الحب والسعادة

لان السعادة موطنها القلب وليس الجيب ولا عبرة فيها بأزدياد الامكانيات المادية السعادة تنبع من احساس الانسان بأنه ليس وحده وان الله معه وان العناية تحوطه والالهام والخير يسعفه وانه يقوم بكل واجباته كتاب الشيطان يحكم د . مصطفى محمود
==================================

لا فرق بين الحب والكراهية كلاهما نار كلاهما اهتمام وارتباط حار بين قلبين ولولا الاهتمام ماكان الدم يفور الاعصاب تتمزق والكراهية تكلف اكثر من الحب لانها احساس عكس حركة الاجساد ضد الجاذبية الارض تحتاج الى قوة اضافية من كتاب الحب والحياة لمصطفى محمود
منقول

فى السماء

اشياء هناك تنتظر فى السماء

لم اعد ارى سوى نجمات

ارى وردة تتفتح علها تتفتح

انها انا لعلها تذهب بعيد

هذة الكلمات تعبر عن شيء ما

اعذرونى فأنى كالعادة تائهة وانا لا زلت فى مكانى

علها تنتظر السماء ان تمطر عليها شئ

علها تنظر الى السماء

وتسمع فيروز تغنى تنظر الى السماء وتسمع صوت يأتى من السماء

تحب فيروز هى الوحيدة التى تستطيع تهدأها

قالب

حطوك فى قالب من جواه قالب وقعدوا يعملوا فيك مقالب

والناس المرصوصين راصنهم شمال ويمين

وبيقولوك هم الدول اللى موجودين

وفينك ياللى بتفهم فى القلوب

وفينك ياللى عايش ويا اللى عايشين

ولا بتخلصش المقالب

كل سنة وانتم طيبين

كل سنة وانتم طيبين وبعيد الاضحى مبسوطين

وفى أكل اللحمة شبعانين

وبعودة الايام

ربنا يوفقكم ويسعدكم ويحقق لكم كل امانيكم

ويارب اللى عنده حلم يتحقق يارب امين

رثاء على الامة العربية

نتفكك الى شراذم هنا وهناك

لنصبح سهلين الهضم

نتأكل ونتأكل لنصبح ورق ثائر

نزداد مع الايام كرها وتناحر

لا أحد يعلم من الذى تهاون فى حق اخيه

ونسينا كلمة تجمعنا ورسول يجمعنا وكتاب واعظ

الحقد افقدنا الوعى

الحقد مازال يجمعنا

ياأمه اصبحت مضحكة الامم

ياأمة ضعفت الى حد الوهن

ياكلمة ياكتاب يارسول امتكم تضيع بين الامم

احقاد دفينة

ان مايحدث الان شئ لا يصدقه عقل ان تتحول لعبة كرة قدم الى حرب ولكن قد يكون ضغينة مدفونة وحقد دفين اتيحت له الانفجار على يد لعبة كرة قدم واقف هنا على الاختيار السئ للعب مباراة كرة قدم فى السودان مع العلم ان استاد السودان غير مجهز لاستقبال مباراة فمن اختار السودان لنلعب فيها قد حملها فوق طاقتها بحق فوق طاقتها فهذة اصلا مباراه غير عادية بل كانت حرب عصابات ونحمد الله ان لم يتم هجوم الجماهير على الملعب اصلا لست من هواة كرة القدم ولكن من الان سأتابع لانى اكتشفت ان هذة اللعبة قد تكشف لنا وجوه كثيرة كشفت لنا وهم الوحدة العربية الذى ظللنا نتغنى به كثيرا كشفت لما عن الحقد الدفين من الذين اسميناهم اخوة كشفت لنا عن التفكك الذى وصلنا اليه نعم تفكك وسيأتى لنا مزيد من التفكك وهذا مايريده الاعداء المتربصين بنا فهنيئا لكم ايها الاعداء لن اتكلم كثيرا احببت فقط ان اتكلم عن شئ اريد ان افهمه اكثر

شهرزاد والقطة

عندما قالت شهرزاد انها انتهت عن الكلام المباح بعدما سمعت صوت الديك وانها قد ادركت الصباح تخيلت نفسها مكان
شهرزاد عندما ستحكى كل ليلة حكايه من حكايات شهرزاد لابد ان تحفظها كلها عن ظهر قلب حتى تكسب قلب شهريار ويؤجل ذبحها حتى تنتهى الحكايه هذة شهرزاد اما هى فليست شهرزاد وليس من سترتبط به شهريار ولكنه قد يكون
بعقليه شهريار قد يذبحها ان لم تكمل الحدوتة نظرت الى لوحة فى غرفتها بها ثلاث قطط كانت كل قطة تأخذ اسم من
اسماء اخواتها انها القطة الصغيرة التى تمسك بالكرة دائما ماكانوا يقولون لها ذلك انها القطة الصغيرة ولكنها الان اصبحت كبيرة اصبحت شهرزاد وليست قطة شهرزاد وليست كرة الصوف التى بجانب القطة ادركت انها شهرزاد وليست بسبس ثم توقفت عن النفكير على صوت والدها يناديها يريدها ان تحضر له كوبا من الشاى قامت بتحضيره على الفور وكانت تنظر الى القطة المعلقة فى غرفتها كانت تود ان تخرج الثلاث قطط من محبسهم داخل الصورة ارادت ان تخرج القطة الصغيرة التى بجانب الكرة الصوف ارادت ان تلعب معهم رغم خوفها من القطط امسكت باللوحة كسرت الزجاج والاطار اخرجت القطط ولكنها لا تتحرك لا تتنفس لقد خرجن من الصورة واللوحة حتى الكورة الصوف لا تتحرك ادركت انها قامت بافساد كل شئ انها افسدت اللوحة بفعلتها الشنعاء لابد ان والدها سيوبخها على فعلتها هذة ستعطيه كوبا من الحليب لعله يسامحها

جامعة القمامة

ارتدى حذاءه واخذ يجرى فى الشارع وكأنه يهرب من شئ ما اراد فى هذة اللحظة ان يمتطى حصان ابيض وينطلق به فى الشوارع
يحب ان يجرى كل يوم انها رياضته المفضلة يلبس ملبسه الرياضى وينطلق الى ابعد مكان فى هذا الكون
توقف فجأة عند منظر فتاة تجمع القمامة الملقاه فى الطرقات توقف عند ملبسها الاسود القذر الملىء بالتراب كان يريد ان يعرف حكايتها ولكنه لم يستطيع ان يوقفها كان يخشى ان تتهمه بلجنون ليس هى ولكن الاخرين دائما الاخرون

يقفون عقبة امام تحقيق الامال انه فاشل انه يلقى فشله على الاخرين ولكنه كثيرا مايتوقف عند جلبابها الاسود يصمت قليلا ويعاود الجرى يتذكر زميلته فى الجامعة التى كانت ترتدى الاسود دائما لماذا يربط بينها وبين هذة الزميلة لا يعلم ولكنه تذكرها تذكر عينيها الحزينتين تذكر ظهرها المقوس انها كانت دودة كتب
انه يريد ان يعرف حكاية جامعة القمامة واين تذهب بهذة القمامة ولكنه خبيث قد يكون معجب بها ولكنه ضحك واخذ يقهقة بصوت عالى
وفى اليوم التالى بعد ليلة مليئة بالتفكير فى الجلباب الاسود الملئ بالتراب نزل الى عمله وفى طريقه الى عمله وجد جامعة القمامة نظر الى عينيها وجدها هى عيني زميلته الدامعة توقف لحظة امامها وقال لها انتى فلانة قالت بصوت خائف لا لست انا اتركنى لحالى
ثم اخذت تجرى لم يستطيع ان يمنع دموعه على زميلة الجامعة ولكنه صمت ولكنه الان استطاع ان يكشف اللغز

