السبت، 5 يوليو 2008

حلم متجدد


تريد أن ترقص وهى ترتدى فستانها الأبيض المطرز بالألئ ترقص به تدور به


فتضوى الألئ وتعطى ألوان كثيرة


تحلم بيوم تكون فيه ملكة متوجة تلبس تاج وقد تزين وجهها بالأفراح ترقص مع من أختاره قلبها ترقص على كل النغمات تحلم بهذا اليوم الذي سوف يفصل بينها وبين


الوحدة هاهى تسمع نغمات لأغانى ترقص معه كل الرقصات رقصات من الفرح والحب


فى يوم سيكون الكل سعيد الكل يزغرد لها وتسمع زغاريدهم فتزداد فرحة ونشوة

بالحياة
تنظر الى عين حبيبها فتغرق فى أنهارها تشعر أنها تطير من السعادة


الكل سعيد بها وقد أكتحلت عينيها بالأمل فى غد مشرق بجوار الحبيب



وجهها الشاحب سابقا إعتلته حمرة الحياة أشرقت إبتسامتها بعدما فارقتها من قرون


تغمر السعادة قلبها تضحك لأول مرة لأيامها كأن الحياة تعلن أنها عادت إليها وأنها

ستحتضنها تنظر إلى عينيه تجد الأمل والسعادة دموعها غلبتها أخذت تبكى لا تعلم


لماذا تبكى غرقت فى دموعها هل هى تحلم حلم من أحلامها الورديه ؟


هل السعادة بالفعل طرقت أبوابها ولو بعض لحظات من عمرها ؟


فستانها الأبيض يظهرها كأنها وردة بيضاء نقية تدور به فى فرحة هذا الفستان التى

ظلت تحلم به وبجانبها قلب ينبض بالحب قلب سيكمل معها مشوار الحياة الثقيل


قلب يساندها يؤنس وحدتها وفراغها الأبدى


شعرت بالفرحة الغامرة كاد قلبها يتوقف من نبضات السعادة الغير معتادة وقعت على

الارض بفستانها


الأبيض هل ماتت من فرط السعادة


هل أستخسرت عليها دنيتها السعادة


وسقطتت مضرجه من فرحتها

هناك 54 تعليقًا:

الـجـدة فـصـيـحـة يقول...

السلام عليكم ورحمة الله وبركاته

حلم جميل نهايته حزينة
وقفت حياتها على حلم تتنماه
فعندما وصل لها انتهى به حياتها
وقد يكون هذا دليل على اننا احيانا نتمنى امنيات ونستعجل عليها رغم ان فيها هلاكنا في النهاية


دمتِ في رعاية الله

نعكشة يقول...

لية كدة بس
اية النهاية ابائسة دية
يا رئيسة حزب الاحلام
بيدك تغيير الاحلام
فغيريها
خلي كل الاحلام وردية

عندي نقد بسيط

المطرز بالألئ
فتضوى الألئ وتعطى ألوان كثيرة

اللأليء لا تعطي ألوانا كثيرة بل لوناً ابيضاً
ما يعطي ألوانا كثيرة هو الماس أو ال كريستالات

اعجبتني حقاً حقاً هذة القطعة

أكتحلت عينيها بالأمل
وجهها الشاحب سابقا إعتلته حمرة الحياة

والله الفرحة بتحلي البنات جداً

نصيحة بس لكل بنت في ليلة زفافها
بلاش تبهدلي نفسك ألوان تبوظي بيها مظهرك
والله اقسم بالله بشوف مناظر ما يعلم بيها إلا الله
لية يا حبيبتي
انتي جميلة من غير العك اللي انتي حاطاة فوق وشك دة
و فرحتك و حمرة خدودك من الخجل
و ضحكة عيونك من السعادة
و حمرة فمك من تدفق الدم في رأسك من قمة الحياة اللي حاساها
هتخليكي أحلي البنات
بلاش تخلي منظرك مش باينلوا ملامح

معلش خرجت عن الموضوع بس عجبتني كلمتك و فكرتني بدة
......

كلماتك حلوة
بس لية الحلم حزين

....

نقد بس

هل أستخسرت عليها دنيتها السعادة

الكلمة دية فيها رفض للقدر
انه القدر
ولا تعلمي اين الخير

..............

دمتي سالمة

سلامون عليكي

rovy يقول...

ليه احلامك يا ريسه بقت حزينه ..
يا رب الحقيقه تكون عكس الحلم كما يقال ..
اتمنى ان تحققى احلاما سعيده بأذن الله

تحياتى

rovy

كاميليا بهاء الدين يقول...

الحلم كان جميل اوى

خاصة أن حبيبها هو الفارس

اللى هياخدها ويطير

بس نهاية الحلم وقعتنا على صخرة الواقع

ربنا يحقق احلامك الجميلة
مع من يسعد قلبك يارب

على فكرة
انا بحبك اوى

كل الحب

Mafrousa يقول...

