الثلاثاء، 29 يوليو 2008

مشاهد متقاطعة



جلست على إحدى الأرصفة تقزقز لب وسودانى مثل القرود وتلقى على الارض القشر


الناس تنظر لها نظرات غريبة وهى تأكل اللب وتلقى بالقشر على الارض غير مهتمة

بأى شئ سوى ........هل تعانى من لحظة جنون ؟


-----------------------------------------------------------
ذهبت إلى عملها وقد وضعت على وجهها مساحيق لعلها تجد فتى أحلامها اليوم ولكن دائما ماتخيب ظنونها وترجع خالية الوفاض


-------------------------------------------------------------
عندما أنتهت مواقيت العمل الرسمية
ذهبت الى المنزل ودخلت الى المطبخ غسلت الأطباق ونظفت الموقد ولكنها لم تطهو لان نفسها ليس حلو فى طهى الطعام

-----------------------------------------------------------
دائما ماترى كابوسا فى منامها أن هناك أفعى تخنقها ودائما ماتقوم مفزوعة من هذا الكابوس فتبصق ناحيه الشمال

------------------------------------------------------------
تنظر دائما إلى السماء وتقول ياااااااااااااااارب ودائما مايؤجل الله سؤالها وتعلم أن هذا التأجيل خير لها ولكن نفسها دائما تستعجل الخير فتشعر باليأس ولكنها تعاود الدعاء ثانيه .

----------------------------------------------------
يقولون عنها أنها فتاة رقيقة ولكنها ليست جميلة ولكنها ترفض الإهانه.

-----------------------------------------------------
تافهتها دائما ماتقودها الى تافاهات أخرى.

-------------------------------------------------------------
تكره هى هذه المرأة التى لاتصمت ثانيه تجعلها تشعر أنها تريد أن تتقيأ

----------------------------------------------------
تقوم دائما من نومها منكوشه وعلى شفتيها ترتسم دائما تكشيرة فتنام ثانيه لعل التكشيرة تذهب

-------------------------------------------------------------
تشعر بغباءها المستحكم قد أمسك بمقاليد الامور ويظهر دائما فى كل المواقف لذلك أبتعدت عن كل المواقف وأصبحت أسيرة الوحدة خوفا من غباءها .

----------------------------------------------------------
تريد أن تخرج الى النادى أو الى نزهة ولكنها دائما ما تصطدم من عدم وجود الرفيق الذى ستصطحبه معها لذلك فكرت فى شراء قطة أو ببغان لعله يعوض فقدان الرفيق

هناك 41 تعليقًا:

بحبك يامصر يقول...

يسعدنى اكون اول تعليق
الشعور بالوحده صعب شئ متعب وصعب عالنفس
انما صاحبة القصه لها وجود فى الواقع ولا من نسج خيالك

حسن حنفى يقول...

بسم الله ماشاء الله

موضوع متميز

بوست جمييييييييييييييل

ان شاء الله تجد تي احلامها

:d

الوحده اصعب شعور ممكن انسان يحس بيه

موناليزا يقول...

واقعية فالغالبية كذلك

Mahmoud البطراوى يقول...

قطه او ببغاء ؟؟ هههههههههه خليه قرد احسن عشان يقزقز لب وسودانى

بجد بقى ومن غير تهريج فى مشكله بقيت بلاحظها
كل البنات متخيلين ان حياتهم تبدأ من اول الزواج
عايشه طول حياتها وكأنها فى محطه القطار منتظره ان يأتى القطار ده ومش عايزه تمشى ولا تروح فى اى حته لا انحسن القطر يجى ويمشى وهى بعيده

انا وجه نظرى ان اى بنت لازم تعيش حياتها كأنها هتعيش كده وهتموت كده
مش كأنها منتظره حاجه تحصل عشان تبدأ تعيشها
العمر بيمر

kochia يقول...

معجبنيش مشهد
"ذهبت إلى عملها وقد وضعت على وجهها مساحيق لعلها تجد فتى أحلامها اليوم ولكن دائما ماتخيب ظنونها وترجع خالية الوفاض"

عاوزين نرجع للحزي بقي
حزب الاحلام بقي حزب الواقع ليه

كدة هتفقدي مصداقيتك ونروح لحزب تاني

تحياتي

Unique Gurl يقول...

