الخميس، 30 أبريل 2009

صرخة وحمد


تعمل ايه لو كل اسبوع واحد بيخططلك فى مصيبه ؟تعمل ايه لو حد بيتمنالك الاذى


وفاكر انك بتاخد رزقه وحاطط فى دماغه انه لو زاحك من ادامه هياخد حقه بجد انا


خلاص طقييت ليه كدة تبقى فى شغلك وواحدة لا بتهمد ولا يهد لها بال الا وعملالك

مصيبة او كارثة ليه ؟


وتحاول تعاملها بسلامة نيه وهى سوء النية ماليها وكل ماخلاص تهدا من ناحيتها

تشتغل تانى دى بنى ادمة دى ولا ايه نفسى اعرف بجد


والله بجد انا وصلت مرحلة خلاص واخر تخطيط ليها لولا ستر ربنا وخلى الناس


تشوفها وهى بتخطط المصيبة هى نفسها قومت امة لا اله الا الله عليها

بجد نفسى اعرف انسان بالنوعيه دى دينه ايه طب اتربى ازاى ؟ دة يابشر كل اسبوع

تخطيط جديد مابتزهقش ودماغها دى مابتقفش عن التفكير فى الشر للغير عارفه

اننا كلنا مش ملايكة بس اكيد مش شياطين للدرجة دى


ياترى النوعية دى من البشر عايزة توصل لايه ؟


انا بجد حاسة بالقرف اوى اوى ونفسى اصرخ عشان كدة قلت اصرخ هنا يلا حسبى الله ونعم الوكيل


وبجد انا بحمد ربنا لانه وقف جنبى وحسيت انى صح عشان البنى ادمة دى كل تخطيطة ليها ربنا سبحانه وتعالى ياااااااااااااااه الحمد لله يارب خليك معايا على طول يارب

هناك 20 تعليقًا:

ذكرى رحيل قلم يقول...

السلام عليكم
الحمد لله ربنا ستر بصي يا اختي هذة الشخصية مريضة نفسية باذي الغير ايه رأيك لو تتقي شرها يعني القاء السلام عليها زي ما قالوا في الامثال اتقي شر عدوك وسلم عليه
وممكن حاجة تانية انك تهاديها تجيبي لها هدية بسيطة وتكون هي محتجاها
اظن بعد ده كل لوعملت حاجة تاني ربنا يسهلها
بس علي فكرة اوعي تسيبي شغلك عشان وحدة زي ديه لانه في كل شغل عفريت
ربنا معاكي ويوفقك
تقبلي مروري اختي الفاضلة

همس الاحباب يقول...

لا حول ولا قوة الا بالله
ده مرض نفسى
ربنا يشفى عباده
وربنا يوفقك دائما
خليكى على مبدائك وربنا معاكى ان شاء الله
والعينات دى موجودة فى كل مكان على فكرة
تحياتى وتقديرى

رئـــــيسـة حزب الأحلام يقول...

ذكرى رحيل قلم
لا بجد انا خلاص تعبت هحاول اجرب الموضوع دة ربنا يهدى بجد والله انا فى كميه ضغط عصبى مش معقوله
شكرا ليكى اوى

رئـــــيسـة حزب الأحلام يقول...

همس الاحباب
هو اكيد مرض نفسى لامها كل يوم تقريبا مصيبه ولول ستر ربنا كانت عملت لى اخر مصيبه وخلصت
تحياتى لك

Unknown يقول...

السلام عليكم
لا النماذج دي بقت موجودة كتير جدا
كله بقي بيحقد علي اي حد قدامه
بسبب و بدون سبب و في غياب الايمان بالله و الغيرة و الحقد
بيبقي في شياطين انس تستعيذ منهم الشياطين
خليكي قريبة من ربنا و متشيليش هم

جنّي يقول...

السلام عليكم

ولا يهمك وتعوزي دايما بالله من شر خلقه ..