شتات

نظرت الى السماء بعدما استلقت على الارض كانت تعد النجوم التى فى السماء تسمع انغام لم تسمعها بعد وجدت عينيها متعلقة بالسماء شعرت ان السماء تدور شعرت ان كل شيئ يدور حولها . ============================ امسكت بكتاب الحياة التى اعتادت ان تمسكه كل ليلة لتقرأ حكايات الليل والنهار الحكايات التى لا تنتهى =================================== تشتاق للتحرر من كل شيئ ولكنها ستتمسك بشيئ اما حذاءها او عقلها ايهما تختار ====================================== سوف يصمد امام المحن ولكنه سينهار امام هذا الكم الهائل من المحن والصعاب =================================== سوف يذهب ليستريح بعيدا عن هؤلاء

فى السماء

اشياء هناك تنتظر فى السماء

لم اعد ارى سوى نجمات

ارى وردة تتفتح علها تتفتح

انها انا لعلها تذهب بعيد

هذة الكلمات تعبر عن شيء ما

اعذرونى فأنى كالعادة تائهة وانا لا زلت فى مكانى

علها تنتظر السماء ان تمطر عليها شئ

علها تنظر الى السماء

وتسمع فيروز تغنى تنظر الى السماء وتسمع صوت يأتى من السماء

تحب فيروز هى الوحيدة التى تستطيع تهدأها

انسان ولا حيوان

ممكن فلسفتك توجعك ؟ ممكن دماغك توجعك من كتر اللى فيها من افكار واوجاع وضرب ورزع ممكن تحس انك موجوع والوجع دة فى دماغك فكرت تشيل دماغك اللى وجعاك وتمشى بجسمك بس حسيت انك مش انسان ؟ الانسان عقل وجسم وروح ونفس
فى يوم قرأت جملة خلتنى الف حولين نفسى اكترمانا دماغى لفة اصلا
ان الانسان قد يعيش كالحيوان طوال حياته ولا يستغل انسانيته
يعنى احنا ممكن نفكر بس بل اكيد ايه الحاجات اللى بنفضل وراها عشان نشبعها غذاء وتكاثر
لما قريت الجملة دى شعرت برغبة فى البكاء لاننا قد نعيش فى هذة الدنيا ولن نرتقى لمرتبة الانسانيه اى اننا سنموت مثل الحيوان الذى يذهب ادراج الرياح
ولكنى تساءلت ومالمطلوب اذن لكى اعيش انسانيتى ؟

فضفضة

عارفين الوسيه وجواز عتريس من فؤادة باطل واة يازمن وكل الكلام دة كل دة انا حاسة بيه لما تشتغل ومافيش تقدير غير حرقة اعصاب
ولما يخلوك تلف ومهما تلف مش هتوصل لحاجة
===================================================
اللى فوق دة مجرد فضفضة
==============================================
عايز احس انى انسان بيحترم

عايزمشاعرى ماتتهنش ولا ادميتى تتهزم

عايز احس ان وسط الغيوم فى شمس

ياولداه على المشاعر اللى راحت
من غير ماتحترم

ياولداه لما تكسر قلوب

ليه الناس بتاكل فى بعض

واللى يلاقى فرصة يضحك على اخوه

يضحك وماله يامحترم

معلش الكلام مش قد المقام

لكم شويه كلام فى قلب الواحد

يلا بقى يامحترم منك له

لك منى كل السلام

تحرر

تحررمن كل مخاوفه من المستقبل والحاضر والماضى تحرر من خوفه من المرض والستر وتحرر من كل المخاوف شعر انه يطير فى فضاء فسيح من الحرية لقد تحرر من كل شئ ينظر فقط للسماء ينظر اليها عندما تغضب ينظر اليها بعين

مملوءة بالدماء شعر بحرية غريبة تجتاح قلبه لقد تحرر من اوهامه وليته يستطيع التحرر من كل القيود التى فرضت عليه سيأكل بضع تمرات يم يتأمل فى الكون سينظر الى كل شئ سيمظر الى اسراب الطيور سينظر الى الشجر سيتأمل
الحيوانات ليته يستطيع التحرر من حسده اللعين الذى ظل لسنوات معتكفا فى محرابه هذا الحسد الذى كان يبحث عن
متطلباته فقط

عذرا

عذرا سأبحث عن سعادتى وسط الاشلاء

عذرا سأبحث عنها حتى الموت سأبحث عنها وانا على فراش الموت

وليكن مايكن وان كان فناء

لم اعد اطيق ليلة اخرى سوداء حالكة

لم اعد اطيق انفاس تتهدج كل مساء

لم اعد اطيق الصبر والاشواك

فرح وحزن

والفرح مالينا والعيون مليانة دموع فرح حزينة

والناس المبسوطة ويا الحزينة

وفى وسط الحزن والانبساط والشجر والورد الجميل

والناس كلهم بقوا مبسوطين حتى الحزانى من سنين

رسموا على وشوشهم بسمة حتى اللى سنانهم واقعة

ضحكوا وبانت سنتهم الواقعة ماهما ماهمهمش غير يخطفوا

من الدنيا حتة بسمة تملا حياتهم وا الحزن بقى كفايه عليه كدة

ماهو كان مصاحبهم من سنين

ويارب الناس كلهم دايما مبسوطين

نسألكم الدعاء لكل مريض بالشفاء

تتألم ولا يتوقف الالم لا تنفع المسكنات لتهدئة الالام الكل ينظر لها لا يستطيع احد ان يمد يد العون لها

ينظرون فقط لعينيها المليئة بالالم تنظر للسماء وتطلب الشفاء من المولى عز وجل تعلم ويعلم كل من حولها انه ابتلاء ولابد من الرضا

ولن يقبل المولى عز وجل الا الرضا يارب ارزقنا الرضا بقضاءك وقدرك اللهم اطيل لنا فى عمرها اننا مازلنا فى احتياج اليها

اننا مازلنا فى احتياج لدفئها

نسألكم الدعاء لها بالشفاء

وحشتونا يابشر

السلام عليكم

اخيرا وصلتلكم تانى بعد انقطاع دام ثلاثة اشهر شفت فيهم كل الوان الطيف ولله الحمد على كل شئ طبعا بس والله وحشتونى ووحشتنى المدونة والفضفضة على الملأ لعل

حد يسمع شكوانا بس الشكوى لغير الله مذلة بس فى حاجات الواحد مش عارف يسكت عنها ولازم يتكلم ويقول والصراحة انا جايلكم

معبية حاجات كتير وجوايا كذا سؤال

هو ليه الحكومة بتفنن فى تصعيب الحياة على الناس والناس اصلا مش ناقصة مرة جددوا البطاقة عشان يلموا فلوس من الشعب لا الكحيان المرضان

ليه الروتين

ليه الحياة كل مدى بتبقى اصعب

ليه الحكومة مخليه الشباب بيلف حولين نفسه من غير مايوصل

ليه الحكومة بتشغلنا وكأننا حمير فى ساقية

بجد جوايا مليون سؤال عايز اجابات شافية ووافيه

يلا بقى السلام عليكم

ابسطها يارب

اللهم فرج كروبنا

اللهم اهدينا للخير

يارب ابسطها علينا يارب

ياااااااااااااااااااااااااااااااااااااااااااااااااااااااااااارب

ياكريم

معنى

الحب
مشاعر محتاجها فى حياتك
اكسير الحياة
طوق النجاة
كلمة تطبطب عليك وانت فى عز الازمة
دنيا جوا دنيا
ارواح بتتشابك
دموع
معنى للوجود
حمامة السلام اللى بتيجى عشان توقف الحرب اللى جواك

