السبت، 19 أبريل 2008

انتخبونى وسيبونى أنام


السيدات والسادة الاعضاء الكرام بعد ان عملنا حزب وتفرع منه جمعية وربنا يستر



مايتفرعش منه حاجات تانية ونقدر نلم الموضوع ونركز فى حاجة اصل الموضوع

اتبعتر مننا اوى المهم



ومافيش احسن من المهم .............

كنت عماله افكر هو انا لما أرشح نفسى لعضوية مجلس الشعب أختار رمز


أيه ...............

رمز الجمل ولا المسدس ولا الجمل ولا العنب ولا البلح ولا الفيل

ولا النخلة


الصراحة أحترت والموضوع مش ناقص توهان .............


بس انا لازم أرشح نفسى لعضوية مجلس الشعب عشان يبقى لحزبنا صوت فى هذا

المجلس الموقر


ونقدر نوصل صوتنا للمسئولين وكمان دة بينى وبينكم أتمتع بالحصانة البرطمانية هو

أنا ماليش نفس


ولا اية ................

حد عنده اعتراض ؟

ومن موقعى هذا أتوجة الى السادة الاعضاء بالتكرم والتوجة الى صناديق الاقتراع



وانتخابى واعدكم بصرف اتنين كيلو كباب وكفتة لكل من ضحى وخرج من بيته


واعطانى صوتة





تنتخبوا مين رئيسة حزب الاحلام

انتخبوا من يمثلكم بلحة يابلحة انتخبوا رمز البلحة


انتخبونى وسيبونى أنام شوية أصل النوم ناقح عليا واو واوا لمؤاخذة بتاوب


روحوا انتخبونى وأوعوا تناموا يلا تصبحوا على خير


انتخبونى وسيبونى أنام

هناك 55 تعليقًا:

Mafrousa يقول...

هييييييييييييييه انا اول تعليق...
انا حنتخبك ..بس بلاش الكباب و الكفته...ده ..حاخد حقى ناشف ينفع؟....و رمز البلحه ده جديد جدا ... لطيف و مزغلل و مرطب... بالله على البركه .. انا معاكى .. بس برضه حاخد حقى ناشف اللحمه ما تنضمنش اليومين دول

رئـــــيسـة حزب الأحلام يقول...

لا ماتخافيش هجيب كباب وكفته من احسن كبابجى فى مصر وهنكشف على اللحمه بيطريا قبل ماتاكلوها

امل يقول...

انا هنتخبك
بس الكباب هيوصلني ازاي
انا بس عايزة اضمن حقي
انتي عارفة الحق حق
ههههههههههه

son's egypt يقول...

السلام عليكم
انا مستعد انتخبك
بس اضمن الاول الكباب

بطوط حبوب يقول...

ومن غير كفته خالص يا فندم
كباب ساده واحنا وراكى
بيب بيب
هى

Hosam Yahia حسام يحيى يقول...

ههههههههههههههه

انا صوتى لحضرتك فى الانتخابات دى

المـــفـــــــقــــــــوعـــــة مــرارتـهــا يقول...

بصي بقي انا طلباتي بسيطة عاوزاهم يسفلتوا الشارع اللي جنب بيتي ويفرشوه ورد ...امانة عليكي ياشيخة لما تدخلي المجلس ماتنسيناش
لولو لو لو لي

رئـــــيسـة حزب الأحلام يقول...

امل
بس انتخبينى انتى بس

رئـــــيسـة حزب الأحلام يقول...

son's egyp
اهم حاجة الكباب انا عارفة

رئـــــيسـة حزب الأحلام يقول...

بطوط حبوب
واحد كباب وصلحه

رئـــــيسـة حزب الأحلام يقول...

Hosam Yahia حسام يحى
عشان خاطر الكباب اكيد صح

رئـــــيسـة حزب الأحلام يقول...

مفقوعة مرارتي من حماتــــــــــــي
هو انا اقدر انساكى دانتى عضو مميز فى الحزب

Unknown يقول...

احنا كونّا لجنة تنبثق من لجنة تتفرع من لجنة تحتوى على لجنة أصغر تناقش نوع البلحة اللى هتبقى الرمز الانتخابى بتاعك وبناء على ما تقدم أعلاه نرى أن البلح عموما به فوائد كثيرة وهذا ما لا يصح فى الانتخابات او فى أعضاء مجلس الشعب
شكرا
إمضاء مدير مكتب الدعم المعنوى للمعاقين

رئـــــيسـة حزب الأحلام يقول...