واعلمي ان الشر لا يسود للنهاية يعني النوعية دي ليها يوم .. وبحسن اخلاقك ستنتصري عليها ..

kochia يقول...

طبعا ده عادي جدا دلوقتي
كبري دماغك وسيبيها علي الله

هو صحيح فين الاحلام بتاعة زمان
انتي بطلتي تحلمي ولا ايه ؟؟

فكرة من الزمن ده يقول...

انا صرخت صرخة كمان في بوست عندي اسمه سعيدة وزعلانة
من واحدة ربنا يهديها يا يهدها
والحمدلله ربنا هدا نفسي بكرمه ثم بوقفة ناس كتير
تحياتي ودع القافلة تسير والكلاب تعوي

الفراشة الصغيرة يقول...

احلى كلمه تقوليها

حسبى الله ونعم الكيل
ربنا يمهل ولا يهمل

سيبيه وربنا هيجيبلك حقك اكيد
او اطلبيله الشفا لانه اكيد مريض نفسى
او اعملى زى ما عملت فى البوست اللى فاتت

لميله تبرعات علشان تحجزيله عن اقرب دكتور نفسى
ههههههههههه
هونى على نفسك مفيش حاج تستاهل

عاشقه وغلبانه يقول...

ده انا واصله لدرجه اني عايزه اصرخ واصوت والم الشعب اللمصري كله

الحمد لله علي كل حال

الفقيرة إلى الله أم البنات يقول...

لا حولة ولا قوة إلا بالله العلى العظيم
شوفى يا حبيبتى الحكايه انها بتخلى النار دى بتاكلها وبتحطمها
شوفى ابعدى عنها..واستعينى بالله
وعلى باذكار الصباح والمساء
وادعى دائما اللهم اجعل كيدهم فى نحورهم
وبصراحه اكثر ..قللى الكلام معاها خالص..و ابتعدى عنها..
وحسبك الله هو نعم الوكيل

رئـــــيسـة حزب الأحلام يقول...

المعلم محمد صاحب المطعم - طعمية سخنة
بجد معاناه رهيبة بس اكيد ربنا بيقف مع الحق رغم جبروتهم
تحياتى لك

رئـــــيسـة حزب الأحلام يقول...

جنى
فعلا الحمد لله ربنا بينصر الحق فى الاخر بس الواحد لما يتخيل ان عمايلها ممكن فى مرة تصيب بيقى عاوز يصرخ لان مافيش لا اخلاق ولا احساس
تحياتى لك

رئـــــيسـة حزب الأحلام يقول...

kochia
احلام والله ربنا يرجعها بخير بس اخلص الكوابيس
تحياتى لكى

رئـــــيسـة حزب الأحلام يقول...

ة من الزمن ده
ربنا كبير وفى الاخر الناس مهما حصل بتقف جنب الحق د
تحياتى لكى

رئـــــيسـة حزب الأحلام يقول...

الفراشة الصغيرة
ربنا يعين الجميع
والف شكر لمشاركتك
تحياتى لكى

رئـــــيسـة حزب الأحلام يقول...

عاشقه وغلبانه
انتى كمان نفس الهنا اللى انا فيه
ربنا يهدى الاحوال
تحياتى لكى

رئـــــيسـة حزب الأحلام يقول...

الفقيرة إلى الله أم البنات
ياريت اقدر ابعد عنها للاسف اننا فى مكان واحد ودة للاسف وفعلا انا بقغد معاها من غير ولا كلام ولا حتى سلام لانى بلاقى الكلام معاها خسارة والعتاب معاها مايجيبش نتيجة فلا بعاتب ولا اى حاجة ربنا يهدى الاحوال
تحياتى لكى والف شكر لمشاركتك فى الامى

mohamed ghalia يقول...

ربنا يحفظك ويكرمك ويسعدك دايما

حاسوباتيه يقول...

بصي النوعيه دي موجوده في كل مكان ربنا يسترها منهم لانهم بجد بشعين