واحد تاج وصلحه

جائنى التاج التالى من الاخت الغالية بنت ابيها

من انت ؟
انا واحدة عادية عايشة على الاحلام ونفسى تتحقق
وما الذى تفعله هنا؟
بكتب احلامى وخواطرى
إسرائيل تقصف كل جنوب ممكن بحثا عنك ، أى شمال ستقصد؟
مش فاهمة السؤال
أنت مكلف بحذف حرف من حروف اللغة العربية .. أيها ستختار ولماذا ؟
وانا مين عشان احذف حرف واحد من اللغة العربيه دة لا عاش ولا كان اللى يحذف منها حاجة
لو بالمناسبة.. منذ متى اكتشفت نفسك؟
اكتشفت نفسى لما فتحت المدونة بس حاسه ان فى لسه حاجات عاوزة تكتشف جارى البحث عنها
قدر لك أن تدخل السجن فما هي القضية التي تتمنى ان تدخل بها إليه؟
فال الله ولا فالك ربنا يبعدنا
على مفترق طريق لافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟هروح للاحلام
نحن لا نعيش حياتنا بل نتعلم فيها كيف نعيش ما تعليقك؟
اكيد بنتعلم ويموت المعلم ولا يتعلم قالتهالى واحدة وانا كنت بدرس فى محو الاميه اصل كنت عاملة فصل محو امية
بجملة واحدة فقط أكتب تعريفاً لكل كلمة من الكلمات التالية:
الوطن يارب يكون احسن ويضم اولاده اكتر
الأم

حنيه
الليل

احلام
الحب

الحنان اللى فى الدنيا
أمريكا

يارب اوباما يطلع ابن حلال
االصمت

تفكير
المرأة

حب وحنيه
الانترنت

حياة ممكن تبقى حلوة لو استعملناها صح
اختر منصب واتخذ قرارا ؟
بصى ماليش فى المناصب دى الصراحة
قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟
يمكن مكسوفين بس ممكن كانوا بيقولوا مش بعيد
إلى أين تمضي كلمات الحب .. بعد أن نقولها؟
لما تكون صادقة بتكون احلى حاجة فى حياتنا لو مش صادقة تبقى بالجذمة
هل تجد علاقة بشكل أو بآخر بين المرأة وقطاع الطرق ؟
هم اللى عايزين يبقوا على علاقة بيها بس لو هى اعطتهم الفرصة
هذا فراق بيني وبينك .. متى ولمن تقولها ؟
للناس الغدارة اللى بتكدب وتنم
كيف هو غداً ؟
يااااااااااااااااااااااااااااااارب يكون احسن من النهاردة
يارب

اهدى التاج لكل اللى عايز يجاوبه

مجلة ميكانوا هتلاقى نفسك معانا

http://www.mikanoo.com/

دة لينك مجلة ميكانو اللى ان شاء الله تعمل جو جديد داخل العالم الالكترونى ونفسى المجلة تقدر تجمع كل المواهب الشابه اللى ظهرت من خلال التدوين ووتقدر كمان تعرض لنا مواهب جديدة

واتمنى من الله التوفيق للمجلة والقائمين عليها

وياريت كلكم تنتظروها معانا وكلنا امل فى انها تقدر تلم شمل مواهب كتير عايزة تقدم حاجة

تمنياتى بالتوفيق للجميع

المجتمع

لن يرتاح المجتمع حتى وانت فى قبرك لن تستطيع ارضاء الجميع الكل ينظر اليك من اتجاه معين
هل المجتمع هو الدين لا انه لا يحكم حسب الدين

المجتمع هو التقاليد ايه تقاليد يمشى عليها المجتع هل المجتمع هو القانون ايه قوانين

يمشى بها قانون الغابة والبقاء للاقوى ايه مجتمع هذا لست هنا لسب وقذف المجتمع

لست هنا سوى لنقد المجتمع الذى دائما مايلوك ويسب ويلعن فى افراده الذين هم فى الاصل ضحايا المجتمع اصلا

ماهى المعايير التى يحكم بها المجتمع على افراده ؟ معايير دينيه واخلاقيه

وكيف اتعامل مع المجتمع الذى يغلب على افراده الشر وقلة الادب اصلا وكيف يكون لهذة الافة التأثير على راى المجتمع فى احد الافراد ولما يظلم المجتمع المطلقات والعوانس

لماذا يحكم عليهم احكام قاسيه لماذا يجعلهم دائما تحت طائلة الشبهات فكم من عانس

ومطلقة ليس لهم ايدى فيما هم فيه وكان المجتمع هو السبب فيما هم فيه فلماذا لم

يتكاتف المجتمع الهمام فى تزويج بناته؟ ولماذا لم يجتمع فى تسهيل العيش؟ لماذا يستسهل المجتمع الكلام والنميمة دون الحل الجذرى للمشكلة؟ وان كان المجتمع عاجز عن الحل

فليصمت وليترك ضحاياه
انى هنا لست داعيه لخرس المجتمع ولكن ادعو المجتمع ان يكون اكثر فاعليه لحل

مشاكل المجتمع دون الخوض فى اعراض الناس والتدخل فى حياة الاخرين ادعو

المجتمع ان يفعل ولا يتكلم ادعو المجتمع الا يمصمص شفاه على اناس ليسوا الا ضحايا

مجتمع لا يجد مايفعلة سوى قتل الضعفاء منهم ودهسه تحت السنتهم دون محاولة

جادة من المجتمع للحل الجذرى لمشاكله وهذا الشخص الذى يعانى الضعف داخل المجتمع دائما مايكون المرأة

انى هنا اضع المجتمع ومفاهيمه فى قفص الاتهام انى هنا لااقول كفاك يامجتمع دهسا فى الضعفاء أليسوا هؤلاء جزء منك وبدهسك اياهم فأنت تدهس ذيلك دون ان تدرى وسيأتى اليوم التى ستدهس فيه رأسك وينتهى المجتمع وهو من انهى دوره بنفسه نعم المجتمع سينهى دوره بنفسه سيصبح مجرد جثة هامدة لانه لم يساعد افراده بل دهسهم اكثر
واستلذ بضعفهم

البقاء لله

البقاء لله

لايسعنا الا ان نقول البقاء لله

أين الامان ؟

كل ماافتح التليقزيون الاقى القنوات الفضائية اتحولت لجريدة حوادث بالصوت والصورة هى فعلا حوادث بشعة وفعلا هم لازم ينبهونا ان مابقاش فيه امان بس كمية الاحساس اللى بتنتابنا بعد مشاهدة هذة الجرائم كفيلة بضياع الاحساس بالامان والاسوأ ان اغلب الجرائم داخل الاسرة المصرية يعنى الامان منعدم داخل الاسرة كمان وانا لست اخصائية اجتماعية ولكنى سأتكلم عن انطباعى الشخصى على هذة الجرائم اولا هتكلم موضوع التكلم عن الجريمة بكل تفاصيلها وخاصة لما صوروا واحد دبح واحد فى الشارع والناس واقفة تتفرج وكأنها بتتفرج على اى شئ اخر غير انسان وروح بتدبح بجد المشهد دة بشع جدا واحد بيدبح فى عز الضهر فى احدى شوارع اسكندرية والناس واقفة تتفرج والقاتل ماسك السكينة وسط الناس حاجة الصراحة بشعة خلانى اسأل هى للدرجة دى ماعدتش فى امان للدرجة دى بقت الروح رخيصة كدة للدرجة دى بقى القتل حاجة سهلة وغير طبعا حوادث الاغتصاب بجد ياريت الامان يرجع للشارع والاسرة المصرية

اللى بيحدث دة نتيجة ايه ؟ هو اكيد نتيجة لحاجات كتيرة متراكمة حاجات كتير غلط عايزة تتصلح

