نفسى حد يسألنى بجد نفسك تقول اية فى اللحظة دى ؟
بس بينى وبينكم مش هيلاحق على لانى كل ثانية نفسى اقول حاجة
بس تخيلت اللحظة دية حد وسألنى عايزة تقولى اية اللحظة دية ؟
وقفت شوية وقعدت افكر اقول اية؟ اصل اللحظة دى تاريخية وأخيرا حد قالى عايزة
تقولى اية فى لحظة ديه
قلت هتكلم عن اللحظة
العمر لحظة ممكن تعدى من غير مانقدر نقول حاجة وكل لحظة بنعيشها بنكون
عايزين نستمتع بيها لكن للأسف ممكن نتألم فيها
ولحظة بجانب لحظة تكون يوم ويوم ورا يوم يكون شهر وشهر ورا شهر يكون سنة
يعنى العمر فى الاصل لحظة
وعشان حد يلاحقنا ويسألنا كل لحظة انت عاوز تقول اية؟ دة مستحيل
لحظات ممكن نتذكرها ولحظات تانية بنخفيها حتى الصورة اللى بنتصورها بتبقى لحظة
فى حياتنا
ممكن من وقتك لحظة ؟
ممكن من وقتك لحظة ؟
ممكن تقول مش فاضى لكن دى لحظة بس
لحظة من فضلك
هناك 20 تعليقًا:
السلام عليكم
انا مبسوط بتشريفك ليا
لكن لكل شيء حكمه
فعلا العمر لحظه انا كنت كاتب بوست عن نفس الامر بس فيه توجه لمسار اخر
والمشكله كمان في الحيره
والحاجه المتغيره داخل النفس وتطورها
أتمني مكونش ضايقتك بخبر رحيلي
ملحوظه : إبقي صلحي عنوان البوست
أتمني لكي دوام التوفيق والتألق
أول تعليق ليا
وأخر تعليق :)
في رعايه الله
لازم فعلا نستمتع بكل لحظة
أنا تقريبا كل موضوعاتى فى المدونة عن كده
دمتى بكل الود
تحياتى
ما اللحظة هيا وحدة بناء العكر وهناك ما هو أقل من اللحظة
واللحظة اللى هتعدى مش هترجع
ولكن كل لحظة فيها أحداث كتيرة بتحدث
ولكن مين اللى يفتكر
د إبراهيم
العمر دقايق وثوانى ام تكون لك او عليك
فالافضل اننا نجعلها لنا لا علينا
تحياتى لحضرتك
نفسك تقولى ايه دلؤتى حالا فى لحظة قراءتك لتعليقى؟
بالفعل قد يرتهن العمر كله في لحظة
والشاطر اللي يمسك اللحظة الحلوة ويكبرها ويسحبها علي عمره كله
تحياتي علي الطرح الجيد
طيب لحظة واحدة كان يجرى ايه
ماهي لحظة وها تمر من غير ما ندري انها لحظة ومرت ليه ؟ لانها لحظة ..
شكرا لمدة لحظة
أنا اللى عايزة أعمله فى اللحظة دى .. انى ارد على موضوعك واقولك ايه الفلسفة اللى انتى فيها دى ؟؟
بجد معظم مواضيعك بقت فلسفسية .. شكلك كنتى أدبى صح ؟؟ هههههههه
مين اللى كان بيديكى فلسفة ؟
هههههههههههه
وحشانى يا جميلة
حلو كلامك وفعلا العمر لحظه بس لو ممكن اقول حاجه بس في اللحظه دي هقول بحبك يا حبيبي بس
طبعا ده لخطبيبي يعني بس
اختى الغاليه العمر كله سيمضى بنا كلحظه ..
احساسك عالى و وصلنى و خلانى احس باننا لازم نحس و نستثمر كل لحظه..
دمتى بخير
تحياتى
سلوي حبتتي ازيك ياروح قلبي
العمر لحظة فعلا بس قوليلي انت نفسك في اية في اللحظة دي غير انك تشوفيني ههههههههههههههههه ابقي طمنيني عليكي بيعجبني اوي طريقة تفكيرك وطرحك في اي بوست
تحياتي
فرقعة الإعلام المصري ومحاولة إلصاق التهم بأناس ابرياء لتضخيم الامور في قضية الطبيبين المصريين في السعوديه....
وما علاقتهم بمستشفى السلام بجده ؟
تدوينه جديده في يوميات أم البنين
العم رلحظة جميلة يا سلوى بس بنفضل طول العمر نحاول نلاقيها مبنعرفش
تحياتى ليكى على البوست الهايل
اللحظات تدوم احيانا
الزمن هو عربة اللحظه فأحيانا يحمل لحظات جميله وناعمه
واحيانا يحمل معه لحظات شقاءوجفوه
نعم نحن من نقود العربه
فهل يمكننا تجاوز لحظات الشقاء
أم اننا لا يمكننا التمييز
تأملاتك بسيطه ومعبره
لحظات العمر كله مش كتير عليكى
ليه زعلانه بس في امكانك تعيشى اللحظه بسعاده
في امكانا كلنا نختار دايما نعيشها زي ما نحب ونقول اللي نحبه وقت ما نحب حتى لو مفيش حد سامعنا
كتير بيكون نفسنا نقول كلام كتير ونقعد نحسبها لو بطلنا نحسبها هننطق وزي ما تيجى مهو مش هيطلع لام وحش لأن الكلام الوحش الانسان مش بيتردد يقوله
في العصبيه بيقوله وبيخرجه ومبيكونش في تفكير ابدا
انا بتكلم عن اننا نحبس كلمه ممكن تسعدنا وتمر اللحظات وتفضل أمنيتنا وكلمة يا ريت
لحظه نتأمل حياتنا ولحظه نعرف ان في ايدينا اختيارات ولحظه نختار احنا عايزين ايه ولحظه نقرر اننا هنحب كل لحظه تمر بحياتنا مهما كانت اللحظه دي بتحمل لينا من المجهول
كله قدر وربنا مبيظلمش حد ولا بيحمل انسان فوق طاقته والحمد والشكر ليه
يبقى تمر لحظات عمرنا ليه في الهم بقى
لحظة .. ويالها من لحظة
لحظة تطلعك لفوق ولحظة جمبها علطول تنزلك لتحت
وتجمع اللحظات تلاقيها سلسلة من حياتك
بس اهم حاجة انك تعيشى اللحظة بصدق وتحسيها زى ما هيه بفرحها وحزنها
كده نقدر نحس بكل لحظة ويبقى ما ضاعش من العمر ولا لحظة
تحياتى لكلماتك الرائعة
تحياتي
فعلا العمر لحظة ...حتي لو العمر مائة سنه....ستمر كلحظة... و ياريت نعيش كل لحظة لوقتها....كان الحال تغير الي الاحسن....لكن هذا هو الانسان...يترك
الان..و يتطلع الي القادم حتي لو بعد سنوات.
تحياتي و تقديري
العمر ثواني ولحظات
واذا ماستغلينا هذه الثواني بيجس يوم ونندم عليه
حتى لو بالنيه فقط .. الله يعطيك العافيه
عجبني البوست اوي
:)
عجبني
أن العمر في الأصل لحظة
إحترامي لك ِ
:)
إرسال تعليق