الجمعة، 14 مارس 2008

استفتاء على اختيار شعار للحزب


أخواني أخواتي

اعضاء الحزب الموقر

اليوم سنناقش موضوع يهم الحزب ... وبناء على رغبه الاعضاء الاجلاء

اللى شاغلهم شعار الحزب ... زى ماأتعودنا ان كل حزب ليه شعار ياترى هيكون شعارنا ايه.؟؟؟؟

واحد نايم على السرير ، ولا واحد نايم على المكتب ، ولا زى الاخت ماقالت نقطه بيضة فى بحر الفساد الاسود

ولا ناس كتير نايمة وعمالة تحلم ... الواحد محتار انا رأيى نعمل استفتاء بس مش عاوزين تذوير

وعايزين نبعد عن الشعارات الرنانه .... اللى لا بتودى ولا بتجيب انتم اكيد عارفينها وشربتوا منها كتير

لان حزبنا نايم على روحة مش هيستحمل شعار من شعارات اليومين دول

تنبيه هام ممنوع التذوير فى الاستفتاء

هناك 59 تعليقًا:

الزواج.....روضة الحب يقول...

بصى أنا هاديكى عدة إختيارات: 1:-الرغيف المناسب للمواطن المناسب 2:-ماتبصش علية بص للى اتعمل فية 3:-صورة ورك بتلو وتحتيهااشوفك على خير فى الجنة0

بطوط حبوب يقول...

طب هنام ولا هندور ع شعار؟؟؟؟

رئـــــيسـة حزب الأحلام يقول...

مدونات زوجة عاشقة انتى حيرتينى اكتر ياست الكل

رئـــــيسـة حزب الأحلام يقول...

بطوط حبوب انت كسلان كدة لية خلاص نام واحلم لنا بشعار

محاولة لكسر الصمت يقول...

هوه بصراحة انا مش فاهمة ايه حكاية الحزب ده...وبعدين مش قلنا السياسة دي وحشة وعيييب..
بس برضه افهم

رئـــــيسـة حزب الأحلام يقول...

اقراى البوست اللى قبله وانتى هتفهمى

khobayb يقول...

أنا موافق على اللي نايم على المكتب

ونكتب فوقه أو تحته : لو بطلنا نحلم !!

رئـــــيسـة حزب الأحلام يقول...

الف شكر ياسوسو على التغيرات التمام ايه الجمال دة

رئـــــيسـة حزب الأحلام يقول...

خبيب ادى واحد صوت لواحد نايم فى المكتب

بحبها يقول...

سيدتى الشعار وظيفتةان يكون معبر عن محتوى وبما ان الحزب حزب الاحلام فالشعار يجب ان يكون محفز لتحقيق الاحلام لذلك اقتراح ان يكون احلم كما تشاءفلا سقف للاحلام

رئـــــيسـة حزب الأحلام يقول...

جميل اوى الشعار دة ولله فى افكار جميلة اوى وشكرا على المشاركة

رئـــــيسـة حزب الأحلام يقول...

ياجماعه متستهونوش بالاحلام الاحلام هى اساس اشياء كثيرة فى حياتنا وانا مابدعوش الناس انها تغرق فى الاحلام احنا منكن نحلم ونحاول بكل طاقتنا اننا نحقق الاحلام دية مش احسن من نغرق فى الكوابيس اللى معيشانا فيها الاحبة وشكرا معلش كلمتين محشورين فى زورى

الهدهد الطائر يقول...
أزال المؤلف هذا التعليق.
الهدهد الطائر يقول...

أقتراح آخر:

"بماذا تحلم لو كنت مكاني؟!!"

فرنسا هانم يقول...

واحد نايم على السرير ؟؟؟؟
ده يبقى مشى من مقر الحزب لغايه السرير وكمان طلع على السرير
لالالالالالالالالالا
ده كده تعب
والشعار التانى
واحد نايم على المكتب ؟؟؟؟
يعنى طلع من بيته وركب مواصلات وراح الشغل
لالالالالالالالالالالالالا
ده كده برضه تعب
احنا طفشانين من الشغل والحركه علشان نيجى نأنتخ هنا
يبقى الشعار
ناس نايمه على نفسها فى مقر الحزب
البلاط

الهدهد الطائر يقول...

أقتراح أخير:

"حتى لا تطير الأحلام"

المـــفـــــــقــــــــوعـــــة مــرارتـهــا يقول...

شد اللحــــــــــــاف وأتغطي

Unknown يقول...

