الثلاثاء، 15 أبريل 2008

رحلة البحث عن االأهداف


عندما تجد هدف لحياتك تعيش من أجله وتظل تعيش لأكمال هذا الهدف وجعله فى


احسن صورة


عندما تجد هذا الهدف ويكون على مرمى بصرك تنظر اليه فى حنو تريد ان تصل اليه


تظل تجرى وتجرى لتصل الى هدف فى الحياه .......... وياويلتاه أن اصبح الهدف

سرابا ليس له معنى .......ولكنك تظل تجرى دون هدف .


نفسى ألاقى هدف أصبو اليه فى حياتى هدف قد يفيدنى ويفيد من حولى


ماذا تجيب لو سألك أحدهم ما هدفك فى الحياة ؟


قد تجيب هدفى ان أصل للسعادة أو قد تقول هدفى الأستقرار أو قد تقول هدفى أن اجد

الحب الحقيقى


أوقد تقول هدفى أن أصبح مفيدا لمن حولى ولنفسى


وهناك من يقول هدفى هو أرضاء المولى عز وجل وهذا أكيد سوف يحقق بقية

الأهداف لمن يفهم


وليتنا نفهم


نظل طول عمرنا نبحث عن السعادة فلا نجدها فى المال وأشياء أخرى قد نتخيل أنها

تجلب السعادة


وقد نظل نبحث عن عن الحب الحقيقي فلا نجده فقد اصبح هدفا صعب المنال لما


نعايشه من جفاف القلوب والعقول والنفوس


معلش افكارى بسيطة وعلى قدى .......................

هناك 53 تعليقًا:

بحبها يقول...

سيدتى انسان بلا اهداف انسان مفلس ولا تكون هناك انجازات مالم تكون هناك اهداف والشكر دائما لك

فرنسا هانم يقول...

طبعا انا بحبك
وعلشان بحبك يجب ان انبهك
المدونه بدءت تنعطف عن الهدف الاساسى من نشأتها
وهو حزب الاحلام
ارجو الانتباه

المـــفـــــــقــــــــوعـــــة مــرارتـهــا يقول...

أحنا عايشين وخلاص ... بس أي حاجة تتحقق وخلاص وساعتها نفرح وربنا يسهل ...مش لازم يبقي فيه هدف نجري وراه ... ولما نحققه نجري وري غيره
كله يحمد ربنا علي اللي في ايده وخلاص
تحياتي

عاشــــــ النقاب ـقــــة"نونو" يقول...

ليتنا نفهم
الهدف ان نظل نصمم على تحقيق هذا الهدف
ارضاء المولى
تحياتي لافكارك

مدام كعبولة يقول...

ابدا ابدا ابدا

الافكار ليست علي (قدك) انما لقد لخصتي جوهر الاهداف

رضاء الله

نبحث عن السعادة و هي ليست موجودة حقيقة الا بالقرب منه

و نبحث عن الحب و كل الحب زائل الا فيه

و نبحث عن هدف مع انه وضع لنا هدف مهم و هو الارتقاء بالاسلام و الدعوة له

هدانا الله جميعا لما يحب و يرضي

dr. Ahmed Sakr يقول...

هو الواحد لو عاش من غير هدف

يبقى حياته ليها معنى

لازم نحط هدفنا قدمنا ونسعى لتحقيقة

فيه أهداف بسيطة وفيه أهداف وغايات أسمى وبتكون على مراحل

فكرةممتازة أختى الكريمة

رئـــــيسـة حزب الأحلام يقول...

بحبها
اشكرك على التعليق
=======================
فرنسا هانم
اشكرك على هذ النصيحة الغالية ولكن انا بحلم ان يكون لنا اهداف
============================

رئـــــيسـة حزب الأحلام يقول...

مفقوعة مرارتي من حماتــــــــــــي
اشكرك على التعليق واتمنى ان نصل الى اهدافنا
=================================
nonoymm
اشكرك وليتنا نفهم
========================
حياتي قنبلة ذرية
يارب امين

رئـــــيسـة حزب الأحلام يقول...

الحشرى
اشكرك على زيارتك الغالية

الباحث عن الحقيقة يقول...

