السبت، 12 أبريل 2008

مدارسنا اليوم


السيدات والسادة أعضاء حزب الاحلام الديموقراطى .... تحية طيبة وبعد
وبعدأن ناقشنا مشكلة العنوسة وقعدنا نعيد ونزيد فيها لحد مازهقت وزهقتكم معايا
المهم .............
وأ نا فى طريقى للشغل الصبح ألاقيلك كام ولد بيغنو اغنية حلوة أوى بيقول مطلع الاغنية

فى بيبى صغير بيلعب فى التراب

ماما لبسته الجزمة والشراب

المُعلم قاله اكتب العربى

كتبلوا الحساب
ضربنى بالعصاية

ضربته بالكتاب ودانى للمديرة وديته للوزير

سقطنى فى الشهادة سقطه من الشباك

هى دى الاغنيه إللى سمعتها ...مش بذمتكم حلوة ؟
بس ياترى الاغنية دى بتقول حاجة ؟
وبتبين
الوضع الحالى فى مدارسنا ولا أنا بيتهيألى ؟

هناك 39 تعليقًا:

صحفية روشة يقول...

اول تعليق يا ست الريسة
هلف وارجع تانى

صحفية روشة يقول...

اكيد طبعا بتوصف التسيب والاهمال اللى وصلت ليه مدارسنا
وان كل واحد فى منطقته رئيس جمهوريته ومحدش يقدر يكلمه
معدش فى رقابه ولا حد بيهتم بالتعليم

فرنسا هانم يقول...

طبعا الاغنيه نااااااااقصه
ومش مظبوطه
لالالالالالالالالالالا
انا مش يهمنى الايقاع والتظبيط والقافيه والذى منه
لالالالالالالالالالالالا
انا يهمنى لون الشراب
الاغنيه لم تذكر بالتأكيد وبالدليل المادى والقرائن لون الشراب
اذن تبطل الاغنيه

رئـــــيسـة حزب الأحلام يقول...

صحفية روشة
دة الواحد بيشوف بلاوى الاولاد دلوقتى لومدرس اتجرا وزعقلة يقول الضرب ممنوع يامستر
=======================
فرنسا هانم
ازيك ياجميل خلاص انا هسال الولد اللى غنى الاغنية دى واقولة لون الشراب اية هسالة بكرة

بطوط حبوب يقول...

الى الفه واد جامد
بيس يا ومن

غير معرف يقول...

ضربته بالكتاب
متاكده مش بالمطواه
ولا بالقلم علي وشه حتي
اتاكدي بقي وابقي قوليلي
يمكن بتهيالي انا كمان

رئـــــيسـة حزب الأحلام يقول...

IImady
تخيل ممكن بالمطواه وانا ماخدتش بالى على العموم النهاردة انا هسأله وتحياتى

رئـــــيسـة حزب الأحلام يقول...

بطوط حبوب
الواد دة فعلا جامد اوى مدوخ وراةثلالث تربع هيئة التدريس

الربان يقول...

تحياتي

بالطبع الوضع الحالي للمدرسة لا يسر عدو
ولا حبيب...المرسة اصبحت جدران قميئة و بقايا بشر....

المرسة يا سيدتي فقدت دورها التربوي و التدريسي....فقدت كل المعاني الجميلة التي يمكن ان تضيف الي الطلبة و تعزز قيم المجتمع...

المدرسة فقدت الريادة و المدرسون انفسهم هم من سمحوا لدارهم بالخراب
و بأن تكون مرتعا للعنكبوت...لهثت اغلبيتهم وراء الدروس الخصوصية...
و تركوا الفصول خاوية...و الطلاب استمرأو الغياب ...و لماذا الحضور و تضييع الوقت...

اي امة ترغب في النهوض عليها بالتعليم
من خلال منظومة تعليمية متكاملة...و سياسة تربوية قادرة علي خلق اجيال
من المتعلمين المثقفين...المتحصنين بتعاليم
الله...و قيم المجتمع.


تحياتي و تقديري

امل يقول...

ايه اللخبطة دي
طب لما هوه كتب بالحساب بدل العربي
ضربني انا ليه
وبعدين ليه يوديني للمديرة لما
هوه اللي ضربني في الاول
وبعدين لما وقع من الشباك
حصل له ايه؟

The Queen يقول...

رئيسه حزب الاحلام الفاضلة

الاغنية بكل تأكيد بتتكلم عن حال مدارسنا اليوم .. بمعنى
الطلبة مش بيحبوا المدرسين ومش بيستفيدوا منهم اي حاجه كمان ومش هيتقبلوا اي توجيه ..
كمان في تمرد لو تلاحظي اللي هو انا عايز اعمل اي حاجه غلط وخلاص غلاسه ممكن يعني المدرس يقول يمين انا اقول شمال
وده راجع لطريقة التربية الغلط للأسف
العيب مش على الولاد الصغيرين العيب على طريقة التربية في البيت والمدرسة

تحياتي لك

dr. Ahmed Sakr يقول...

