانيات

رئـــــيسـة حزب الأحلام يقول...

rovy...
اعمل اية الافكار سايبة فى دماغى بس يارب يعجب والناس تنبسط

غير معرف يقول...

أولا أشكرك على تعليقك فى الارهاب المنزلى

ثانيا البنت دى منها كتير ومنتشرين اليومين دول
ربنا يخدينا ويهديهم

همس الحياه يقول...

دى اول زيارة ليا للمدونة الجميلة دى طبعا مرحبا مرحبا بيا تصفيق حاد هههههههه عارفة الموضوع دة غيظنى خالص مع ناس كتير بقيت بحس ان الناس خلاص مبقتش تعرف تحب طب سيبك دى اكيد مبتحبش جد دى عايزة تمشى مصالح يلا ماعلينا طب خليكى فى اللى بقالها يجى 5 ،6 سنين بتحب فى واحد واذ فجاة سبحان الله يتخانقوا النهردة الصبح تلائها سيباه وبتحب واحد تانى بعد الظهر طب والخمس سنين تقلك اصلى كنت غلطانة غلطانة فى عمر كامل بذمتك واحدة عندها 20 سنة حبت 3 منهم واحد 6 سنين وواحد 3 سنين وواحد بقاله سنة وتقدرى تقولى كانت فى فترات بيبقوا اتنين دى ناس بتشوف مصلحتها فين وتعملها وتعرف تصرف امرها اصل ملهاش تفسير تانى ربنا يعين