السلام عليكم
اية الروتين ده تحياتى لك نورتنا

Empress appy يقول...

ايه ده انتى بتعملى استنخابات بلطجه لا طبعا انا مش موافق وهعمل حزب ضدك لازم تختارى ناس والناس توافق
مش هنتخب انا منسحب عااااااااااااااا

محاولة لكسر الصمت يقول...

لا لا...سوري انتي كده خالفتي القواعد..هما آه كل المرشحين مش بيسألوا في الناس الغلابة(او 98 % )منهم..بس برضه مش صراحة كده وعلى عينك يا تاجر انتخبوني وانا رايحة انام...امال فين سوف اسهر على راحتك وأتفانى في خدمتكم والكلام ده...وبعدين يا ستي أهو كله كلام والكلام مش بفلوس...

رئـــــيسـة حزب الأحلام يقول...

appy
البلطجيية هى الموضة فى الانتخابات وانا بساير العصر

رئـــــيسـة حزب الأحلام يقول...

دواير
الصراحة راحة و دة الواقع وحصل معايا بس مش عشان كباب وكفتة عشان وعود تانية بس ياريت يقولوا الصراحة

اوعى تفكر يقول...

يا سلام انتى متوافقه مع افكارى بالظبط
عشان كده قررت اتحالف معاكى
واديكى صوتى فى الانتخابات

Coca يقول...
أزال المؤلف هذا التعليق.
Coca يقول...

معنديش مانع سعاتك يس علي راي واحده مفروسه سيبك م ن الكباب والكفته ابجني تجدني في خدمتك
احتمال الكباب يبقي لحم حمير ولا كلاب

هههههههههههههههه

وحبيبك مين

رئـــــيسـة حزب الأحلام يقول...

اوعى تفكر

رئـــــيسـة حزب الأحلام يقول...

اوعى تفكر
اشكرك على التعليق

رئـــــيسـة حزب الأحلام يقول...

coca
الكباب هيكون من احسن كبابجى فى مصر
واللحمة مكشوف عليها بيطريا

khobayb يقول...

اخترناااااااه
اخترناااااااه

واحنا معاه لحد ورا الشمس !

واحد من البلد دى يقول...

طالما إنك رمز البلحة..أكيد حاختارك...وكمان حاغنيلك....
يا حلوة يا بلحة يا مقمعة
روحى هاتى (بوستات)م المطبعة
...وطالما إنك حتبقى(نايبة)يبقى مش حنشوفك إلا فى التليفزيون....وهما بيطالبوا بالقبض عليكى علشان هربتى بالقروض ..طبعا مش (نايبة)..يا خسارة حزب الأحلام من بعدك....حانتخبك وأمرى لله..

رئـــــيسـة حزب الأحلام يقول...

خبيب
انتخبونى انتم بس وانا هوديكم لابعد من الشمس وتحياتى

رئـــــيسـة حزب الأحلام يقول...

واحد من البلد دى
معلش منا لازم امن مستقبلى
وتحياتى

rovy يقول...

اشمعنى بلحه يعنى ماله التفاح ولا من اولها حتقولى انك من الشعب
ماشى انا برضه حانتخيك بس بجد ارجوكى بلاش حكايه الكباب والكفته الحكايه مش ناقصه اكل كلاب وحمير كمان .. ربنا يلطف بينا وطبعاالفراخ فيها انفلوزا
وربنا يلطف بالسمك ويبارك فيه هو لغاية دلوقت اللى باقى لينا ..
يعنى ممكن تمشيها 2 كيلو سمك وجمبرى ..
تحياتى ودمتى بخير

rovy

استراحة محمد يقول...

بما انك رمز البلحة
وبما انك ناوية تنامى
فأنا للأسف مضطر اقولك انى مش هنتخبك

shaimaa samir يقول...

ههههههههههههههههههههههههههه
مغزاها راااائع جدا يا جميلة
بجد
ولوالموضوع فى كباب
بس اهمحاجة معاه العيش
يبقى هطير انتخبك اهو

بالتوفيق
نامى كويس

جيهان علي يقول...

السلام عليكم ورحمة الله وبركاته

ليس لدي أي مانع من إتنتخابك لكن بدون كباب وكفتة - لحمة الكلاب والحمير منتشرة في المنطقة وبيني وبينك جسمي مش بيجي عليها -

وحلو رمز البلحة مع إني لو هارشح نفسي هاختار الفيل

يلا بقى خلاص رشحتك
كملي نومك

Lyssandra يقول...
أزال المؤلف هذا التعليق.
Lyssandra يقول...