السلام عليكم ورحمة الله وبركاته
سلوى الياء مش تحتها نقطتين
..........
غلاسه مني صح
معلش اول زياره
واول موضوع
مقدرش احكم
بس ممكن اسلم
ازيك عامله ايه بخير الحمد لله
سلامو عليكو

غير معرف يقول...

السلام عليكم ورحمة الله وبركاته
المدونة دى لذيذة وشيقة للغاية ويارب بمزيد التقدم والرقى والنتى تستهلى كل خير .لابد من البحث عن االوسائل لتحقيق الأهداف فعلا .ويجب أن تكون أهداف سامية وغاية فى النبل وإلا خسر الإنسان كل شىء فى الدنيا والآخرة التى يحب أن تكون أمام أعيننا ولا يجب أن تغيب عنا.
سماح

غير معرف يقول...

اهداف اية ومادرك اية اية الطراوة دى انتى دماغك بتهوى ولا ايى

غير معرف يقول...

اس اس السلام عليكم
عطوة ابو مطوة ازيك ياهبة اية الاهداف دى انت شفتيها فين دى ال اهداف ال و عجبى عليك يازمن
ياكتاكت يما انت شايل وساكت اوعى تمسحى التعليق

ياسر يقول...

سيدتي
لست توجد حياة بلاا
هدف فانا من نظرتي
للحياة الهدف هو للانسان
مثل الرادار للتوجة في الحياة
ودومتي بخير

Empress appy يقول...

اهداف يعنى تارجت
بس انا عملت حاجات كتير ولسه بدور على الباقى ربنا يسهل بقى

Tamer Nabil Moussa يقول...

لكل انسان مجموعة اهداف نفسة يصل ليها

ولكن الامر محتاج الى قوة صبر وعدم يأس واخد الامور على الهادى وهدف هدف ومش معنى ان افشل انة خلاص اروح اموت


بالعكس ارجع تانى واحاول لااحد ما اقدر اوصل لحلمى


تحياتى

Unknown يقول...

وقد نظل نبحث عن عن الحب الحقيقي فلا نجده فقد اصبح هدفا صعب المنال لما

نعايشه من جفاف القلوب والعقول والنفوس

صدقتى
ربنا يوفقك وتلاقى الهدف
تحياتى ليكى

عـــفـــراء يقول...

سعيدة بمرورك
مااسهل ان تتمنى هدف ولكن ....
مااصعب ان تجدية او تسعى لتحقيقة
فلنعيش عسى يوم يتحقق الهدف
تقبل مرورى.

رئـــــيسـة حزب الأحلام يقول...

ياسر
اشكرك على زيارتك الغالية وتحياتى لك

رئـــــيسـة حزب الأحلام يقول...

ياسر
اشكرك على زيارتك الغالية وتحياتى لك

رئـــــيسـة حزب الأحلام يقول...

ABY
الف مبروك على الحلقة كانت جميلة وتسلم افكارك

رئـــــيسـة حزب الأحلام يقول...

Tamer Nabil
الاهداف لازم تكون نبيلة عشان نقدر نحققها

رئـــــيسـة حزب الأحلام يقول...

haitham
الجمله دى انا عيشاها وحساها

رئـــــيسـة حزب الأحلام يقول...

عفراء
نورتى المدونة وحقق الله لكى كل اهدافك

دكتور بهــدوء يقول...

اكيد الحياة بلا هدف مالهاش اي معني
عشان كده تحدد هدف وتحاول توصله حتي لو ماوصلتش
التجربه اللي ما تكسرش تقوي وتعلم
وافكارك جامده جدا بجد

rovy يقول...

عزيزتى رئيسه حزب الاحلام
ممكن الواحد يتوه وما يقدرش يوص لهدفه حتى ولو حدده ..
لكن صدقينى لازم كلنا نعرف ان الحب الحقيقى هو حب الله هو الاول والاخر هواحب من احب الاحبه وهو بس اللى حيكون معانا في كل وقت .. فرح او حزن , فرج او ضيق , خطأ او صواب
حياه او موت .. وحده الدائم وحبه الباقى ..
تحياتى لكى واسعدنى مرورى لمدونتك

rovy

رئـــــيسـة حزب الأحلام يقول...