يااااه
حلم جميل ..قلبها ما استحملش الفرحه ولا ايهظ
ليه بعد الفرح دايما بيبقى فيه حزن
دايما
لاحل ولا قوة إلا بلله
ربنا يسعدك يارب

مدحت محمد يقول...

كل دى احلام

يارب تحققى كل احلامك ياسلوى

شهرزاد يقول...

سلووووووووى
لقد بدأت ألمح في البوستات
انتقالك إلى السرد والقصص
والوصف..
كلماتك رقيقة جدا.. والحلم جميل جدا
لولا أنه ارتطم بالواقع
وا أسفي.. ولكن هذا حال الدنيا
الفرح لا يكمل
تحياتي لقلمك الجميل

ليكوريكا يقول...

للاسف نهاية حزينه زي معظم النهايات

بس جايز الفرحه تقدر تاخد بايدها وتخلي قلبها يرجع يدق من جديد

يااااااارب فرحه :)

just me يقول...

هو اكيد ده حلم كلنا بنحلم بيه بجد
بس ليه الانسان دايما بيمزج فرحته بحزن؟؟؟؟؟
بجد انا مش عارفه هى ماتت من السعاده ولا الدنيا اتكترت عليها السعاده ولا ايه بالظبط

عصفور المدينة يقول...

بجد مش عارف ليه لما قريت التدوينة دي تذكرت آخر قصيدة كتبها أمل دنقل وهو في فراش الموت وهذا جزء منها

==============
في غرفة العمليات
كان نقاب الأطباء أبيض
لون المعاطف أبيض،
الملاءات،
قرص المنوم، أنبوبة المصل
كوب اللبن
كل هذا يشيع بقلبي الوهن
كل هذا البياض يذكرني بالكفن
فلماذا إذا مت؟
يأتي المعزّون متّشحين
بشارات لون الحداد
هل لأن السواد
هو لون النجاة من الموت

kochia يقول...

يابنتي هو الصيف جه عليكي بالكوابيس ولا ايه
ده حزب احلام
يعني حاجات جميلة بنحلم بيها ساعات ممكن منقدرش نحققها

انا كدة هنسحب لو فضل حزي الكوابيس
غيري اللون بقي دا الصيف يحب الالوان

تحياتي

إبن مصر يقول...

حلم ده ولا كابوس بجد بجد عيونى دمعت من كلامك ده
اه ارجوا المعذره التأخير لظروف خارجه عن ارادتى وهى العمل
تحياتى على البوست الجميل بس ياريت المره الجايه يكون ختامه مسك
اوك
تحياتى ليكى ولكل من بمدونتك يا ريسه

Unknown يقول...

ما اقسى نهاية السعادة
كثيرا ماتنتهى لحظات من اجمل لحظات العمر فى طرفة عين ولكن هل نستطيع ان نتعلم

تقبلى تحياتى

ليكوريكا يقول...

وانا نازل من بيتنا الصبح عديت علي مقر الحزب

يمكن الاقي حاجه جديده ولا حاجه

صيح لقيت كله نايم ... حتي ريسه حزبنا الموقر

لكن قعدت اقرا الموضوع تاني

واستغربت من الردود بتاعة الناس ومن ردي نفسه :)

ليه كل الناس بصت علي النهايه الحزينه

مع ان الفرحه واضحه وتشد العيون كلها

صحيح النهايه كانت حزينه بس كفايه ان الحكايه كلها امل وسعاده

في غيرها حياتهم كلها الم ونهايتهم برضو كلها امل

معلش انا محدش ياخد مني كلام قبل ماخد جرعة الشاي بتاعتي

سلامي لاعضاء حزبنا الموقر

ليكوريكا

محمد عبد الغفار يقول...

محدش بيموت من الفرحه ، ولو الجواز وعدمه ليسا نهايه العالم

هى خطوه مجرد خطوه

Empress appy يقول...

كل شئ وله ميعاده بس اللى يصبر ولازم تفضل تحلم بس متخليش احلامها تاخدها من الواقع علشان متتعبش

Unknown يقول...

السلام عليكم
ازيك يارب تكونى بخير من زمان وانا مجتيش اعتذر لك عن تأخرى

بس عايزة اعرف مالك ومال الحزن ام انه اصبح القاسم المشترك الاعظم لنا
حتى الحلم حزين
طيب امتى نذوق طعم الفرح طعم البسمة الغير مشوبة بالاه


يارب يسعدك
والبوست القادم يكون فرح
وسعادة


كل الود لك

Cold air يقول...

