الخميس، 24 أبريل 2008

مرشحة حزب الاحلام الديموقراطى


مرشحة حزب الاحلام


رقم 10 رمز البلحة



الشهيرة بأسترها يارب





أخى الناخب ..أختى الناخبة


نحن معك من اجل احلام سعيدة سنقوم بتوفير حلم لكل مواطن


ونوم هادئ وحياة افضل نحن معك ضد غلاء الاسعار والحد من النوم على الارصفة


وتوفير اسرة متنقلة لكل مواطن يذهب بها أينما يشاء


نحن من أجل أحلام بلا حدود


نحن من أجلك ايها المواطن العدمان الصدمان




نبذة عن المرشحة



  1. - رئيسه لحزب الاحلام الديموقراطى لمدة شهرين

  2. عضو فعال فى الاحلام السعيدة

  3. رئيس اللجنة النقابية لنقابة النائمين على مستوى الجمهورية

  4. أمين الوحدة المركزية لجزيرة القطن المحلية

  5. تنام 48ساعة فى ال24


ماقدمته من خدمات من أجل الوطن



  1. تم افتتاح اكثر من سبعة أسرة عمومية على مستوى الجمهورية

  2. قامت بإنشاء جزر من الأحلام المفككة على مستوى الجمهورية

  3. أقامت الندوات واللقاءات حول أهمية النوم

  4. عمل دورات تدريبية للتوعية للنوم السليم ومحاصرة الكوابيس من كل ناحية



انها رئيسة حزب الأحلام الديموقراطى الشهيرة بأسترها يارب


هناك 64 تعليقًا:

عـــفـــراء يقول...

معقول انا اول تعليق طيب كويس
بس ياترى يارئيسة كل اللى بيتقال دة هيتعمل بية ولا دة ضمن الاتنين كيلو كباب وكفتة
فعلا مااجمل من احلام اليقظة .
فلنحلم.............

رئـــــيسـة حزب الأحلام يقول...

تحياتى لكى انا بوعد واخلف

جيهان علي يقول...

السلام عليكم ورحمة الله وبركاته

يا سلام
هاتوفري حلم لكل مواطن
هو حتى الأحلام محتاجة مرشح يوفرهالنا
امممممممممممم
والله هو لحد دلوقتي برنامجك مفيهوش اختلاف عن ناس كتير
يبقى ننتخبك أنتِ أولى برضوا

وعلى فكرة
الفراخ فيها انفلونزا الطيور
يعني شوفيلي حاجة تانية عشان اعرف انتخب كويس
:D


سلام

رئـــــيسـة حزب الأحلام يقول...

جيهان
تحياتى لك انتم لا عايزين فراخ ولا لحمة ولا سمك عايزين اية طب

عبده الرايق يقول...

بالروح بالدم نفديكى ياريسه
تنتخبوا ميييييييين
الريسه
وحبيبتكم مييييييين
الريسه

رئـــــيسـة حزب الأحلام يقول...

ازيك يارايق بقالك كتير مش بتزورنا لك وحشة ياراجل

امل يقول...

انا معاكي مادام فيها نوم
وكمان احلام
ملحوظه:
الكباب لسه ماوصلش

رئـــــيسـة حزب الأحلام يقول...

امل
انتم هتقضحونا ولااية ماتلموا الدور وانتخبوا وانتم ساكتين دانتم شعب غلباوى كل حاجة تصدقوها

Mafrousa يقول...

يالهوى 4 بس صوتوا
و انا الخامسه....لألألأ انا مش عاجبنى الموضوع ده
تعالى نقعد على الطبليه المدورة و نتباحث فى قلة عدد المنتخبين...ينكن عوزين فلوس؟
و لا اقولك اصرفى لكل مواطن مروحه صغيرة....المروحه ديه اللى بتتحط فى التكسيات ...تبقى بورتابل...يقوم معلقها فى رقبته...فى قفاه...فى وسطه ...و ماتشليش ساعتها هم النوم...هوه مواطن متعاون و ممكن ينام و هوه واقف

Mafrousa يقول...
أزال المؤلف هذا التعليق.
Mafrousa يقول...