دكتور بهدوء
اسعدتنى زيارتك والف مبروك على المدونة وربنا يجعلها كلمة حق

رئـــــيسـة حزب الأحلام يقول...

rovy
تحياتى لكى واشكرك على مرورك الكريم

أم حبيبه يقول...

اجمل و اريح و احلى حياه
لما الواحد بيكون عايش بهدف

حاطه ادامه و بيسعى له بوسيله

و اصعب حياه لما تكون من غير هدف

جربت الاتنين و ارتحت اوى فى الاول
خاصة لما الهدف يكون واضح و الخطوات فيه اوضح



لكن فاضل حاجه واحده :

التوقف من فتره لآخرى لمراجعه الهدف و الخطوات و النيه منه ..........عشان نصحى الهدف جوانا كل شويه و مش يحصل فتور من ناحيته

اعتقد لو كل مصرى كان عنده هدف كان الحال حيكون مختلف بس المهم ان الهدف يكون وااااااااضح



حتى لو كان هدف لمدونته

Unknown يقول...

اول مره اعرف ان فى حزب للاحلام ،سجلونى معاكم ان مدونتى اسمها احلم معايا (اهو)وانتو بتوزعوا شغل ولحمه وهدووم شيلوا حته ليا على جنب
بصى انا عاوز وانا اقرا دنتك احلم بجدok

zOzO يقول...

تحياتي ليكي


البوست كويس
وفعلا لازم يكون لينا هدف

واكيد هو ارضاء ربنا
لانه سبب لاي حاجه تانيه احنا بنتمناها



زوزو

رئـــــيسـة حزب الأحلام يقول...

ام حبيبة
اشكرك على هذة الطلة الجميلة وجزاكى الله خيرا

رئـــــيسـة حزب الأحلام يقول...

sasatifa
نورت الحزب واقرا الفاصل الاعلانى هتلاقى كل اللى نفسك فية

رئـــــيسـة حزب الأحلام يقول...

zOzO
اشكرك على زيارتك الغالية

واحد من البلد دى يقول...

أعرف أن مرورى قد تأخر كثيرا ولكننى أرجو المعذرة...فما منعنى غير كثرة مشاغلى..ألخص تعليقى..فى أن كلنا يعرف ما هو هدفه بل..ويحدده بوضوح-بغض النظر عن صوابه من خطأه-فكلنا نتفق فى شيئ واحد ..وهو..عدم الصبر على تحقيق هذا الهدف...لكى تحياتى

رئـــــيسـة حزب الأحلام يقول...

واحد من البلد دى
ربنا يكون فى العون واشكرك على زيارتك الغالية

Desert cat يقول...

انسان بلا هدف انسان بلا حياة

Esraa Hamed يقول...

جميلة اوييييييييي مدونتك
اول زيارة ليا و ان شاء الله هتابعك علطول

هي المشكلة في الاهداف اللي ذكرتيها انها عامة و غير محدده يعني السعادة مثلا معني عام و اللي بيقول ان هدفه السعادة ممكن يكون مش عارف اصلا هو ايه اللي بيسعده
و نفس الكلام ممكن نطبقه علي بقيه الاهداف عشان كده تحديد كل انسان لهدفه مش حاجة سهلة زي ما ناس كتير فاكرين و في شروط كتير عشان نخلي الهدف ده قابل للتحقيق
ابسطها انه يكون هدف محدد و جواه مجموعه اهداف صغيرة كل واحد فيهم هو درجة في سلم الهدف الكبير
و تاني حاجة انه يكون محدد بوقت معين و يكون قابل للقياس بمعني ان عند حد معين اعرف انا وصلت للهدف ده فعلا و لا ايه

مدونتك جميلة فعلا
تحياتي ليكي

دودو في كي جي تو يقول...

الكلام دة كبير علية انا موش فاهمه

الفارس الملثم يقول...