دي أول زيارة ليا بالمدونة
و مكدبش عليك استغربت اسمها
استرها يا رب
بس لما قرأت الموضوع أيقنت بالفعل و قلت استرها يا رب
و بالنسبة لكون الحلم (متجدد)
زي مبيقول عنوان البوست
فهي دي القسوة بالفعل قسوة تكرار الحلم المنتهي بكابوس

لكن برده لا للحزن
ما ضاقت إلا ما فرجت
و من تزوق مرارة الأحلام عرف حلاوة الواقع

و يا ريت متبقيش تتقلي في الأكل قبل النوم
ههههههههههههههههه
شكرا وتقبلي مروري

Unknown يقول...

رئيسة حزب الاحلام اسمحى لى


اذكرك وزوار مدونتك
بمحاولة صيام الاتنين ولخميس
كدعوة لاحياء السنة المحمدية
كل الود فى الله

WhItE HeArT يقول...

لييييييييييييييييه ليه ليه ليه يعني ؟

ايه النهايه دي

مش عارف المدونين مالهم مبيكملوش البوست فرايحي ابدا

مبلاش الحته الاخيره دي

يله ماعلينا

بوست حزين ولا تعليق اكتر من كده

تحياتي

فارس بلا جواد يقول...

السلام عليكم ورحمة الله وبركاته
دى اول زياره ليا
بجد مدونه روعه
وبوست جميل
بس حلم جميل ونهايته حزينه
تحياتى

دعوة للأمل يقول...

لية النهاية الحزينة كانت ممكن تفرح

رئـــــيسـة حزب الأحلام يقول...

الـجـدة فـصـيـحـة
قد ننتظر اشياء ونستعجلها ونكون نهايتنا
ربنا يوفق الجميع
الف تحيه لكى

رئـــــيسـة حزب الأحلام يقول...

نعكشة
ولا يهمك
بس النهايه الحزينه ماكنش بأيدى ممكن أكون من هواه خنق الافراح
وربنا يسترها معانا

رئـــــيسـة حزب الأحلام يقول...

rovy
يارب يحقق احلامنا وامالنا
ونبعد عن الاحزان
الف تحيه لكى

رئـــــيسـة حزب الأحلام يقول...

كاميليا
حبيبتى الغاليه
بجد انا اسفه انى صدمتكم بس مش عارفة النهايه طلعت منى كدة يمكن أكون بخاف من الفرح وبحب خنق الاحلام الجميلة
الف شكر لكى أختى الرائعه

رئـــــيسـة حزب الأحلام يقول...

واحدة مفروسة
بجد انا زعلانه من نفسى
ياريت ماكنت حطيت النهايه دى
الف شكر لكى يامفروسه

رئـــــيسـة حزب الأحلام يقول...

مدحت محمد
يارب امين
الف شكر لك

رئـــــيسـة حزب الأحلام يقول...

شهرزاد
نفس الفرح يكمل مرة ياشوشو
بس ربنا يسهل
الف تحيه لكى

رئـــــيسـة حزب الأحلام يقول...

ليكوريكا
ربنا يسعد الجميع ويرزق الجميع الحب والصدق
الف شكر لك

رئـــــيسـة حزب الأحلام يقول...

لست أدرى
انا بجد مش عارفه ليه بنربط بين الفرح والحزن يمكن لاننا بنحب نخنق افراحنا فى مهدها ام اننى لاننا نخاف من المستقبل
الف شكر

رئـــــيسـة حزب الأحلام يقول...

عصفور المدينة
دة شرف كبير ليا ان كلماتى المتواضعه دى تفكرك بحد زى امل دنقل
بجد الف شكر لك استاذى

رئـــــيسـة حزب الأحلام يقول...

kochia
اوعدك اغير اللون
بجد انا اسفه بس مش عارفه تيار الحزن واخدنى ورايح فين
الف شكر للتنبيه

رئـــــيسـة حزب الأحلام يقول...

Son of Egypt
لا بجد انا اسفه ان خليت حضرتك تتدمع النوبه الجايه هحاول ابعد عن الاحزان
الف شكر

رئـــــيسـة حزب الأحلام يقول...

هيثم الدهشان
ربنا يكفينا شر كسرة الفرح فى قلوبنا
يارب امين
تحياتى لك

رئـــــيسـة حزب الأحلام يقول...

ليكوريكا
انا لاحظت كدة رغم فعلا الحكايه كلها فرح وحلم جميل بس انا حاسه ان الناس اتصدمت لما يوصل الانسان لقمه السعادة النتظرة وفجأة كل حاجة تتبخر بجد احساس صعب وربنا يبعد عننا النهايات الحزينه
الف شكر لاهتمامك بجد اسعدنى

رئـــــيسـة حزب الأحلام يقول...