اخى الفاضل -- اختى الفاضلة
ادعوكم للتضامن مع دعوة الداعية الاسلامى الكبير ( عمرو خالد )والانضمام
الى ---- ( حملة حما يه ) ------
فى انتظاركم ولاتترددوا نحن فى حاجة اليكم
برجاء التواصل للمساهمة وشكرا لكم مقدما....للمزيد يمكنك زيارة مدونتى
او زيارة موقع عمرو خالد مباشرة

Unknown يقول...

رئيسة حزب الاحلام
انا رايى اننا ننام ونستى لما حد يحلم بشعار جميل يقولنا عليه
لسه هنعمل استفتاء ونزور
حرام

رئـــــيسـة حزب الأحلام يقول...

فرنسا هانم يعنى انتى عاوزة الناس اللى نايمة على البلاط ادى واحد صوت

رئـــــيسـة حزب الأحلام يقول...

عسل عسل ياخت فرنسا

رئـــــيسـة حزب الأحلام يقول...

الاخت المفقوع مرارتها معبر اوى الشعار ده

رئـــــيسـة حزب الأحلام يقول...

الاستاذ حسن توفيق هنفكر فى الموضوع ده

mabioon يقول...

ليه بس كده تدخلى نفسك فى متاهات السياسه...
انا كنت زمان فى حزب الغد وكنت بطلع مظاهرات وخدت علقه قفايا ساعتها بقى يقمر عيش...
نصيحه امشي جنب الحيط :)

رئـــــيسـة حزب الأحلام يقول...

السلام عليكم احنا ياعم مش بنعادى حد احنا ناس بنحلم ولا هما بيمسكوا اللى بيحلموا كمان ربنا يستر انت خوفتنى

almasry يقول...

دى أول زياره ليه كان نفسى أشارك لكن يلا على ما أفهم تكون السنه فاتت

اتمنى تعدوا علينا وتأنتخوا عندنا شويه

د/اجدع بنوته يقول...

نسر وماسك ف رقبته م كل ناحيه

حدايه

تحياتى

غير معرف يقول...

احلام الامس هيا حقائق اليوم واحلام اليوم
هيا حقائق الغد نتمنى أن نراكم غدا على أرض الواقع
تقبلى تحياتى

عبده الرايق يقول...

وانا بضم صوتى لصوت الست فرنسا هانم
واطالب بصوره ناس نايمه على البلاط
لاننا اصلا مبلطين فيها
ومش لاقيين لا غطاء ولا سراير
يبقى شعار فرنسا هانم
البلاط
متفرحيش قوى يافرنسا هى جت معاكى كده
اوعى تكونى فاكره انكى جبتى الديب من ديله

رئـــــيسـة حزب الأحلام يقول...

اتنين صوت للناس اللى نايمة على البلاط عشان مكسلين يروحو المكتب وينامو

Desert cat يقول...

بصى انتى جيبى فرخة محمرة وجنبها واحد مطلع لسانه وبيقول دقنى اهوه لو شفوتوها تانى
ويبقى ده شعار المرحلة اللى جاية

رئـــــيسـة حزب الأحلام يقول...

Desert cat
اية الشعار الجميل دة دة الواحد محتار وهيحتار اكتر

محاولة لكسر الصمت يقول...

اها كده انا فهمت الحكاية..وهقولك على شعار..هوه مش جديد ولا حتى افتكاسة بس متهيالي هيكون احسن حاجة للموضع ده...
نخليها..(لو بطلنا نحلم..نموت)

Asmaa mahaba يقول...

بما انه حزب احلام اعتقد ان الشعار المناسب ....هيا بنا نحلم....او ممكن تبقى حبطل السجاير واكون انسان جديد ومن اول يناير خلاص حشيل حديد....
تحياتى ليكى سومه_87

Asmaa mahaba يقول...

اه بعد ازنكم محدش عنده فكره ازاى اضيف لينك المدونات اللى تعجبنى فى مدونتى عشان ادخلها على طول..!؟؟
اعزرونى الغريب اعمى ولو كان بصير

صبرني يارب يقول...

الاول اسجل اعجابي بحزب الاحلام الى شكله هو الملاذ الاخير

وعجبنى اوي اول ما تصحى من الحلم نفذه الى فى الحزب بتاعك .

وبالنسبه للشعار بصراحه عابجنى الاقتراح بداع زوجة عاشقه
ما تبصش عليه بص على الى اتعمل فيه

سارة علي يقول...

