السبت، 12 يوليو 2008

واجب لابد منه


ييه هعمل الواجب أنا من زمان أوى وأنا عندى عقدة من عمل الواجب يابت روحى

أعملى الواجب


-أذكر اسم من طلب منك حل هذا الواجب؟


Heart Whispers
أذكر القوانين المتعلقة بالواجب ؟


والله ماأنا عارف


تحدث عن ستة أسرار قد لا يكتشفها من يقابلك للمرة الاولى ؟


ستة أسرار بحالهم كتير بجد
1- خجولة بس مفترية يعنى ممكن أبان هاديه بس لو حد داسلى على طرف ببقى

عطية المفترية
2- صعب أفهم الناس بسرعة ودة بيعرضنى للتصادم مع الناس بس الحمد لله تصادم

مثمر
3- ماعنديش أسرار كتير يعنى عاملة زى كتاب مفتوح يتقرا بسرعة


4- مابحبش اللى يستذكى عليا


5- بحب كتابة مذكراتى كلها بدون كذب لأن بحب بقدر الأمكان أكون صادقة مع

نفسى
6- مافيش أسرار تانى


أعطى الواجب لسته أشخاص ؟


إلى كل من يعرف ستة أسرار عن نفسه بس ياريت للى كانوا معانا البارحة فى اللقاء

دى مش تدبيسه


وأنتم أحراروألف شكر للناس العسل اللى شفتهم إمبارح

هناك 29 تعليقًا:

Empress appy يقول...

هههههههههههههىىىىى
هتستهبلى يا عطيه دى مش تدبيسه امال ايه دى مقلب حراميه ههههههههههه

انتى ايون عطيه المفتريه انا عارفه واقر واعترف من غير ضرب
قوليلى دلتى الكيل من عند اللى قدامك ولا لا هههههههههههههه يا مسخرة

غير معرف يقول...
أزال أحد مشرفي المدونة هذا التعليق.
رئـــــيسـة حزب الأحلام يقول...

شوفتى ياحلى ابى
عطيه عطيه انا عارفة كدة واقر واعترف مافيهاش حاجة والله دة مش مقلب واللى مش عايو يعمل الواجب انا بجد مش هزعل منه هو انا اقدر ازعل من القمرات دول دة يبقى ماعنديش دم
تحياتى لكى ياسكرة ومرسيه على التوصيلة

ليكوريكا يقول...

عطيه المفتريه مره واحده

همنسكهالك في الحمله الانتخابيه الجايه

همسك رئيس ماشي ؟ :)))

انا مبحبش احل واحبات ...

كفايه الكورس والمذاكره اللي ورايا ورايا في الاجازه

همس الاحباب يقول...

ههههههه
عطية المفترية حتة واحدة
وانا بقول عليكى خجولة وهادية
هههههه
ربنا يسعدك يا اختى ويوفقك دائما
تحياتى وتقديرى

زفته وقطران يقول...

عطيه المفتريه

هههههههههههههههههههههه
انا سعيده
اني دخلت النهارده
جدا

واتمني انك متزعليش اني احطك من حبايب قلب زفته وقطران
انت شايفه ان الواجب تدبيسه
انا وقطران محدش عبرنا باي واجب
يرضيكي كده
بس الحمد لله

زفته وقطران يقول...

ايه ده
ده بمبداء اطلب واتمني
ولا انت اختك صعبه عليكي



شكراااااااااااااااااااااااااااااااااااااااااااااااااااااا

ka2en Makboot يقول...

عطية مفترية وخجولة مستحية ههههههه
ازاي دي بقى ؟!

اتقى شر الحليم اذا غضب
اعتقد انتى من النوع ده

والحمد لله انا ماكنتش معاكم فى اللقاء :)

دمتى بكل حب وخير وسعادة

ســلام

Mafrousa يقول...

هههههههههههههههههه
انا ما كنتش معاكو
ولا اعرفكوا
عطية عطية مييييييين؟؟؟؟

الـجـدة فـصـيـحـة يقول...

السلام عليكم ورحمة الله وبركاته

من الصعب على الإسان ان يذكر أسرار شخصيته المستترة عن أعين الناس

أحييكِ على شجاعتك في المحاولة
ومشاركتنا اسرارك


دمتِ في رعاية الله

سبهللة يقول...

نائبك جه على شونة انا عملت الواجب دة من زمااااااان
من قبيليكى
بصى انا كتبت بوست عن يوم امبارح وانتى طالعة فى الصورة
اه يا سوهنة
بقى انتى عطية المفترية؟؟
ههههههههههه

رئـــــيسـة حزب الأحلام يقول...