محمد عبد الغفار
هى بالفعل خطوة ولكن يظل الكثير منا ينتظرها على انها نهايه التعاسه وخاصه الوحدة وهى بدايه كأى بدايه فى حياتنا
الف شكر لحضرتك

رئـــــيسـة حزب الأحلام يقول...

appy
ادعيلها ربنا يهدى لها الحال
والف تحيه لكى اخت الامورة
تحياتى

كراكيب يقول...

لييييييه كداااااااه
ما انا كنت زي الفل وعمالة اقرا البوست وانا مبسوطة ومنشكحة وبقي واخد مساحتة على وشي ودخلت في الحلم الوردي الفظيع
ايه النهاية دي
ليه كدة دايقتيني وربنا :)
هو الواحد مايفضلش مبتسم كدة الا لما تيجي حاجة على دماغه تخليه يكشر تاني

شوفتي عملتي فيا ايه وخليتيني فأول مرة ازورك فيها ازعق واعي صوتي واصحي الناس النايمة

بس البوست حلو جدا اوي على فكرة

miro

رئـــــيسـة حزب الأحلام يقول...

نهر الحب
ربنا يسعدنا جميعا ويبعد عنا الاحزان
الف تحيه لكى

رئـــــيسـة حزب الأحلام يقول...

WhItE HeArT
مقدرة موقفك وبجد اعذرنى
والنوبه الجايه استنى نهايه سعيدة
الف تحيه لك

رئـــــيسـة حزب الأحلام يقول...

فارس بلا جواد
الله يخليك واتمنى دوام الزيارة
الف شكر

رئـــــيسـة حزب الأحلام يقول...

دعوة للأمل
ربنا يسعدها يلولو
تحياتىلكى

شهد الكلمات يقول...

ههههههههههههههههههههه
معلش مع ان الكلمات نهايتها حزينة بس ضحكتني عشان افتكرت فيلم فيلم ثقافي الاتنين اللي جالهم ازمة قلبية عشان اخيرا اتجوزه
كلمات بجد حلوة جدا و احساسها عالي و حسيت اني حاضرة فرح من وصفك الجميل
و قلبتي علينا المواجع
و ربنا يرزقنا بالزوج الصالح يا رب احنا و بنات المسلمين اجمعين

تحياتي

شهد الكلمات يقول...

إعلان هام

تم بحمد الله افتتاح فرعنا الجديد في المدونات مدونة حكاوي القهاوي
تعاطفك واحده مش كفاية أتبرع و لو بزيارة
تعالوا زورونا باي باي
http://hakawyelahawy.blogspot.com

موناليزا يقول...

وهذه هى الدنيا
اللهم ان نسالك من خير ماسالك به نبيك محمد صلى الله عليه وسلم ونعوذ بك من شر كل شئ سالك به نبيك محمد صلى الله عليه وسلم
دام قلمك رائعا

Unknown يقول...

اية حكاية حزب الاحلام دا؟؟ حزب جديد !!وفين مقرة بقى؟؟ واية شروط العضوية؟؟اتمنى الرد بس الحزب دا بناخد قرارتنا فية باليل !!علشان نكون نايمين ... اهنيكى على البلوج والحزب

رئـــــيسـة حزب الأحلام يقول...

شهد الكلمات
يارب أمين وربنا يرزقنا من يحمينا من شر اللئام
الف تحيه لكى وانا راحه اشوف المدونه

رئـــــيسـة حزب الأحلام يقول...

موناليزا
اللهم امين يارب العالمين ارزقنا الرضا والعفو واليقين
الف تحيه لكى

رئـــــيسـة حزب الأحلام يقول...

MEDUS
الله يخليك وجزاك الله خيرا والحزب منور بوجودك
الف تحيه

حبيبـــــــة القمـــــر يقول...

عجبني جدا البوست دا
لأن ناس كتير بتعيش حياتها في حلم كبير
والحلم دا بيكون غالبا سر تمسكهم بالحياه والامل اللي بيدفعهم للامام

ولكن بمجرد تحقيق الحلم بيصبح واقع وبالطبع الحلم اجمل بكتييييير من الواقع

اسلوبك جميل جدا
استمرى في سرد الاحلام
فما اجملها حتى وان كانت حزينه

رئـــــيسـة حزب الأحلام يقول...

كراكيب
اسفه بجد حبيبتى مش عارفة اقولك ايه
بجد انااسفة
واسفه انى زعلتك بالبوست الحزين دة
الف تحيه لكى

رئـــــيسـة حزب الأحلام يقول...

حبيبـــــــة القمــــر
بالفعل قد نتمسك بأحلام وقد تصبح مجرد اوهام ونتخيلها السعادة
الف تحيه لكى

darkskies يقول...

هذه السعادة التى تشعر بها فعلا موجودة فى الاحلام فقط
لا ادرى هل فعلا ممكن ان تشعر فتاه بهذه المشاعر يوم عرسها
يا ريت بس من غير ما قلبها يقف