وهتاخدى أيه من العيال

غير الحاجات اللى بتوصف أشياء كتيرة


بس بصراحة واقع ملموس

Heart Beat يقول...

اعتقد كده ان الاغنية دي بتبين ان التلاميذ الآن اصبحوا واقفين للمعلم على الواحدة يقول كلمة يردوا عليه بمقال يقول مقال يردوا عليه بكتاب يعني مسألأة تحدي واضح و ظاهر

من غير خوف و لا احترام للمدرس اللي واقف عمال يفهم فيهم و في مخهم اللي لم يستعمل بعد ده

مع ان في بعض المدرسين من السادة الافاضل اللي يستاهلوا الاغنية دي لكن مش كلهم طبعا كل شيء و في الكويس و فيه الوحش

ربنا يستر بقى على الاجيال القادمة اللي بعد الجيل اللي سمعته منه الاغني دي

اللي ممكن يقولوا في اغنيهم

و اذا قال المعلم لي بم
اشتم اهله و احط له في اكله سم

على المدارس السلام

غير معرف يقول...

والله العظيم جامدة وعلي رأي المثل " هم يضحك و هم يبكي"

عروسة ننوسة يقول...

هو دلوقتى بقى فى حاجة اسمها تعليم؟؟؟

تــــايه ومش تـــايه يقول...

تقريبا الاغنيه دى ليها علاقه بالكوسه.اللى منتشره انتشار فظيع .بس موصلتش للمطبخ عندنا ويارب ما توصل

مدام كعبولة يقول...

يعني هي مثلا مـأساة التعليم دي حاجة جديدة مكلنا اتعكينا فيها و الحمدلله

و ان كان الواقع اليومين دل اسوأ فعادي يعني لأن الاجيال بتدهور للافظع مش بتتطور

Empress appy يقول...

ايه العياله البلطجيه دى انا اسفه محضرتش الجلسات اللى فاتت لظروف خارجه وداخله على حل شعرها اعذرينى يا قمر
بس دول مش مدارس دول بلطجيه يا امى ههههههههه

Unknown يقول...

آه بتقول طبعا احلى قوالة ده بيقولك قاعد يلعب فى التراب أحسن ميروح المدرسة اكيد نفسه يبقى لاعب كورة بلا مدارس بلا نيلة
عجبنى البوست ... تحياتى

رئـــــيسـة حزب الأحلام يقول...

الربان
المدرسة بقت لا تعليم ولا اخلاق طب ياريت يعملوها تربية بس لكن لا تربية ولا تعليم
===================================
امل
اصل اداه بالكتاب
===========================
The Queen
فعلا دة اللى حاصل

رئـــــيسـة حزب الأحلام يقول...

الحشرى
انا شدتنى االاغنية لان دة اللى الواحد حاسس بيه فبقى المدلرس ممكن ينضرب وياخد على دماغة وما فيش جهة تدافع عنة وعجبى
=============================
Heart Beat
انا معاك فيه مدرسين يستهالوا لانهم فاقدين شخصيتهم امام الطالب والطالب زى مايكون هو اللى مشغلة عندة
======================

رئـــــيسـة حزب الأحلام يقول...

الضاحك الباكى
شوف الاولاد بيغنوا اية
===========================
gannah
عندك حق بس حلاوة نفس
=========================
تــــايه ومش تـــايه
كوسةولا بتنجان

رئـــــيسـة حزب الأحلام يقول...

حياتي قنبلة ذرية
تخيل فعلا الموضوع دة صح كل سنة الاجيال اسوامن بعضها وكل شوية فى النازل
=======================
appy
دة فيه بلطجية وقطاعين طرق وكل الاشكال
============================
ayman badr
اشكرك اصل لاعيب الكورة بيكسب قد كدة لية يتعب نفسة ويذاكلر مواد قد كدة مالهاش لازمة

بنت الاسلام يقول...

ههههههههه

اغنية حلوة لاقطيها ازاي ديه

طبعا الاغنية بتقول كتيرررررر كتيررررر

قوووووووي

بتقول اد ايه اخلاقنا نزلت في التراب


وبتصرخ نفسها حد يطلعها

تحياتي

شاب نفسة يحقق حلمة يقول...