عشوائية" ثقافة غريبةعلينا "بطالة" تأخر سن الزواج "تربية وتعليم" اعلام

وحاجة نفسى اقلها ياريت والاعلام بيعرض الحوادث دى ياريت يقولنا الحلول هتكون ايه ؟

يعنى مش مجرد انهم يزودوا عدم احساسنا بالامان اللى مش موجود اصلا

فتاة ليل وزير

لم يكن يعلم انه قد اصبح مثل زير للنساء هكذا قالت له احدى فتيات الليل التى كانت

تقضى معه البارحة انتفضت وقالت انت زير نساء رد عليها بعنف هو انتى فكرانى

هتجوزك ولا ايه يابت لم تستطيع ان تتمالك نفسها من الضحك ظلت تضحك كالبلهاء ثم

كمل الحوار معها انا زير نساء امال انتى ايه ثم اخذ يبصق على الارض بعنف رهيب

وكأنه يريد اخراج مافى معدته كان مشهد مروع من البصق والضحك بشكل هستيرى

مرعب كان مشهد يستحق لكاميرا مصور لتلتقطه ولكنه كان لايستحق فقد حفظ كلاهما

المشهد وسيظل عالقا داخلهما الى اخر العمر ثم ترك الشاب المكان وتركها تضحك فى

هستريا توقف كل شئ حتى دماغه عن التفكير وتوقفت هى عن الضحك كل شئ متوقف

وسكون الليل ساعد على هذا التوقف كان يريد ان ينتهى هى وهو نهاية مأساوية كان

يريد ان يحترق او يغرقا سويا فى المغطس كان يريد ان تنشق الارض وتبتلعه لكنها لم

تفعل هى فتاة الليل وهو زير النساء الذى لايغفل ولا ينام الا ومعه فريسة جديدة كل ليلة

هذا هذة اخلاق زير النساء كما لقبته هذة الماجنة العربيدة التى القتها الاقدار تحت قدميه

هذة الليلة السوداء مظر يمينا ويسارا وجد محل خمور اشترى احدى عشر زجاجة خمر

تناولهم فى عرض الطريق كسر الزجاجات اخذ يتعدى بها على كل من يمر فى الشارع

احذ المارة يصرخون وكان اغلبهم ذاهبين لصلاة الفجر لم يستطيع احد ايقافه عند حده

ولكنهم ملو منه تجمع المصلين حوله اخذوا يرجمونه بالطوب وكأنهم يرجمون الشيطان اما فتاته فقد ماتت مخنوقة فى غرفتها ولم يعرفوا من القاتل

مجلة ميكانو

انتظروا مجلة ميكانو

ويارب يالتوفيق

للجميع

انضمو لجروب المجلة على الفيس بوك

http://www.facebook.com/group.php?gid=81348759766#/group.php?gid=81348759766

شويه كلام قلت اكتبهم قبل ماأنام

• 
  
  لما الافعى تقولك ياحيه بيقى انت كدة عرفت تخوف الافعى وابسط ياعم هيبقالك


• 
  
  هيبة قريب
  لما تكون وسط الديابة اللى عملين غلابة وعارف تعيش ابسط ياعم انك عارف تعيش
  لما دموعك تبعد عنك لانك اتعودت على ايه ولا على ايه
  لما تحس ان عضمك نشف اوى وماعدتش طرى ابسط الدنيا علمتك حاجة
  لما تحترم نفسك اكيد الناس راح تحترمك
  لما تقول ياباسط هتلاقيها هاصت دة منقول للامانة العلمية
  لما تدور على فرصة تصارح نفسك باللى انت فيه ابقى قولى لو سمحت
  ودمتم

كلمتين لازم يتقالوا

عارف لما تلاقى الحق والصح بينتصر فى النهايه ؟

بتحس بسعادة وتقول اة وطالعة من قلبك ان ربنا نصرك لانك ثبت فى عز مالناس كلها بتقولك غير مبادئك مش هتقدر تحمى نفسك وانت صاحب مبادئ ياعم سيبك لكن تذهل

لما تلاقى ان مبادئك دى هى اللى وقفت جنبك فى الاخر والناس فى الاخر عارفة

الوحش من ابن الناس

ياترى الكلام دة حد حس بيه قبل كدة ولا لسه الشر هو اللى بينتصر وواخد الرايه لو

لسه واخد الرايه ولا يهمك بكرة الخير هو اللى هينتصر وكفايه احساسك بانك صح

كفايه انك لما هتيجى تتكلم هتتكلم على حق وخلى اللى بيكلم بكذب بكرة كل الناس

هتجيبوا من قفاه وتخليه يقر ويعترف بكل كدبه وساعتها هتلاقى دموع الندم مليه

عنيه وساعتها بس مش هيصعب عليك ابشروا الحق هيبان فى يوم

يريدونها بلهاء

لعنة الله على من يدعون الفهم هكذا بدأ حسام يومه عندما استيقظ وجد زوجته امامه لا يعلم لماذا قال لها هذة الجملة قد يكون لحبه لتوبيخها فهذة هوايته المفضله ان يشعرها انها لا تفهم شيئا يحب دائما ان يكون هو الفاهم الواعى اما هى فلابد ان تكون جاهلة لا تفهم شئ هو اختارها لتكون هى اقل منه فى كل شئ حتى فى الطول كل شئ اقل منه هو اعتاد على ذلك المرأة لابد ان تكون اقل من الرجل لقد عرض عليه الزواج من امرأة واعية ومثقفة ولكنه رفض ان يذهب حتى لمنزلها رفض تماما وفى خطوبتة الاولى قد لعب دور الكوتشينة مع خطيبته ففازت ولكن كيف لها ان تفوز عليه على سيدها وبالفعل قام على الفور بفسخ خطبته منها سيذهب الى امرأة لا تتفوق عليه فى اى شئ سيذهب الى امرأة ينعتها بالغباء والسذاجة وتصمت سيبحث عن امرأة تدعى الجهل والغباء وان كانوا ليسوا من صفاتها الى ان هداة الله الى هذة الزوجة التى اظهرت الغباء مايكفى والسذاجة وقلة الحيلة ولكنها كانت اذكى منه هى كانت تعلم بمطلبه كانت تعلم انه يحب ان يكون الاقوى هو الاسد ملك الغابه وكل من حوله رعايا
هكذا هو حسام وهكذا كثير من الرجال يريدون المرأة التى تتمتع بالبلاهة ام الواعيه والمدركة فمن الصعب ان تجد زوجا لها لماذا اذن نعلم بناتنا ونثقفهم ان كان الرجال يريدونها جاهلة غير واعيه ====================================================