احيانا تبدو مشكلتنا اننا لا نعرف حقيقة ما هو شئ الذي يستحق ان نعتبره هدفا يستحق ان نسعي لتحقيقه , فكثيرا ما نضع هدفا كما قلتي وعند وصولنا اليه نكتشف انه لا يستحق كل هذا العناء .... او بعد الكثير من المعاناة نكتشف ان تحقيقنا اياه اقرب لمحاولة القبض علي المياه بين اصابعنا ..

لكن في نفس الوقت عدم وضع هدف لحياتنا يجعل حياتنا لا تستحق ان تعاش...

تحياتي
محمد

رئـــــيسـة حزب الأحلام يقول...

Desert cat
فعلا انسان بلاا هدف انسان ضائع

رئـــــيسـة حزب الأحلام يقول...

Esraa Hamed
الف شكر على الزيارة وتحياتى لك

رئـــــيسـة حزب الأحلام يقول...

دودو في كي جي تو
روح نام ياددودو انت اتاخرت عن ميعاد نومك

رئـــــيسـة حزب الأحلام يقول...

Whispers just for a Night
اسعدتنى الزيارة

رئـــــيسـة حزب الأحلام يقول...

الفارس الملثم
اشكرك لتلبيه دعوتى

bastokka طهقانة يقول...

الغريب ان حتى الاهداف تتغير

اوروفوار

همس الاحباب يقول...

اسف لتقصيرى فى زيارتك
بس غصب عنى
وعامة لازم الانسان يبقى ليه هدف والا سيظل تايه ومتخبط
ورضا المولى عز وجل اسمى وانبل الاهداف طبعا
تحياتى ليكى خالد

الخيط الرفيع يقول...

الوهاااااااااااااات يارئيسه الحزب بتاعي
طول عمري اكرة الاحزاب والسياسه علشان مبفهمهاش واما اجي اعمل اي حوار او تحقيق مع احزاب او جماعات بشوف كل واحد عنده حق من الزاويه اللي بيبص منها
لذا كرهت السياسة ولكني هنا انضم لحزبكم لاني دي الحاجة اللي فهمتها قوي اني احلم واحاول احقق
.
دا بشكل عام وعلي اساس اني بسلم عليكي قبل ما أدخل في البوست

وكمان لفتني انك بتقولي عليكي واحدة الدنيا ملطشة معاها.
ممكن تكوني شيفاها كدا وانتي مش كدا.

ردا علي سؤالك
انا حلمي اقف ادام ربنا كتفي في كتف ابو بكر وعمر وخديخة.
ودا عن طريق كذا حاجة
اولها ان يجدني الله حيث أمر ويفتقدني حيث نهي

ودا في الدين والدنيا
مع الناس ومع نفسي وفي شغلي

ادوس في اي حاجة تجيب ثواب وتحقق المعادلة الصعبة اياك نعبد واياك نستعين
وترجمة بقي للي فات
ابويا وامي نفسهم اكون في قالب ما والقالب دا يتسع يعني مبادي معينه وارسم لوحتي جوا زي ما انا عاوزة
ودا اوكي

اخواتي الكتير بحاول اكون ليهم حد نضيف وبجد بهتم علي اد ما أقدر وأحط إجوان في حياتهم لله وعاشنهم باحساس مش اوام اوام

ومع نفسي شخص يحب نفسة بشروط
يجب ان أقدمها لربي ولناسي وليا

ليا في كوني اصبح بعد كام سنه إعلامية ملو هدومها

بحاول ويكفيني شرف اني عندي حلم محدد الاهداف تصحبة رؤيه او مرجعية ربانيه

وربنا يكرمني بيه

رئـــــيسـة حزب الأحلام يقول...

bastokka طهقانة
بس فيه اهداف ثابتة زى كلنا عاوزين السعادة او بندور عليها عاوزين الاستقرار وتحياتى لكى

رئـــــيسـة حزب الأحلام يقول...

همس الاحباب
لا يهمك واهلا وسهلا بيك في اى وقت

رئـــــيسـة حزب الأحلام يقول...

الخيط الرفيع
ربنا يكرمك

استراحة محمد يقول...

الاهداف تخلق للفرد قيمة وغاية وتخلق للمجتمع حضارة وتاريخ

رئـــــيسـة حزب الأحلام يقول...

استراحة محمد
الاهداف هى كل شئ للانسان