بوست حلو و مميز
تحياتي :)

semsema يقول...

انا شايفة اللى فى وضع معين ومش قادر يغيره يرضى بيه ويحاول يحبه

الوحدة احساس صعب
بس لو كانت قدرها . مفيش مفر

تحياتى

rovy يقول...

السلام عليكم

بوست متميز و محير و لكنه واقعى جدا

دمتى بخير و دمتى متميزه

تقديرى و تحياتى

بسمه عبدالباسط يقول...

أحساس الوحدة صعب قوى وده اللى تاعبها

محمد عبد الغفار يقول...

أنسانة

كاميليا بهاء الدين يقول...

هى باختصار

وحييييييييييييدة


وحشتينى

تحياتى وحبى

رئيس جمهوريه نفسى يقول...

حتى لو مش قادرة تغير وحدتها وتنهيها اعتقد انه من السهل جدا عليها تغير مكان وحدتها حتشكل فارق تغير المكان مع ايجاد العصفورة او البغبغاء حيشكل ملاء حيزه فى فراغ حياتها
انصحها بعدم الكف عن الدعاء فلا ملجاء ولا منجا منه الا اليه

Unknown يقول...

جميل أوى البوست ده واقع بنعايشه كلنا وبنقابله

شكرا

مصطفى

Unknown يقول...

حالة من التهييس بتجتاحنا كلنا كتير
وصفتيها باسلوب رشيق جدا

shaimaa samir يقول...

السلام عليكم ورحمة الله وبركاته

يشرفنى دعوتكم لحضور حفل توقيع ديوانى الاول
اطياف الصمت

وذلك فى الثانى من شهر اغسطس
يوم السبت القادم باذن الله
الساعة 7
بمكتبة طلعت حرب


يشرفنى حضوركم جدااااا
رئيسة حزب الاحلام

دعاء مواجهات يقول...

مشاهد واقعية اوى


ومتكررة كمان

بحيكى على جمال التعبير

بيس

محمد فوزي يقول...

بنت ممتازه وجميله وطيبه بس ناقصها شوية ثقه في نفسها وتحب نفسها أكتر

نونو يقول...

احلى مافييكى انك بتجيبى حاجات من الوااقع
علشان مدة بنحسها اوى
دومتى مبدعة

أجـمــل قـلــب يقول...

ازل زيارة واول تعليق لى فى المدونة

ماشاء الله على المدونة الجميلة جدااا

الموضوع جميل اوى وزى ماان الوحدة صعبة لكن فراق الحبيب اصعب واصعب

باذن الله مش هتكون الزيارة الاخيرة

تقبلوا تحياتى
http://a7lam-el7aya.blogspot.com/

رئـــــيسـة حزب الأحلام يقول...

بحبك يامصر
هى أكيد من الواقع على بعض الخيال
تحياتى لك

رئـــــيسـة حزب الأحلام يقول...

حسن حنفى
كفانا الله شر الوحدة والجنان
تحياتى لك

رئـــــيسـة حزب الأحلام يقول...

موناليزا
لابد من نقل الواقع الذى نعيشه لنستيطع حل مشاكلنا
تحياتى لكى

رئـــــيسـة حزب الأحلام يقول...

بطوط حبوب
فعلا النظرة دى مضايقانى جدا بس دى مش نابعة من البنات نفسهم دى نابعة من المجتمع اللى بيغرس فى بناته انها ليس لها وظيفة قبل الزواج بجانب الطبيعة الانسانيه التى ترغب فى العيش فى جماعة واسر
الف تحيه لك

رئـــــيسـة حزب الأحلام يقول...

kochia
هذا مجرد مشهد قد يكون مستفز ولكنه يحدث
الف تحيه لكى

رئـــــيسـة حزب الأحلام يقول...