كلام نمل صحيح

كانت تتابع النملة شاديه وهى تدخل جحرها كل يوم تحقد هى على النملة لا تعلم لما ولكنها عندما تنظر لحياة النمل تشعر بالراحة والخطر على حياتها فهو يقوم بعمله بنظام اى انه مع الايام قد يستولى على الشقة ويعيش هو وعشيرته فيها مع كل هذا النظام اما هى فلا تتمتع بأى شئ من هذا النظام لا تفعل شئ سوى متابعة النملة شاديه الشغالة فى هذا المجتمع النظامى كم جميلة شاديه
شعرها جميل اوى وبتحب وضع مكياج وهى فى الشغل ومنظمة اوى ومابتمشيش لوحدها دايما تلاقيها ماشية كدة ووراها عزوة
ارادت يوما ان تتناقش مع الاخت شادية هذة اتت ببرطمان زجاج ووضعت فى شادية وحبستها فيه وقعدت تبصلها وشاديه تبصلها وكانت شاديه عينيها مليانة دموع عشان هى محبوسه انا بقى بصيت لها وسألتها وكأنى محقق بيحقق مع شاديه
وسألتها ايه اللى انتى عايزاه من البيت دة ردت والدموع مازالت عالقة فى عينيها هو احنا مضيقينك فى حاجة
استغربت كميه الدموع التى تحملها هذة النملة الحساسه الصراحة صعبت اصل عينها مؤثرة اوى تنفع تمثل فى فيلم دموع النمل
بس فى سؤال هو النمل عنده وقت ولا مقدرة للدموع .؟
حبه كدة وفتحت غطا البرطمان عشان يدخل اكسجين عشان الاخت الشاديه ماتموتش منى قبل مااكمل التحقيق وقفلته تانى وسألتها امتى بقى هترحلو وهتخلصوا اعمال البناء دى ردت فى خجل نملاوى "والله ماعرفش ممكن نفضل موجودين على طول
قولت لها مانتوا لو مامشتوش هستعمل معاكم القوة وانا النهاردة بحذرك بس انا بينى وبينك عشرة عمر ياشاديه وعيش وسكر ولا نستيه ردت الاخت شاديه ودموع الاسى فى عينيها وكانت تتذكر كل قطعة سكر وكل كسرة خبز اكلتها فى هذا المنزل العتيق
لا احنا عارفين انتى بيتك بيت كرم واخلاق
قلت طيب امتى هتودعونا ؟
بكت النملة بحرقة طيب اطلقى سراحى وانا اوعدك انك مش هتشوفى نملة فى البيت طبعا انا ضعفت امام دموعها ومااقدرتش واطلقت سراحها ولكنها للاسف لم تنفذ وعدها كلام نمل صحيح

صرخة وحمد

تعمل ايه لو كل اسبوع واحد بيخططلك فى مصيبه ؟تعمل ايه لو حد بيتمنالك الاذى

وفاكر انك بتاخد رزقه وحاطط فى دماغه انه لو زاحك من ادامه هياخد حقه بجد انا

خلاص طقييت ليه كدة تبقى فى شغلك وواحدة لا بتهمد ولا يهد لها بال الا وعملالك

مصيبة او كارثة ليه ؟

وتحاول تعاملها بسلامة نيه وهى سوء النية ماليها وكل ماخلاص تهدا من ناحيتها

تشتغل تانى دى بنى ادمة دى ولا ايه نفسى اعرف بجد

والله بجد انا وصلت مرحلة خلاص واخر تخطيط ليها لولا ستر ربنا وخلى الناس

تشوفها وهى بتخطط المصيبة هى نفسها قومت امة لا اله الا الله عليها

بجد نفسى اعرف انسان بالنوعيه دى دينه ايه طب اتربى ازاى ؟ دة يابشر كل اسبوع

تخطيط جديد مابتزهقش ودماغها دى مابتقفش عن التفكير فى الشر للغير عارفه

اننا كلنا مش ملايكة بس اكيد مش شياطين للدرجة دى

ياترى النوعية دى من البشر عايزة توصل لايه ؟

انا بجد حاسة بالقرف اوى اوى ونفسى اصرخ عشان كدة قلت اصرخ هنا يلا حسبى الله ونعم الوكيل

وبجد انا بحمد ربنا لانه وقف جنبى وحسيت انى صح عشان البنى ادمة دى كل تخطيطة ليها ربنا سبحانه وتعالى ياااااااااااااااه الحمد لله يارب خليك معايا على طول يارب

المقشة المسحورة

اعتذر للجميع عن غيابى وعدم المتابعة وذلك لانقطاع النت

تحياتى للجميع

--------------------------------------------------

كشرت عن انيابها ظهرت سنتها المكسورة رأها الاخرين كالساحرة الشريرة التى تملك

المقشة الطائرة ضحكت لتقول انى لم اعد كما كنت انى لست الا امرأة مكسورة ضحكت

ظهرت التجاعيد التى حول عينيها تجاعيد رهيبة انها تجاعيد الحياة كل تجعيدة من هذة

التجاعيد تقول شئ كل بثرة فى وجهها ارهاق نفسى وعصبى تعرضت له قهقهت ثانيه

مسكت مقشتها المسحورة وقفت فى غرفتها لا تستطيع الطيران داخل غرفتها قهقهت

ثانيه وتملكها احساس رهيب بما وصلت اليه من حال هكذا اصبحت بعدما منعوها من

احلامها هكذا اصبحت بعدما منعوها عن الكلام هكذا اصبحت بعدما اعطوها مقشة ليست

مسحورة ولكنها مقشة لتنظف بها الارض لتجمع كل القمامة من كل مكان ولكنهم لم

يعطوها المقشة المسحورة ان وجدت هذة المقشة ستطير بها بعيدا ستحلق بها فى اعلى

مكان فى السماء ستصل الى اعلى نجمة فى السماء وتبتسم ابتسامة تظهر سنتها المكسورة ستخاف النجمة من سنتها المكسورة ولكنها ستداعبها وستهدأ من روعها

وستبين لها سبب رحيل سنتها عنها ستقول لها انها دعت لسنتها الحريه الرحيل عنها واصبحت هى ذات السنة المكسورة ضحكتها مكسورة فلم تعد تستطيع الابتسام او حتى الكلام وبعد كل هذا يحرمونها من احلامها يريدون وأد حريتها
ستذهب فى الصباح لتشترى مقشة جديدة علها تكون سحريه وتطير بها هنا وهناك

فى وسط الزحمة

وفى عز الناس ماهى محتاجة لشويه صدق

وفى عز الناس الغلبانة والعيش والملح

وفى عز الضهر ووسط الزحمة

هتظهر يوم كلمة رحمة

هى موجودة بس بننساها وسط الزحمة

وفى وسط اللغبطة والناس اللى متشعبطة

هتلاقى قلوب لسه بتحب وبتقول يارب

يارب ارحمنا ونلاقى الرحمة

وفى عز الحر والناس بتشر وواحد وقف فى وسط الناس

وقال يارحمة اكتى تنزلى علينا وسط الزحمة

وفى عز دة كله والناس اللى شايلة الهم

بيت حلوة رايقة وكأنها نسمه صيف معديه

الكل رشق عينه على البت على البت الحلوة

وقالوا ياعينى على الرحمة

مجلة على صوتك

ارجو من الجميع قراءة مجلة على صوتك لقراءة موضوعاتى هناك

ودة لينك المجلة http://www.3allisotak.net/ روحو ياجماعة وقولوا

رأيكم

لي موضوعين حريتى فى الحلم

وشوارع غير صالحة للسير الأدمى

وتحياتى للجميع

خطوات الشيطان

هيا بنا خطوة خطوة أتبعوا خطواتى هكذا يدعوا الشيطان أولياءه من بنى البشر كل

خطوة ولو بسيطة من خطواته ستأخذنا إلى الخطوة التى بعدها دون تردد .

لقد أتبع كل خطوة من خطوات الشيطان فقال له انظر فنظر ثم توالت بقيه

الخطوات إلى أن وصل الى النهايه بعدما فعل فعلته الشنعاء شعر بوخذة فى الضمير

أن ضميره يؤنبه أو بمعنى أصح يوبخه لم يكن يعلم أن لديه ضمير يخشى الله .