ليكوريكا
خلاص هخليه اسم الشهرة عطيه المفتريه
وربنا يستر
تحياتى لك

رئـــــيسـة حزب الأحلام يقول...

همس الاحباب
ماحدش يخاف ياجماعة عطيه المفتريه دى مابتطلعش الا الشديد القوى
ارجو من السادة عدم الخوف المدونه غير ملغمه وعطيه مش موجودة دلوقت
الف تحيه لك

رئـــــيسـة حزب الأحلام يقول...

زفته وقطران
منى ليكى ولا يهمك انت تؤمرى بس
اللى عايو يخده بالهنا والشفا
الف تحيه لكى

رئـــــيسـة حزب الأحلام يقول...

زفته وقطران
لا شكر على واجب انت تؤمر ياقمر

رئـــــيسـة حزب الأحلام يقول...

Two in One
يجماعة ماتترعبوش كدة
دى بت غلبانه اوى
ربنا يحفظنا
تحياتى لكى

رئـــــيسـة حزب الأحلام يقول...

واحدة مفروسة
بقى كدة يامفروسه ولا تعرفوها دلوقت
الف تحيه لكى وسعيدة جدا برؤيتك
تحياتى

رئـــــيسـة حزب الأحلام يقول...

الـجـدة فـصـيـحـة
هى مستترة بشكل ربنا ينور لنا ونعرف عيوبنا
تحياتى لكى

رئـــــيسـة حزب الأحلام يقول...

سبهللة
ازيك ياسبهللة
ايه التغطيه الصحفيه الجامدة دى
بجد العالم هيضحك
هههههههههههههههههههههههههه
بس ماسبتيش حاجة كل حاجة قلتيها حتى الليفه دة افترى
تحياتى لكى

Cold air يقول...

رئيسة حزب الحلام

جميل اوي الكلام
بس حقيقي اللي شدني اللقاء اللي حصل بينكن
مع إن ده شئ عادي بالنسبة للرجالة محنا بوذنا في وش بعض كل يوم علي الكافيهات و الملاعب بنتكلم ونتنطط برده بس الفكرة جميلة و مشوقة و أكيد كانت مثمرة

سلام

WhItE HeArT يقول...

حلوه الست اسرار دول دول كده مش 6 اسرار دول 6 صفات في شخصية حضرتك
هههههههه

خلاص خلاص يمشو 6 اسرار انتي بتقولي اللي بيدوسلك على طرف مش عارف بيحصل له ايه


المهم انا هاخد منك البتاع ده مش فاكر اسمه ايه وهركنه مش اصحابو عندي وربونا يسهل بأه

تحياتي

me يقول...

و الله انا لبست الواجب دا كمان

جميل اللى كتباه و يدل على انك خدومة جدا و صبورة جدا لكن اتقى شر الحليم اذا غضب

سلامى

Unknown يقول...

هههههههه

دا أنتى حل الواجب بأمانه تاخدى عليها عشره

ايه الصراحه دى

دمتى بود

مصطفى

قوس قزح يقول...

ده انا عندى الواجب ده من شهر و بليدة علشان الستة اسرار دول

كتير اوووى

طيب كانوا خالوها سر واحد

يعنى اقولك عايزين بوست حلو تفكرنى بالواجب ؟؟

ماشى يا عطية

رئـــــيسـة حزب الأحلام يقول...

Cold air
بجد تقابل المدونات بجد حاجة تفرح
بس الواحد بجد بعد اللقاء بيبقى عايز يشوفهم تانى وتالت والف مرة
تحياتى

رئـــــيسـة حزب الأحلام يقول...

WhItE HeArT
هههههههههههههههه
ماتخافش اوى كدة اعمل الناس خافت
ماتخافوش عطيه مابتطلعش للمدونين
تحياتى لك

رئـــــيسـة حزب الأحلام يقول...

البت قباحة
انا فعلا ممكن اصبر وافضل صابرة لكن بيجى وقت وبنفجر
وربنا يحفظنا
تحياتى لكى

رئـــــيسـة حزب الأحلام يقول...

egyboy
أمال احنا بنهرج واجب يعنى واجب
ولازم يتحل بضمير
الف شكر

رئـــــيسـة حزب الأحلام يقول...

قوس قزح
عطيه يرحب بكم
والواحد قال يحل الواجب مابحبش اركن حاجة
وسعيدة برؤيتك ياقمر
الف تحيه