لغيتها لانها كت مرتين و بعدين يشككو فى نزاهتنا و يقولو صوتت مرتين

فرنسا هانم يقول...

انا اعين نفسى مديره للحمله الانتخابيه بتاعه الريسه
ومعاكى ياريس

همس الاحباب يقول...

الله بجد انا نفسى ارشحك قوى
لانى نفسى انام بجد
من زمان ما نمتش نوم هادى
ادى المبادى ولا بلاش
بالروح والدم نفديك يا رئيسةالنوم
طبعا انتى رايحة المجلس خلى بالك من الاخوة النواب بلاش تزعجيهم وتصحيهم من نومهم
الى مجلس النيام معتدل مارش
تحياتى
خالد

محمد فوزي يقول...

يعني احنا لو نمنا سعادتك هنصحى نلاقي البلد فل عليه ورد عليه؟

رئـــــيسـة حزب الأحلام يقول...

واحدة مفروسة
متخافيش ماحدش هيتهمك بالتذوير

رئـــــيسـة حزب الأحلام يقول...

فرنسا
قررنا نحن رئيس حزب الاحلام تعينك مديرة الحملة الانتخابية وتحياتى لكى

رئـــــيسـة حزب الأحلام يقول...

همس الاحباب
حزب الاحلام كلة ينام واللى هنلاقى صاحى هنديلة جزا وتحياتى لك

رئـــــيسـة حزب الأحلام يقول...

محمد فوزى
نام وجرب وهتلاقى اللى كل حاجة فى التمام ونام ياشعب نام واجيبلك جوز حمام

أميمة كامل يقول...

أهم حاجة الإنتخابات يكون فيها اشراف

قضائى


ويشارك فيها كل الناس

واللى نفسه فى حاجة يقولها

ابراهيم يقول...

انا اويد رئيسة حزب الاحلام اللي هيا رقم عشرة اللي هيا رمز البلحة
واللي شعاها بيقول
ياحلوة يا بلحة يامقمعة
اهلا نيمتي شعوبك المتسهرة
اشكرك علي زيارة مدونتي واتمني التواصل الدائم بيننا

FaceMoon يقول...

ياسلام يارييييت انام
أخيراً حناااااااام مش مصدقة
انا برشحك بشدة وبؤيدك فى كل حلم وفى كل نومة
ونومة هنية تكفى مية
تحياتى وحبى

khobayb يقول...

احم ..

هو ده انتخاب ولا استفتاء ؟

عموما .. هو غالبا في الحالتين هيبقى

99،99%

وطبعا أنا منهم

بحبها يقول...

اسجل اعجبى فى كل زيارة لكى ويا ريت نعمل برو تكول بين استرها يا رب ومدونه بحبها وبموت فيها

MONDAHESH يقول...

انا بحلم اني اعرف انام 6 ساعات متواصلين ولو مرة كل اسبوع

لو قدرتي تحققيلي حلمي ده هنتخبك

:))


عجبتني مدونتك قوي


تحياتي

رئـــــيسـة حزب الأحلام يقول...

omaima
الاشراف القضائى منورنا وكله فى السليم

رئـــــيسـة حزب الأحلام يقول...

ابراهيم
ادة هى دى اغنية الحملة الانتخابية
وتحياتى لك

رئـــــيسـة حزب الأحلام يقول...

FaceMoon
احنا هنحقق لكم كل رغباتكم بس خليكوا معانا

رئـــــيسـة حزب الأحلام يقول...

خبيب
اكيد انت منهم بس من مين بالضبط اوعى تكون من باقى99و9
على العموم تحياتى لك فى الحالتين

رئـــــيسـة حزب الأحلام يقول...

بحبها
نعمل بروتوكول مانعملشى ليه هو احنا صغيرين تحياتى لك

رئـــــيسـة حزب الأحلام يقول...