ياله من شيطان رجيم كل خطوة توصل للخطوة التالية بسهولة ويسر دون تعب

ولكن لابد أن هناك عيب فى نفسه

فكيف لنفسه أن تتبع كل هذة الخطوات التى زينها لها الشيطان

دون أن تقف أو تفكر ماهى مقدمه عليه لابد أن نفسه خربه أيضا

فكل خطوة من خطوات الشيطان تعرض النفس لخسارة شئ من أشياءها مبدأ أو قيمه

لابد أن نفسه مخدرة لتتبع كل هذة الخطوات دون التوقف

وجد نفسه أمام سؤالين

نفس أم شيطان أم الأثنين معا هو المسئول ؟

ولماذا الأثنين معا مسلطين علينا ؟

من الممكن تقويم النفس أما الشيطان فهو بالطبع لا يمكن تقويمه فهو مسلط علينا

أعلم أن هناك نفوس أبشع من الشيطان فى شرورها وجبروتها وتدعو صاحبها إلى

فعل كل شئ دون خوف وهى النفس الأمارة بالسوء ياله من تفكير كل هذة الأشياء مسلطة علينا
رحماك ربى

المدونة اتسرقت

المدونة اتسرقت والبوست اللى فات دة فيرس دة كمان نزل بوست افيدونى افادكم الله

ياجماعة خلو بالكم

انا اسفة جدا انا بجد مضايقة جدا خلوا بالكم

جزاكم الله خيرا

اللى حصل امبارح جايه افتح المدونة الاقى بوست نازل

ومش انا اللى منزلاه

المهم عملت له دليت

انا دلوقتى مش عارفة تطور الفيرس دة ايه هل هيلغى المدونة

ولا ايه اللى هيحصل

انا دلوقت عايزة اغير الباس وورد

بتاع الايميل والمدونة

بس للاسف مش عارفة ازاى

والف شكر لكل الناس اللى سألوا

تحياتى للجميع

خوف وحريه

تنزل درجات السلم درجة درجة تشعر بهذا دائما عندما تنزل السلم وتشعر بالعكس عندما

تصعده تشعر بأنها نجمة تصعد سلم المجد ولهذا كانت دائما تحب صعود السلم

امسكت نظارتها الزجاجيه واخذت تمسح بخار الماء العالق عليها بكم ثوبها

تنزل هى دائما من منزلها كل صباح لتذهب الى عملها تشعر بانها تريد ان ترقص

اليوم تتملكها رغبة قويه للرقص او الوثوب فى الشوارع حافيه انها تشعر بالتحرر من مخاوفها شعرت انها تحررت من مخاوفها من الخوف من المستقبل فهذا الخوف

الرئيسى شعرت انها تتحرر من كل شئ ولكنها نظرت حولها لم تجد المكان المناسب

لتحررها هذا شعرت بتحرر فى الافكار وتحرر فى الحركة شعرت انها تريد ان تجرى فى الشوارع تعلن انها تحررت من الخوف انها اصبحت تملك زمام امورها

من هذا اليوم لن تستسلم لمشاعر الخوف لن تسمح لقلبها ان يرتجف خوفا ستجعله

يرتعش فقط من الحب ستترك الامور تسير كما تشاء ستصنع وقفة مع نفسها ضد

الخوف والقلق من المستقبل كفاها خوف ماذا افادها عير اعتلال الصحة واصابتها

بالامراض من اليوم ستدع لقلبها الفرصة بعيدا عن مشاعر الخوف التى كانت تتملكها منذ

مولدها فمنذ ان ولدت وهى خائفة عندما كانت طالبة كانت تخاف وعندما اصبحت

تعمل مازالت تخاف كانت دائما ماتتملكها مشاعر الخوف لن تخاف بعد اليوم لن

تخاف شئ من هذا اليوم فقط ستتحرر من كل مخاوفها ستجعل كل شئ داخلها يتحرر كل

شئ داخلها سيعلن العصيان على الخوف الخوف من المستقبل كم هى غبية فان

حريتها بيديها ولكنها لم تستغلها يوما لم تشعر يوما بالحريه مع انها حرة ليس هناك

من يقيد حريتها سوى نفسها التى داخلها سوى قلبها الذى ينبض داخلها هى الان حرة تحررت من عقلها وخوفها من اى شئ اخاف ليس هناك ماأخاف سوى الله لما الخوف

اذن من الغيبيات لما الخوف من المستقبل وهو بيد الخالق فالنتحرر من مخاوفنا

وننطلق فى الطريق الذى رسمه لنا الرحمن
صحت من تفكيرها ووجدت نفسها فى انتظار الاتوبيس لتركبه لتذهب الى عملها نطت فى الاتوبيس كما هو زحمة هذة الزحمة تشعرها بوأد حريتها المنطلقة

البكاء على الاطلال

عندما قالوا لى ابكى على الاطلال

لم استطيع البكاء فلم يعد هناك وقت للبكاء

فلم اعتاد البكاء على اللبن المسكوب

فللبن المسكوب لايعود ثانيه للاناء

لن ابكى على ايام مرت لن ابكى على شئ فات

دعونى الان فلم يعد هناك وقت للبكاء

فالبكاء اصبح حيلة الضعفاء

لن ابكى ولكنى فقط سأصرخ

فالبكاء ليس من شيمة الغرباء

فالغرباء لا يبكون بل يصرخون نعم يصرخون

ولكن لايصرخون على الاطلال ولكن يصرخون من الغربه

لن ابكى على الاطلال فيكفينى ما بكيت

يكفينى سنوات البكاء على اشياء ليس لها معنى

لن ابكيك ثانيه ايتها الاطلال فقط سأضحك عليك فقط سأغنى على الاطلال

كلمات

ضائعة انا وسط الاحرف والكلمات

كلمات تأخذنى وأحرف تعطينى باللكمات

ابحث عن احرف تكون لى كلمات

كلمات وأحرف فى وسط الازمات

باحثه انا عن كلمات تأخذنى الى دنيا الرحلات

باحثة انا عن كلمات تجعلنى أطير وسط النسمات

باحثة انا فى معجم الكلمات

كلمات تأخذنى الى عالم رحيب

فسيح بلا ازمات

الى متى سأظل باحثة عن الكلمات

كلمات تأتى الى قلمى فيقوم القلم

بكتابه كلمات

قلمى الحبيب اليك الحب والاهات

تتحمل مااكتب من أهات

اشكوك حزنى فتقوم بطبعه على الورقات

اليك قلمى اهدأ فقد اصبحت اسيرة كلمات

شئ ما

هذة المرأة المتسخة القدمين التى تمشى هناك انى أراها ليس هناك احد سواى يراها

فأنا فقط التى اراها

امرأة متسخة القدمين تمشى على استحياء تحاول اخفاء قدميها ولكن كيف تخفيهما

وهناك من يتبع اتساخ قدميها ويضحك ويسخر تنظر الى من يسخرون من اتساخ

قدميها تسقط من عينيها دمعات تترقرق على وجهها وهم مازالوا يضحكون عليها

تنظر اليهم تلتقط من الارض بضعة طوبات تقذف بها من يضحكون عليها بالطوب

يقذفونها هم الاخرون بالطوب اصبحت هى وهم يتراشقون بالطوب دموعها تنزل من

عينيها متسخة ايضا تحفر اخاديد سوداء على وجهها تقع هى على الارض وقد تقطع

جلبابها وكشفت عن ساقيها المتسختين تنظر الى السماء وكل عينيها دموع تدمع

السماء عليها بل تمطر تنهمر دموعها مع الامطار هى والسماء يبكين على ظلم البشر

يبكين على ظلم الانسان لأخيه الانسان تقول هى والسماء اه من سياط القهر التى

تلاحق الضعفاء فى كل مكان الذين كانوا يجرون وراءها اختبأوا كل فى مكان ذهبوا بعيدا

ليحتموا فى منازلهم بعيدا عن المطر وتركوها وحيدة هى والسماء الممطرة وملابسها

التى لم تسترها تنظر الى السماء وتبكى بحرقة وتقول اه اه من ظلم الانسان لاخيه الانسان

يارب دايما بالتوفيق

الف مبروك للكاتبة سحر غريب صاحبة كتاب حماتى ملاك على اذاعة حلقة لها فى النيل الثقافية فى برنامج الاجندة الثقافية