السلام عليكم يا ريسة
والله احنا مش عارفين من غيرك كنا عملنا ايه
المهم انهم مكنوش بيغنوا المدرسين فعلا ضاعت هيبتهم وبقت في التراب هاتي طالب واحد دلوقتي بيخاف وبيحترم استاذة الا بعض الطلبة المعدودين
تحياتي ليكي يا ريسة

رئـــــيسـة حزب الأحلام يقول...

شباب نفسه يحقق نفسه
المدرس هو اللى ضيع هيبته بجانب اشياء اخرى وتطورات داخل المجتمع واصبح الطالب يرى نفسه انه فوق هيئة التدريس وده اللى انا شيفاه من خلال الؤرة التى امامى

رئـــــيسـة حزب الأحلام يقول...

بنت الاسلام
اشكرك على زيارتك الغالية واخلاقنا لازم ترجع تانى والا هننتهى ونكون رماد المشكلة الحقيقية ان صوت الحق عمال يختفى وصوت الانحلال بقى عالى اوى

قلب بلا حب يقول...

ايه ده ..
بعيداً عن الموضوع ..
هو لسا في مدارس عندنا .. اكيد بتهزروا

(: والله فكرتيني باليام الزباله .. آآآاقصد الجميله .. يااااااااااه فات عليها بتاع 5 سنين كده ..

اساسييي لازم تسمعي الاغانى دي .. وكمان مش حيبقي الضرب بالكتاب .. ده احتمال يبقي ميه نااار ..

انا عايز اقولك انا اختي في تربيه عربي يعنى اساسى حتتلع مدرسه .. (:
بجد ربنا يحميكم ويقويكم علي اللي بيحصل واللي حيحصل ..

بس بجد الاولاد دي معزوره .. الكبت يولد الانفجار

and thnx for your comment in my blog

إنسان || Human يقول...

ههههههه....الأغنية بتدل فعلاً على حال التعليم التدهول على عينه ..للأسف
وداني للمدير وديتوا للوزير
كوسه دي ولا إيه

son's egypt يقول...

السلام عليكم
ان دل فيدل علي تدني مستوي التعليم في بلدنا
وعدم احترام الاستاذ

Mafrousa يقول...

عزيزتى ..احنا فى زمن كل واحد بيرمى المسؤليه على التانى..اولا غياب الرقابه و التوجيه من قبل الاهل ...المصيبه انه ساعات هوه ده اسلوب الاهل...ترك الاطفال للشغالات ...ديه مصيبه تانيه...مهما كانت مشغولية الاهل لابد من تكريس ساعات و لو حتى قليله للتوجيه و التربيه....نوصل بقى للمدرسه..انا عندى احساس ان المدرسه ان استطاعت ان تسيطر على الاطفال دول حيكون من السهل اغراز كل ما هوه حميد فيهم .. بس للاسف خلق الناس كلهم بقى ديق..ومحدش عنده طولة بال ...والتربيه عاوزه طولة بال ...حنيجى على التعليم ...احنا بنرمى على الوزاره المسؤليه ..بس لو دققتى النظر حتلاقى ان كل مدارس الانترناشيونال و اللغات و الخاصه ....لابد للمدرس ان يلتزم بمنهج الحكومه...بس المدرس الشاطر هوه اللى يزود على المنهج...لان مافيش حد فينا استغل اللى اخده فى المدرسه فى حاجه...اتمنى ان اكون وضحت وجهه نظرى و اسفه للاطاله

L M A R يقول...

مساء الخير

هههههه

ظريف جدا

تحياتى

رئـــــيسـة حزب الأحلام يقول...

قلب بلا حب
اشكرك على الزيارة وتحياتى لك
========================
Human
الكوسه فى كل حتة عمالة تجيب اجوان
==========================

رئـــــيسـة حزب الأحلام يقول...

son's egypt
فعلا دة اللى حاصل
===========================
واحدة مفروسة
فيه عيوب كتير فى كل حاجة
==========================

رئـــــيسـة حزب الأحلام يقول...

A L A B D E L R H M A N .
اشكرك على الزيارة

الزواج.....روضة الحب يقول...

العيال دول عندك فى المدرسة؟

رئـــــيسـة حزب الأحلام يقول...

مدونات زوجة عاشقة
اينعم انتى عرفتى

رئـــــيسـة حزب الأحلام يقول...

مش عارفة اكتب اية النهاردة
عن اية ولاية اكتب عن الحزب والاحزان اللى داخل الاخحزاب
الحزب بدا يهوى ا هو خلاص هوى ربنا يستر و

ياسر يقول...

بصراحة
حاجة جميلة وان
دلت تدل علي مستوي
التعليم المتقدم جدا عندنا
واكيد الاولاد دول مجبوهاش
من فراغ
تقبلي مروري
مع تحياتي