عارفة الاحلام جزء لا يتجزا من الكيان لية منعملش جزء من حياتنا كدة جزء رقيق يتحمل كل الضغوط اللى بنشوفها بجد فكرة جميلة الاهم اننا منفضلش فيها وننسى واقعنا
الاحلام جوايا مرسى
لكل المراكب الغرقى
ووسط الموج لقيت اسمى
رسيت ويا ريتنى ما ارسى
اصل جمال حلمى انوا عمرة ما انتهى
قلمى وروحى وعمرى

رئـــــيسـة حزب الأحلام يقول...

somaa
الاخت سومة انا جيت ا اعلق عندك وماعرفتش

رئـــــيسـة حزب الأحلام يقول...

صبرني يارب
السلام عليكم اشكرك على التعليق وحلو الشعار دة وهنفكر فية

مدام كعبولة يقول...

رئيسة حزب الاحلام

ممكن تسمحيلي بالانضمام لحزبكم الموقر

لدي الكثيييييير من الاقتراحات المناسبة

رئـــــيسـة حزب الأحلام يقول...

حياتي قنبلة ذرية
السلام عليكم انت اكيد منضم معانا الميك معاك ياباشا

الجواز و سنينه يقول...

حلو اوى حكايه الشعار دى
بس بما انتى ماليش فى السياسه و اسمى مش كتوب
احب اقولك انتى ساعتها هاقول انتى ما شوفكيش قبل كده و لا عمرى دخلت المدونه بتاعتك و يمكن ابلغ عنك
ههههههههههههههههه

رئـــــيسـة حزب الأحلام يقول...

الجواز و سنينه
الاخت الغالية انا ماليش فى السياسه انا كمان انا عاوزة اعمل حزب بعيد عن السياسه وشكرا على تعليقك الغالى

المـــفـــــــقــــــــوعـــــة مــرارتـهــا يقول...

بصي ياست البنات
هاتشتركي في الحملة ازاي ؟؟
سيفي شعار الحملة علي الكمبيوتتر
عادي من اي مدونة حاطة الشعار
وبعدين اكتبي الموضوع ونزلي الصورة عادي معاه
ربنا معاكي

مدام كعبولة يقول...

احم احم

1 2 3

ايه يا جماعة بجرب الميكرفون

سيادة الرئيس

اولا انا عاجبني جدااااااا الشعار التالت لزوجة عاشقة

حلو اوي اشوفك في الجنة دي خصوصا بعد ارتفاع الاسعار اصبحت اللحمة هي حلم كل فقير

و بما اننا حزب الاحلام يبقي لازم نبص للحلم ده

ثانيا: و الله يا جماعة انا شايفة ان ازمة العيش دي احنا السبب فيها

معلش محدش يضرب

بصوا معايا كدة من فضلكم

اولا بتسرقوا من وقت نمكم علشان طابور العيش اللي بيستغرق اسبوعيا ما لا يقل عن 4 ساعات

ثانيا: احتمالات الاصابة هناك حرقا او شنقا او بالأسلحة البيضاء اصبح وارد

ثالثا: تعب نفسي داثم

قبل متزل حامل هم الوقفة
بعد متقف حامل هم الدور
بعد متوصل حامل هم الكمية
بعد الكمية حامل هم الاصابة و السرقة
و بعد متروح البيت حامل هم وقت ميخلص
و بعد ميخلص تحمل كوووووووووول الهموم دي تاني

محدش يقولي من فصلكم مستنين حل الحكومة

طيب بزمتكم بقالكم اد ايه مستنين الحكومة ثم هي الحكومة حتعمل ايه ولا ايه حتحل ازمة البطالة و لا الزواج و لا الانحراف و الشباب الضايع

يا جماعة معدش ينفع نستني حد خلاص

لازم نحل مشاكلنا بنفسنا

ازاي؟؟؟؟؟

نخبز العيش في بيوتنا

لو حد قالي هو انا لسة حاخبز؟؟؟
حقوله يبقي انت كسلان و مش عايز تحلم
منتوا بتضيعوا اكتر من 4 ساعات اسبوعيا وسط الحر و القرف وز ريحة العرق و الخنقة ده غير انك لازم تلبس علشان تنزل تروح الفرن و ده وقت كبير برده بيضيع متضيع الوقت ده و انت في البيت احسن و معزز مكرم كمان

حتقولي الدقيق غالي؟؟؟
طيب مهي روحك غالية بردهو لو حد خلص عليك علشان رغيف العيش مش يبقي حرام و لا اتشوهت بالنار و لا بالموس مش حتتكلف برده علشان تعالج نفسك؟؟
يبقي ساعتها غلو الدقيق قدام الوقت المهدور منك (خصوصا لو بتشتغل و بيتخصم منك في الشغل بسبب التأخير

طيب بصوا انا عارفة ان كلامي صعكم اسيبكم تقلبوا فيه شوية و بعدين ارجعلكم تاني

صيدلانيه طالعه نازله يقول...