الساعة الواحدة للثانيه ظهرا وسوف يعاد ليلا ان شاء الله ولكن ليس عندى الان الموعد المحدد الذى سوف يذاع فيه البرنامج قد يكون الساعة الواحدة الى الثانيه ليلا

---------------------------------------------

واحب كمان اعلن عن حفل توقيع كتاب انا انثى ويارب بالتوفيق للجميع ان شاء الله

كتاب "أنا انثى " ..لمجموعة من المدونات النساءأول كتاب يناقش اهتمامات المرأة بقلم مجموعة من النساء ويطرح القضايا للنقاش ضيفة شرف الحفل ..(غادة عبد العال ) صاحبة مدونة ..عاوزة أتجوز..والتي صدر لها كتاب بنفس العنوان عن دار الشروق ومن المشاركات في كتاب ..أنا أنثى
فاتيما
نوارة نجم
اسر ياسر
ايناس لطفى
نرمين البحطيطى
شمس الدين
د . رشا عبد الرازق
بيلا شريف
مكسوفة
بسمة عبد الباسط
مريم الغنيمى
إيمان نادى
زهراء امير
آية الفقى
مروة السيد
أميرة محمد محمد محمد
مذكرات عانس
نرمين البحطيطى
سلمى أنور
انجى سمراء النيل
سارة ابراهيم على
سمر مجدى
مروة النجار
شيماء حسن
نسرين عبد النعيم
د.مرام محمود
ايناس لطفى
نجلاء الشربينى
محاسن
يصاحب الحفل عرض فيلم قصير و
المكان المركز الثقافى الدولى17 ش السد العالى ميدان فينى الدقىالشارع المقابل لشيراتون الجزيرةاقرب محطة مترو انفاق محطة الاوبراالزمان يوم 3 مارس الساعه 4.30 عصرا22 فبراير, 2009 02:31 ص

حدوتة

رميو وجوليت ماتا هما الاثنين فى مقبرة جوليت لم ينتظر روميو ان تصحو جوليت

شرب السم قبل ان يتأكد من موتها بعدما مات قامت جوليت من نومها وجدت حبيبها

قد فارق الحياة فأثرت ان تموت بجانبه ومن الحب ماقتل

كلا من الاثنين ذاقا مرارة الفراق لا اعلم لما افكر فى رميو وجوليت الان علنى استطيع

ان اقول انى اتمنى ان اكون مكان جوليت التى اثرت الرحيل مع حبيبها او روميو الذى

اثر هو الاخر الرحيل مع حبيبته تمنت فى قرارة نفسى ان يعيشا سويا وينجبا بنين

وبنات ويأتوا بأجيال تفهم معنى الحب الحقيقى يفهموا معنى تشابك الارواح ولا

يستهتروا بها يفهموا هذا المعنى الجميل للحب ليتهم عاشوا لا أعلم لما فعل شكسبير

بهم هذا هل لان الموت فيه الخلود للحكايات والقصص ؟

اعلم ان هناك قليل من قصص الحب التى تعيش فى وجداننا هل وهب الحب السعادة

لرميو وجولييت ماذا منح لهم منح لهم الفناء فى ارض الصراعات ام منح لهم الخلود

سويا بعدما تشابكت ارواحهم وصعدت الى السماء

علنى لا أجد كلمات توصف حالة الشجن التى احسها كلما قرأت روميو وجوليت واتوقف

عند النهايه لأتأملها مرات واقف عدة وقفات لما لم ينتظرها جوليت لتصحو لماذا لم ينتظر المرسال لماذا لماذا ؟ هل لقوة حبه لها

ثم أتخيل نهايه اخرى غير تلك النهاية التى افجعتنى فلينتظر جوليت دقائق لتفيق

جوليت ويطيرا سويا ويعيشا فى تبات ونبات ويخلفوا صبيان وبنات وتوتة توتة وفرغت الحدوتة

بس تخيلوا مش هتبقى القصة لها معنى وكانت هتبقى عاديه

كلام فاضى

عندما تقسو عليك الحياة وتجعلك وحيدا

عندما تظل تعيسا غريبا فى بلد الغرباء

عندما تشعر بالقبح الذى بداخلك يظهر على وجهك فتصبح قبيحا

عندما تبتسم رغم عنك فتظهر ابتسامة صفراء ليس لك يد فيها

عندما تشتاق لدفء الوطن فتجد الفاسدين قد استوطنوه

عندما تريد الامان فلا تجده الا تحت لحافك

عندما تشتاق الى الحب فلا تجد غير الكره

قد احاط بك

عندما تستسلم للاهات تفعل بك ماتشاء

فتظل تصرخ كالمجنون

عندما تستيقظ من نومك وتجد الاوهام قد ملأت حياتك

عندما تفوق من الغيبوبة وتجد من حولك

مقلوبين
عندما يصبح الحق باطل والباطل حق

عندما تنادى بأعلى صوتك على المنقذ

فتجده قد غرق

عندما تستسلم للاعداء لانك اعزل

عندما تجد الشر قد تمكن فى من حولك ولاتجد إلا الشر لمواجهة من حولك

عندما تشعر بالغثيان عندما تنظر فى المرأة أو فى صورة حديثة

عندما تسقط كل يوم من درجات السلم وتجد نفسك فى سابع أرض

عندما تصبح أحلامك مجرد كوابيس لأنها لا تتحقق

عندما تصحو من حلم جميل وتجد نفسك فى كابوس لاينتهى لمجرد أنك استيقظت

عندما ينحنى ظهرك من كثرة الحزن والألم على أشياء ليس لك فيها يد

عندما تطلب الغوث فلا تجد إلا يد الشيطان التى تتمد اليك فتقف حائرا هل توافق على مساعدة الشيطان وانت على علم بما يكنه لك من حقد

عندما تسقط فى براثن الحزن وكأنك وقعت فى بئر عميق

عندما يريد صوتك أن يعلو بالحق وتجد صوت الباطل قد ملأ المكان فتلتزم الصمت لانه ليس هناك من يسمعك

عندما تموت فى اليوم مائه مرة وأنت مازلت على قيد الحياة وكل من حولك يعلم أنك

ميت إكلينكيا ونفسيا وأنت الأن مجرد شبح

البحث عن الذات

تفتح الثلاجه ثم تغلقها ثانيه لا تعلم لماذا تفتحها ثم تغلقها ثانيه دون هدف هل هى

تبحث عن شئ داخل الثلاجة وهل هذا الشئ ستجده فى الثلاجة أصلا أم انها تريد

الخروج من المنزل

لا تعلم ولكنها دائما ماتفتح الثلاجة

ثم تغلقها بسرعة

هل تبحث عن ذاتها داخل الثلاجة أم انها تبحث دائما عن الاشباع داخل الثلاجة تبحث

عن مااذا داخل الثلاجه تشعر انها مصابه بالهبل او العبط تعود ادراجها الى حجرتها

\

تظل تكتب فى اوراقها التى تركد دوما بجانبها تحمل اوراقها وأقلامها وكأنها قد جمعت عتادها لتبحث هى ووريقاتها وكلماتها عن أشياء مفقودة تظل تكتب وكأنها تبحث عن نفسها الضائعه ولكنها لم تجدها كل شئ أصبح مجرد بحث عن أشلاءها المفقودة المتبعثرة من حولها
تظل تبحث عن ذاتها عن كل شئ داخلها انها تبحث عن نفسها تريد ان تعرف ماذا

