أول الطريق
عايزة ألاقى اول الطريق
حد يدلنى على أول الطريق
أنا حد تايه فى دنيا واسعة
انا عابر سبيل حد يدلنى على أول الطريق
عايزة ألاقى نقطة بدايه
عشان أوصل لنقطة النهايه
ماأصل حياتنا خط مستقيم
له نقطه بدايه وكمان نهايه
حد فيكم يدلنى على اول الطريق
واحد واقف هناك بيشاور على أول الطريق
يمين فى شمال وأحود كمان هتلاقى أول الطريق رحت ماشيه زى ماوصف لا لاقيت
يمين ولا شمال
قلت أسأل حد تانى يدلنى على أول الطريق
لقيت ست ماشيه باين عليها راسيه
قلت ياحاجة شاكلك عاقلة وراسيه
دلينى على أول الطريق
ضحكت وقالت يابنتى انا لسة زي زيك
بدور على أول الطريق قلت يااااااااااه
هو انتى كمان مش لاقياه
ولساكى بدورى على أول الطريق
وعجبى
هناك 29 تعليقًا:
صحيح والله عجبى .. هو فيه حد النهارضه عارف فين الطريق الصحيح بجد وفين اوله ..
المهم يا قمر انا اول تعليق لو ده صحيح حيبقى بجد .. عجبى .
تقديرى و تحياتى
rovy
ليه لازم تبتدي من اول الطريق
لو مش لاقية اول الطريق اعتبري رجلك في اللحظة دي واقفة علي اول الطريق
وامشي
عارفة ايه اللي هيحصل ؟
هتلاقي اول الطريق جالك حد عندك
متضيعيش وقتك وانت بتدوري عليه
تحياتي
انشاء الله هتلاقى اول الطريق و مين عارف
تحياتى
وعجبي
بنقضي حياتنا بندور علي اول الطريق
وبنكتشف في الاخر اننا عديناه من زمان وقربنا نخلصه كمان
تحياتي ليكي
ايه ده ياستى مش تقولى ده انا دلوقتى فى وسط الطريق اهوه .. لو كنت اعرف كنت استنيتك بس للاسف السكة دى سكة اللى يروح ميرجعش ...
على فكرة وسط الطريق عنوان البوست الاخير بتاعى والظاهر انى واقف هناك برضه مش عارف اروح فين
تحياااااااتى
الله الله الله
قطعة زجل من النوع الشجى
بها حقيقة وحكمة
انت فنانة
دمت جميلة
بحبك اوى
تحياتي
كلنا يبحث عن اول الطريق...و كل مرة
نقول اننا في اول الطريق...يظهر لنا طريق جديد...و هكذا...
"كتبت علينا خطىمشيناها و من كتبت عليه خطى مشاها فلا تقل فيما جرى كيف جرى فكل شيء بقضاء وقدر .."
تحياتي و تقديري
طب كويس انك عارفة الطريق فيه ناس متعرفش طرق خالص وماشيين زى ما تيجى
اسف على الانقطاع بس عشان داخل فى امتحانات
ادعيلى
تحياتى
دا فيه ناس متعرفش الطريق الا لما تدخل القبر
سبحان الله
ربنا يهدينا للطريق المستقيم
وعجبى
مصطفى
rovy
ازيك ياقمر
فعلا فى ناس مش لاقيه الطريق أصلا
وربنا يدل الجميع
تحياتى لكى
kochia
فعلا كلامك صح يعنى ابدأ من اي نقطه
تحياتى لك لهذة الوصفه الهايلة
الامل
انشاء الله
والف شكر
سنووايت
ربنا يدلنا على أول الطريق ونقدر نكمل لاخر الطريق
تحياتى لكى
Eldebug
انت فى وسط الطريق وانا فى انتظر البدايه دلنى بقى على اول الطريق
تحياتى
كاميليا
اللله يخليكى ياأحلى كاميليا
وعلى كلامك الجميل دة بجد كلامك بيسعدنى
أسعدك الله
تحياتى لكى والف شكر بجد احبك فى الله
الربان
بجد دة المعنى اللى أقصده جايز فعلا نحس اننا فى اول الطريق وبعد كدة نلاقى فى بدايه طريق تانى
الف تحيه لك
ayman badr
أهم حاجة المذاكرة وربنا يوفقك يارب
وبجد انت انسان اكتر من رائع
ودمت بكل خير اخى وربنا يهدى حالك وتلاقى اول الطريق
اخواتى بيسلموا عليك
egyboy
ربنا يستر ونلاقى الطريق قبل ماندخل القبر
تحياتى لك
Desert cat
انا جاوبت على السؤال دة
دمتى بخير قطة
شعر دا يا مرسي !!! استمري استمري ربنا يوفقك
اقولك انا على اول الطريق
هتمشى كده على طول على طول
لحد ماتلاقى عماره .........
هههههههههههههههههه
اعتقد ان كل واحد مننا عارف فين الطريق الصح بس للأسف بنمشى شويه عليه وكتير بنخرج عنه وفى مننا مش ماشى عليه خالص
على رأى الشاعر
انى بليت باربع ماسلطوا الا لشده شقوتى وعنائى
ابليس والدنيا ونفسى والهوى كيف الخلاص وكلهم اعدائى
تحياتى
علاء
السلام عليكم ورحمة الله وبركاته
لا اعتقد أن احدا قادر على أن يدلنا على اول الطريق الخاص بنا أكثر من انفسنا
نحن من نستكطيع تقيد قدراتنا ومعرفة موهبتنا
وعلى هذا الاساس نستطيع تحديد الهدف
ثم وضع الخطط التي توصلنا إلى غايتنا وبهذا نكون عرفنا اول طريق ومنتصفه وأخره غايتنا واضحه في اعيننا
تحياتي
ربما تبحثين عما أبحث عنه ، ولكن أى طريق تريدين ، أطريق الحب أم طريق الكراهية ، أطريق البحث عن السعادة أم طريق البحث عن الكآبة ، أطريق الحرية أم طريق الدكتاتورية، كلها طرق عزيزتى وكلنا يبحث عن بدايتها حتى يصل لنهايتها
مفتش وزارة التربية والتعليم ..
ليس شعر ولكنه زجل
عايش ولكن
بجد الله يخليك النفس والشيطان هم اللى بيضلونا
الف تحيه لك
جيهان علي
هذا حقا نحن الاقدر على معرفه اول الطريق نحن الاقدر على معرفه قدراتنا
وكل شئ
الف تحيه لكى اختى الكريمه
عاشق الكآبة بالفعل عن اى طريق نبحث سؤال يجب ان نسأله لأنفسنا سؤال جميل اصابنى بالحيرة بالفعل
عن اى طريق ابحث هناك طرق تفرض نفسها علينا كطريق الكأبه والكرهة
وهناك طرق تبتعد عنا كالحب والحريه
هل هناك طرق مفروضه علينا فى ظل ضياع الاحلام
لا أعلم
الف تحيه لك
ربنا يكرمك و يكرمنا علشان نوصل لاول الطريق على الرغم انى بعتقد ان اول الطريق ده صعب نوصله لكن مفيش حاجة مستحيلة
"تحياتى"
حلو اوى استخدام لفظ اول الطريق
بجد بوست تحفه ويااااااارب توصلى لاول الطريق
وتكون نهايته حلوه
إرسال تعليق