MONDAHESH
روح الدورة التدريبية المقامة فى انحاء الجمهورية وكله هيتظبط هتنام كويس وكله فى التمام وادعيلنا

Unknown يقول...

انتخبوا مين.. استرها يا رب، وحبيبكم مين.. استرها يا رب
رمز البلحة رمز البلحة.. هتخلى حياتكم مقترحة.. وتخلى دماغكم مصطبحة
أحلى سلام

رئـــــيسـة حزب الأحلام يقول...

ayman badr
اشكرك وانتخبونى وسيبونى فى حالى

واحد من البلد دى يقول...

إخترناكى.إخترناكى.يالا بقى جرينا وراكى
إخترناكى إخترناكى.حتى لو العين مش شايفاكى
بس بسرعة ياريت تقوليلنا
على فين حتودينا معاكى
.....أمرنا لله بقى..يعنى هى جت عليكى

رئـــــيسـة حزب الأحلام يقول...

واحد من البلد دى
سيدى ياسيدى على الكلام انا هعينك مؤلف اغانى الحملة الانتخابية بتاعتى

صحفية روشة يقول...

يا ست الريسه احنا عاوزين نوادى للشباب فى المناطق الشعبية باسعار مخفضة عشان احنا مش بنقدر على النوادى الغاليه وعاوزينها تكون مجهزة بافضل السراير والبطانيات
عشان نعرف ننام كويس

اوعى تفكر يقول...

ايه الانجازات دى كلها
بس ياترى بعد ما هننتخبك
هتنفذى كل ده ولا اهو كلام
بس ياريت عايزين المراتب ريش نعام

رئـــــيسـة حزب الأحلام يقول...

صحفية لروشة
كل طلباتكم اوامر

رئـــــيسـة حزب الأحلام يقول...

اوعى تفكر
تحياتى لك وريش نعام كمان دانتوا طلعتوا فى العالى اوى

دكتور بهــدوء يقول...

ونعم.....ونعم
خير م يمثلكم
استرها يا رب يا بلاش
واحده غيرها ماتنفعناش
لحد امتي هنفضل ننـــام م غير احلام
حلّمونا يا عالم

كاميليا بهاء الدين يقول...

ههههههه

يعني هاتعملى ايه بالظبط

ياخبر!!! احسن تكونى ناوية تنيمينا خمس سنوات وتبقي دي الخطة الخمسية الاولى.


بوست جميل اوى

تحياتى

رئـــــيسـة حزب الأحلام يقول...

دكتور بهدوء
هنديكوا الوصفة عشان تحلموا احلام سعيدة

رئـــــيسـة حزب الأحلام يقول...

كاميليا
لا ماتخافيش هنصحيكوا كل شوية تاكلوا وتناموا

حاجات جوايا يقول...

تعرفى
انا بيتهيألى رمز المرشح الانتخابى يبقى


المخدة

ههههههههههههه

ومدير أعمالك يبقى اسمه

تصبحوا على خير


مدونتك لذيذة
شرفنى مرورك بمدونتى

دمتى بخير أختى
سالى

ام يحيي يقول...

سلوااا سلوااا..أوأو
الي الاحلام ياريسة
كلنا وراكي..بس اهم حاجة توفير48ساعة في اليوم للنوم
اشمعني يعني يجيي ويمني هما اللي شغالين احلام
انا مليش نفس يعني؟

الفارس الملثم يقول...

هههههههههه

ايه البرنامج الانتخابي الجامد ده

انا ممكن انتخبك بس تضمنيلي ان العالم اللي كبسه علي نفسنا في الحقيقة ما تدخلش تحكمنا في الاحلام

سلام يا فندم

رئـــــيسـة حزب الأحلام يقول...

Sally
تخيلى فتاتنى دى

رئـــــيسـة حزب الأحلام يقول...

ام يحي
سنوفر 48 ساعة فى اليوم

رئـــــيسـة حزب الأحلام يقول...