تريد ؟ ماذا ينقصها ؟

لماذا دائما هى باحثه عن نفسها الى نفسها تبعث رسالات الى نفسها تغوص داخل

نفسها تريد ان تعرف مايسعدها تبحث عن ذاتها وسط دوامات متلاحقه وسط أكوام

من التراب التى امتلأت بها نفسها

الغابه

ماذا اقول فى التحرش ؟لو قلت سأقول الكثير والكثير ولكنى لن أستفيض فى القيل

والقال فقط اسألوا اى امرأة تعرضت لحادثة تحرش واجعلوها فقط تستفيض وتبعبع بما

شعرت اسألوها عن صراخها ولا احد يسمع صراخها اسألوها كيف للمجتمع يسمح بأن

يحدث لها هذا ؟اليست هى مواطنه لها حق المواطنة اليست هذة بلدها وارضها

قلت لكم لن استفيض ولكنى اريد فقط ان نسأل انفسنا ماذا فعلنا لنحمى بناتنا ماذا فعلنا لنحميهم من التحرش بهن وما خفى كان اعظم ماذا فعلنا لننفذ امر الله بعدم وأدهن

وهم احياء على ظهور الدنيا

حتى وسائل الاعلام تتحرش بنا رجال ونساء لن أقول اكثر من ذلك فى وسائل الاعلام

اشياء كثيرة تتحرش بالمجتمع ككل لست هنا مدافعة عن الرجال ولكنى اردت فقط ان

القى بظلا ل هذة القضيه على الاعلام العامل الاقوى فى هذة المهذلة الاخلاقيه

وسأقول غياب الوعى الدينى طبعا غايب والا قولوا لى هيوصل للشباب وعى دينى ازاى وهو غرقان للشوشته فى اغانى الفيديو كليب ومشاهد العرى واصبحت هذة التوعية

الوحيدة التى تقدم لشبابنا توعيه ماذا لا أعرف ؟فل نسميها التوعية التحرشيه

اما بناتنا فهل يجب ان نصنع عهد جديد من المطاوى ام من السنج والبلطجة ام نعلم بناتنا الكارتيه وضرب الشلوت لكى نستطيع المشى فى شوارعنا الغابيه

لست للبيع

لست للبيع
الكل يبعد عنك فى اول محطة

مسألتيش ايه اللى حصل

الكل باع وفى لحظة ضاع

وانتى لسه واقفة عند اللى باع

لا كفايه مهزلة سيبى اللى باع

واللى أشترى مانتش

سلعه تباع وتشترى

أنتى إنسان وأن كان فى عصر

كل شئ غالى إلا الانسان

أصبح رخيص ومنه بقرشين

لا والف لا

انا لست للبيع ولا للشراء

لست سلعة سيدى

لست حلوى للهوى

لست شئ سوى إنسان

وان كان يهان

فى بلد تهين الانسان

وإنما فى روحه انسان

وان غدر به الزمان

سراب

عندما يشعر الأنسان أنه فى صحراء جرداء ليس بها إلا سر ب مع وضع ضمه على السين

كثيرة يجرى وراء السراب يلهث وراءه وعندما يصل إليها يسقط مغشى عليه هكذا تعيش فى صحراء جرداء .
تظل تلهث وراء السرب دون جدوى تسمع أصوات الذئاب تعوى ليلا وعقارب تجرى

وراءها تظل تجرى منها دون جدوى تظل تبحث عن بارقة أمل فى هذة الصحراء لم

تجد إلا سراب حولها تجلس على الأرض وقد تهلهلت ملابسها تشعر أن الرمال

تتحرك من تحتها تصرخ أنها

تجلس على رمال متحركة تقف على الرمال تنغرس أقدامها الرمال الناعمة تسحبها

بعنف تبتلعها لا تستطيع الحراك لقد أنتهت وهى تقف وقد أستسلمت لإبتلاع الرمال
لقد أندفنت الأن فى الرمال تنظر إلى بعيد تجد سراب يأتى إليها مسرعا

تضحك بصوت عالى يشق سماء الصحراء أهذة الرمال المتحركة التى ندفن بها أم

هى أيامنا المتحركة التى تبتلعنا أيضا فى هدوء ونعومة .

هكذا تفعل بنا الايام تبتلعنا مثلما تبتلعنا الرمال بكل سهولة ليت الايام ترفق بأحوالنا

وتنتظرنا حتى نجمع شتات انفسنا ليت الايام تنتظرنا لنحقق كل احلامنا ليتها تسمعنا

وتسمع انيننا قسمنا الايام الى ماضى وحاضر ومستقبل الماضى ملئنا به الكتب

الحاضر هو الذى نعيشه بكل مافيه من حلو ومر اما المستقبل فمن يراه حقا فليقل لنا

علنا نستفيد

البقاء لله فيمن رحلوا عنا

البقاء لله

الفارس الملثم ووالد الاستاذة خيخة

بجد الواحد حاسس بالحزن لفقد ناس عزاز علينا وكنت تحس فى كتابات الفارس الملثم بالطيبه والحس المرهف والصدق فى كل كتاباته وتجد كتاباته قد ايه فيها حزن صدق

لم استطيع ان امنع نفسى من الكتابه عنه والتعزيه فيه واتمنى من الله ان تكون هذة اخر الاحزان فى العالم التدوينى وان لله وان اليه راجعون مدونته محمد الفارس الملثم

وأدعوكم جميعا للاتصال هاتفيا بوالدته لتقديم التعازي للتخفيف عنها وشد أزرها
0102537723

ادعوكم لقراءة الفاتحة

روح وجسد

عندما اصبح الجسد هو محور اهتمامنا واشباع الجسد وامتاعه هى اقصى مانتمنى

فالحب ماهو الا اشباع للاجساد اصبح الجسد كل شئ حتى انهم ابتكروا لغة للجسد

وكيف لايكون له لغة وهو المسيطر على كل شئ وقامت قنوات للجسد فن الجسد الكل

فيها يتبارى بالاجساد لم نعد نسمع عن اشباع الروح ولم نؤلف لغة للارواح وتلاقيها

كيف للحب ان يكون جسد كيف لنا ان نجعل الحب هو توافق اجساد اصبح الحب هشا

عندما جعلناه جسد واجساد تهتز اختزلنا كل معانى الحب فى الجسد اليس الحب هو

تشابك ارواح قبل تلاحم الاجساد هو روح تلاقت مع روح باذن ربها

خسرنا كل شئ عندما جعلنا الجسد هو الحكم خسرنا ادميتنا عندما اصبحنا مجرد

اجساد تمشى على الارض بل خسرنا اجسادنا ايضا عندما جعلناها هى كل شئ قم الان

بفتح التلفاز على اغانى الفيديو كليب او قم بمشاهدة احدى الافلام الاجنبيه المستوردة

ستجدهم يعبدون الجسد وليس اى جسد يعبد الغض الناعم حكموا اجسادكم الهوها ثم

اركلوها بعد ذلك سنخسر كل شئ حتى هذة الاجساد التى تتلوى هنا وهناك خسرنا الحب

ومعناه امام احتياج الجسد واوامره لنا انظر الى الحب ستجده ملوثا بدماء الجسد فهذا

احب الجسد وهذة احبت الجسد ليس هذا حب بل شهوة حيوانيه لم نسمع فى ايامنا هذة

عن تلاقى الارواح او عن قصص الحب العذرى هل جربت يوما ان تتلاقى روحك مع احد

الارواح الهائمه حولك ام انك تشابكت مع احدى الاجساد الراقصة حولك ليل نهار

اقولك جرب الاثنين ثم قولى ايهما شعرت ان هذا هو الحب الحقيقى تشابك ارواح ام تلاحم

اجساد فكروا دقائق فى ارواحكم التى تهيم

اذن السؤال الذى وصلت اليه بعد هذا التفكير من المسؤل عن الحب الروح ام الجسد ؟من يقود الاخر للحب ؟

ومتى ينجح الحب عندما يبدأ باى شئ روح ام جسد ؟