اولا الموضوع جميل و جديد

اقترح عليكى شعار نام واتهنى و انسى الزنه

وقولى ان من اهداف الحزب مرتبه و مخده

و قرص ايزالو لزوم الزنه

سارة علي يقول...

انا اللى بشكرك بجد على مدونتك الجميلة اوى واللى بتصحى جوانا الحنين للشعور والتواصل معا الاحلام اللى هى نواة للاهداف وتحقيقها اى حاجة حصلت فى حياتنا كانت الاول حلم بس حاولنا بجد وعرفنا نحققة بالتدريج انا مستنية جديدك بجد وربنا يوفقك

رئـــــيسـة حزب الأحلام يقول...

المفقوعة مرارتها
السلام عليكم وكل عام وانتى بخير واية رايك اعملها ولا

رئـــــيسـة حزب الأحلام يقول...

حياتي قنبلة ذرية
اية الحلول اتمام دى وعندى واحدة زميلتى عملت عيش فى بيتها عيش فينو وعيش بلدى بس البلدى مطلعشى حاو

رئـــــيسـة حزب الأحلام يقول...

صيدلانيه طالعه نازله
السلام عليكم اولا اشكرك على التعليق والشعار دة حلو اوى بس الواحد لسة محتار

رئـــــيسـة حزب الأحلام يقول...

سارة علي
السلام عليكم واشكرك على الكلام الجميل دة

غير معرف يقول...

الأخت العزيزه الموهوبهصاخبة المدونه الظريفه ربنا يستر
تحيه طيبه وبعد
من اعجابنا بفكرتك حزب للأحلام قررنا عمل حلقه خاصه من وحى فكرتك فى برنامجنا الأذاعى الذى يذاع على البرنامج العام اى المحطه الرئيسيه لأذاعة القاهرهوهو اول برنامج عن الأنترنت فى العالم العربى وكافة التفاصيل فى موقعنا
http://dear.to/cairo
وسوف نخبرك بموعداذاعة الحلقه هنا فى هذا المكان مع تحياتنا لك بالتوفيق
اسرة البرنامج
ملحوظه لم نوفق فى الوصول الى عنوان بريدك الألكترونى لنتصل بك

Asmaa mahaba يقول...

جربى دلوقت انا ظبطت التعليقات فى المدونه اصلى اصلا حتى الان مش فاهه حاجات كتيره فيها
شكرا لاهتمامك
سومه_87

رئـــــيسـة حزب الأحلام يقول...

غير معرف
السلام عليكم اشكرك على هذا التعليق وفرصة لاكتشاف المواهب الجديدة اما الايميل بتاعى SALWASAMIR23@YAHOO

غير معرف يقول...

الأخت العزيزه صاحبة المدونه
تحيه طيبه وبعد
ستذاع حلقة برنامجنا المستوحاه من فكرتك حزب الأحلام يوم الأحد23 مارس 2008 الساعه التاسعه وعشر دقائق على البرنامج العام( المحطه الرئيسيه)لأذاعة القاهره ونذيع ايضا بعض التعليقات المختاره من زوار مدونتك والدهوه موجهه لهم ايضامع تمنياتنا لكم جميعا بالتوفيق ونامل فى لقاءات مع من يحب على الهواء ان شاء الله ومره اخرى موقع البرنامج به كافة التفاصيل وهو
http://dear.to/cairo
وموقع آخر بالأنجليزيه
http://wakeup.to/computer

drpharma يقول...

لية التشاؤم دافارجة قريب

رئـــــيسـة حزب الأحلام يقول...

غير معروف
اشكرك على الحركة الملعوبة دى ياكابتن وجزاك الله الف خير

غير معرف يقول...

ايتها الاخت الفاضلة اية الكلام الفاضى دة ايه ننام ونفضل نايمين ونحلم كمان انتى بتهرجى ولا اية

بيكيا للبيع يقول...

يوم السبت 13 سبتمبر
معادنا اننا نزور الاطفال المرضى
تحب تشارك معنا ؟
لو تحب تشارك زورنا هنا

http://kouskoza7.blogspot.com/

http://bekyaforsale.blogspot.com/