الفارس الملثم
احنا هنطالبهم بعدم التدخل بس ياريت يسمعوا الكلام

nigro يقول...

يا سلوى هانم
بما اني لسه خارج دلوقت من مقر الحزب و معاين بنفسي و على الطبيعة الفوايد اللي هتعود علينا منه
بأمارة إني تقريبا كده لسه ما غسلتش وشي
عايز أقولك

استرها يا رب استرها يا رب .. حزب الأحلام يا أجمد حزب

عايزين ننام .. عايزين ننام

أوه أه أه .. غطيني و النبي يامه

استرها يا رب هتنيمنا .. و توصلنا لسرايرنا

بس عندي ملحوظة صوغنططة كده

ممكن تخلي المخدة رمزك الإنتخابي

و دمتم سالمين
نايمين

جهاد خالد يقول...

لا اله الا الله

اول مرة آجي كدا على انتخابات علطول

D:

طب معلش لازم البرنامج الانتخابي يطول شوية عشان نعرف أكتر عن المرشحة
ولا هما كلمتين تاكلوا بيهم بعقلنا حلاوة ونخش ننتخب علطول
D:

بس أوعدك أوعدك

لما أطلع بطاقة أحلام انتخابية
هبقى أنتخبك

بس عايزة أحلام حلوة ها؟؟

...

شكرا لتشريفك لي بالزيارة

رئـــــيسـة حزب الأحلام يقول...

nigro
كلكم عاوزين المخدة مش عاوزين تاكلواالبلح

رئـــــيسـة حزب الأحلام يقول...

النجمة الصامدة
انتى باين عليكى عاوزة تهربى من الانتخابات البطاقة من غير بطاقة مايهمش

Miss. Sosa يقول...

استرها يارب ههههههههه
ونعم المرشحين هى داخلة تسرق الجمعية ولا ايه ؟!!

لا احنا عايزين المرشحة
صائدة الكوابيس

او المرشحة
ساتيما النايمة اخت حبيبة العامية

اي حاجة تسبب نووووعاس كدا



سلاااام

رئـــــيسـة حزب الأحلام يقول...

Miss. Sosa
النعاس موجود موجود

زينا والله زينا يقول...

أنا أرشح نفسي عضوة في حزب الأحلام البيروقراطي
بس لازم تبقي متشائمة مثلي لأنه التفاؤل ممنوع والزعل مرفوع

ليكوريكا يقول...

انا مستعد ارشح نفسي في الدايره عندنا

(شعارنا : وساده لكل مواطن )

ليه تنام ساعه ، لما ممكن تنام 24 ساعه :)

رئـــــيسـة حزب الأحلام يقول...

كن متشائما
انا الحمد للة متشائمة علطول

رئـــــيسـة حزب الأحلام يقول...

ليكوريكا
الله شعار جميل سيدى ياسيدى على الافكار
وتحياتى لك

Desert cat يقول...

هههههههههههههههههه
عسل يا ريسه
اجمل حاجه البند 3 فيما قدمتيه للوطن
أقامت الندوات واللقاءات حول أهمية النوم

تحياتى

رئـــــيسـة حزب الأحلام يقول...

Desert cat
لازم بردة نعمل توعية ونورتينا ياقطة

rovy يقول...

اسفه لانى كنت مشغوله يارب يكون فى وقت اعطى لك صوتى

خالص تحياتى

rovy

د/اجدع بنوته يقول...

سيرى ع بركة الله

احنا معاكىىىىىىى

د/اجدع بنوته يقول...

سيرى ع بركة الله

احنا معاكىىىىىىى

رئـــــيسـة حزب الأحلام يقول...

حزينة انا على الاحلام
حزينة انا على الايام
حزينة انا على نفسى
خائفة انا نعم خائفة
لا اعلم من اى شئ اخاف
ليس هناك مااخاف ولكنى اخاف
الى متى تخافين الى متى ستحزنين
الى متى