Unique Gurl
أشكرك
تحياتى لكى

رئـــــيسـة حزب الأحلام يقول...

semsema
فعلا هو دة الحل وهو دة اللى بتحاول تعملة صاحبه المشاهد
تحياتى

رئـــــيسـة حزب الأحلام يقول...

rovy
الف شكر لحضرتك
وجزاكى الله خيرا

رئـــــيسـة حزب الأحلام يقول...

bos bos
فعلا دة اللى تاعبها
الف تحيه لكى

رئـــــيسـة حزب الأحلام يقول...

محمد عبد الغفار
أحلى وصف سمعته للشخصيه
الف تحيه لك

رئـــــيسـة حزب الأحلام يقول...

كاميليا
فعلا هى وحيدة
وانتى وحشانى أكتر
الف تحيه لكى

رئـــــيسـة حزب الأحلام يقول...

رئيس جمهوريه نفسى
هى بالفعل مازالت تدعو ولكنها تخاف ان تيأس نفسها
تحياتى ل

رئـــــيسـة حزب الأحلام يقول...

egyboy
الله يخليك
وجزاك الله خيرا

رئـــــيسـة حزب الأحلام يقول...

عاليا حليم
هى فعلا حالة من التهييس
وربنا يستر ماتفلتش
تحياتى لكى

رئـــــيسـة حزب الأحلام يقول...

shaimaa samir
الف مبروك
ويارب نقدر نيجى بجد بجد نفسنا نفرح ونشوف انجازات
الف تحيه لكى

رئـــــيسـة حزب الأحلام يقول...

دعاء مواجهات
الله يخليكى كلامك الاجمل
الف تحيه لكى

رئـــــيسـة حزب الأحلام يقول...

محمد فوزي
فكرك دة اللى ناقصها
الف تحيه لك

رئـــــيسـة حزب الأحلام يقول...

نونو
الله يخليكى لازم نجيب من الواقع عشان نقدر نحلة
تحياتى لكى

رئـــــيسـة حزب الأحلام يقول...

واحد ميت
أتمنى دوام الزيارة
تحياتى لك

رئـــــيسـة حزب الأحلام يقول...

لا أعلم ماهذة التافهة التى تتخيل نفسها فوق البشر وتتخيل نفسها قمر المكان والزمان
كم اكرة هذة الفتاه التى تتخيل انها على حق ومادونها على باطل
تفعل كل شئ ولاتهتم لمشاعر الاخرين أمكرهها كرة شديد
هل الفسدة هم الذين يسيطرون على كل شئ هم الذين يفرضون اراءهم وتصرفاتهم هل هذا مايحدث كم أكره هذا
ان يسيطر الفسدة على كل شئ ويصبحون هم كل شئ هذة التى تتشدق بالمثاليه
كم أكرة هذة الاصناف من الناس سأعلنها يوما انى اكرة تلك الشخصيه التى تعيش وكأنها مالكة الكون سأعلنها يوما ولن يهمنى شيئا
سأقف ضدها واعلن انى لست موافقه على شخصها وتصرفاتها سأهدى لها كلماتى لعلها تشعر مااكنه لها من بغضاء والممن ناحيتها
لماذا كلما ذهبنا لمكان وجدنا هذة المرأة التى تملك لسان الدجاجة التى تظل تكاكى به وللاسف تجد من يسمعها من أكليها وتدعههم يأكلوها بالهناء والشفاء
اذهبى الى الجحيم ايتها المرأة اللعينه التى فى بالى اذهبى الى الجحيم

غير معرف يقول...

ازيك وحشاني
معلش من فتره ما مرتش عليكي
بس بوست جميل تحفه
بس عارفه تسمحيلي اكمله
انا كمان فكرت اشتري قطه تكون بدل الرفيق الغير موجود
بس حتي دي مش عارفه اعملها لانهم في البيت مش بيحبوا القطط
تقبلي تحياتي

حاجة كدة يقول...

لو كان الرفيق بيجى للى حاطة مكياج .كانت كل البنات عرفم الحل
الرفيق لا يأتى بالبحث عنة ولكنة يأتى بتجاهل الوحدة..والابتسامة الجميلة وليس الوجة الجميل

كونى كالقمر يبعث ضياءوة ف وقت الظلام
فابعث حبك حين يكف كل الناس عن الحب