محيرةنفسك ليه بس في الرمز ؟ ادخلي نامي وسيبيها للتساهيل ..

أنا كمان هانتخبك



تقبلي مروري


lyssandra

رئـــــيسـة حزب الأحلام يقول...

rovy
احنا هنقدم مينيه وانت تختار

رئـــــيسـة حزب الأحلام يقول...

استراحة محمد
تحياتى لك وانا ديموقراطية خالص بس خلى بالك

رئـــــيسـة حزب الأحلام يقول...

shaimaa samir
اوعى تنسى السلطة عشان السلطة مش هنجيبها واسعدنى تعليقك

رئـــــيسـة حزب الأحلام يقول...

جيهان علي
اية رايك فى فراخ

رئـــــيسـة حزب الأحلام يقول...

lyssandra
يامسهل يارب

صحفية روشة يقول...

يا حلوة يا بلحة يا مقمعة
شرفتى اخواتك الاربعه
ست الريسه هتبقى عضوة فى ميجلس الشعب
هى هى هى هى
لولولولوولولى عقبال عندشك يا ام تامر
بس كنتى عملتى رمزك واحدة نايمه ده هيعمل دعايه للحزب اكتر

حاسوباتيه يقول...

هنتخبك طبعا بس المهم الكباب والكفته والجمبري واللحمه بس يعني وانا انتخبك على طول

goodman يقول...

انا عايز حقى ناشف
اية رايك

الربان يقول...

تحياتي

هو كل الناس ما تنتخب حد يروح ينام..

اتاري البلد في سبات عميق.

تحياتي و تقديري

mostafa rayan يقول...

ايوة بس انت ماقولتيش هتجيبي الأكل منين
اوعي تجيبلنا لحمة كلاب ولاحمير
بصي العبي في المضمون ابوشقرة اوالركيب
مستني الأكل ماتتأخريش عليا

رئـــــيسـة حزب الأحلام يقول...

صحفية روشة
واحد نايم كمان كفايه انا نايمة

رئـــــيسـة حزب الأحلام يقول...

مدونون حاسوباتيه
كل حاجة موجودة

رئـــــيسـة حزب الأحلام يقول...

goodman
ازاى فلوس يعنى

رئـــــيسـة حزب الأحلام يقول...

الربان
ادة انت عرفت السبب

رئـــــيسـة حزب الأحلام يقول...

mostafarayan
روح انتخب الاول

صحفية روشة يقول...

اول مرة هطلب زيارة محتاجه جدا جدا اجابات على البوست الاخير بمدونتى
شكرا

رئـــــيسـة حزب الأحلام يقول...

مقادير عمل ضمير
2كوب صدق وامانة وياريت تكون مع النفس
3 اكواب حماس
كوب احساس بالمسئولية اتجاه نفسك
2 كوب مراقبة تصرفاتك
للتزيين محاسبة للنفس يومية واللى يلاقى الطريقة يبعتهالى

رئـــــيسـة حزب الأحلام يقول...

عشان ضمايرنا فى تلاجة وصوت الباطل بقى اعلى صوت وماعدشى صوت جنبة وصوت الحق ياولداه ضعيف وتايه وسط الزحمة والناس الخونة بقوا هما اللى على وش الفتة وهم مشاهير المجتمع وعمالين ينعروا باعلى صوتهم فى القنوات الفضائية وعلى الارضية وبيقولوا بكل بجاحة تحيا الباطل
والباطل بقى عالى اوى فى كل حتة حتى قى نفوسنا وياخوفى عليها من صوت الباطل امتى الحق يرجعلة صوته ويبقى تمام

عاشــــــ النقاب ـقــــة"نونو" يقول...

انا جيت متاخرة هو الانتخابات لسة شغالة ولا خلصت
عموما
تنتخبوا مين هي حبيبتكم مين هي
ههههههههههه
مش بقولك عسلللللللللللل

بنات صاحبة الجلالة يقول...

طالما فيها كباب وكفته انا معاكي طبعا نصوت للبلح الحياني بجد بوست لذيذ اوى

رئـــــيسـة حزب الأحلام يقول...

ماذا تفعل لوكنت نائم والكوابيس محوطاك من كل جانب وتيجى تهرب منها تلاقيها محصراك واه واه لوومش قادر تقوم منها لانك غرقان فى الكابوس